Една млада келнерка стана хит на социјалните мрежи откако во ресторанот во кој работи не го препознала Адам Сендлер, кој заминал откако му кажала дека мора да почека половина час за да седне и да нарача храна со децата.
17-годишната Дајана Родас станала вирална на ТикТок откако објавила снимка од безбедносната камера од ресторанот во Лонг Ајленд. На видеото се гледа актерот во кежуал издание и една од неговите две ќерки пред да се свртат и да си заминат од локалот.
„Ве молам, вратете се“, напишала тинејџерката покрај видеото кое веднаш стана хит. Претставниците на Сендлер потврдиле дека тоа навистина бил тој, но немале понатамошни коментари за случката.
@dayanna.rodas Pleaseee come back #comedy #fyp #foryou #viral #adamsandler
Дајана за „New York Post“ рекла дека не била свесна дека разговарала со Сендлер уште 15 минути, додека не влегол клиент кој кажал дека само што го видел познатиот актер и комичар.
На ТикТок објавила ново видео со објаснување зошто не го препознала:
„Имаше долга брада, а никогаш не сум го видела без брада. И маската не помогна“, рекла Дајана.
@dayanna.rodas Reply to @kimber.lee_ #adamsandler #ihop #fyp
Видеото предизвика бројни реакции, а многумина ѝ упатиле пофалби на девојката.
„Добро си постапила. Ѕвездите треба да се третираат како и сите останати клиенти“, гласи еден од коментарите.
