Пејачката Ивана Банфиќ (51) со своето семејство, сопругот и синот живее недалеку од епицентарот на земјотресот, во Стара Дренчина на 11 километри од Петриње.
Пејачката се огласи по повод земјотресите кои утрово ја потресоа Хрватска:
„Малку сме преплашени, но ќе помине. Спиевме, па нè пробудија потресите. Скокнавме од креветите. Не можам да проценам колку траеше, но многу силно се почувствува. Излеговме во дворот голи и боси. Во дворот имаме два стари ореви, а дрвјата се тресеа – немаше ветер“, изјавила пејачката.
Таа потоа прокоментирала дека најмалку се исплашил нејзиниот син:
„Син ми најмалку се исплаши, од децата треба да учиме како да живееме. Внатрешноста на куќата е во ред, сега треба да погледнеме наоколу. Живи и здрави сме, тоа е најважно“, изјавила пејачката.
