Сондата на NASA, „Parker“, првпат го „допре“ Сонцето, пробивајќи се низ неистражената сончева атмосфера позната како сончева корона.
Научниците оваа вест ја објавија вчера доцна вечерта во текот на состанокот на Американската геофизичка унија.
Сондата поминала низ сончевата корона во април, во текот на осмото приоѓање на Сонцето, а на научниците им требале неколку месеци за да ги добијат податоците назад и уште толку време за да ги потврдат, пренесува „BBC“.
☀️ Our #ParkerSolarProbe has touched the Sun!
For the first time in history, a spacecraft has flown through the Sun's atmosphere, the corona. Here's what it means: https://t.co/JOPdn7GTcv
#AGU21 pic.twitter.com/qOdEdIRyaS
— NASA (@NASA) December 14, 2021
Лансирана во 2018 година, сондата „Parker“ била 13 милиони километри од центарот на Сонцето кога првпат ја преминала границата меѓу соларната атмосфера и соларниот ветер.
Леталото три пати понирало во сончевата корона и се враќало, велат научниците.
„Бевме пет часа под површината на сончевата корона. Можеби мислите дека пет часа не звучи многу“, вели експертот од Универзитетот Мичиген, Џастин Каспер.
Тој исто така додал и дека „Parker“ се движел толку брзо што поминал големо растојание движејќи се со брзина од 100 километри во секунда.
„Parker“ ќе продолжи да му приоѓа уште поблиску на Сонцето до 2025 година.
„Исто како што слетувањето на Месечината им овозможи на научниците да разберат како таа е создадена, допирањето на Сонцето е џиновски копнеж на човештвото да помогне во откривањето на клучни информации околу нашата најблиска ѕвезда и нејзиното влијание врз Соларниот Систем“, изјавил Никола Фокс, директорот на одделот за хелиофизичка наука на NASA.
