Хрватска предупреди: Ако не можеме да набавиме вакцини преку ЕУ, ќе се ориентираме кон други производители

Хрватскиот министер за здравство, Вили Берош, изрази уверување оти околностите околу набавката на вакцини преку Европската Комисија (ЕК) ќе се подобрат и додаде дека во спротивно, Хрватска ќе се ориентира кон некои други производители.

Според Берош, Хрватска сè уште е ориентирана кон заеднички набавки преку ЕК и смета дека околностите ќе се подобрат, а во прилог на тоа зборуваат најавите на производителите на вакцини дека ќе ги зголемат дозите.

Google search engine

– Сепак, ако не биде така, ќе мора да се ориентираме и да се организираме кон некои други производители. Хрватска оствари одреден контакт со руските здравствени власти и добиена е одредена документација – изјави Берош за ХРТ.

Тој, исто така, објасни и дека ќе почне процесот на проценка во ХАЛМЕ и додаде дека во моментот не може да каже дали документацијата е комплетна и колку ќе трае постапката.

На прашањето дали е можен увоз на руската вакцина „Спутник“ во Хрватска без одобрение од ЕМА, тој објасни дека тоа е теоретски можно преку итен увоз.

– Доколку е потребно, јас лично ќе го поддржам таквиот увоз затоа што тоа ќе значи дека механизмите на ЕК и ЕУ не успеале, што верувам дека нема да се случи – изјави Берош.

- АУДИО РЕКЛАМА -

WordPress хостинг со врвни перформанси за веб страни кои значат бизнис. 24/7 телефонска подршка.