Google склучи договори со повеќе од 600 медиуми за објавување содржини

Google во средата објави дека склучил договори за објавување содржини со повеќе од 600 медиуми ширум светот, најавувајќи дека ќе одвои една милијарда долари за информативната програмата.

Издавачи од десетина земји го одобрија објавувањето на содржини, а корисниците може да ги видат во Австралија, Аргентина, Бразил, Германија, Велика Британија и Италија, објави Ројтерс, наведувајќи дека текстот на публикацијата ќе биде објавен на блогот на Google во текот на денот .

Google search engine

Во февруари, Google објави дека потпишале договори со „повеќе од“ 500 медиумски компании.

Единствениот услов на Google е издавачите да обезбедуваат одредена количина содржини дневно, рече шефот на Google задолжен за News Showcase Бред Бендер, додавајќи дека финансирањето треба да им помогне на медиумите да ангажираат новинари за уредување содржина која ќе биде обликувана во „панели“.

Панелите ќе се објавуваат во апликациите Discover и News, рече Бендер.

Корисниците можат да ги „следат“ издавачите за да добијат повеќе панели од нив. Издавачите, вклучувајќи ги „The Financial Times и The Canberra Times“, заедно генерираат 7.000 панели на ден и имаат над 200.000 регистрирани следбеници, наведува Ројтерс.

Американскиот гигант се надева дека издавачите на крајот ќе ги охрабрат следбениците да се претплаќаат за содржинии или да ги зголемат приходите со повеќе прегледи на содржини поддржани со огласи.

Програмата на Google се очекува да трае до 2023 година, а компанијата планира да издвои 1 милијарда долари за објавување содржини во News Showcase. Тие тврдат дека немаат намера да заработат пари од тоа.

Тие одделно склучиле договор со медиумските компании во Франција, со надоместоци за содржината кои се движат од 1,3 милиони долари за весникот „Le Monde“ до 13.741 американски долари за локалниот весник „La Voix de la Haute Marne“.

Тие не сакаат да ги коментираат условите на договорот во Франција и другите земји и посочуваат дека продолжуваат да преговараат со други издавачи, вклучително и со оние во САД.

Технолошкиот гигант се најде на удар на критики од медиумските компании, кои го обвинуваат за кражба на приходите од рекламирање со нив. Facebook и Google заедно контролираат половина од пазарот за дигитално рекламирање, посочува Ројтерс.

„Имаме намера да им олесниме на издавачите да учествуваат во програмата со финансирање на истата, но нејзината крајна цел е да служи за создавање на одржлива иднина за содржините на вестите“, рече водачот на „Google“.

Тој додава дека компанијата ќе инвестира повеќе пари во објавување на вести во следната фаза.

Тој признава дека Google не се консултирал со синдикати или здруженија на новинари при дизајнирање на новата програма. Многу од нив во САД ги критикуваат приватните капитални фондови за купување медиумски компании, намалување на трошоците и влошување на квалитетот на содржината.

Новинарските здруженија треба да разговараат со издавачите за тоа како финансирањето на Google треба да резултира во ангажирање на повеќе новинари отколку во задебелување на паричникот на сопственикот, рече американскиот софтверски гигант.

- АУДИО РЕКЛАМА -

WordPress хостинг со врвни перформанси за веб страни кои значат бизнис. 24/7 телефонска подршка.