Германија почнува со штедењето струја, осветлувањето во Келн ќе се гасне во 23 часот

Властите во западниот германски град Келн одлучија поради кризата во снабдувањето со енергија предизвикана од конфликтот во Украина оваа недела осветлувањето на јавните објекти, вклучително и познатата туристичка атракција, катедралата во Келн, ќе биде исклучено во 23 часот.

Градскиот совет на Келн објави дека катедралата е една од 130-те згради кои цела ноќ биле осветлени со повеќе од 1.000 рефлектори, а сега ќе ги исклучат рефлекторите за да заштедат енергија.

Google search engine

Меѓу другите објекти се и историското градско собрание и столбовите околу стадионот на фудбалскиот клуб Келн, објавија германските медиуми.

Германскиот E.ON, најголемиот европски оператор за енергетска мрежа, претходно денеска соопшти дека ја намалил вредноста на својот удел во гасоводот Северен тек 1 за околу 700 милиони евра (715 милиони долари) поради „зголемената неизвесност“ за влијанието на руско-украински конфликт.

Компанијата во март објави дека нејзиниот удел од 15,5 отсто, кој го поседува индиректно преку пензискиот фонд во Северен тек 1, има сметководствена вредност од 1,2 милијарди евра, што значи дека вредноста на тој удел е намалена за 58 отсто, пренесува Reuters.

ПретходнаШефот на „Рајанер“: Крај на ерата на вака евтини летови!
СледнаШОК ВИДЕО! ДИРЕКТОР НА ЦЕНТАРОТ ЗА СОЦИЈАЛНА РАБОТА ЦЕЛОСНО ГОЛ РАЗГОВА СО ЖЕНА! Сексуално уценувал мајки за уверенија за детски додаток