Канцеларот на Германија, Олаф Шолц изјави за телевизијата ZDF дека одлуката на украинските власти да ја одбијат посетата на германскиот претседател Франк-Валтер Штајнмаер на Киев е „значаен инцидент“.
„Тоа е пречка“, кажа Шолц, зборувајќи за можноста во иднина да ја посети Украина.
Во средината на април, весникот Bild објави дека претседателот на Украина, Володимир Зеленски одбил да го прими својот германски колега Штајнмаер.
Властите во Киев сметаат дека претседателот на Германија во минатото бил премногу љубезен кон Русија.
Политичарите од различни партии во Берлин остро ја критикуваа одлуката на Зеленски, која ја окарактеризираа како „дипломатска грешка“.
