Германија бележи нов рекорд на новозаразени со Ковид-19!

Германското јавно здравство, Институтот Роберт Кох, денеска објави дека државата за прв пат од почетокот на пандемијата ја надминала бројката од 50.000 ново заразени дневни случаи со коронавирус.

Здравствените установи во Германија пријавиле 50.196 нови случаи во последните 24 часа. Управата за јавно здравје регистрирала и 235 нови смртни случаи од вирусот.

Google search engine

Институтот претходно во средата објави 39.676 нови случаи, што исто така беше рекорд, а зголемениот број случаи ги предупреди за можни лоши сценарија повеќето германски здравствени службеници, но и политичките лидери.

Вирологот Кристијан Дростен изјави дека државата може да биде сведок на уште 100.000 смртни случаи од вирусот и повика на итна акција. Канцеларката во заминување, Ангела Меркел се залага за разговори со федералните премиери за да се договорат за брз и единствен одговор на кризата.

Некои делови од државата вршат поголем притисок врз невакцинираните граѓани, а во Берлин од понеделник ќе се бара потврда за вакцинација или потврда за прележан Ковид-19 за луѓето кои влегуваат на јавни места како ресторани, спортски сали и фризерски салони.

- АУДИО РЕКЛАМА -