Сандра Чаприќ украла обетки вредни 60 евра во бутик во Будва, по што побегнала од местото на настанот, а подоцна му се заканила на сопственикот на продавницата со смрт и дека ќе скрши се во продавницата. Инцидентот се случил во јуни и пејачката била пријавена во полиција.
Во записникот, сопственичката на продавницата детално опишала како изгледал немилиот настан кога Чаприќ дошла во нејзиниот бутик.
– Работничката на 19.06.2023 година ме извести дека дошла извесна Сандра Чаприќ од Србија, која се однесувала дрско велејќи дека е подвижна реклама за нашиот бутик и слично, по што си заминала. Подоцна видела дека и недостасуваат обетки со кристали, вредни 60 евра. Веднаш преку телефонот, кој е поврзан со видео надзор, дознав дека таа го украла тој пар обетки. Испратив порака на нејзината страница на Инстаграм т.е. на нејзиниот официјален профил (со оглед на тоа дека има 85.000 следбеници и е верификувана, па тоа докажува дека и официјално е нејзиниот профил) и напишав: „Драга Сандра, врати ги обетките или донеси ги парите“. По два часа таа одговорила: „Во ред“ – изјавила во полиција сопственичката на бутикот, а потоа изјавила дека добила низа навреди и закани од Чаприќ.
– Му кажав на нејзиниот менаџер да и помогне да ги врати парите или да ги донесе обетките или ќе поднесам кривична пријава. Тогаш Сандра ми испрати порака преку Вотс ап: „Прати ја жиро-сметката и не се нервирај“. Следниот ден и ја испратив профактурата и и реков да ги плати парите до 12 часот. Таа ми одговори: „До 12 часот ќе ги добиеш парите, заборави“. На 21.6 ми се јави Сандра Чаприќ со закани „најголемиот проблем што ќе го имаш во животот, ќе те згазам, ќе те избришам од лицето на земјата“ и низа навреди и пцости. Потоа ми испрати порака: „Во неволја си, краво!“ Потоа од профилот на страницата на Инстаграм под името „cindycokic“ праќа пораки на профилот на бутикот „ninas oficial“ со содржина „уште една грешка, нема да добиете 60 евра, ниту **** да ви го дупнете. погледи подалеку, јас сум во Белград, глупи луѓе. Глупи кретени“ – навела во записникот сопственичка на бутик од Будва и на крајот нагласила дека против Сандра Чаприќ не поднела пријава за кражба, туку поради закани упатени до неа и до компанијата бидејќи рекла „Ќе ја затворам вратата, се ќе скршам“.
Видеото од безбедносните камери на кое јасно се гледа како Чаприќ краде обетки во бутик ТУКА.
