Потпретседателката на Аргентина преживеа обид за атентат откако вооружен маж и впери наполнет пиштол во главата од непосредна близина и го повлекол чкрапалото, но оружјето се заглавило.
Кристина Фернандез де Киршнер (69) вчера вечерта пристигнала пред својата куќа во Реколета, Буенос Аирес, пред толпата приврзаници кога излегол потенцијалниот атентатор и вперил пиштол во неа.
На социјалните мрежи се појавија видеа на кои се гледа како голем број луѓе ја пречекале потпретседателката која била придружувана од нејзиното обезбедување.
Излегла од автомобилот, кога наеднаш се појавил напаѓач кој и вперил пиштол.
Се се случило во дел од секундата, а за среќа потпретседателката не е повредена. Како што пренесуваат аргентинските медиуми, пиштолот бил на само неколку сантиметри од главата на потпретседателката.
Настана метеж, но напаѓачот брзо беше совладан. Напаѓачот, идентификуван од властите како 35-годишен маж со бразилско потекло, полицијата брзо го уапсила и му било конфискувано оружјето.
🔴 #AHORA | El momento en que una persona intenta disparar contra la vicepresidenta argentina, Cristina Fernández – TVP. pic.twitter.com/7sPXjqMN8o
— Mundo en Conflicto 🌎 (@MundoEConflicto) September 2, 2022
