Драматичен апел на градоначалникот: Сè е срушено, владее општа паника, итно ни треба помош!

Градоначалникот на хрватскиот град Петриња, Даринко Думбовиќ во првата изјава после силниот земјотрес од 6,3 степени по Рихтер кој го погоди градот пред околу еден час, изјави дека половина град е срушен и побара итно да биде испратена помош.

„Извлекуваме луѓе од автомобили, не знаеме дали има мртви или повредени. Слушнав дека и градинката се срушила, но за среќа внатре немало деца, а од другата децата успеале да се спасат“, изјави Думбовиќ.

Реклама

„Владее општа паника во градот, луѓето си ги бараат најблиските“, додаде градоначалникот на Петриња и ги повика сите кои што можат, да дојдат и да помогнат во градот, посебно пожарникарите и војската.

Во изјавата во живо за „Н1“, градоначалникот на Петриња изјави дека телефонски се слушнал со премиерот Андреј Пленковиќ кој му потврдил дека веднаш ќе го посети градот.

Реклама