Ирачкиот премиер Мустафа ал Кадими изјави дека оние кои стојат зад обидот за атентат врз него се добро познати и ќе бидат разоткриени.
Ќе ги гониме оние кои го извршија вчерашното злосторство, добро ги знаеме и ќе ги разоткриеме, соопштија од кабинетот на премиерот Ал Кадими, пренесе Ројтерс.
The house of Prime Minister Mustafa #AlKadhimi in #Baghdad could be seen damaged, Sunday, after a drone rigged with explosives targeted his residence earlier in the day.#Iraq pic.twitter.com/BmgCeWPUC9
— Ruptly (@Ruptly) November 8, 2021
Ирачкиот премиер не е повреден во нападот со дрон врз неговата резиденција во Багдад, соопшти ирачката армија.
И јас сум добар меѓу мојот народ. Фала му на Бога, напиша премиерот на Твитер веднаш по нападот, повикувајќи на смиреност и воздржаност во интерес на Ирак.
Baghdad residents criticized an apparent assassination attempt against Iraqi Prime Minister Mustafa al-Kadhimi, who escaped unharmed after armed drones targeted his residence https://t.co/5nydN6OP7W pic.twitter.com/UGP9uHwOOe
— Reuters (@Reuters) November 7, 2021
Засега никој не ја презеде одговорноста за нападот.
Премиерот на Обединетото Кралство Борис Џонсон и претседателот на САД Џозеф Бајден остро го осудија нападот врз резиденцијата на ирачкиот премиер.
Нападот бил извршен со три беспилотни летала, од кои два биле соборени од гардата на премиерот, соопштија денеска два безбедносни извори.
Трите беспилотни летала беа лансирани од место во близина на Мостот на Републиката на источниот брег на реката Тигар, а потоа беа насочени кон Зелената зона, на западниот брег каде што се наоѓа резиденцијата на премиерот, изјави еден од изворите.
An overnight drone strike on the home of Iraqi Prime Minister Mustafa al-Kadhimi drew widespread condemnation Sunday as the contours of a potentially fatal attack became clearer. https://t.co/F6ipwflYMM
— The Washington Post (@washingtonpost) November 7, 2021
Два беспилотни летала беа соборени во лет, изјави службеникот, кој не сакаше да се каже неговото име. Третиот дрон успеа да активира експлозив на зградата, кога во нападот се ранети двајца телохранители на премиерот.
Безбедносен извор рече дека одбранбениот систем C-RAM на американската амбасада, кој исто така се наоѓа во Зелената зона, не е активиран и не може да каже зошто.
Во последните месеци има се повеќе напади со беспилотни летала во Ирак, особено на локации каде што се американските интереси.
