Српскиот репрезентативец Душан Влаховиќ доживеа драма во Торино додека гостуваше кај семејството на Анџело ди Марија, соиграч од Јувентус.
Според „Газета дело Спорт“, центарфорот и Аргентинецот живеат во ист комплекс во делот на Торино каде често живеат фудбалерите кога играат за Јувентус, и тој дел од градот, иако нуди мир за разлика од центарот. каде Србинот живеел до неодамна, често е мета на банди и крадци.
Влаховиќ поминувал време со Ди Марија и неговото семејство кога тројца вооружени разбојници се обиделе да упаднат и да го ограбат Аргентинецот.
Според полициската реконструкција, криминалците се обиделе да упаднат во вилата околу 19 часот и 30 минути, а алармот го вклучил некој од приватното обезбедување кој на безбедносните камери видел дека некој се обидува да влезе на имотот.
Еден од разбојниците е уапсен откако се обидел да побегне со автомобил, додека соучесниците успеале да побегнат со празни раце.
Според првите информации, не се работи за локални криминалци туку за организирана банда специјализирана за кражби и разбојништва во вили.
Полицијата во Торино соопшти дека на тој простор веќе е зголемена контролата против обидите за грабеж, бидејќи ова не е прв случај да му се случи на играч на Јувентус.
Крадци упаднале во домот на Пауло Дибала додека бил на натпревар, а неколку години претходно Клаудио Маркизио бил киднапиран со сопругата.
Влаховиќ му беше гостин на Аргентинецот, бидејќи луксузниот комплекс има полуодвоена вила во која претходно живееле Арон Ремзи и Родриго Бентанкур, поранешни фудбалери на Јувентус. Инаку, меѓу фудбалерите кои живееле во тој дел на Торино се и Кристијано Роналдо и неговото семејство.
Според сведочењето на соседите, во текот на вечерта се слушнале истрели, а се чини дека истрелите не ги направиле криминалци, туку полицајци.
Еден од соседите пронашол пиштол, кој најверојатно го фрлиле разбојниците додека бегале.
„Газета“ наведува и дека криминалците успеале да се прекачат преку ѕидот и да влезат во дворот на вилата, но дека побегнале штом слушнале полиција.
