Неверојатна снимка од улична тепачка стана вирална. Пред влезот на еден ресторан „Мекдоналдс“ во Велика Британија изби тепачка во која главна улога има поранешен 92-годишен боксер.
Неколку луѓе го нападнаа дедото, не знаејќи дека е подготвен да возврати.
Конфронтацијата траеше неколку минути, а виталниот старец успеа да нокаутира тројца напаѓачи. Во неколку наврати испрати двајца на подот и не се откажа. Му се допадна борбата, па секој пат се враќаше да ја заврши работата.
На крајот малку му снемало сила, па еден дечко успеал да го собори, но за разлика од ривалите, дедото брзо станал на нозе.
92 year old former professional boxer defends himself in a street fight. pic.twitter.com/CsQS8BDv4k
— Boxing Kingdom (@BoxingKingdom14) September 17, 2022
Една жена упорно се обидувала да ја прекине тепачката, но воинствениот дедо се противел.
Во описот на видеото, кое ги запали социјалните мрежи, се наведува дека старецот има 92 години и бил поранешен професионален боксер, но неговото име не е објавено.
Многу корисници на социјалните мрежи изразија сомнеж дека овој човек е навистина толку стар, бидејќи е неверојатно подвижен и силен за своите години.
