„DART“ ја одбрани планетата Земја, NASA потврди: „Ова е пресврт за човештвото“

Вселенското летало „DART“ кое американската вселенска агенција NASA во септември успешно го „заби“ во астероид, успеало да го помести астероидот од неговата орбита со што ја завршило својата мисија – го променило патувањето на небесното тело за во иднина, доколку има потреба да ја спаси планетата Земја.

„Ова е пресврт за одбрана на планетата Земја и пресврт за човештвото“, изјавил директорот на NASA Бил Нелсон.

Google search engine

Научниците по извршени мерења дошле до заклучок дека орбитата од 160 метри широка карпа позната како Dimorphos е сменета по ударот на вселенското летало „DART“.

Инаку, научниците мерењата ги правеле со помош на низа вселенски и земски телескопи.

Мисијата била замислена да тестира потенцијални стратегии за одбрана на Земjaта од објекти кои ѝ се закануваат и кои претставуваат опасност.

 

Достигнувањето на вселенското летало „DART“ докажува дека таквата идеја би функционирала под услов да е започната доволно рано и астероидот да не е премногу масивен, пренесува „BBC“.

„Оваа мисија покажува дека NASA се обидува да биде подготвена на сè што универзумот ни фрла. Верувам дека NASA докажа дека сме сериозни како бранители на планетата Земја“, изјавил Бил Нелсон.

Експериментот бил одржан на околу 11 милиони километри од Земјата. Се видело дека вселенското летало „DART“ од 750 килограми вози право во Dimorphos, уништувајќи се во тој процес.

 

- АУДИО РЕКЛАМА -