Чудо под океанот кое остава без здив: Отворен првиот подводен кружен тек во светот

Работата на првиот подводен кружен тек е завршена под Атлантскиот океан, во склоп на работата на тунелот долг 11 километри под дното кој поврзува 2 од 18-те Фарски острови.

Кружниот тек наскоро ќе биде пуштен во употреба и не само што ќе служи за сообраќај, туку и необичниот инженерски потфат е разубавен со инсталација од локалниот уметник Трондур Патурсон.

Реклама

Во својот најдлабок дел, тунелот „Ејстуројар“ лежи на 189 метри под дното на океанот.

Во 2014 година, Парламентот на Фарските Острови ги одобри плановите за изградба на тунел кој ќе ја поврзува престолнината Торшавн со две места на островот Ејстуројар – Рунавик и Стендур.

Тунелот ќе го скрати растојанието помеѓу Торшавн кој се наоѓа на најголемиот и најнаселен остров Стрејмор, од две села на островот Ејстуројар од 55 на 17 километри.

Времето на патување ќе се скрати од еден час на 16 минути.

Во изградба е и втор тунел кој ќе ги поврзе островите Стрејмој и Сандој. Тунелскиот систем е најголемиот инфраструктурен проект во историјата на Фарските Острови и истиот се планира да биде готов до 2024 година.

Вредноста на работите на двата тунела се проценува на 265 милиони долари.

Работите на тунелот кон Ејстуројар беа планирани да завршат до почетокот на 2021 година, но тие беа завршени пред крајниот рок. Тој ќе биде отворен на 19 декември, кога ќе поминат сите безбедносни проверки.

Што се однесува до вториот тунел, околу 60 проценти од работата за дупчење е веќе завршена.

Реклама