Недостатокот на гориво во Обединетото Кралство предизвика невидена гужва на бензинските пумпи од каде доаѓаат сцени со долги редици нервозни возачи.
Чекањето од неколку часа за да се наполни резервоарот беше причина за голем број пријавени инциденти.
Посебно беше тензично во Велинг, југоисточен Лондон, каде што во редот за полонење гориво еден возач му се закани на друг возач со нож во раката.
🔴Footage of a man in Welling, south east London, appeared to show him shouting at another driver and brandishing a weapon as tensions boiled overhttps://t.co/0uVXlcGBe3 pic.twitter.com/As0YxTrwVJ
— The Telegraph (@Telegraph) September 28, 2021
Видеото објавено од Дејли Телеграф покажува како маж со избричена глава вика по лице кое било заклучено во автомобилот (се чини дека е Цитроен) додека држи нож во десната рака. Вториот кадар прикажува лице во Цитроенот кое се обидува да избега од агресивен манијак кој се фрла врз хаубата на автомобилот, а потоа се симнува од него и го удира левиот ретровизор на автомобилот.
Лондонската полиција соопшти дека добила пријава за инцидентот во понеделникот попладне, но дека „не пронашле ниту еден од возачите вклучени во судирот“.
🔴 NEW: A driver in south east London pulled a knife on another motorist as large queues continued to form at petrol stations
🔓 This article is currently free to read https://t.co/l2Rh2kr79O
— The Telegraph (@Telegraph) September 28, 2021
Иако е ова крајно непријатна сцена, за очекување е дека ова нема да биде последен ваков случај. Имено, паничното купување гориво не стивнува, а се повеќе бензински пумпи низ Британија снемуваат гориво.
Дејли Телеграф исто известува дека во текот на викендот биле пријавени повеќе од 250 случаи во кои очајни возачи сипале погрешно гориво во резервоарот, поради што морале да повикаат помош на пат. Инаку, просечниот број на вакви случаи за време на еден викенд е околу 20.
Desperate motorists spent hours queuing outside petrol forecourts and motorway service stations this weekend, trying to fill up their tanks amid a nationwide supply panic.
🔎Others stayed at home, searching online for electric cars https://t.co/y9QOLxepvz
— The Telegraph (@Telegraph) September 28, 2021
Возачите мора да бидат внимателни бидејќи имаме забележано драматичен скок во случаи на полнење погрешно гориво. Бидејќи секој таков резервоар мора целосно да се испразни, има дополнително трошење гориво, објасни Едмунд Кинг, раководител на Помош на патиштата.
Колоните за гориво во вторникот се зголемија толку многу што реагираше и британската влада, повикувајќи ја армијата на помош. Повеќе од 150 војници ќе доставуваат гориво, а владата, која напорно се обидува да не шири паника меѓу граѓаните, тоа го нарече „разумен потег на претпазливост“.
