Бил Гејтс: „Една работа ме загрижува“- милијардерот открива што не чека во 2022 година

Американскиот милијардер Бил Гејтс на својот блог откри што не чека 2022 година.

Како што изјави, генерално е оптимист за годината што е пред нас, но изразува и загриженост по некои прашања.

Google search engine

Во неодамнешниот пост на неговиот блог со наслов „Причини за оптимизам после тешка година“, Гејтс дава неколку оптимистички предвидувања – од можен крај на пандемијата до развојот на метаверзумот.

Сепак, тој посочува дека еден проблем особено може да го загрози процесот, а тоа е што луѓето немаат доверба во власта.

„Тоа е едно од прашањата што најмногу ме загрижува како што се приближуваме до 2022 година“, напиша тој, пренесуваат американските медиуми.

Тој посочи дека политичарите мора да бидат важен фактор во решавањето на проблемите, како што се климатските промени и спречувањето на следната пандемија.

„Меѓутоа, малку може да се направи ако луѓето отфрлат се што ќе кажат на почетокот“, напиша американскиот милијардер.

„Ако луѓето не ви веруваат, нема да поддржат големи иницијативи. А кога ќе се случи голема криза, тешко дека ќе ги следат упатствата на властите за да ја преминат бурата“, додаде тој.

Според него, овој скептицизам бил особено очигледен откако се случи пандемијата на коронавирус. Според Гејтс, дезинформациите за коронавирусот се прошириле во САД и во светот, што ја загрозило програмата за вакцинација и со тоа беше одложен крајот на пандемијата.

Гејтс, исто така, истакнува во блогот дека политички мотивираните наслови во медиумите, како и на социјалните мрежи, го зголемиле јазот и тој верува дека владите можеби ќе треба да ги „регулираат“ онлајн платформите за ефикасно да се справат со дезинформациите.

ПретходнаВодителка по грешка на Божиќ ја објави смртта на папата Франциск (Видео)
СледнаПатент на „Samsung“ за троен екран