Во 2013 година, Калид Бин Мохсен Шари од Саудиска Арабија не само што беше најдебелиот тинејџер на светот, туку и вториот најдебел човек на сите времиња, веднаш по Американецот Џон Брауер Минох, кој важи за најдебелиот човек во историјата, и тежеше неверојатни 634 килограми.
Шари тежеше нешто помалку, точно 609 килограми, но во исто време беше само тинејџер – имаше 19 години.
Во 2013 година, Калид беше практично заробен во својата куќа две и пол години – не можеше да ја напушти поради огромната тежина. Кога кралот Абдула од Саудиска Арабија слушнал за овој случај, наредил младиот човек да биде донесен во Ријад на болничко лекување.
За Халид воопшто да биде изнесен од куќата, требаше да се урне дел од неа, а тој беше извлечен со помош на специјално направен кран. Снимката на која пред 10 години е изнесен од дома со еден вид виљушкар стана вирална, а приказната потоа го привлече интересот на целиот свет.
По наредба на кралот, а во име на „хуманитарен чин“, како што тој го нарече, на тинејџерот му помогнале 30-тина лекари кои се обидувале да го научат на здрава исхрана и да го навикнат на вежбање. Во меѓувреме, Калид направи операција на стомакот, се движеше во инвалидска количка и редовно одеше на физикална терапија за повторно да научи да се движи нормално, со оглед на тоа дека со години бил инвалид за такво нешто.
По гореспоменатите зафати, младиот човек за шест месеци изгубил повеќе од половина од телесната тежина или околу 320 килограми. Во следните години го изгубил остатокот од вишокот килограми, па денес има само околу 68 килограми.
Од 2018 година, Калид живее нормален живот, тежи 68 килограми. Медиумите пренесуваат дека Калид ја имал последната операција во 2018 година, а тоа била отстранување на вишокот кожа. Денес има 32 години, а на интернет нема многу негови фотографии, но на оние што постојат може да се види дека е сосема поинаков, минијатурен и слаб маж!
