Бектеши: Од 1 март нема да има замрзнати цени, најверојатно ќе се ограничи маржата на трговците

Министерот за економија Крешник Бектеши денеска на прес-конференција најави дека се очекува да се спречи зголемувањето на цените на основните прехранбени производи со утврдување на увозни маржи за производите на големо и мало.

Бектеши најави дека досегашната мерка за замрзнување на цените ќе важи до крајот на февруари.

Google search engine

„Оваа и следната недела ќе имаме директни средби со сите инволвирани страни, особено со производителите и трговците со прехранбени производи, оние производи кои се истакнати во одлуката за замрзнување, да се најде начин да не се зголемат цените, најверојатно ќе се оди со дефинирањето на одредени маржи во трговијата на големо и мало“, рече меѓу другото Бектеши.

 

Инаку, одлуката на Владата на Северна Македонија за замрзнување на цените на основните производи доаѓа по поскапувањето со месеци и по прогласувањето на кризната состојба во енергетскиот сектор, на 9 ноември.