Маж во австралискиот град Перт побегнал од задолжителниот карантин во хотелот, спуштајќи се преку прозорец на четвртиот кат со помош на јаже направено од врзани чаршафи, соопштила локалната полиција.
По доаѓањето на западниот брег со лет од Бризбејн, на човекот му е била одбиена пријавата за влез во склад со пограничните правила на таа австралиска држава, кои се воведени со цел спречување на ширењето на коронавирусот, пренесува “Reuters”.
На мажот му било кажано да ја напушти таа австралиска држава во рок од 48 часа и бил одведен во хотел на привремен карантин, но тој вчера попладне се симнал од прозорецот од собата на четвртиот кат со помош на јаже направено до постелнина и го напуштил подрачјето, соопштила полицијата на Западна Австралија со фотографија од јажето кое виси од прозорецот на последниот кат на зградата.
Полицијата осум часа подоцна го уапсила мажот во поширокото подрачје на градот и поднела пријава поради тоа што не се придржувал до упатствата и дал лажни информации. Идентитетот на човекот не бил објавен, како ни причината зошто побегнал, но кажано е дека има 39 години и дека е негативен на вирусот.
Австралија забележала многу помалку случаи на заразата и смртни случаи поврзани со коронавирус од многу други развиени земји, благодарение на затворањето на внатрешните и надворешните граници, и воведувањето на задолжителен хотелски карантин за сите кои доаѓаат од странство.
Полицијата, меѓутоа, е соочена со бран на бегства од карантин.
