Полицијата од Лос Анџелес извлекла пилот од урнат авион “цесна” неколку секунди пред леталото да го удри воз.
Драматичната снимка прикажува неколку полицајци како ослободуваат човек од паднат авион, кој се урнал кратко по полетувањето во населбата Пакоима, пренесуваат локалните медиуми.
Полицајците и пилотот биле оддалечени само неколку метри од пругата кога минал возот кој го уништил авионот, пренесува “Reuters”.
“Авионот имало неуспешно полетување и слетал на железничките шини на популарна раскрсница”, рекол Луис Хименес, 21-годишен композитор кој го снимал видеото.
Pacoima, Ca. Whiteman airport:
Plane crash Osborn/SF road
Plane lost power, crashed onto tracks, #LAPD pulled pilot out just before approaching train collided with unoccupied plane— LAPD Operations-Valley Bureau (@LAPDOVB) January 9, 2022
“Само неколку секунди пред ударот, полицајците го спасија пилотот, а едно парче од авионот за малку ќе ме удреше”, навел тој.
Пилотот има модринки и исекотини и е во стабилна состојба, пренесуваат локалните медиуми.
Во возот никој не бил повреден.
Полицијата на Лос Анџелес на Твитер објавила видео снимка, на која се гледаат полицајци како од авионот го извлекуваат пилотот кој крвари.
