Словенечката полиција уапси огромна криминална група, осомничени дека биле членови на кавачкиот клан, меѓународна криминална група со седиште во Црна Гора, која има филијала во Словенија, и работи во Србија и други европски земји, јавува денес словенечкиот дневен лист Вечер.
Според весникот, уапсените биле обвинети за трговија со дрога и оружје.
Po tistem, ko so v Srbiji nedavno aretirali domnevnega šefa in več članov brutalne mednarodne hudodelske združbe, imenovane Kavački klan, je naša policija aretirala še več deset članov slovenskega dela te mreže.https://t.co/Enbpj6OV1Q
— Blaž Petkovič (@Soba404) May 25, 2021
Словенечката полиција и канцеларијата на Врховното државно обвинителство објавија дека неодамна е откриен словенечкиот огранок на кавачкиот клан, кој е активен од 2018 година, пренесува СТА.
Пред околу една недела, словенечката полиција, во соработка со странски безбедносни служби, уапси неколку осомничени лица во областа Љубљана, Марибор, Крањ и Копер и изврши претреси во 23 куќи.
Приведени се шестмина осомничени, а се верува дека станува збор за лица на високи позиции во оваа организација.
Според неофицијални информации на Вечер, криминалната група наводно шверцувала неколку килограми разни наркотици од Холандија и Шпанија на неделно ниво.
Групата потоа ја продаваше дрога во Словенија, но и извезуваше дрога во Австрија и Германија.
Исто така, постоеше и посебна единица за трговија со дрога со Италија, додека најголемиот дел од трговијата со оружје беше наводно помеѓу Словенија, Србија, Словачка и Холандија.
