Џон Руфо се смета еден од најбараните бегалци во САД. Тој бил прогласен за виновен за проневера на 350 милиони долари и осуден на 17,5 години затвор, но никогаш не се појавил за отслужување на казната. Околу 13 милиони долари од проневерените пари никогаш не биле пронајдени.
Американските маршали, агенцијата за спроведување на законот која делува во склоп на Министерството за правда на САД, побарале од јавноста да им помогне за идентификување на мажот кој наликува на лицето кое веќе 23 години е во бегство.
Во септември 2016 година истражителите добиле дојава дека Руфо, кој сега има 66 години бил забележан на бејзбол натпревар помеѓу Бостон Ред Сокс и Лос Анџелес Доџерс и дека наводно седел во четвртиот ред зад базата, облечен во сина маица.
The U.S. Marshals Service is asking for the public’s assistance to identify a 2016 Dodgers game attendee who investigators say strongly resembles a 15 Most Wanted fugitive who has been on the run since November 1998: https://t.co/NVyynDdiFc pic.twitter.com/pZD8XiQOxQ
— U.S. Marshals (@USMarshalsHQ) October 6, 2021
Снимката од натпреварот потврди дека мажот наликува на описот на Руфо, а маршалите рекле дека Руфо за последен пат бил виден во 1998 година пред банкомат во Њујорк.
Истражителите успеале да дознаат кој ја купил картата за тоа место, но не и идентитетот на човекот во сината маица. Руфо сега е тема на еден подкаст “Дали го имате видено овој човек?” продуциран од американската телевизиска куќа Еј Би Си Њуз.
Our @Sunny Hostin hosts the second season of @ABC News’ podcast ‘Have You Seen This Man?’
Follow the global manhunt for John Ruffo, who vanished in 1998, and listen to the latest episode: 🔉 https://t.co/d3ksnuCpYG pic.twitter.com/vQzq8asOvq
— The View (@TheView) September 9, 2021
Откако бил прогласен за виновен за една од најголемите проневери во историјата на САД, на Руфо му била одредена кауција од 10 милиони долари и издадена наредба да се појави во затвор на 9 ноември 1998 година во сојузната држава Њу Џерси за да почне со отслужување на казната. Тој никогаш не се појавил во затворот, а другиот ден била издадена потерница.
Fugitive John Ruffo had been on the run for years.
Then, a man U.S. Marshals say bore a striking resemblance to Ruffo showed up—behind home plate at a Dodgers game.
Follow along as authorities work to identify the man in these photos: https://t.co/5CAQSdXtor pic.twitter.com/PO0JiXnYxz
— ABC News (@ABC) October 6, 2021
Маршалите откриле дека Руфо на 9 ноември со изнајмен автомобил бил пренесен до аеродромот ЏФК и се верува дека попатно застанал на банкомат и подигнал пари. Ако мажот во сината маица навистина е Руфо, истражителите велат дека тој сигурно користи псевдоним.
“Знаеме дека е вешт со копмјутер и дека сака добри вина, коцкање и убави хотели”, се наведува во соопштението на Маршалот.
@USMarshalsHQ #JohnRuffo pic.twitter.com/u8tDU8qurw
— DB Cooper (@dbcooper2021) October 6, 2021
“Наводо не е толерантен на лактоза. Руфо бил познат како вешт наратор, некој кој сакал да ја растегне вистината и сакал другите да му се воодушевуваат. Се смета за многу добар манипулатор”, се додава.
Како бизнисмен во Њујорк, Руфо во текот на кариерата стекнал бројни меѓународни познанства. Патувал на Аруба, а бил и многу заинтересиран за Италија. Со оглед на силните меѓународни врски и можност да живее прекуокеански, потерницата била издадена на седум јазици.
Маршалите исто така нудат награда од 25.000 долари за информација која би ги донела до апсење на Руфо.
