(0 гласови)

Американскиот претседател Доналд Трамп изјави дека САД нема повторно да стави бројни дејности под клуч затоа што неколку сојузни држави известиле за пораст на бројот на новозаразени со коронавирус.

„Нема повторно да ја затвораме земјата, нема да мораме да го правиме тоа“, изјави претседателот на САД во интервјуто за "Fox News Channel".

Коментарите на Трамп доаѓаат откако економскиот советник во Белата куќа, Лери Кудлоу и министерот за финансии Стивен Мнучин исто така изјавија дека Соединетите Американски Држави не можат повторно „да ја исклучат“ економијата.

Инаку, анализите откриваат дека до пораст на бројот на новозаразени со коронавирусот дошло во најмалку 14 американски сојузни држави.

Рестораните, теретаните, училиштата и слично во март беа затворени додека земјата се справуваше со ширењето на коронавирусот со кој досега се заразија 2,16 милиони Американци, а како последица на вирусот починаа речиси 118 илјади.

Милиони Американци исто така ја загубија својата работа поради пандемијата на коронавирусот.

(0 гласови)

Согласно политичкиот договор постигнат пред одложувањето на изборните дејства во март, за првичниот датум на изборите 12 април, и последниот договор како и уредбите на Владата, изборните дејства продолжуваат онаму каде што запреа, со дополнителни протоколи за заштита на здравјето на граѓаните поради коронавирусот.

Тоа значи дека кандидатските листи се веќе потврдени, заклучен е регистарот на медиуми, завршено е пријавувањето на дијаспората за кое овој пат немаше доволен број пријавени и таму нема да се гласа, извршена е жрепка за редоследот на избирачкото ливче, а завршени се и други дејства. Од незавршените најважно е ажурирањето на Избирачкиот список односно МВР треба да достави податоци до ДИК, треба да се доедуцираат, односно во случајов да се спроведе комплетно нова едукација на здравствените избирачки одбори, како и на членовите на Избирачките одбори и општинските изборни комисии, согласно здравствените протоколи, треба да се испечатат изборните ливчиња, ДИК да изготви упатства за многу од активностите на терен и гласањето, продолжува и пријавувањето на набљудувачите на изборите…

Во Државната изборна комисија (ДИК) утре носителите на кандидатските листи за предвремените парламентарни избори на 15 јули ќе потпишат Кодекс за фер и демократски избори. Потпишувањето на Кодексот за фер и демократски избори е обврска која произлегува од член 8-в од Изборниот законик.

ДИК пред донесувањето на мартовската Уредба на Владата за запирање на изборните дејствија и одлуката на политичките лидери за одложување на предвремените парламентарни избори закажани за 12 април, ги потврди листите на 15 коалиции и партии со 1.598 кандидати, а го утврди и изгледот на гласачкото ливче.

Со свои кандидатски листи во сите шест изборни единици ќе учествуваат  ДУИ, коалицијата „Можеме“ предводена од СДСМ и Беса, коалицијата предводена од ВМРО-ДПМНЕ „Обнова на Македонија“, политичката партија Интегра, „Никогаш северна, секогаш Македонија“, Демократи, Алијанса за Албанците и Алтернатива, Левица и Работничката партија и ДПА.

СДУ, ГДУ и Глас за Македонија нема да учествуваат во „шестката“, односно поднесоа листи само за изборните единици 1, 2, 3, 4 и 5. „Твоја партија“ доставила кандидатски листи за изборите единици 1, 2 и 5.

Носители на листите на Коалицијата предводена од ВМРО-ДПМНЕ во изборната единица еден е професорката Гордана Силјановска, во двојката Владо Мисајловски, во тројката Игор Јанушев, во четвртата Александар Николовски, во петата ИЕ оперскиот пејач Игор Дурловски и во шестата Дафина Стојановска.

СДСМ за овие избори направи коалиција со БЕСА, која на кандидатските листи има 14 членови на партијата.

Носител на листата на СДСМ и коалицијата во првата ИЕ е актуелниот министер за надворешни работи, Никола Димитров, техничкиот премиер Оливер Спасовски е во втората, партискиот генерален секретар Љупчо Николовски во третата, во Изборната единица четири носител ќе биде лидерот на СДСМ Зоран Заев, петката ќе ја предводи вицепремиерката и министерка за одбрана Радмила Шеќеринска, а носител во шестата ИЕ ќе биде лидерот на БЕСА Билал Касами. Карактеристично за овие листи е тоа што е запазено правилото половината од кандидатите да бидат жени.

Претседателот на ДУИ Али Ахмети ќе биде носител на кандиидатската листа на партијата во шестата ИЕ, Талат Џафери во петката, во тројката носител ќе биде поранешниот министер за економија Беким Незири, во втората ИЕ министерот за образование Арбр Адеми, и во првата ИЕ носител ќе биде партискиот потпретседател, Изет Меџити.

ДПА има кандидатски листи во пет ИЕ. Носител на листата со кандидати за пратеници во шестката е лидерот на партијата Мендух Тачи. Во првата ИЕ носител на листата со кандидати за пратеници е Ниметула Демири, а во втората Орхан Ибрахими. Прв од кандидатите во третата ИЕ е Сами Рушити, додека во четвртата изборна единица ДПА нема да има кандидати. Во петтата ИЕ носител на кандидатската листа е Васви Доко.

Лидерот на Алијансата за Албанците Зијадин Села е носител на кандидатската листа на коалицијата со Алтернатива во шестата ИЕ, додека Африм Гаши од Алтернатива во втората ИЕ.

По потпишувањето на Кодексот за фер и демократски избори, ДИК ќе изврши ждребка за определување на билбордите за политичко рекламирање.

(0 гласови)

 Здравствените власти во земјава вчера повторно регистрираа високи бројки на заболени од КОВИД 19.

Вкупно беа евидентирани 193 нови случаи и девет починати. Капацитетите во болниците се полнат, а медицинскиот персонал е преморен. Активирана е и монтажната болница каде веќе се сместени тројца пациенти, а во лекувањето на болните се вклучуваат и трите најголеми приватни клиники – „Систина", „Ремедика" и „Жан Митрев".

Очекувањата се дека во следните седум дена бројот на хоспитализирани пациенти ќе биде поголем во однос на бројот на испишани по што се очекува намалување на бројот на примени пациенти.

Министерот за здравство Венко Филипче вчера порача дека државата се наоѓа во најголемата здравствена криза досега и дека целиот менаџмент на клиниките и одделенијата е максимално мобилизиран, но оти верува дека успешно ќе се одговори на предизвикот.

– Никогаш не сме се соочиле со ваква здравствена криза. Не е воопшто лесно, но имаме и знаење и капацитет и начин на организација и план што веќе се спроведува за оваа криза да ја надминеме. Досега одлично се менаџираше кризата, го подготвивме системот за ова сценарио и сега го спроведуваме. Барам силна поддршка од граѓаните, од сите чинители во општеството за здравствените работници. Барам разбирање и трпение кај граѓаните, на кои заради оваа криза им се откажани претходно закажаните прегледи и интервенции и верувам дека ќе се вратиме во нормала брзо и тие повторно ќе имаат пристап кон здравствените услуги, но во овој момент сите сили ги насочуваме за да излеземе од оваа криза, рече Филипче на прес-конференцијата во Владата.

Најави поддршка за здравствените работници кои, како што рече, се изморени и на крај на силите. Повторно апелираше до граѓаните да ги почитуваат препораките и на тој начин да им помогнат на здравствените работници кои деноноќно работат за да спасат сечиј живот.

– Ова не е големо барање, ќе помогне да има помалку дијагностицирани и некој пациент повеќе да си оди дома од болничките установи. Ве молам да се почитуваат овие мерки, за да може здравствените работници да здивнат, да се ослободат од притисокот, заради тоа што тоа е единствениот начин да ставиме крај на оваа криза, нагласи Филипче.

Порача дека здравствениот систем е подготвен иако вториот бран на вирусот дошол порано од очекуваното. Смета дека преземените мерки се носени навреме согласно сите препораки и критериуми на Светската здравствена организација.

– Нема мерка што не е преземена, меѓутоа овој бран што потекнуваше од настани што точно ги идентификувавме од страна на епидемиолошките прашалници, беше нешто на што добро изреагиравме во овој момент, рече Филипче.

Трите најголеми приватни клиники се вклучуваат во лекувањето на болните

Во лекувањето на болните од КОВИД 19 се вклучуваат и приватните болници „Жан Митрев", „Систина" и „Ремедика". Во трите болници има протоколи за изолација во кои може да се третираат пациенти за таа услуга за која биле иницијално примени, со цел да се ослободи капацитетот односно притисокот од болницата „8 Септември", каде што обично се префрлаа овие пациенти.

Со приватните болници е разговарано и за кадарот што по потреба треба да биде на располагање на јавно здравствените установи, пред се специјалистите по анестезиологија или по интерна медицина.

– Засега нема потреба, сосема доволен е овој број што се пријавени на список и според принцип на приоритет ќе бидат распоредени во јавно здравствените установи. Доколку се наметне потреба да се преполнат нашите капацитети во јавно здравствените установи, да се користат и болничките кревети во приватните за третман на пациенти на кои е потребна здравствена услуга заради Ковид 19 вирусот, рече Филипче.

Скопје ново жариште

Главниот град станува новото жариште на вирусот. Според последните објавени податоци од Министерството за здравство, од вкупно регистрираните 193 случаи, само во Скопје се евидентирани 140.

Најголем број активни случаи и натаму има во Чаир – 306, по што следува Аеродром со 119 активни случаи, Гази Баба и Центар со по 114 случаи, Бутел со 106 случаи, Карпош со 100 случаи и Сарај со 95 случаи. Активни случаи има и во Кисела Вода – 71, Ѓорче Петров – 57, Студеничани – 62, Шуто Оризари – 46, Арачиново – 33, Илинден – 28, Петровец – 12, Сопиште – 11, Чучер Сандево – 7, Зелениково-1….

– Интензивно се работи на идентификација на контактите, со вообичаените пречки со кои епидемиолозите се соочуваат, практично секојдневно. Интензивно се работи во однос на идентификување на контактите кои треба да се тестираат и другите кои треба да се стават во изолација, истакна Филипче на прес-конференцијата.

(0 гласови)

„Борисов има разумна претпоставка за тоа кој можеби го снимил. Фотографиите се верува дека ги направил поранешен член на извршниот комитет“. Ова го изјавил бугарскиот политичар и пратеник Тома Биков за една локална бугарска телевизија.

„Очигледно фотографиите се направени од човек кој имал близок пристап до Борисов. Не е исправно да се обвинувате еден со друг. Цветанов имаше пристап до местата каде што се наоѓа Борисов“, рече тој за нападите врз премиерот со снимки и контроверзни фотографии. Според него, материјалите се склопувале долго време и биле собрани за време на европските избори. Тој негираше дека банкнотите навистина се нашле во шкафчето на Борисов.

„Ова е смешно. Пораката е поважна. Нека проверува обвинителството, но за мене тоа е монтажа. Просторијата беше фотографирана, а фактот што премиерот беше фотографиран како спие, ги помина сите граници. Зошто е објавено во овој момент е друго прашање. Битката со Васил Божков е јасна. Веднаш по брифингот на премиерот, тој напиша: „Да ја вратиме Бугарија. Големиот судир е со овој човек, кој е обвинет за 18 кривични дела. Кој реши да му помогне и на кој начин, тоа е прашање кое треба да се разгледа. Има луѓе кои сакаат нестабилност за да можат да ја вратат Бугарија“, коментира Биков.

„Фактот што Борисов беше фотографиран додека спиеше е голем проблем за мене. Бидејќи ова покажува дека не е заштитен, во време кога треба да биде“, додал тој.

Биков е на мислење дека предизборната кампања започнала рано. Според него, некои луѓе губат пари за анти-кампања. Тој е категоричен дека партијата ќе се спротивстави на тие кои сакаат да компромитираат.

(0 гласови)

Министерството за здравство информира дека во последните 24 часа се направени 1391 тестирање, а регистрирани се 193 нови случаи на ковид-19 во: Скопје-140, Куманово-2, Дебар-1, Штип-6, Тетово-19, Струга-5, Велес-2, Охрид-11, Гостивар-4, Свети Николе-1, Ресен-2.

Денеска Институтот за јавно здравје регистрира 46 оздравени пациенти од: Скопје- 35, Куманово-1, Штип-6, Тетово-1, Струга-1, Гостивар-1, Валандово-1.

Починати се 9 лица, пет од Скопје, двајца пациенти од Куманово, еден пациенти од Тетово и еден пациент од Охрид.

На Клиниката за инфективни болести и фебрилни состојби починаа три лица од Скопје на возраст од 78 и 47 години хоспитализирани на 4 односно 7 јуни и пациентка на 85 години, хоспитализирана на 9 јуни.

Во ГОБ „8 септември“ починаа четири лица, двајца пациенти од Скопје на возраст од 69 и 67 години, хоспитализирани на 9 односно 15 јуни, пациентка од Куманово на 67 години, примена на 2 јуни и пациент од Тетово на 61 година, примен на 2 јуни.

Во ОБ Куманово почина пациент на 81 година, хоспитализиран на 3 јуни, во ОБ Охрид пациент на 83 години, примен во болницата на 8 јуни.

Вкупната бројка на ковид дијагностицирани во нашата земја од почетокот на епидемијата изнесува 4482 бројката на оздравени пациенти е 1803, на починати е 210, а во моментов бројот на активни случаи во земјата изнесува 2469. Во моментов дистрибуцијата по градови е следна:
• Скопје 2137, активни 1425
• Куманово 653, активни 206
• Дебар 62, активни 11
• Штип 250, активни 202
• Прилеп 229, активни 17
• Тетово 459, активни 278
• Струга 142, активни 63
• Велес 156, активни 31
• Битола 35, активни 8
• Охрид 84, активни 65
• Кавадарци 8, активни 3
• Гостивар 73, активни 47
• Гевгелија 8, активни 4 (2 лица од ПЕ Гевгелија се жители на Богданци) • Струмица 9, активни 6 • Крива Паланка 10, активни 4 • Радовиш 4, активни 0 • Крушево 5, активни 2 • Кочани 55, активни 24 • Пробиштип 11, активни 9 • Демир Хисар 1, активни 0 • Македонски Брод 3, активни 1 • Пехчево 5, активни 2 • Берово 2, активни 1 • Валандово 5, активни 3 • Виница 3, активни 0 • Делчево 1, активни 0 • Кратово 4, активни 2 • Свети Николе 11, активни 10 • Кичево 5, активни 3 • Ресен 34, активни 33 • Неготино 18, активни 9 ( 10 лица од ПЕ Неготино се жители на Демир Капија)

Направените 1391 тест се преку: ИЈЗ –580, ЦЈЗ Скопје-24, Авицена –107, Биотек –142, Систина со PCR метода –91, МАНУ -149, Жан Митрев (Филип Втори) -262 и Судска медицина-36. Досега во земјата се направени вкупно 46.445 тестирање на ковид -19. Денеска нема тестирања во рамките на скринингот.

На Инфективната клиника во изминативе 24 часа примени се 15, 7 се префрлени од ГОБ „8 септември“. Вкупно се хоспитализирани 95 пациенти. На кислородна поддршка се 43 пациенти, нема пациенти на механичка вентилација.

До утрово, во ГОБ „8 Септември“ примени се 20 нови, а вкупно хоспитализирани 109 пациенти. На респираторна машина се 7, a со потешка клиничка слика се уште 30 пациенти.

Во болницата во Битола се хоспитализирани 29 пациенти, а во болницата во Штип се хоспитализирани 21 пациент. На инфективните одделенија во Тетово, Охрид, Велес, Куманово и Прилеп се хоспитализирани 74 пациенти – позитивни и сомнителни на ковид-19.

Активни случаи по општини Скопје заклучно со вчера (по завршување на епидемиолошките анкети, може да има измена во дистрибуцијата по општини во Скопје)
• Чаир – 306
• Аеродром – 119
• Бутел – 106
• Гази Баба – 114
• Центар – 114
• Карпош – 100
• Сарај – 95
• Кисела Вода – 71
• Ѓорче Петров – 57
• Студеничани – 62
• Шуто Оризари – 46
• Арачиново – 33
• Илинден – 28
• Петровец – 12
• Чучер Сандево – 7
• Сопиште – 11
• Зелениково-1
• Странец – 2
• Нераспределен-1

(0 гласови)

Тетовската полиција и Државниот пазарен инспекторат ноќеска десетина минути по полноќ при контрола на улицата „29 Ноември“ увиделе дека работи угостителски објект иако согласно прописите во време на епидемијата овозможено е работење на локалите само до 22 часот.

Во содејство и координација со инспекторатот биле извршени контроли во 11 угостителски објекти.

– Полициски службеници го лишиле од слобода 59-годишниот тетовец А.И., чиј угостителски објект без фирма на улица „29 Ноември“ во Тетово бил отворен и работел и во кој престојувале гости. По целосното расчистување и документирање на случајот против А.И. ќе следува поднесок за „непостапување според здравствени прописи за време на епидемија, истакна портпаролот на СВР Тетово, Марјан Јосифоски.

Воедно, тетовската полиција продолжува со казни за луѓето кои не се придржуваат до мерките за превенција од коронавирусот.

– Во текот на изминатото деноноќие, според статистиката на Секторот за внатрешни работи Тетово за периодот (16/17.06), за неносење заштитни маски на 57 луѓе изготвени им се прекршочни платни налози, согласно член 6 од соодветната владина Уредба, рече Јосифоски.

Нови решенија за изолација од Државен санитарен и здравствен инспекторат изготвени им се на 73 лицa додека биле контролирани 615 лица со вакви решенија. Во изминатото деноноќие, исто така, изјави за самоизолација потпишале вкупно 10 лица, а контролирани биле 130 лица со потпишани изјави за самоизолација.

(0 гласови)

Зоран Заев слави годишнина на договор, а не кажува дека две години нема направено ништо за Македонија.

Македонија тоне. Економски воопшто не е добро, напротив е полошо со оваа рекетарска власт. Европската иднина токму поради оваа рекетарска власт е се уште далеку, Преспанскиот договор е реалност која што Зоран Заев ни ја наметна, но ние ВМРО-ДПМНЕ нема да дозволи жарот за Македонија некогаш да згасне.

Две години нема ниту еден нов километар автопат или магистрален пат. Две години нема нови болници, училишта или градинки.

Две години Заев и СДСМ немаат направено ништо за младите, за студентите, за средношколците. Ветија дека ќе вратат 600.000 млади, ажно дополнително се иселија заради нивните лоши политики.

Две години државата стагнира. Имаме само криминал, корупција и сиромаштија.

Две години имаме неспособност од невидени размери. Две години тапкаме во место.

Македонија не може со СДСМ понатаму. Македонија заслужува подобро. Следува обнова.

Центар за комуникации на ВМРО-ДПМНЕ

(0 гласови)

Град Скопје денеска почна со уредување на кејот од левата страна на реката Вардар, кој е неуреден, запуштен, неосветлен, без велосипедска патека и рекреативни содржини. Во текот на наредниот месец на терен ќе работат екипите на јавните градски претпријатија „Комунална хигиена“, „Паркови и зеленило“, „Водовод и канализација“ и „Улици и патишта“.

Како што кажа градоначалникот Петре Шилегов прво ќе го исчистат потегот, а онаму каде што е потребно ќе ги обноват патеките, ќе го уредат зеленилото и ќе го заменат осветлувањето. Во акцијата ќе се вклучи и УНДП преку имплементација на проект за поставување урбана опрема.

„Оваа страна од регулираното корито на реката Вардар беше чудно запоставена и токму поради таа запоставеност во последниве две и пол години во неколку наврати тука имавме акции за расчистување мини депонии. Сега, левата страна на коритото целосно ќе ја уредиме за граѓаните да ја користат како што ја користат десната страна, односно ќе ја изедначиме и по квалитет на инфраструктурата и според можностите што се нудат на граѓаните“, рече градоначалникот Петре Шилегов, на почетокот на акцијата за чистење.
Постојаната претставничка на УНДП, Нарине Сахакјан најави дека по чистењето на овој коридор, ќе продолжат соработката со Град Скопје и ќе ги собираат идеи од граѓаните како најдобро може да се искористи овој простор од двете страни на реката.

Градот Скопје апелира до сите граѓани да бидат совесни во одржувањето на хигиената на овој простор и на тој начин да дадат скромен, но многу важен придонес во заштитата на животната средина.

(0 гласови)

Рускиот претседател Владимир Путин е заштитен од коронавирусот со специјален тунел за дезинфекција низ кој мора да помине секој кој ја посетува неговата резиденција надвор од Москва.

Тунелот кој е специјално произведен од страна на руска компанија од градот Пенза е инсталиран во Ново-Огарјово резиденцијата на Путин која се наоѓа во близина на Москва.

Како што може да се види на видеото кое го објави „РИА Новости“, маскирани луѓе минуваат низ тунелот во кој се целосно дезинфицирани, по што добиваат дозвола да бидат во контакт со претседателот на Русија.

Инаку, Димитри Песков, портпаролот на Путин, во април изјави дека секој кој го посетува Путин мора да биде тестиран на коронавирусот, а интересно е што еден месец подоцна и самиот Песков беше заразен.

Се чини дека поради тоа подигнато е нивото на безбедност и сега сите кои сакаат да бидат во контакт со Путин мора да минат низ дезинфекцискиот тунел кој создава облак на дезинфекциска течност која ги прекрива сите делови од телото и не остава простор вирусот да пенетрира во претседателската резиденција.

(0 гласови)

Голема пресметка на вооружени групи Чеченци и Африканци се одвиваше во изминатите неколку дена во францускиот град Дижон и ги шокираше локалните жители.

Насилствата започнаа откако 16-годишен Чеченец беше претепан минатата среда, а биле вмешани дилери на дрога. За да се одмаздат, повеќе од 200 Чеченци нападнале наргиле бар, се собрале од цела Франција, па дури пристигнала „помош“ и од Белгија.

Судирите се прошириле насекаде низ градот, а запалени биле и голем број на автомобили. Снимките од насилствата, сцените со превртени автомобили, луѓе со палки и огнено оружје запонаа да кружат на социјалните мрежи. Се слушаат детонации, а има и голем број повредени.

Полицијата на почетокот едноставно немала капацитет да разбие насилство од такви димензии, а откако пристигнало засилувањето, околу 150 полицајци ја започнале пресметката со локална група која ја бранела „својата“ територија.

 

Чеченците потешко биле идентификувани затоа што најголемиот дел од нив носеле маски и ги прекривале регистарските таблички на автомобилите. Откако бил утврден идентитетот на дел од нив, било откриено дека сите се мигранти, по што Елисејската палата побарала од министерството за внатрешни работи да ја разгледа можноста за депортација.

Во понеделникот на лице место беше државниот секретар за внатрешни работи Лоран Нуњез кој вети одлучна реакција на државата, а после него во градот пристигна и лидерката на Националниот фронт, Марин Ле Пен. Таа порача дека земјата потонала во хаос поради бандите кои водат етнички војни и повторно го нагласи проблемот со имиграцијата.

Се проценува дека во Франција живеат од 20 до 30 илјади Чеченци кои меѓу себе многу поврзани и солидарни.

Top