(0 гласови)

Иранските власти се заканија дека ќе ги бомбардираат Израел и Дубаи доколку Соединетите Американски Држави се одмаздат за ракетниот напад на двете американски бази во Ирак.

Утринава иранската Револуционерна гарда ја спроведе операцијата „Маченикот Сулејмани“ - од неколку локации на територијата на Иран беа лансирани балистички проектили кон две бази на американската армија во Ирак.

Засега од САД нема потврда за можни жртви или повредени во ракетниот напад кој Иран го изведе во знак на одмазда поради убиството на генералот Касим Сулејмани кој беше ликвидиран во напад со дрон на американското воено воздухопловство.

 

„Ги предупредуваме сите американски сојузници кои им ги имаат дадено базите на нивната терористичка армија, дека секоја територија која ќе послужи како почетна точка за агресивни напади против Иран ќе биде нападната“, соопштија од иранската Револуционерна гарда.

Од иранската Револуционерна гарда исто така се заканија дека доколку САД им се одмазди за нападот утринава, тогаш на нивна мета, меѓу другите, ќе се најдат и израелскиот град Хаифа, како и Дубаи во Обединетите Арапски Емирати.

(0 гласови)

Иранската Револуционерна гарда ги предупреди сите земји од регионот дека ќе се најдат на мета доколку американската армија возврати на нивното утринско ракетирање.

Американската воена база Аин Асад во Ирак во раните утрински часови беше ракетирана од страна на иранската Револуционерна гарда. Базата во која има голем број на американски војници и друг воен персонал била нападната со повеќе ракети, а засега нема информации за жртви или повредени.

Како што пренесува британски „БиБиСи“, базата ја погодиле најмалку 10 ракети, а од Пентагон го потврдија нападот, како и тоа дека балистичките ракети биле лансирани од територијата на Иран.

 

Иранските државни медиуми соопштија дека нападот бил изведен од страна на Револуционерната гарда и тврдат дека станува збор за одмаздничка операција како одговор за смртта на генералот Касим Сулејмани кој беше убиен во воздушен напад на американското воено воздухопловство. Акцијата инаку била наречена „Маченикот Сулејмани“.

Шефот на иранската дипломатија, Џавад Зариф неколку часа после ракетирањето на американската амбасада се огласи со кратко соопштение на Твитер.

 

„Иран заврши со пропорционалните мерки во знак на самоодбрана во рамките на Членот 51 од Повелбата на Обединетите нации, така што организираше напад на воздушната база од која беа организирани кукавичките напади на нашите граѓани и високи функционери. Не сакаме ескалација или војна, но ќе се браниме од било каква агресија“, изјави Зариф.

Набрзо потоа се огласи и американскиот претседател Доналд Трамп кој се обиде да ја смири нацијата.

„Се е во ред. Проектилите беа лансирани од Иран кон две воени бази во Ирак. Моментано ги прибираме податоците за жртвите и штетата. Засега се е во ред. Имаме далеку најмоќна и најдобро опремена армија на светот“, изјави Доналд Трамп.

(0 гласови)

Една Британка објавила како неосетно успеала за една година да заштеди речиси 400 фунти (околу 500 евра) со едноставен трик кој го научила од татко ѝ.

Ерин Омер од Суреј се обидувала да најде наједноставен начин да заштеди за депозит за куќата кога се сетила на еден трик кој нејзиниот татко цел живот го применувал.

„Татко ми го применуваше истиот трик кога бев мала, а тоа е дека секогаш го проверуваше кусурот и бараше монети од две фунти. Секој први јануари почнуваше отпочеток. Издвои касичка и цела година ја полнеше со тие монети. Касичката ја празнеше насредина на декември“, вели Ерин за британските медиуми.

Така и Ерин одлучила за време на таа година да го примени истиот трик и за 12 месеци успеала да заштеди 386 фунти.

„Кога ја отворив касичката бев запрепастена. Всушност, ми требаше многу сила низ годината за да не ја отворам и да не ги потрошам за гориво или нешто слично, но штом паднев во искушение, се присетував дека сепак повеќе ја сакам својата куќа“, вели Ерин која е премногу воодушевена од резултатот, па планира оваа година да го применува истиот трик, но со повеќе пари.

 

„Тоа чувство кога во декември ќе видите колку сте заштедиле е непроценливо. На сите кои бараат некој едноставен метод за штедење, топло им го препорачувам мојот, бидејќи на крајот сепак се собира сериозна количина на пари“, заклучува Ерин.

(0 гласови)

Од Белата куќа соопштија дека американскиот претседател Доналд Трамп го наредил воздушниот напад во кој денес во утринските часови во Багдад беше убиен еден од највлијателните ирански генерали, Касим Сулејмани.

„Американската армија по наредба на претседателот донесе одлучни одбранбени мерки за да ги заштити Американците во странство, ликвидирајќи го Касим Сулејмани“, соопштија од американското министерство за одбрана.

 

Сулејмани кој ги водел иранските воени операции во Ирак и Сирија бил убиен додека локалните сојузнички сили на Иран го пренесувале од аеродромот во Багдад. Во нападот исто така бил убиен и заменик шефот на „ПМУ“, Абу Махди Ал-Мухандес, инаку близок соработник на Сулејмани.

„Генералот Сулејмани активно ги развиваше плановите за напад на американските дипломати во Ирак и ширум светот. Овој удар имаше за цел да ги одврати Иранците од нивните планови за напад. САД ќе продолжат да ги преземаат сите неопходни мерки за да го заштитат американскиот народ и интереси каде и да се наоѓаат ширум светот“, стои во соопштението на Пентагон.

 

Инаку, неколку минути пред Пентагон да соопшти дека е убиен иранскиот генерал, американскиот претседател Доналд Трамп на својот профил на Твитер објави фотографија од американското знаме, без коментар.

Нешто подоцна се огласија и од Белата куќа од каде што соопштија дека воздушниот удар бил „одлучувачка одрбанбена акција“ која била спроведена по налог на претседателот на државата.

Иранците ја потврдија ликвидацијата на Сулејмани и накратко порачаа дека САД ќе бидат одговорни за последиците.

(0 гласови)

Иранскиот претседател Хасан Рохани, изјави дека Иран и слободните земји од регионот ќе им се одмаздат на САД за смртта на иранскиот генерал Касем Сулејмани.

„Нема никаков сомнеж дека големата земја Иран и другите слободни земји од регионот ќе и се одмаздат на криминалната Америка за ова ужасно убиство“, рече Рохани.

Тој додаде дека маченичката смрт на Сулејмани двојно ќе ја зголеми одлучноста на Иран да му се спротивстави на американскиот експансионизам и да ги заштитува нашите исламски вредности.

(0 гласови)

Вашингтон и Техерен се многу блиску до нова војна. Белата куќа соопштила дека американскиот претседател Доналд Трамп го наредил воздушниот напад со дронови во кој во раните утрински часови  е убиен иранскиот генерал Касем Сулејмани.

Генералот Сулејмани кој ги водел иранските воени операции во Ирак и Сирија загинал додека локалните сојузници го возеле од аеродромот кон Багдад. Во нападот со дронови на американската војска исто така е убиен и заменик шефот на ПМУ Абу Мајхди ал Мухадес, близок соработник на Сулејмани кој важеше за вториот најмоќен човек во Иран.

-Генерал Сулејмани активно ги развивал плановите за напади на американските дипломати и припадници на службите во Ирак и поширокиот регион. Овој удар имал за цел да ги прекине иранските планови за напад. САД ќе продолжат да ги превземаат сите неопходни мерки за да го заштитат нашиот народ и нашите интереси, каде било и да се наоѓаат во светот, стои во соопштението на Пентагон издадено по нападот.

Иранскиот министер за надворешни работи, Џавад Зариф, го нарече денешниот американски напад во Багдад „акт на меѓународен тероризам“, објавувајќи дека САД „ја сносат одговорноста за сите последици од својот одметнат авантуризам“.

 

(0 гласови)

Зоран Заев потпиша неотповиклива оставка по што од Собранието информираа дека претседателот Талат Џафери ја примил и во текот на денот ќе закаже седница за избор на техничка влада.

Согласно договорот од Пржино, во Законодавниот дом ќе треба да се изберат технички министри кои ќе работат на спроведување на изборите. Договорот предвидува премиерот да се повлече од функцијата 100 дена пред изборите од датумот на одржување, а тоа значи дека изборите треба да се одржат на 12 април.

Актуелниот министер за внатрешни работи, Оливер Спасовски, ќе биде технички премиер. Претседателот Стево Пендаровски треба да му го врачи мандатот за вршење на функцијата, по завршување на сите собраниски процедури.

Во преодната влада ќе бидат и Мила Царовска, која ќе биде вицепремиер за економски прашања, Славјанка Петровска ќе биде заменик-министер во МВР, а Санела Шкријељ во Министерството за труд и социјална политика.

ВМРО-ДПМНЕ ќе го земе Министерството за внатрешни работи, каде, пак, технички министер ќе биде Наќе Чулев. Техничка министерка за труд и социјална политика ќе биде Рашела Мизрахи, а, пак, Гордана Димитриеска-Кочоска е кандидат за заменик-министер за финансии. Министерството за земјоделство ќе го раководи Цветан Трипуновски, а министерка за информатичко општество и администрација ќе биде Невенка Стаменковска-Стојковски.

(0 гласови)

Зоран Заев потпиша неотповиклива оставка по што од Собранието информираа дека претседателот Талат Џафери ја примил и во текот на денот ќе закаже седница за избор на техничка влада.

Согласно договорот од Пржино, во Законодавниот дом ќе треба да се изберат технички министри кои ќе работат на спроведување на изборите. Договорот предвидува премиерот да се повлече од функцијата 100 дена пред изборите од датумот на одржување, а тоа значи дека изборите треба да се одржат на 12 април.

Актуелниот министер за внатрешни работи, Оливер Спасовски, ќе биде технички премиер. Претседателот Стево Пендаровски треба да му го врачи мандатот за вршење на функцијата, по завршување на сите собраниски процедури.

Во преодната влада ќе бидат и Мила Царовска, која ќе биде вицепремиер за економски прашања, Славјанка Петровска ќе биде заменик-министер во МВР, а Санела Шкријељ во Министерството за труд и социјална политика.

ВМРО-ДПМНЕ ќе го земе Министерството за внатрешни работи, каде, пак, технички министер ќе биде Наќе Чулев. Техничка министерка за труд и социјална политика ќе биде Рашела Мизрахи, а, пак, Гордана Димитриеска-Кочоска е кандидат за заменик-министер за финансии. Министерството за земјоделство ќе го раководи Цветан Трипуновски, а министерка за информатичко општество и администрација ќе биде Невенка Стаменковска-Стојковски.

(0 гласови)

Три месеци по парламентарните избори на кои победи Народната партијата на досегашниот премиер Себастијан Курц постигнат е договор за формирање коалициска влада. Во неа, наместо радикално десничарската Слободарска партија како партнер влегува Партијата на Зелените, која беше четвртопласирана на изборите. Зелените прв пат во својата историја ќе станат дел од власта во Австрија.

Според договорот, во Кабинетот на Курц кој ќе има 15 министри, со четири ресори ќе раководат претставници на Партијата на Зелените. Министерството за правда ќе го предводи беглката од Босна, Алма Задиќ.

Задиќ е родена во Тузла и за време на воениот виор, во 1994 година. Како десетгодишно девојче со родителите избегала во Виена. Таму завршила Правен факултет, а потоа заминала за Њу Јорк и студирала на Универзитетот Колумбија.

Во 2017-та таа е избрана за пратеник во австрискиот парламент. Тогаш порача дека нејзиниот влез во парламентот не е важен само за неа, туку и за сите луѓе кои не се родени во Австрија, кои дошле во оваа земја, особено оние од Босна и Херцеговина и од поранешна Југославија.

Во парламентот таа честопати беше мета на ксенофобични и сексистички напади од преставниците на тогаш владејачката екстремистичка Слободарска партија а истото се случува и по објавувањето на нејзината номинација за министерка.

Австриските медиуми пишуваат дека ја чека исклучително тешка задача бидејќи во секторот нема да ја дочекаат со раширени раце, особено затоа што таа како пратеник постојано ја критикувала работата на обвинителството, посебно на одделот за стопански криминал и корупција.

(0 гласови)

Основното јавно обвинителство Кочани поведе постапка против 66-годишниот жител на Виница за полов напад врз дете кое не наполнило 14 години.

Од Обвинителството информираат дека осомничениот го искористил претходното познанство со детето, па во ноември 2019 година го намамил во помошна просторија на станбена зграда каде го извршил кривичното дело. Потоа тој му дал парични средства на детето за да молчи.

Осомничениот го повторил половиот напад врз детето на 31 декември, по што било откриено кривичното дело и осомничениот е приведен.

Јавниот обвинител оцени дека постојат околности што укажуваат на бегство на осомничениот, страв дека осомниченот ќе ги сокрие трагите од кривичното дело и ќе го повтори делото, па во насока на обезбедување непречено водење на кривичната постапка до судија на претходна постапка во Основниот суд Кочани достави предлог за определување на мерка притвор против осомничениот.

Основниот суд Кочани на осомничениот му определи мерка притвор во траење од 30 дена.

Top