Стражари од кампусот се обидоа да ги легитимираат студентите кои од утрово го блокираат влезот на Ректоратот, но се повлекоа бидејќи немаат надлежност за тоа.

Еден од кандидатите за ректор, Ненад Новковски се обиде да влезе во Ректорскатауправа и откако не успеа, нервозно им рече на студентите дека ова е автономна зона на професорите, по што студентите бурно изреагираа.

Тој ги обвини студентите дека го спречуваат вистинскиот кандидар, тој, да победи, и му помагаат на неговиот противкандидат, Никола Јанкуловски.

 - Алал да ви е, одигревте историска улога во докрајчувањето на автономијата на УКИМ - им рече Новковски на студентите.

Тие му порачаа на Новковски дека не дејствуваст во ничиј интерес.

Инаку, Професорскиот пленум застанува зад барањата на студентите и комплетно ги поддржува. Нивните барања се да се исклучат десетте гласа од претставници на Студентскиот парламент од процесот на гласање за нов ректор или да се одложат изборите додека не се изберат нови, легитимни претставници на студентите.

Градоначалникот на Град Скопје, Коце Трајановски и директорот на ЈП "Паркови и зеленило", Душан Авировиќ денеска присуствуваа на промоцијата на новата машина со кранска рака.

– Градот Скопје ја набави новата машина со кранска рака за потребите на јавното претпријатие „Паркови и зеленило“. Возилото-трактор е машина со кранска рака на која ќе може да се монтираат додатни елемети и ќе се користи за реализирање на работните активности на ова јавно претпријатие. На кранската рака може да се монтираат повеќе додатоци, еден од нив е елемент за кроење и кастрење грмушки и дрвја, кој денеска имавте можност да видите како ефикасно и брзо ги крои надвиснатите гранки од дрвјата над патот, а ќе користи и за уредување на дрворедите на булеварите, во парковите и на други јавни површини. Исто така, на оваа кранска рака ќе може да се монтираат и косилка за косење нерамни зелени површини (кејови обраснати со трева, косини и тешкопристапни делови од зелените површини); странична четка (за чистење израстоци на трева од надворешната страна на жардиниерите на булеварите, рабниците, патеките во парковите и сл.); елемент за чистење канали од наноси од земја, мил, камења и трва. Всушност, ние со набавката на вакви машини го осовременуваме ова јавно претпријатие, а тоа ќе им овозможи на вработените адекватно, стручно и професионално да ги извршуваат работните активности – истакна градоначалникот Трајановски.

За набавката на оваа машина Градот Скопје потроши околу 6,7 милиони денари, средства обезбедени со Проектот за подобрување на општинските услуги финансиран со заем од Меѓународната банка за обнова и развој-Светска банка.

По се изгледа половина Велика Британија дури сега се разбуди во состојба на шок, по резултатите од референдумот за излегување од ЕУ.

Најдобар сведок за тоа е што повеќе од милион и пол Британци кои од утринава потпишуваат онлајн петиција за одржување на нови референдум и поништување на резултатите од вчера.

– Личи како да сме влегле во војна и дека цел свет полудел. Има многу глупави луѓе, затоа моравме да ја напуштиме ЕУ – изјави еден Лондонец.

Британската престолнина е во шок. Дури и луѓето кои гласале за заминување делуваат изнанедени од она што се случило. Државата е длабоко поделена, и тешко е да се претпостави како ќе се одвиваат работите, оценува „Би-би-си“.

Половина популација е „полудепресивна“. Ова не е само развод меѓу Британија и ЕУ, туку делува како развод на еден Британец со друг.

Гласањето ја откри длабоката вистина за времето во кое живееме, бидејќи референдумот не е ништо друго туку последица од глобализацијата, пишува „Би-би-си“. Политичарите во Европа и во САД не успеаја да се изборат со компликациите на секојдневниот живот, а британското мнозинство рече „доста е“.

Прашањето е сега каде ќе ги одведе ова Британците.

Многумина сметаат дека Британија премногу и плаќа на ЕУ, а малку добива.

Само неколкумина економиски велат дека на Британија ќе и биде полошо кога ќе биде сама, а како ќе биде, уште никој не знае.

Повеќе од два милиона луѓе веќе ја потпишаа петицијата со која противниците на британското излегување од Европската унија сакаат да се направи ревизија на резултатите од референдумот од 23-ти јуни со кој беше изгласано излегување на нивната земја од Европската унија и да одржи нов референдум по истото прашање, се вели во петицијата објавена на интернет страницата на парламентот на Обединетото Кралство.

Петицијатапоставена на интернет страницата на парламентот на Велика Британија до 21 часот во саботата по македонско време ја потпишаа 2.283.124 луѓе. За разгледување на петицијата во парламентот, инаку, потребни се најмалку 100.000 потписи .

Поради масовниот прилив на корисници, функционирањето на сајтот на британскиот парламент каде што се регистрира петиција, во саботата утрото привремено беше запрено. Меѓу потписниците на обраќањето до британските пратеници најмногу се жители на Лондон, каде што повеќето области на референдумот гласаа за останување во ЕУ.

Во петокот на сајтот change.org беше поставена петицијата со барање да биде прогласена независност на Лондон од Велика Британија и главниот град да се приклучи на Европската унија. Таа веќе собра 118.000 потписи, а е упатена на новиот лондонски градоначалник, Садик Кан,44-годишниот син на пакистански доселеник кој на локалните избори на почетокот од мај како кандидат на опозициската Лабуристичка партија стана првиот градоначалник на британската престолнина од муслиманско потекло.

Иницијаторите на новиот плебисцит ја повикуваат владата да го примени прописот, според кој, доколку бројот на гласовите, во случајов „за“ или „против“ Brexit, изнесува помалку од 60 отсто а одѕивот на избирачите бил помал од 75 проценти, тогаш е потребно да се спроведе ново гласање.

Како што пренесува весникот Metro повикувајќи се на претставникот на Долниот дом на британскиот парламент, петицијата со барањето за разгледување на резултатите од спроведениот референдум и негово повторување, ќе биде разгледана веќе во вторник, 28-ми јуни, на заседание на парламентарната комисија за петиции.

Во четвртокот 23-ти јуни со 51,9 отсто од гласовите победија поборниците на излегувањето на Британија од 28-члениот европски блок, додека 48,1 отсто од излезените гласаа за останување во ЕУ. Притоа одѕивот на гласачите на референдумот изнесувал 72,2 отсто.

По објавувањето на резултатите од гласањето, британскиот премиер Дејвид Камерон, кој ја предводеше кампањата за останување во ЕУ одлучи да поднесе оставка. Со тоа на својот наследник му ја препушта должноста да ја изврши волјата на британските граѓани и да ја изведе земјата од Европската унија.

Со Студијата за исхрана на населението во РМ која во 2015 година ја спроведе Институтот за јавно здравје се покажа дека 54,7 проценти од возрасното население во РМ има зголемена телесна тежина или дебелина (62,7 отсто кај мажите и 48,4 отсто кај жените).

„Овие резултати индицираат дека над половина од возрасното население во државата има индекс на телесна маса кој е поврзан со зголемени ризици од незаразни болести и потребна е акција од страна на државата и професионалците од јавното здравје за подобрување на оваа состојба преку популациски базирани акции за промена на навиките во исхраната“, се вели во извештајот на Институтот за јавно здравје.

Во вториот квартал од 2015 година биле испитани 3.234 деца од второ одделение од основните училишта во РМ. Резултатите на национално ниво, анализирани според Стандардите за раст на СЗО, ги покажуваат следните карактеристики на нутритивниот статус кај оваа популација на деца:

Кај популациската група на деца од оваа возраст не се забележуваат карактеристики на акутна и на хронична неисхранетост и бројките на таквите деца се ниски и во рамките на претходните години.

Вкупно 34,7 проценти од децата на оваа возраст имаат зголемена телесна тежина или дебелина. Дебели се 16,6 отсто од децата. Вредностите, во однос на 2014 година, кога е мерена популацијата на деца на таа возраст, се лесно намалени и кај децата со зголемена телесна тежина и кај тие со определен степен на дебелина.

Во третиот квартал од 2015 година испитани се 2.966 деца од петто одделение од основните училишта во РМ, на територијата на секој ЦЈЗ. Резултатите на национално ниво, аналиаирани според Стандардите за раст на СЗО3, ги покажуваат следните карактеристики на нутритивниот статус кај оваа популација на деца:

Кај популациската група на деца од оваа возраст не се забележуваат карактеристики на акутна и на хронична неисхранетост и бројките на таквите деца се ниски и во рамките на претходните години.

Вкупно 39 проценти од децата на оваа возраст имаат зголемена телесна тежина или дебелина. Дебели се 16,5 проценти од децата, а 2,5 отсто се со екстремен степен на дебелина. Вредностите, во однос на 2014 година, се намалени за околу 4 проценти кај децата со зголемена телесна тежина и дебелина, а околу 2 отсто кај децата со дебелина.

„Оваа популација на деца е индикативна во однос на промените во нутритивниот статус кои се мерливи по детектираната состојба во пониските одделенија. Тоа е и период на почеток на ендокрини промени во младиот организам, особено промени во насока на секундарни полови карактеристики, кои може да влијаат и на навиките во исхраната“, се вели во извештајот на Институтот за јавно здравје.

Во четвртиот квартал од 2015 година испитани се 1.170 деца од прва година средно училиште во РМ, на територијата на секој ЦЈЗ. Резултатите на национално ниво, аналиаирани според Стандардите за раст на СЗО4, ги покажуваат следните карактеристики на нутритивниот статус кај оваа популација на деца:

Кај популациската група на деца од оваа возраст не се забележуваат карактеристики на акутна и на хронична неисхранетост и бројките на таквите деца се ниски и во рамките на претходните години.

Вкупно 26,5 отсто од децата на оваа возраст имаат зголемена телесна тежина или дебелина. Дебели се 7,3 проценти од децата. Вредностите, во однос на 2014 година, се намалени за 2,6 отсто за кај децата со зголемена телесна тежина и дебелина, а зголемени за половина процент кај децата со дебелина.

Во однос на сите други мерени популациски групи на деца, оваа популација е со најмали вредности на зголемена телесна тежина и дебелина и тоа може да биде добар индикатор заради нивната адолесцентна возраст.

„Охрабрувачки би било доколку имаме ваков тренд и кај возрасната популација, над 18 години“, се вели во извештајот.

Европската унија е во шок по резултатите од референдумот во Велика Британија.

Досега ниту една членка ја нема напуштено Унијата, а членот 50 од Лисабонскиот договор, кој укажува како едно држава може да излезе од блокот, не дава многу детали. 

Тој претставува шематска правна рамка за двегодишен перидот на напуштање, но мнозинството стравува дека процесот брзо може да стане тортура, уништувајќи ја економијата и односите во заедницата. 

Според член 50 од Лисабонскиот договор, земјата членка, која ќе реши да ја напушти ЕУ, треба да го извести Европскиот совет за својата намера. 

Заедницата треба да преговара и да склучи договор со државата, кој ќе ги содржи условите за нејзиното напуштање и да бидат земени предив идните односи со Унијата. 

Договорот треба да биде склучен од Советот на ЕУ и одобрен со квалификуваното мнозинство.  

Член 50 предвидува договорите на ЕУ да престанат да се применуваат за соодветната земја од датумот на стапување во сила на договорот за напуштање или во случај ако тоа не се случи - две години по одлуката за истапување, освен ако Европскиот совет во согласност со земјата членка не прифати едногодишно решение за продолжување на тој период. 

Во одредбата се предвидува членот на Европскиот совет или Советот на ЕУ, од земјата што сака да го напушти блокот да не учествува во дискусиите или во донесувањето на одлуките. 

Неопходно е ЕУ во скоро време да ја пополни празнината од седум милијарди евра во годишниот буџет од 145 милијарди евра, што е определен до 2020 гогина, откако ќе ги изгуби придонесите од Велика Британија и во исто време да го заштеди она кое земјата го повлекува од сметките на заедницата. 

ЕУ ќе сака што поскоро да се одреди статусот на физичките и правните лица, кои во моментов ги користат правата да тргуваат, работат и живеат од двете страни на идната граница меѓу Велика Беританија и ЕУ. 

Велика Британија најверојатно ќе се откаже од шестмесечното претседавање со ЕУ, кое е планирано да започне во јули следната година. 

Нејзиното место може да го заземе Естонија или евентуално Малта или Хрватска.

Доскорешниот градоначалник на Лондон, Борис Џонсон, кој ја предводеше кампањата за напуштање на ЕУ, беше исвиркан од голема група лондончани кога излегуваше од својата куќа.

Насобраните демонстранти, сите противници на Брегзит, од кои некои носеа знамиња на ЕУ, заедно со британските, извикуваа пароли против Џонсон, обвинувајќи го што застана зад кампањата која со мало мнозинство победи.

Ова е прв пат досега, Џонсон, кој беше мошне популарен како градоначалник, да биде исвиркан и јавно осудуван за една своја политичка одлука.

Насобраните демонстранти го попречуваа излегувањето на Џонсон од домот кој потоа замина со возило, придружуван од обезбедување, иако големиот број насобрани новинари и фоторепортери очекуваа од него изјава за победата на неговата кампања и за заминувањето на Британците од Унијата.

Подоцна, во изјава за домашната јавност, тој им се заблагодари на сите што гласале за напуштање на ЕУ, означувајчи го тоа како „голем ден за Британија, за британската демократија, но и за Европа“.

Британските медиуми открија дека Џонсон бил осамен во целото свое семејство, затоа што татко му, неговите браќа и сестрата, сите агитирале за останувањето на земјата во Унијата.

– Ние агитиравме за ЕУ како активисти на движењето за екологија, мислиме дека некои ставови на кампањаата за заминување од Унијта не смее да се негираат или омаловажуваат, но Борис не е никаков националист, изјави за Си-Ен-Ен таткото Стенли Џонсон.

Брегизтот веќе донесе големи промени. Освен што падна цената на нафтата, падна и страницата на омилената онлан продавница. Многу шопингхоличарки ја искористија поволната клима што се создаде со падот на фунтата и по поволни цени купуваа облека од популарната британска онлајн продавница за облека Асос. Во еден момент порталот не можел да го поднесе сообраќајот и оттогаш е надовр од функција.

Според зборовите на лидерот на Српската радикална странка, Воислав Шешељ, состојбата во Македонија е дел од специјалната војна којашто Западот ја води против Русија.

Гостувајќи на информативниот ТВ канал Пинк3, лидерот на радикалите, Воислав Шешељ го изнесе своето тврдење дека Западот и на Балканот води војна против Русија. За да го поткрепи своето тврдење, претседателот на радикалите ја анализираше моменталната состојба во Македонија.

Според неговите зборови, македонскиот премиер Никола Груевски, водејќи се од интересите на македонскиот народ, ги отворил можностите за комуникација со Русија.

Тоа одеднаш отпочна лавина од западна хистерија и пропаганда против неговиот режим со цел да го соборат од власта.

Што вели Шешељ понатаму за целата состојба во Македонија, погледнете во видео записот:

На сите ни е позната изреката: „Појадокот изеди го сам, ручекот подели го со пријател, а вечерата дај му ја на непријателот. Меѓутоа, кога се работи за Италијаните работата е сосема поинаква!

Секој просечен Италијанец својот појадок без размислувања би му го дал на непријателот, ручекот би го поделил со пријател, а од вечерата или аперитивот тешко дека би се откажал. Речиси никако!

Тоа е веројатно и причината зошто во сите Италијански градови од 19ч до 21ч сè застанува, улиците се празнат, како да стапува на сила полициски час затоа што е време за аперитив – омилениот ритуален дел од денот кај секој Италијанец!

Но што е тоа што Италијаните со задоволство пијат како аперитив?

Ако ги исклучиме сите домашни врви вина по кои инаку Италија е позната, првиот аперитив деликатес за кој би се определил речиси секој просечен Италијанец е т.н. „Аперол Шприц“ – коктел сочинет од портокалов ликер Aperol, пенливо венециско вино Prosecco и сода вода! Оваа освежителна комбинација од напитоци својата благодарност најмногу ѝ ја долгува на главната состојка, ликерот Aperol, сочинет како мешавина од квалитетни растенија, корени и цитрус – сладок и горчлив портокал. Неговиот оригинален и таен рецепт прв пат е успешно претставен во Падова во 1919 година од страна на браќата Барбери, а благодарејќи на својот низок процент на алкохол од 11% во комбинација со вториот крал на аперитивите Prosecco за брзо време станува омилен пијалак на Италијанците.

Денеска во Италија „Аперол Шприц“ се пие во сите градови ширум Италија и претставува заштитен знак за традиционален аперитив. Рецептот за „Аперол Шприц“ веќе не тајна, уште повеќе, пијалакот што го пие цела Италија заслужува да биде поделено со сите љубители на добриот вкус во Македонија. Рецептот е пренесен и на нашите бармени, така што вкусот на „Аперол Шприц“ кај нас совршено се совпаѓа со оној од Италија.

Уживајте во вкусот на Италија во хотел „Руссиа“ во Скај бар.

 

Top