(0 гласови)

Они кои се страствени играчи на спортска прогноза, сигурно веќе слушнале за Дамевски Блогер. Деталите проверете ги на неговата фан страна каде ќе видите што типувал и колку пари добил во последната недела.

damevskiblogerkladilnica-2

888

llll

damevskiblogerkladilnica

(0 гласови)

Полицијата сè уште истражува дали фитнес-инструкторката од Нови Сад Теодора Качански (30) е ранета како предупредување на нејзиното момче Ненад Стевиќ (38). Таа сè уште се бори за својот живот по неколкуте направени операции на Ургентниот центар во Војводина.

Напаѓачот кој во неа испукал пет куршуми сè уште не е фатен. Момчето на Теодора од порано било познато на полцијата, па не се исклучува можноста нападот да има врска со неговите нерасчистени работи, поради кои настрада и девојка му.

teodora

http://www.modnivrisak.com/pub/download/14376406449822_11666130_10153452868769913_192312959820084698_n.jpg

Теодора и Ненад, според соседите, живееле прилично удобно. Велат дека на своја сметка вовеле видеонадзор пред 1,5 година кога се доселиле и дека нивна била целата мансарда. односно целиот петти кат.

Неофицијално, станува збор за класична заседа и напаѓачот знаел на кого пука, бидејќи Теодора била сама за време на нападот. Полицијата шпекулира дека се работи за класично предупредување на момчето со кое живеела, со оглед на тоа дека тој од порано бил познат на органите на гонење, па се претпоставува дека нападот има врска со неговите нерасчистени работи.

Нефицијално Теодора куршумите ја погодиле во врат, рака, нога и стомак и е во тешка состојба. Лекарите се борат за нејзиниот живот.

 

(0 гласови)

Нема одложување на први јануари официјално стапува на сила новиот закон за извршување. Од новите правила корист ќе имаат доверителите , должниците но и самите извршители.

Со новите измени повеќе нема да може да се блокира сметката на должникот без претходно тој да биде известен дека има некаков долг. По предупредувањето извршителот треба да даде рок од три дена во кои должникот ќе има нова шанса да го плати долгот. Ако и по опомената не одговори во тој случај извршителот ќе може да испрати налог до банката да се блокира сметката . Во исто време и должникот ќе добие известување, каде и колку должи. Извршителите нема повеќе да бидат мета на критики. Во првоте девет месеци извршителите во земјава примиле над130 илјади барања за извршување . Реализирани се 28 отсто од нив. Вкупниот изност на наплата од извршување изнесува над 76 милиони евра, два милиони евра помалку од лани. Во моментов во земјава има над 100 извришители. Според комората оваа бројка е голема и не сите имаат работа. Новите измени во законот минмално ќе го намалат бројот на барања но тоа нема да затвори дел од канцелариите

(0 гласови)

Изборната програма, опфатена во 500 страници под наслов „Реално“ е програма која што е наменета за сите граѓани на Република Македонија, најави лидерот на ВМРО-ДПМНЕ, Никола Груевски.

Посебно значаен е проектот Рестартирање на стопанските капацитети – Жртви на транзицијата.

-Со цел рестартирање на стопанските капацитети кои беа опустошени во транзицијата во 90-тите, инвеститорите кои ќе стекнат сопственост на имотот на овие друштва со цел да ги рестартираат и стопанисуваат од државата ќе добијат пакет за да ги издигнат и да вработат многу луѓе, рече Груевски.

Пакетот обезбеден од Буџетот на државата предвидува:

-2.000 евра за секое ново работно место, а за вработен стечаец 4.000 евра, под услов работникот да се задржи на работа минимум 5 години.

-Финансиска помош, за адаптација, реконструкција, набавка на машини и опрема, во износ од 10% од инвестираната вредност, максимум  500.000 евра.

-Ослободувања од плаќање на данок на добивка 2 години, и од персонален данок и социјални придонеси 3 години, доколку вработените ги задржи на работа најмалку уште 3 години.

-Обезбедување на обуки, прекфалификации и професионално усовршување и други поволности.

Сето ова е предвидено да биде на терет на државата, за доброто на граѓаните кои се жртви на транзицијата од 90-те.

Има голем број на компании, вели Груевски, кои ќе бидат опфатени, како што се: Центро, Дел од МЗТ, Хемтекс, Млаз Богданци, Јака Табак Радовиш, Фабрика за Кабли Неготино, Фринко Битола, Еуро Ламинати Прилеп, Санкерам Струмица, Диос Струмица, Типо, Жито Вардар Велес, Шик Јелак Тетово, Винка Виница, Улмак Берово, Кимико Струга, Велес Табак, АМАК СП Охрид, КАРПОШ ТКАЧНИЦА Крива Паланка, и други објекти за кои се водат стечајни постапки, истите се завршени или се при крај.

-Посебен фокус ќе имаат следните 9 кумановски фирми, град кој е посебно погоден од жртви на транзиција: Кожарата-Куманово, Тутунски Комбинат Куманово, Житомел, Кланица и Ладилник Куманово, Сточарска Фарма Куманово, Кен Куманово, Жито Нама, Искра Куманово и Фудс Куманово. Со овој проект сакаме да помогнеме за рестартирање на овие капацитети, и да овозможиме голем број нови вработувања, но и враќање на работа на дел од стечајните работници, порача Груевски.

(0 гласови)

Потесното семејство на Доналд Трамп најверојатно нема да ја испочитува долгогодишната традиција и нема да се пресели да живее во Белата куќа, туку ќе продолжи да живее во резиденцијата на Трамп кулата. 

Според американските медиуми главната причина е што Барон кој се уште е основец сака да го продолжи образованието во Њу Јорк, а неговата мајка е премногу приврзана со него, па затоа обврските како Прва Дама нема да ги врши од Вашинтгон. 

Семејството Трамп сепак, ќе биде претставено во Белата куќа, па како сурогат Прва Дама најверојатно улогата ќе ја преземе неговата ќерка Иванка Трамп која веќе доби огромни критики од дипломатските експерти.

(0 гласови)
Рускиот претседател Владимир Путин вчера изјави дека за време на телефонскиот разговор со Доналд Трамп на 14 ноември, новоизбраниот претседател на САД изразил волја за нормализирање на билатералните односи помеѓу Москва и Вашингтон, јави ТАСС.

Прашањето за конкретна средба и можен датум не беше разгледано, но констатиравме дека би било полезно да се организира средба на наши претставници. Трамп се уште го составува тимот, затоа во моментов е тешко да се говори за таква средба. Да почекаме, има време, посочи Путин на прес-конференција во Лима по самитот на Азиско-пацифичката економска соработка (АПЕК).

Во однос на кусата средба со актуелниот американски претседател Барак Обама на маргините на форумот, Путин му заблагодарил за годините на заедничка соработка и го покани да ја посети Русија.

Иако дијалогот меѓу нас не беше лесен, а може да се нарече дури и сложен, меѓу мене и претседателот Обама секогаш постоела заемна почит. Јас му заблагодарив за соработката и му реков дека во секое време, ако е неопходно и ако постои волја за тоа, ние со задоволство ќе го пречекаме во Русија, истакна Путин.

Путин исто така изрази подготвеност да го задржи производството на нафта на сегашното ниво.

Ние ќе направиме се што нашите партнери од ОПЕК очекуваат. Сегашната стапка на производство за нас не е проблем, увери рускиот претседател.

(0 гласови)
Претседателот на Русија, Владимир Путин, на кратко се состанал со својот американски колега Барак Обама на маргините на самитот на Азиско-пацифичката економска соработка, кој се одржува во Перу, потврдил портпаролот на Кремљ, Дмитриј Песков.

Тој рекол дека Путин и Обама се сретнале пред почетокот на заседанието, се поздравиле и кратко поразговарале.

Според соопштението на Белата куќа, претседателите разговарале за можностите за пронаоѓање на решенија за кризите во Сирија и Украина.

"Обама го повикал Путин да се придржува до своите обврски во рамките на договорот од Минск, потврдувајќи го уште еднаш ставот на САД кога станува збор за почитување на суверенитетот на Украина", стои во соопштението. Зборувајќи за Сирија, претседателите оцениле дека е неопходно разговорите да продолжат на ниво на шефовите на дипломатија, односно Сергеј Лавров и Џон Кери, за да се намали насилството во таа земја зафатена со војна. Се огласил и портпаролот на Кремљ, Дмитриј Песков, кој рекол дека Путин и Обама се договориле во наредните два месеци да пронајдат решение за сирискиот конфликт.

Путин во текот на самитот се состанал и со лидерот на Кина, Си Џинпинг, со кој разговарал за поврзување на руската Евроазиска економска унија со кинескиот економски појас Пат на свилата.

Самитот "APEC" се одржува во Лима и собира повеќе од 1.000 претставници од 21. земја.

(0 гласови)
Американската агенција "AP" објавила снимка од безбедносни камери на која се гледа моментот на бомбардирање на педијатриска болница на северот на сирискиот град Алепо.

На снимката се гледа внатрешноста и надворешноста на педијатриската установа во бунтовничкиот дел на Алепо, која била бомбардирана во петокот.

Сириската влада ги засилила нападите на источниот дел на Алепо, кој е контролиран од бунтовниците. Нападите биле интензивирани откако Русија минатата седмица ја обновила офанзивата на деловите од земјата кои ги контролираат бунтовниците.

Како што наведува AP, повеќе од 100 лица загинале на северот на Сирија. Во воздушните напади во петокот биле погодени четири болници во Алепо, со што е загрозена медицинската помош за повеќе од 275.000 луѓе, соопштила Светската здравствена организација.

На снимката се гледаат луѓе и медицински сестри во болничката чекална, а потоа се гледа како бомбата ја погодува болницата, се крева облак од чад и плафонот почнува да се руши.

На друга снимка од безбедносните камери се гледа улицата пред болницата неколку моменти пред нападот, а потоа се слуша силна експлозија.

 

(0 гласови)

Измина една недела откако се случи настанот на годината наречен американски избори за нов претседател. Измина една недела откако Америка, Македонија и целиот свет се стресе од најголемиот до сега политички земјотрес кој ги сруши сите бариери и сите дотогашни анализи, предвидувања, анкети, тв дебати во кои на Хилари Клинтон и се даваа, според сите анкети и анализи дури 90% шанса дека ќе биде новиот претседател на САД. Вечерта пред изборите според анкетата на CNN која ја пренесоа и најголем дел од македонските телевизии, Хилари Клинтон водеше пред Трамп со 5% и според сите анализи се очекуваше во вторникот Клинтон убедливо да победи. Дури и ноќта откако заврши гласањето беше спремен огромен огномет и голема арена со поддржувачите на Клинтон и голема бина на која се очекуваше некаде во 7,00 часот по македонско време да излезе Клинтон и со спектакуларен претходно припремен говор да ја прослави убедливата победа над Трамп, но....

Како изминуваше времето, како почнаа да пристигнуваат резултатите од гласањето, Трамп најпрво почна да води во Флорида, па во Охајо со 400,000 гласа, па во Северна Каролина, водеше за цело време и во Вирџинија ...

И тогаш започна да ги фаќа паника, новинарите на CNN започнаа со дткање. Потоа како започнаа да пристигнуваат и другите резултати од демократските бастиони настана шок и траорна атмосфера. Трамп почна убедливо да води во Висконсин кој не бил републикански од далечната 1984, почна да води и во Мичиген, а кога веќе направи пресврт и почна да води и во Пенсилванија која од 1988 година не била републиканска, публиката во арената во која се очекуваше победничкиот говор на Клинтон започна со солзи во очите да ги прекрстува прстите и да се моли за Клинтон, а како одминуваше времето публиката во арената на Клинтон со плач започна да ја напушта арената и немаше ништо од спектакуларниот огномет, спектакуларниот говор, па вечерта единствено се појави шефот на кампањата Подеста кој само и кажа на публиката дека Клинтон не се чувствува добро и нема да излезе на бината и сите да си отидат дома да спијат.

https://m.elitestatic.com/m/06ad0dbf2db8a860/Hillary-Clinton-supporter-cry.jpg

Истото време рано утрото во седум часот по македонско време Доналд Трамп, сега веќе новиот претседател и Мајк Пенс, сега веќе новиот американски подпретседател, излегоа на прес конференција да се заблагодарат и да си ја честитаат победата, а уште истиот час започна радоста во Америка а и ширум светот каде што Доналд Трамп беше популарен, меѓу другото и во Македонија. Кај македонците и општо кај балканците, Клинтонови секогаш биле длабоко непопуларни со оглед на нивната вмешаност во војните во екс Југославија, бомбардирањата на Србија во кои тогашната администрација на Бил Клинтон користеше бомби со осиромашен ураниум кои се строго забранети по Женевската конвенција и поради кои стотици луѓе како во Македонија така и на Балканот заболуваат од рак.

Македонците за цело време беа на страната на Доналд Трамп, а од моментот на победата на Трамп па се до ден денес во Македонија владее вистинска Трампоманија. Македонците се надеваат дека со новиот претседател на САД ќе дојдат и поубави денови во иднина за Република Македонија. Со новото затоплување на односите кое е на повидок меѓу Америка и Русија, македонците се надеваат дека за скоро ќе дојде и до реализација на долгонајавуваниот Руски поток со кој Македонија ќе стане клучна алка на Балканот.

https://4.bp.blogspot.com/--M73dZQtMq8/WBx_072sh5I/AAAAAAAAjYg/QKOZ0P1bVukctun9wy36j77DlvwVCQOcwCLcB/s640/trump-macedonia.jpg

Македонците се надеваат дека новата Американска администрација нема повеќе да се меша во внатрешните работи на Македонија и дека Америка ќе ја почитува вољата на македонскиот народ во иднина. Македонците полагаат надежи дека повеќе нема да ни се случува нов Рамковен договор, Пржино, прекројување на граници. Македонецот се надева дека повеќе нема да има разноразни Бејли, Орав и слични на нив кои треба да ни кажуваат што и како да правиме во нашата држава. Македонија е една, името на државата е едно, македонците не сакаат војни и поделби, туку сакаат во мир и слога да си го живеат животот како што тоа го прават сите европски држави, а доколку ЕУ и НАТО не ја сакаат Македонија не е страшно, и онака според Доналд Трамп, НАТО и ЕУ се застарени организации кои за скоро и ќе се распаднат.

Автор на текстот: Јово Бурне

(0 гласови)

Продолжува благиот пад на цената на становите во Скопје. Народната банка на Македонија во последниот Квартален извештај констатира мало намалување на вредноста на овој вид недвижности во главниот град. Цените паѓаат втор квартал по ред. Индексот на цените на годишна основа е понизок за 0,2%, додека намалувањето во претходниот квартал било заокружено на 0,5%. Во поглед на побарувачката и понудата на живеалишта, во главниот град не постојат позначајни поместувања.

Од централната банка во официјалниот документ потенцираат дека кај изградбата на станбени згради и понатаму се забележува двоцифрена стапка на раст. Просечната годишна стапка на раст на реализацијата на нови објекти само во првата половина од 2016 година изнесувала 25,3%. Двоцифрена стапка на раст е забележана и кај податоците за издадени одобренија за градење на нови станови. „Во поглед на побарувачката на станови, постојаниот солиден раст на станбените кредити продолжи и во третиот квартал на 2016 година, што упатува на натамошно зајакнување на побарувачката“ се наведува во Кварталниот извештај.

Народната банка ја определува вредноста на становите во главниот град врз основа на хедоничкиот индекс на цените на становите, кој се изготвува со користење на огласите за продажба на станови објавени од агенциите за промет со недвижности.

Top