(0 гласови)

Никола Груевски, претседателот на ВМРО-ДПМНЕ на митингот во Кичево ја употреби и приватната фирма „Ки Сејфти Системс“ во политичка кампања за која тврди дека ќе го зголемела бројот на вработени повеќе од од првичниот план.

„Успеавме да донесеме и една крупна американска инвестиција во Кичево, „Ки Сејфти Системс“ (КСС), која што во моментов има 710 вработени, а планот им е до Нова година да стигнат до 750, односно уште 40 плус. Планот им беше некаде до средината на следната година да стигнат до 1.000, но не известија дека средината на следната година ќе стигнат до 1.100, односно 100 повеќе од планираното, рече Груевски.

Некои ги бива за деструкции и за кризи, додаде тој, а нас не бива за работа, обезбедување на нови работни места.

-На СДСМ главна преокупација е туркање на проект за рекомпонирање на државата. Малку им беше она рекомпонирање во 2005 година, сега сакаат уште поголемо рекомпонирање. Наш главен проект ни е привлекување на нови инвестиции и отворање на нови работни места за силен економски напредок, подвлече лидерот на ВМРО-ДПМНЕ пред кичевчани.

http://kajgana.com/sites/default/files/styles/full_size/public/2016/11/27/images/img-306339.jpg?itok=sFgN1zWl

(0 гласови)

Политичките партии денеска се во осмиот ден на кампањата за предвремените парламентарни избори закажани на 11 декември.

ВМРО-ДПМНЕ и Коалицијата „За подобра Македонија“ денеска ќе има централен митинг во Скопје со почеток од 19 часот.

Карванот на СДСМ и Коалицијата „За живот во Македонија“ денеска ќе биде во Свети Николе во 17.30 часот и во Велес во 19 часот.

Коалиција за промени и правда ќе одржи митинг во Сопиште во 17 часот каде носителот на кандидатската листа за пратеници во Првата изборна единица Павле Трајанов ќе се обрати пред присутните.

Носителот на кандидатската листа на Демократската унија за интеграција (ДУИ) во втората изборна единица, Ејуп Алими, во 12 часот ќе одржи прес-конференција во седиштето на партијата во Скопје, а кандидатите за пратеници од ИЕ 6 ќе имаат прес конференција на Попова Шапка во 13 часот.

Демократската партија на Албанците (ДПА) во 18.30 ќе одржи митинг во Чегране, Боговиње.

Претседателот на Либерално¬демократската партија ќе има прес-конференција во просториите на партијата во 11.30 часот.

Алијанса за Албанците ќе има средба со граѓани во Битола, Ресен и Крушево.

(0 гласови)

Носителот на листата во првата изборна едница на коалицијата „За подобра Македонија“ предводена од ВМРО-ДПМНЕ, Никола Попоски оствари средби со млади во Центар.

Разговарано е за политиките и проектите за млади, со фокус на промоција на делот на вработување на 100-те најдобри студенти, субвенции за самовработување, субвенции за вработување млади, реформи во образование и низа други проекти за младите од програмата „Реално“ на ВМРО-ДПМНЕ.

poposki-1-1-768x576-520x390.jpg

 

poposki-3-1-520x390.jpg

(0 гласови)

Не се смируваат страстите во Бугарија по вчерашниот бунт на мигрантите во прифатниот камп во Харманли. Како што е познато, вчера се случи судир на 2.000 мигрантите со полицијата, неколку дена откако беше прогласен карантин од здравствени причини.

Во бунтот во кој мигрантите заземале неколку објекти, предизвикале пожар и ги нападнаа полицајците со камења и други предмети, беа повредени повеќе од 14 полицајци, како и околу 200 мигранти. Неколку стотина мигранти беа уапсени.

Иако денеска околу кампот е мирно и нема напнатост, дел од жителите на Харманли го блокираа патот влезот во бегалскиот камп. Тие со бугарски знамиња во рацете, но и со партиски и други национално обележја го очекуваа премиерот во оставка Бојко Борисов да се сретне со нив.

Но, вчерашниот бунт во целата држава го крена алармот и револтот околу мигрантите, а жестоки реакции се споделуваат и во медиумите и на социјалните мрежи. Меѓу другите се огласи и бугарската спортистка, олимпијката Габи Петрова на социјалните мрежи напиша дека е што нејзиниот роден Харманли се претворил во „бојно поле“.

„Страшно ми е да гледам како од тивок и спокоен, родниот град се претвора во бојно поле! Страшно ми е да гледам како родителите, блиските и пријателите живеат во страв!“, објави ланската најдобра бугарска спортистка на Инстаграм.

d036576c804ceb16f9b8e4083c84b648

Од друга страна пак, преку социјалните мрежи се споделуваат и фотографии од повредени мигранти во кампот по вчерашниот судир. Полицијата во справувањето со бунтот користеше водени топови и гумени куршуми.

 
(0 гласови)

Српската полиција објави видео од акцијата во која беа уапсени 11 членови на најмоќната криминална банда во Војводина. Министерот Небојша Стефановиќ објави дека тие се обвинети за повеќе дела меѓу кои и за убиства.

-Тие извршиле повеќе кривични дела меѓу кои убиства, обиди за убиства, продажба на дрога, бегство од затвор..- наброи Стефановиќ.

Во акцијата е запленето и големо количество на оружје и муниција.

-Во акцијата биле запленети 11 пушки, од кои 3 автоматски, 3 полуавтоматски, 2 карабини, 4 малокалибарски пушки, две рачни бомби, два оптички нишани, околу 5.000 парчиња муниција од различен калибар- посочи Стефановиќ.

(0 гласови)

Министерот за транспорт и врски Владо Мисајловски денеска заедно со градоначалниците на Валандово и на Гевгелија изврши увид во градежните работи на автопатот Демир Капија – Смоквица. Тој е во завршна фаза. Завршени се околу 90 проценти од работите на делницата долга 28 километри за која се инвестирани околу 127 милиони евра.

Се очекува автотатот да биде готов до средината на следната година.

– Инвестициите во изградба на капиталните проекти се наш најголем приоритет. Тоа го докажавме во изминатите години, го докажуваме и сега. Само на Коридор 10 инвестираме над 230 милиони евра за подобрување на сообраќајот. Покрај овој автопат, моментално го реконструираме и од Смоквица до Гевгелија кој исто така е во завршна фаза. Во исто време се реконструира и автопатот од Куманово кон Скопје. До крај на годината ќе потпишеме и договор за реконструкција на автопатот од Скопје кон Куманово и од почетокот на следната година да започнеме со градежните работи. Следната година ќе започнеме и со реконструкција и на делот од Велес до Градско. Веќе се започнати подготвителни работи за реконструкција на 8 км на делницата од Демир Капија до Неготино, набрзо и тука ќе започнеме со градежните работи, изјави министерот Мисајловски.

Тој најави дека во следниот период ќе се продолжи и изградбата и реконструкцијата на над 60 регионални и магистрални патишта меѓу кои и изградбата на шест нови експресни патишта, за што ќе бидат инвестирани над 530 милиони евра.

Мисајловски потенцира дека во соработка со општините, преку Министертвото за транспорт и врски и Јавното претпријатие за државни птишта ќе се реконструираат над 200 локални патишта за што ќе бидат одвоени 30 милиони евра.

(0 гласови)

Граѓаните најмногу доверба имаат во лидерот на владејачката партија, Никола Груевски. Тој ужива речиси двојно поголема доверба од лидерот на опозицијата Зоран Заев. На Груевски му веруваат 20,8 проценти од гласачите, наспроти 11 проценти кои му веруваат на Заев, покажуваат резултатите од последната анкета што ја спроведе реномираната и угледна агенција за истражување на јавното мислење, „Брима галуп“.

tbl01-chart-01-politicari-horizontal

Доколку се издвојат одговорите на Македонците што биле дел од ова испитување на јавното мислење, претседателот на ВМРО-ДПМНЕ, Груевски, ја има довербата кај 28,6 отсто од македонските гласачи. За претседателот на СДСМ, Заев, се изјасниле 13,1 процент од македонските гласачи.

 

chart-01-politicari-horizontal

„Брима галуп“, која ги изработува и истражувањата на јавното мислење за потребите на престижниот американски Интернационален републикански институт, ја спроведе анкетата на барање и во соработка со неделникот „Република“. Теренската анкета за испитување на јавното мислење на граѓаните во однос на повеќе прашања поврзани со актуелни политички теми, е спроведена во периодот од 11 до 17 ноември 2016, при што се анкетирани 1006 испитаници на возраст над 18 години.

Со оглед на фактот што на сите досегашни избори, етничките Албанци во Република Македонија речиси стопроцентно гласаа за политичките партии во албанскиот политички кампус, посебно ги издвојуваме резултатите од анкетата кои се однесуваат на мислењето на Македонците. Истовремено, тргнувајќи од фактот што македонските гласачи на избори, во најголем процент својата поддршка ја даваат за ВМРО-ДПМНЕ и за СДСМ, истражувањето генерално е насочено со прашања кои се однесуваат за овие две политички партии, освен одговорите на прашањето за рејтингот на политичките партии, каде што освен македонското гласачко тело предвид беше земено севкупното расположение на сите етнички заедници (Македонци, Албанци, Турци, Срби, Роми, Власи, Бошњаци и останати), со цел да се добие реален приказ за расположението на граѓаните за сите релевантни политички партии во државата.

tbl02-chart-02-partii

Поголем дел од гласачите во земјава би гласале за ВМРО-ДПМНЕ – 25,8 проценти. За СДСМ се изјасниле 16,7 проценти. Ваков е одговорот на испитаниците на прашањето Ако учествуваат сите партии за која партија би гласале доколку следната недела се одржале нови парламентарни избори?

 

chart-02-partii

Доколку се издвојат одговорите на Македонците што биле дел од ова испитување на јавното мислење, ВМРО-ДПМНЕ повторно е во значителна предност пред СДСМ. 35,9 отсто се изјасниле дека ќе гласаат за ВМРО-ДПМНЕ, а 21,6 отсто за СДСМ.

Најголем приоритет за граѓаните е подобрување на животниот стандард. Потоа следи вработувањето, па зголемувањето на личниот доход.

 

chart-03-prioritet

tbl03-chart-03-prioritet

А најдобро решение за приоритетниот проблем граѓаните го гледаат во владејачката ВМРО-ДПМНЕ. Дури 26 отсто веруваат дека ВМРО-ДПМНЕ може да го подобри животниот стандард. 16,8 отсто решението на овој приоритетен проблем го гледаат во СДСМ.

 

chart-04-partii-problem

tbl04-chart-04-partii-problem

33 отсто од сите испитаници се изјасниле дека ВМРО-ДПМНЕ е поактивна во нивната средина за да ја добие поддршката од населението, а 15,2% сметаат дека тоа е СДСМ.

 

chart-05-partii-poaktivna

tbl05-chart-05-partii-poaktivna

Кај македонските испитаници таа разлика е многу поголема – 45,5 се изјасниле за владејачката ВМРО-ДПМНЕ, а 19,8 проценти за СДСМ.

chart-05-partii-poaktivna-2

Анкетата ја репрезентира популацијата според основните демографски карактеристики – пол, возраст, образование, национална припадност, работен статус, место на живеење село – град, регион. Анкетирањето е спроведено со метод анкета лице влице, во домот на анкетираниот. Се анкетира само едно лице во семејство кое е избрано случајно во рамките на семејството лицето кое има прв следен роденден.

Маргина на грешка е ± 3.1 проценти.

(0 гласови)

Делегацијата на Европската Унија и семејството на Обединетите нации ги здружуваат силите со меѓународните и национални партнери во кампањата „16 дена активизам против родово базираното насилство”, со цел поттикнување на иницијативи за ставање крај на насилството врз жените и девојчињата низ целиот свет. 

Под мотото „Вклучи се. Исклучи насилство“, во текот на 16 дена помеѓу 25 ноември – Меѓународниот ден за елиминација на насилството врз жените и 10 декември – Меѓународниот ден на човековите права, ќе се реализираат бројни активности низ целата држава, вклучително дебати, јавни настани, како и изразување поддршка од јавни личности. 

Како дел од глобалната кампања „Да го обоиме светот во портокалово: крај за насилството врз жените и девојчињата“, и Скопје со монументалното Скопско Кале, заедно со националните знаменитости низ целиот свет, живописните Нијагарини водопади во САД, рушевините на Петра во Јордан и седиштето на Европската комисија во Брисел, ќе заблеска во портокалова боја како симбол за посветла иднина без насилство врз жените.

„Насилството врз жените во исто време е и најзастапено и најмалку признаено прекршување на човековите права во светот“, вели Постојаниот координатор на Обединетите нации, Луиза Винтон. „Тоа мора да се промени, доколку не сакаме да прифатиме реалност во која половина од светот живее во страв од другата половина. Време е да се стави крај на молкот за насилството врз жените; време да ѝ ставиме крај на неказнивоста што ја уживаат сторителите“, рече Винтон.

„Низ целиот свет секоја трета жена била физички нападната, присилена на секс или поинаку злоупотребувана во својот живот. Насилството има корен во глобалната култура на дискриминација, која на жените им ги негира основните и еднаквите права и можности. Насилството може да престане. Секој од нас може да игра улога, да направи промена за да го дигнеме гласот против секое неприфатливо однесување што го гледаме околу нас“ вели Амбасадорот на ЕУ Самуел Жбогар. 

ЕУ и агенциите на ОН во земјава ќе продолжат со поддршка на сите чинители, владини и невладини организации, да ги  преточат правните гаранции во значајна промена на начинот на кој полицијата, обвинителите, судиите, судството, здравствените и социјалните работници ги вршат своите должности за обезбедување родова еднаквост.

(0 гласови)

Четвртиот четврток во ноември во САД се слави Денот на благодарноста, празник кој луѓето најчесто го поминуваат во кругот на семејстворо пред полни маси храна на кои посебно се истакнува голема кокошка.

Тоа е ден на кој секој Американец би требало да му се посвети на домот и своето семејство и би требало да биде влагодарен на тоа. Но, штом стрелките чукнат на полноќ, ширум земјата почнува вистинска лудница наречена „Црн петок“.

Со децении овој ден се смета како почеток на Божиќното купување во САД, а денот пригодно се обележува со огромни попусти, што привлекува голем број на луѓе. Можеби и преголем број имајќи предви дека тепачките и повредите станаа составен дел од овој луд ден. Дека во текот на Црн петок во САД е вистинска лудница, доказ е и „црната статистика“. Така од 2006 година животот го изгубиле 7 лицам додека 98 се повредени.

Интернетот е полн со снимки на туркања, но и понижувања кои луѓето се подготвени да ги поднесат само евтино да добијат некој телевизор или слично.

Како и голем дел други работи, остатокот од светот почна да го копира овој феномен, Црн петок така е достапен во секое катче на светот , но не е толку популарен како што тоа е случај во САД. Причините се многу помали намалувања отколку во САД.

Ниту Балканците, па ниту Македонците не се имуни на Црн петок па секако денес ќе прошетаме и погледнеме што нудат и по какви цени нашите трговци, па ќе ги сумираме и анализираме цените.

Значење на „Black Friday“

Иако на интернет може да се најдат тврдења дека Црн петок го добил името по денот на кој во минатото се продавале робови, тоа не е точно. Тој термин почнал да се користи речиси после едно столетие откако ропството е забрането во САД.

Најраното користење на терминот  „Black Friday“ е поврзано со појавата на недостиг на работници кои се јавувале како болни после Денот на благодарноста и тоа како би имале четири слободни дена. Тоа било околу 1950-тите.

Употребата на терминот е забележана во 1961 година, но не од трговци, туку од полицајци. Луѓето кои тргнале во купување би направиле големи гужви па полицијата би имала полни раце работа.

Постои и објаснување кое се поврзува со продавачите. Тој петок наводно бил ден кога продавачите конечно би почнале да прикажуваат добивка што во книговодствениот речник би значело дека од „црвено“ преминале во “црно“.

(0 гласови)

Најдобар угостителски објект меѓу најдобритеза 2016 година е Скај Бар во хотел Руссиа. Ова е резултатот од спроведеното истражување на Агенцијата SWOT Research, чии тајни купувачи оценувале според неколку критериуми: прв контакт, хигиена на објектот, тоалет, амбиент, услуга на келнерите, општа услуга и завршен контакт.

priznanitsa
Ова е доказ дека квалитетот на услугата кон клиентите е на највисоко ниво, како наша примарна цел. Со исто толкаво внимание се посветуваме и на општото ниво на квалитет и на целокупниот амбиент во Скај Бар.
najdobri-ugostitelski-objekti-2016-640x425-1
Проектот Најдобар угостителски објект меѓу најдобрите се спроведува по деветти пат, а годинава за првпат се избираа и трите најдобри кафе барови на подрачјето на град Скопје. Меѓу нив лидер е Скај Бар.
Top