(0 гласови)
Авионот во кој што имаше 72 патници и 9 членови на екипажот се сруши пред да слета кај градот Меделин во Колумбија, а според последните информации загинале 76 лица, а петмина преживеале.

Како што пренесуваат јужноамериканските медиуми, боливискиот авион итно побарал слетување на аеродромот во Меделин. Набрзо добил дозвола за тоа, но во тој момент била загубена комуникацијата.

Случајноста сакала оваа несреќа да се случи 27 години после една од најголемите авионски несреќи во историјата на Колумбија која ја режирал нарко босот Пабло Ескобар. Датумот е речиси ист, луѓето на Ескобар го срушиле авионот на Авианка Ерлајнс кој што летал од Богота во Кали на 27-ми ноември 1989-та година.

Во таа несреќа загинаале 107 патници и членови на екипажот, а загинале и три лица на земјата кои што биле погодени од остатоците на авионот кој што целосно бил уништен од бомба. Според истрагата, бомбата била поставена во рачниот багаж на еден од патниците. Станува збор за еден од најкрвавите напади кои што ги извеле луѓето на Ескобар.

Ескобар добил информации дека во авионот ќе се наоѓа Цезар Гавириа Трухиљо кој се кандидирал за претседател на државата. Меѓутоа тој во последен момент не се качил на авионот, а набрзо подоцна станал претседател на државата и главен непријател на Пабло Ескобар.

Ескобар бил најголемиот нарко дилер во историјата, а дневно во САД шверцувал кокаин вреден и по неколку милиони долари. Според некои информации, тој во еден момент контролирал 70% од пазарот со кокаин во светот, а дневно заработувал и по 70 милиони долари.

Но и покрај огромната моќ, тој сепак последните години од својот живот ги поминал криејќи се од властите и конкуренцијата, за на крај да биде убиен од колумбиската полиција во декември 1993-та година во Медељин.

(0 гласови)
Колумбиските власти објавија дека авионската несреќа во Колумбија ја преживеала уште една личност, исто така бразилски фудбалер, а Бразил во вторникот прогласи тридневна национална жалост.

Шестиот преживеан е бразилскиот фудбалер Хелио Хермито Зампиер Нето чие спасување моментално е во тек, соопшти колумбиската Национална канцеларија за управување со катастрофи (UNGRD), додавајќи дека не е исклучено да има уште преживеани.

Бразил прогласи тридневна жалост поради авионската несреќа во Колумбија во која загинаа повеќе од 70 луѓе, меѓу кои и голем дел од бразилскиот фудбалски тим Шапикоенсе. Авионот се урнал во понеделникот навечер во близина на Меделин, а во него имало 81 лице.

Останатите преживеани – фудбалерите Алан Лучијано Рушел, Маркос Данило Падиља и Џексон Рагнар Фолман, физиотерапевтот Рафаел Кореа Гобато и стјуардесата Химена Суарез се наоѓаат во болница во близина на местото на падот на авионот

Фудбалерите на бразилскиот прволигаш Шапикоенсе патувале на првиот финален натпревар во Копа Судамерикана, пандан на европската Лига Европа, против локалниот Атлетико Насионал од Меделин.

Чартер авионот на британскиот производител British Aerospace е произведен во 1999 година. Објавени се детали од последниот разговор на пилотот со контролата на летот. Пилотите на контролата на летот во Маделин и` јавиле дека имаат проблем со моторот и, зачудувачки, дека им недостасува гориво. Контролата на летот тогаш им дала одобрение за вонредно слетување.

Но, околу полноќ по локално време, се изгубил контактот помеѓу контролата и авионот. Залудно дежурниот диспечер загрижено му повторувал на пилотот да се јави. Од другата страна немало одговор. Авионот веќе удрил во шумската непристапна земја. Медиумите наведуваат и дека во моментот на несреќата времето било исклучително лошо со дожд и грмотевици. При ударот, авионот се поделил на два дела.

Авионот во кој настрадаа бразилските фудбалери пред неколку дена ја превезувал и аргентинската фудбалска репрезентација на чело со Лео Меси, а пред тоа и венецуелската. Со авионот управувала чартер компанијата „LaMia“.

(0 гласови)
Турската влада наводно има таен план според кој ќе дозволи секој ден најмалку по 3 илјади бегалци да отпловат кон Грција, откриле разузнавачките служби на нашиот јужен сосед.

Грчките аналитичари тврдат дека илјадници чамци и моторни бродчиња можат да се видат долж турскиот брег откако пропадна договорот помеѓу Брисел и Анкара, пренесува британски Independent.

Турскиот претседател Реџеп Таип Ердоган веќе во неколку наврати се закани дека ќе ги отвори границите доколку Европската унија продолжи да ги блокира преговорите за членство на Турција во Европската унија.

Европскиот парламент изгласа привремено замрзнување на преговорите на членство на Турција во Унијата поради загриженоста за бруталното будење на незадоволство во земјата после неуспешниот воен удар во јули оваа година

„Ако направите само еден чекор нанапред ќе ги отвориме границите. Ниту јас, ниту моите луѓе не се под влијание на вашите закани. На нам нема ништо да ни значи ако така изгласате“, изјави Ердоган.

Според договорот постигнат оваа година, сите бегалци кои што би пристигнале на грчкиот и италијанскиот брег би биле враќани назад во Турција, а Европската унија на властите од Анкара им вети парична помош, безвизен режим за граѓаните на Турција и забрзување на преговорите за членство на Турција во Европската унија.

Но, како што пренесува грчки „Прото Тема“, Анкара се откажала од условите кои што ги поставиле од Брисел и сега би можеле да ги отворат границите и да ги пуштат бегалците кон Европа. Наводно таквиот развој на настаните е само прашање на време.

Атанасиос Другас од грчките разузнавачки служби изјавил за „Тајмс“ дека никој не треба да го потценува турскиот претседател Ердоган и неговата непредвидливост овие денови.

„Тие планови и експлицитни закани кои што турскиот претседател ги изнесе во текот на изминатите неколку седмици сериозно ја загрижија Грција. Ако Турција повторно ги отвори границите, Грција поради моменталната финансиска и социјална состојба нема да може да го поднесе тој шок“, изјави Другас.

„Додека има неред во Европа, Ердоган мисли дека има слобода да ја уценува Европската унија користејќи ја бегалската криза како инструмент“, додаде Другас.

Повеќе од еден милион бегалци од кои во најголем дел се од Сирија и Ирак, минатата година пристигнаа во Европа, од кои најголемиот дел преку Турција. Моментално над 60 илјади бегалци живеат во бегалските кампови во Грција откако Македонија ги затвори границите. Сепак, ваквиот потенцијален развој на настаните дефинитивно ќе ја потресе и нашата земја со оглед на тоа што Македонија е дел од Балканската рута.

(0 гласови)

Синоќа во книжарницата Литература.мк (на улицата "Македонија"), беше промовирана монографијата "Маестро Александар Џамбазов - живот низ сеќавања, афоризми, сентенции".

На промоцијата присуствуваше и Никола Попоски, носител на изборната листа на ВМРО-ДПМНЕ за изборната единица 1, во придружба на министерката за култура Елизабета Канчевска Милевска.

-Збогатувањето на понудата од каде може да се купат дела со убав пишан збор е важно за секој љубител на книгите. Затоа и #ВМРОДПМНЕ во наредните четири години предвидува десетици проекти токму во оваа област. #Реално #ИЕ1, напиша на својот фејсбук профил Никола Попоски.

-Еден народ, култура, јазик е онолку жив колку што се твори на него... Затоа, во следните четири години ќе го имплементираме проектот превод на македонски јазик на биографии и автобиографии, мемоари и монографии на светски познати личности од областа на економијата, бизнисот, политиката... што ќе опфати издавање на над 150 вакви дела. #Реално, потенцираше Попоски.

Книгата во чест на 80-годишнината од неговото раѓање ја подготвија музиколозите Јулијана Папазова и Елени Новаковска, а ја издаде Центарот за музикологија ЦЕМ, по иницијатива на Сојузот на композиторите на Македонија. Промотор е Бранка Костиќ-Марковиќ, уредник на "Астрорум" на "Литература.мк"

"Маестро Александар Џамбазов‘‘ е монографија посветена на животот и творештвото на знаменитиот македонски диригент и композитор Александар Џамбазов, но во исто време фрла светлина и врз културно-општествениот амбиент на повеќе периоди од македонската музичка историја", најавуваат од ЦЕМ.

(0 гласови)

Централната новогодишна елка годинава ќе биде повисока од 18 метри, а на плоштадот „Македонија“ ќе има светлосни и други украсни елементи. Покрај плоштадот, во поширокиот реон на централното градско јадро ќе бидат украсени и следните улици булеварот „Илинден“ до раскрсницата со ул. „Френклин Рузвелт“, просторот пред Владата на Република Македонија, ул. „Даме Груев“, Булевар „Партизански одреди“ до раскрсницата со бул. „8 Септември“ и платото пред Универзална сала, ул. „Димитрие Чуповски“, ул. „11 Октомври“, булеварот „ВМРО“, ул. „Филип Втори“, на потегот од раскрсницата кај Специјалната болница за хируршки болести „Св. Наум Охридски“ до раскрсницата кај Т.Ц. „Мавровка“, просторот пред Судската палата и бул. „Гоце Делчев“ од Т.Ц. „Мавровка“до Влада на Република Македонија, Старата чаршија пред националната галерија Чифте Амам, украсување на Паркот „Жена борец“, украсување на просторот пред црквата „Св. Богородица“, украсување на плоштадот „Филип Втори“, пред црквата „Св. Димитрија“, украсување на улица „Македонија“, бул. „Климент Охридски“ од Влада на РМ до зградата на „Нова Македонија“, плоштадот „Пресвета Богородица“, булеварот Крсте Мисирков до крстосница со улица Цветан Димов, булеварот Христо Татарчев до крстосница со булевар Гоце Делчев, до раскрсница со улица Цветан Димов, булеварот Александар Македонски од крстосница со улица Беласица до крстосница со улица 16 Македонска бригада.

http://kanal5.com.mk/uploads/10-3377-.jpg

Декорирањето ќе го реализира фирмата Линк Медија која имаше најповолна понуда на јавниот повик и за таа цел Град Скопје ќе издвои околу 12 милиони денари или околу 200.000 евра.

Декорирањето е во тек, додека раскрасувањето ќе биде од 15 до 25 јануари 2017 година.

(0 гласови)

1.784.416 граѓани се запишани во единсвтениот избирачки список за претстојните собраниски избори- соопшти ДИК. Од нив, во дипломатско- конзуларните претставништва ќе гласаат 20.573 гласачи.

На посебниот избирачки список се запишани 230.122 лица за кои се смета дека се на привремена работа во странство. На вчерашната седница одреден е и изгледот на избирачкото ливче.

На изборите на 11-ти декември ќе гласаат и 13 внатрешно раселени лица, 2.015 лица кои се во притвор или во затвор. Во просториите на ДИК, пред изборите, ќе гласаат и 320 лица кои се членови на Избирачките одбори во дијаспората.

(0 гласови)

Спасувачки екипи досега пронајдоа 10 преживеани лица, како и тела на 25 загинати, при урувањето на боливискиот авион со 81 патници и членови на екипажот во централна Колумбија.

Авионот на боливиската чартер компанија „Ламија“ сообраќал од Боливија кон колумбискиот град Меделин.

Аеродромот во Меделин, каде што требаше да слета авионот, на неговиот налог на Твитер наведе дека операцијата за потрага по преживеани во несреќата е отежната поради силните дождови во регионот, како и дека до местото на несреќата може да се стигне само по копнен пат.

Светските медиуми, повикувајќи се на локалните новинари, објавија дека меѓу првите во болницата бил донесен 27 годишниот фудбалерот Алан Рушел.

Според колумбиската управа за цивилно возфухопловство, причините за несреќата се уште не се познати, како ни точниот број на жртви.

- Веројатно авионот останал без гориво, изјавил Елкин Оспина, градоначалник на блискиот град Ла Цеха.

Со урнатиот авион патувале и фудбалери на бразилски клуб „Чапокоензе“, кои утре требаше да играат натправар во Меделин против локалниот клуб „Атлетико Насионал“ во финалето на Купот на Јужна Америка.

Меѓу десетмината преживеани патници се и тројца фудбалери на „Чапокоензе“

- Ова е огромна трагедија, истакна градоначалникот на Меделин, Федерико Гутирес. 

rajan1

rushel-i-danilo

(0 гласови)

Според податоците на Министерството за земјоделство, шумарство и водостопанство за утрешната акција на денот на дрвото планирано е да бидат пошумени вкупно 503,89 хектари со 2.611.143 садници.

Акцијата ќе се спроведува на 60 локации во 30 подружници (катастарски општини), а за пошумување ќе се користат црн и бел, бор, багрем, јасен, јавор, чемпрес, аризонски чемпрес, смрча, дуглазија, даб, питом костен, дива круша, црн орев...

Според Министерството за земјоделство, шумарство и водостопанство, дополнително по 2.000 леандри (вкупно 4.000) ќе бидат засадени покрај автопатот Демир Капија - Смоквица и во општина Дојран, а обезбедени се и 300 декоративни садници од кои 150 (четинари повисоки од 130 сантиметри) за Здружението на граѓани „Ден на дрвото ­ засади ја својата иднина!“

Во организација на акцијата се вклучени голем број на институции, а има и отворен повик за сите заинтересирани граѓани да се придружат.

По повод Денот на дрвото, утре, 30 ноември, е неработен ден, освен за здравствените институции. Градинките треба да се со вообичаеното работно време. Датумот за одработување на овој ден дополнително ќе биде определен.

http://turlitava.com/wp-content/uploads/2015/11/drvo-den1.jpg

(0 гласови)

Министрите за надворешни работи на Република Македонија и на Австрија Никола Попоски и Себастијан Курц на вчерашната средба усвоија акциски план „Австрија - Македонија 2017“ во кои се опфатени заеднички проекти за практична соработка во повеќе области - европска интеграција, економија, животна средина, култура, образование и наука.

- Акцискиот план е одличен пример на заемен интерес за соработка преточен во конкретни проекти со мерливи резултати, и ваквиот пример Република Македонија настојува да го промовира и со преостанатите земји - истакна Попоски.

Во рамките на работната посета на австрискиот министер на Република Македонија, се разговараше за билатералните односи и соработката, европската интеграција на Република Македонија, бегалската криза, која ја потврди потребата од засилена меѓусебна соработка, за одговор на предизвиците со кои денес се соочува Европа.

Двајцата министри заклучија дека билатералните односи и соработката одлично се развиваат. Од двете страни постои интерес за понатамошно унапредување на економската соработка, особено што Република Австрија е втор по големина инвеститор во Република Македонија, со околу 40 австриски компании на македонскиот пазар и трговска размена од повеќе од 100 милиони евра.

Посебен акцент на разговорите беше ставен на евроинтегративниот процес на Република Македонија од страна на Австрија, истакнувајќи ја целосната поддршка и помош во тој правец. Од македонска страна беше изразена целосна поддршка и подготвеност на Република Македонија за соработка за време на австриското претседавање со ОБСЕ во текот на следната година, поздравувајќи ги приоритетите, како што се: борба против радикализмот, континуираното зголемување на воените конфликти и повторно воспоставување доверба меѓу земјите-членки на ОБСЕ.

Спроведувањето фер и демократски избори на 11 декември исто така беше една од главните теми на разговорите, во чии рамки беше истакнато очекувањето од австриска страна народот во Република Македонија да пресуди која е најдобра опција за нив, за стабилизирање на состојбата потоа и ставање крај на политичката криза.

(0 гласови)

Во текот на историјата на архитектурата, има постојана потрага и натпреварување во иновацијата и големина на градбите. Почнувајќи од пирамидите во Египет, до катедралите во Европа, па се до новите високи облакодери во Азија, инвеститорите постојано се стремат да ја достигнат висината која за сите во архитектурата преставува посебна и голема инспирација.

Она со кое Македонија може да се гордее во ова поле се висококатниците на Џевахир Скај Сити. Четирите згради со по 40 ката што преставува најголемиот и највисокиот комплекс во Македонија и на Балканот.

Градбите можат да достигнат толкава висина само ако се стабилни и силни, односно ако нивната основа и база е цврста и ги задоволува сите можни домашни стандарди за безбедност во градењето што впрочем се на исто ниво со светските. Она што ја гарантира безбедноста и цврстината на Скај Сити зградите се 716-те столбови под основата, каде секој столб е долг 24 метри во длабочина и 1 метар дијаметар во широчина. Овие столбови заедно со двата подземни ката се вкупно 32 матри под земја. Неодамнешните тестирања од страна на Институтот за земјотресно инжинерство и инжинерска сеизмологија докажаа дека комплексот на Скај Сити без никаков проблем може да издржи земјотрес повисок од 7 степени според Рихтер.

Експертизата на институтот искомбинирана со искуството од ваков тип објекти што ги гради Џевахир резултира со потврда дека овие згради се најсигурна градба во Македонија, а исто така и го потврдува фактот дека во земјата можна е изградба на високи градби од голема издржливост ако се запазат и почитуваат сите зададени критериуми при градење.

skycity001

Top