(0 гласови)

Рејтингот на турскиот претседател Реџеп Таип Ердоган значително е зголемен по минатомесечниот неуспешен воен удар, покажуваат резултатите од денеска објавената анкера.

Речиси две третини од испитаниците, односно 68 проценти изјавиле дека се задоволни од работата на Ердоган, што е се за 21 поени повеќе од анкетата во јуни.

Само 27 отсто од анкетираните изјавиле дека не се задоволни од неговата политика, додека во јуни нивниот процент изнесувал 47 проценти. Анкетата е спроведена од „Метропол“ во периодот од 28 јули до 1. август, околу две недели по пучот, при што се испитани 1.275 луѓе.

(0 гласови)

Градот Скопје пред една недела го склучи договорот за изградба на новиот Луна парк во Скопје. Проектот со површина од околу 40.000 метри квадратни ќе го гради фирмата „Жикол“ од Струмица во наредните 22 месеци. На тендерот биле доставени седум понуди, но струмичката компанија имала најповолна понуда за изведба на градежниот дел од Луна паркот. Местото за рекреација на најмладите скопјани ќе го чини буџетот на Град Скопје 101.417.362 денари, односно над 1,6 милиони евра. Дополнителни финансиски средства ќе бидат издвоени за купување на два адреналински, шест семејни и 18 детски реквизити.

Паралелно со реализацијата на градежниот дел, градските власти денеска распишаа нов тендер за набавка, транспорт и монтажа на реквизити во идниот забавен парк. Според информациите од веб-страницата на Бирото за јавни набавки, планирано е да се набават седум реквизити со проценета вредност од 109.217.850 денари (околу 1,7 милиони евра), без вклучен ДДВ. Крајниот рок за доставување на понуди од заинтересираните компании е 19 септември. По набавката на овие реквизити, Градот Скопје етапно планира да ги купи и останатите содржини од новиот Луна парк.

Вкупната вредност на замислениот забавен парк во Градскиот парк изнесува 6,5 милиони евра. Портите од овој проект за најмладите жители на Скопје ќе бидат отворени во 2018 година.

(0 гласови)

Цревни и кожни заразни заболувања се регистрирани кај десетина жители во Стајковци. Најголем број од нив се деца. Заболени биле пријавени и во Смилковци, објави порталот „Здравство24“. 

Имаме веќе четири деца кои ги хоспитализиравме на инфективна. Има и со кожени заболувања и тоа што вчера викаа дека е алергија не е, тоа се бактериски инфекции, вели др. Ангела Мими Христов од Клиниката за Детски болести.

Од денеска од куќа во куќа каде што има хронично болни одат тимови од патронажни сестри. Им ја носат неопходната терапија која им била поплавена.

Министерот за здравство Никола Тодоров, вели дека преку Мој Термин ја добиле бројката на хронично болните.

-Ја следиме здравствената состојба. Овде има секакви екипи од здравствен аспект. И итна помош се тука постојано со своите возила, потенцира Тодоров.

На влезот во Стајковци е и пунктот на Брза Помош. Постојано имаат жители од селото кои бараат здравствена помош. Денеска во болница однеле само четворица.

-Доаѓаат поради крвниот притисок, или се во стресна состојба и бараат наша помош, вели лекарот од Брза Помош.

Топлото време е дополнителен проблем за ширење на заразните болести. Епидемиолозите апелираат на одржување на личната хигиена. Засега добра околност за погодените жители е што водата за пиење е безбедна.

-Можат да ја пијат безбедна е, но мора да мијат раце, да не јадат контаминирана храна, вели Михаил Кочубовски од ИЈЗ.

Од Министерството за здравство ќе побараат од Град Скопје дезинсекција на целиот регион.

(0 гласови)

Јавното сообраќајно претпријатие денес информираше дека е обезбедебен бесплатен превоз за волонтерите кои ќе помагаат во поплавените реони. Автобусите на Јавното сообраќајно претпријатие кои превезуваат волонтери за помош во поплавените подрачја ќе поаѓаат во 9:00, 12:00 и 15:00 часот.

Автобусите ќе поаѓаат од следните локации:

- Ѓорче Петров - пред црквата Св. Петар и Павле; продолжува кон Карпош - спроти Сити Мол, продолжува кон Центар – Југодрво, потоа кон Хотел Континентал (Спроти Општина Гази Баба) и продолжува кон крајната точка.

- Кисела Вода - пред општина Кисела Вода, продолжува кон Аеродром - на бул. Србија пред ОКТА и продолжува кон крајната точка.

- Бутел - пред стара општина Бутел, продолжува кон црква Св. Јован и продолжува кон крајна точка е Обилконица (Пункт накај Стајковци).

Последното враќање е во 19:00, соопштија од ЈСП. 

(0 гласови)

Најпогодените од поплавите ќе добијат 1,6 милиони евра како авансно обесштетување. Претседателот на Владата Емил Димитриев денеска од општина Илинден информираше дека на последната владина седница донесена е одлука за обесштетување на граѓаните. 

- На вчерашната седница донесовме одлука авансно  да помогнеме во исплатата на штетите на настраданите семејства од поплавениот регион, со средства кои во овој момент ги имаме од стоковите резерви. Тоа се околу 100 милиони денари или околу 1,5 милиони евра. Паралелно ќе се одвива и процесот на проценка на штетите,  и за домаќинствата и за компаниите, рече Димитриев.
 
Димитриев попладнево посети 20-тина поплавени куќи во Општина Илинден заедно со градоначалникот на општината Жика Стојановски и министерот за транспорт и врски, Владо Мисајловски. Таму активно работат пумпи кои 24 часа ја вадат водата од домовите. Не беа поштедени ни дел од големите фирми, кои исто така пливаа во вода, но сепак, има значително подобрување и нивото се намалува. Во дворовите или во пониските делови од компаниите ќе се извлекува водата со помош на цистерни.
 
Градоначалникот Жика Стојановски информира дека во индустриската зона во Илинден целата вода од сливното подрачје што беше зафатено со невремето се слива кај комплекост,  на влезот во Илинден, пред автопатот.  
 
- Овој дел, како најнизок се заезери бидејќи го зафати првиот бран од водата што дојде и целата вода ќе поминува низ канал преку Илинден, Марино, Кадино, Мралино, Петровец и оди во Таор, каде со пумпи се префрла во Вардар, рече Стојановски.
 
Во Илинден денеска се приклучени десетина пумпи и дополнително дваесетина со помал капацитет. Во дворовите или во пониските делови од компаниите ќе се извлекува водата со помош на цистерни.
 
Паралелно, тимовите за проценка се на терен и работат на утврдување на настанатата штета. Граѓаните од Илинден побараа да се донесат уште пумпи за испумпување на водата, по што министерот Владо Мисајловски ги информираше дека веднаш ќе пристигнат 20 водни пумпи.
 
Граѓаните изразија загриженост што се уште се без струја. Димитриев им рече дека ќе дојдат стручни тимови од ЕВН за да проценат дали треба да се вклучи за да не настане проблем.
 
(0 гласови)

Народната банка на Република Македонија ја известува јавноста дека е издадена и пуштена во оптек кованата пара за колекционерски цели „Мајка Тереза“. 

Кованата пара „Мајка Тереза“ ги има следниве карактеристики:

  • на аверсот, во централниот дел на монетата е претставен грбот на Република Македонија и натписот „2016“. Околу монетата, по должината на периметарот, се прикажани натписите на македонски јазик: „Република Македонија“ и „100 денари“.
  • на реверсот, во централниот дел на монетата е прикажан портрет на Мајка Тереза. На левата страна, во заднината, се прикажани украси во форма на крстови и срца. Во долниот дел од левата страна е претставен цвет од повитот „Мајка Тереза“ („Matka Teresa“), одгледуван од страна на г. Стефан Франчак, полски језуитски монах. На десната страна се прикажани датумите „1910 ‒ 1997“ (годините на раѓање и на умирање на Мајка Тереза) и „2016“ (годината на нејзината канонизација). Исто така, прикажано е латинското име „Sancta Teresia de Calcutta“ (света Тереза од Калкута), како и името на Мајка Тереза, на македонски и на албански јазик.

Оваа кована пара е изработена од сребро Ag925, со тежина на среброто од 28,28 г, чистота на среброто од 26,16 г и во кружна форма со димензија 38,61 мм.

Цената на кованата пара „Мајка Тереза“ изнесува 3.500,00 денари.

Народната банка ја издава оваа кована пара по повод прогласувањето на Мајка Тереза за светица предвидено за септември оваа година.

Кованите пари за колекционерски цели издадени од Народната банка се законско средство за плаќање во Република Македонија.

Дополнителни информации за кованите пари за колекционерски цели се објавени на интернет-страницата на Народната банка на Република Македонија на следнава врска: www.nbrm.mk/Ковани пари за колекционерски цели.

(0 гласови)
Во една мексиканска емисија млад лав нападна мало девојче што седеше во скутот на својата мајка.

Во рамките на емисијата тренерите најверојатно сакаа да покажат дека дивото животно може да биде послушно со правилна дресура, но набрзо работите излегоа од контрола.

(0 гласови)

Сите земјоделски површини, без разлика дали се евидентирани во нашиот регистар или не, ќе добијат отштета. Ние како Влада и Министерство за земјоделство  за сè што им е направено како штета со оваа катастрофа ќе им исплатиме отштета, изјави денеска  министерот за земјоделство, шумарство и водостопанство Михаил Цветков.

Министерот Цветков денеска изврши увид во работењето на комисиите формирани за процена на штетите од невремето во село Стајковци.

– Имајќи го искуството со поплавите што беа во 2015 година  ние направивме измени на Законот со кој се овозможува да добијат отштета сите земјоделски површини. Комисиите за процена се на терен и работат со полн капацитет. Некаде за дваесет дена оваа работа треба да биде завршена – изјави Цветков.

Потсети дека како комисиите ќе ги обработуваат податоците тие ќе бидат дадени на Влада и ќе бидат исплатени од платежна агенција.

 
(0 гласови)

Штипската полиција ги уапси К.М. (66) и И.М.(41), двајцата од пробиштипското село Ратавица, кои се осомничени за поттикнување на убиство.

Полицијата открила дека при крајот на јули, таткото и синот, по претходен меѓусебен договор со намера да ја убијат живот Д.М. (35) снаа и сопруга, која поради нарушени брачни односи го напуштила домот во кој живеела со пријавените и заминала да живее во Штип, стапиле во контакт со М.Ц. (37) од Штип.

На него му ветиле награда од 10.000 евра за да ја грабне жената и да им ја предаде, па тие после на раат да ја убијат. На име капар за првите трошоци тиему дале 17.000 денари, а останатите ветиле дека ќе му ги дадат откако ќе им ја предаде. Но, за планот била алармирана полицијата која ги уапсила, а денеска судија на претходна постапка на пријавените изречена им е мерка притвор во траење од 30 дена.

(0 гласови)

Турскиот претседател Реџеп Тајип Ердоган изјави дека Турција и Русија постигнале договор за заедничко финансирање на изградбата на гасоводот „Турски тeк”, според моделот 50:50.

Како што јави ТАСС, на средбата на Ердоган со рускиот претседател Владимир Путин во Санкт Петербург во втроникот е договорено да се возобнови работата на проектот.

Со тој преддоговор е предвидено и создавање на работна група и изработка на мапи.

Турскиот амбасадор во Москва, Умит Јардам во исто време најави дека преговорите за проектот „Турски тeк“ ќе продолжат „со нов сили во текот на претстојните недели“.

– Решивме активно да ги интензивираме контактите во врска со „Турскиот тeк“. Двете земји имаат различен поглед кон проектот, за што ги почнавме преговорите уште пред кризaта, изјави Јардим.

gasovod

Според планот, од Русија до територијата на Турција гасоводот ќе минува по дното на Црното Море. Доколу преговорите завршат успешно, првата делница од гасоводот би можела да биде изградена веќе во декември 2019 година.

Top