(0 гласови)

Според податоците на Министерството за земјоделство, шумарство и водостопанство за утрешната акција на денот на дрвото планирано е да бидат пошумени вкупно 503,89 хектари со 2.611.143 садници.

Акцијата ќе се спроведува на 60 локации во 30 подружници (катастарски општини), а за пошумување ќе се користат црн и бел, бор, багрем, јасен, јавор, чемпрес, аризонски чемпрес, смрча, дуглазија, даб, питом костен, дива круша, црн орев...

Според Министерството за земјоделство, шумарство и водостопанство, дополнително по 2.000 леандри (вкупно 4.000) ќе бидат засадени покрај автопатот Демир Капија - Смоквица и во општина Дојран, а обезбедени се и 300 декоративни садници од кои 150 (четинари повисоки од 130 сантиметри) за Здружението на граѓани „Ден на дрвото ­ засади ја својата иднина!“

Во организација на акцијата се вклучени голем број на институции, а има и отворен повик за сите заинтересирани граѓани да се придружат.

По повод Денот на дрвото, утре, 30 ноември, е неработен ден, освен за здравствените институции. Градинките треба да се со вообичаеното работно време. Датумот за одработување на овој ден дополнително ќе биде определен.

http://turlitava.com/wp-content/uploads/2015/11/drvo-den1.jpg

(0 гласови)

Министрите за надворешни работи на Република Македонија и на Австрија Никола Попоски и Себастијан Курц на вчерашната средба усвоија акциски план „Австрија - Македонија 2017“ во кои се опфатени заеднички проекти за практична соработка во повеќе области - европска интеграција, економија, животна средина, култура, образование и наука.

- Акцискиот план е одличен пример на заемен интерес за соработка преточен во конкретни проекти со мерливи резултати, и ваквиот пример Република Македонија настојува да го промовира и со преостанатите земји - истакна Попоски.

Во рамките на работната посета на австрискиот министер на Република Македонија, се разговараше за билатералните односи и соработката, европската интеграција на Република Македонија, бегалската криза, која ја потврди потребата од засилена меѓусебна соработка, за одговор на предизвиците со кои денес се соочува Европа.

Двајцата министри заклучија дека билатералните односи и соработката одлично се развиваат. Од двете страни постои интерес за понатамошно унапредување на економската соработка, особено што Република Австрија е втор по големина инвеститор во Република Македонија, со околу 40 австриски компании на македонскиот пазар и трговска размена од повеќе од 100 милиони евра.

Посебен акцент на разговорите беше ставен на евроинтегративниот процес на Република Македонија од страна на Австрија, истакнувајќи ја целосната поддршка и помош во тој правец. Од македонска страна беше изразена целосна поддршка и подготвеност на Република Македонија за соработка за време на австриското претседавање со ОБСЕ во текот на следната година, поздравувајќи ги приоритетите, како што се: борба против радикализмот, континуираното зголемување на воените конфликти и повторно воспоставување доверба меѓу земјите-членки на ОБСЕ.

Спроведувањето фер и демократски избори на 11 декември исто така беше една од главните теми на разговорите, во чии рамки беше истакнато очекувањето од австриска страна народот во Република Македонија да пресуди која е најдобра опција за нив, за стабилизирање на состојбата потоа и ставање крај на политичката криза.

(0 гласови)

Во текот на историјата на архитектурата, има постојана потрага и натпреварување во иновацијата и големина на градбите. Почнувајќи од пирамидите во Египет, до катедралите во Европа, па се до новите високи облакодери во Азија, инвеститорите постојано се стремат да ја достигнат висината која за сите во архитектурата преставува посебна и голема инспирација.

Она со кое Македонија може да се гордее во ова поле се висококатниците на Џевахир Скај Сити. Четирите згради со по 40 ката што преставува најголемиот и највисокиот комплекс во Македонија и на Балканот.

Градбите можат да достигнат толкава висина само ако се стабилни и силни, односно ако нивната основа и база е цврста и ги задоволува сите можни домашни стандарди за безбедност во градењето што впрочем се на исто ниво со светските. Она што ја гарантира безбедноста и цврстината на Скај Сити зградите се 716-те столбови под основата, каде секој столб е долг 24 метри во длабочина и 1 метар дијаметар во широчина. Овие столбови заедно со двата подземни ката се вкупно 32 матри под земја. Неодамнешните тестирања од страна на Институтот за земјотресно инжинерство и инжинерска сеизмологија докажаа дека комплексот на Скај Сити без никаков проблем може да издржи земјотрес повисок од 7 степени според Рихтер.

Експертизата на институтот искомбинирана со искуството од ваков тип објекти што ги гради Џевахир резултира со потврда дека овие згради се најсигурна градба во Македонија, а исто така и го потврдува фактот дека во земјата можна е изградба на високи градби од голема издржливост ако се запазат и почитуваат сите зададени критериуми при градење.

skycity001

(0 гласови)
Огромната дупка на патот која била санирана за само два дена, повторно почнала да тоне, што довело до затворање на улиците во јапонскиот град Фукуокa. Јапонија пред неколку седмици го воодушеви светот со својата ефикасност санирајќи ја дупката широка 30 и длабока 15 метри за само неколку дена.

Сепак, градоначалникот на градот на југозападниот дел од земјата морал да им се извини на жителите бидејќи дупката повторно почнала да тоне, па поради тоа улицата морала да се затвори за сообраќајот.

Имено, за време на викендот било забележано дека асфалтот на споменатото место повторно тоне. Официјалните лица навестиле дека е можно да дојде до одредени поместувања додека цементот и песокот не се сталожат.

Градот стана тема во сите светски медиуми кога се појави снимка на која се прикажани работници како цел ден и ноќ работат за да ја санираат огромната дупка на патот.

(0 гласови)

Утрово веста дека авионот во кој патувал бразилскиот прволигаш Чапекоенсе се урнал во Колумбија го потресе светот. Леталото тргнало од Боливија, а се урнало недалеку од Меделин. Во авионот патувал целиот бразилски тим, кој требало утре да игра финале во Копа Судамерикана против колумбискиот Атлетико Национал. Вториот дуел од двомечот бил закажан на 7 декември.

Чапекоенсе е тим од Бразил основан 1973 година, а во 2014 година влезе во Првата бразилска лига. До финалето на Копа Судамерикана стигнале елиминирајќи го големиот Сан Лоренцо од Аргентина.

cooopa__1480402387_80-80-44-214

Инаку, фотографијата на која во преден план се членовите на стручниот штаб на тимот, а зад нив во авионот седат играчите, била направена непосредно пред полетувањето.

pad2

(0 гласови)

Спроведувањето на слободни и фер избори заедно со имплементација на итните реформски приоритети ќе и овозможат на Македонија да се врати на патот кој ќе ја води кон отворање на преговори за членство во ЕУ, изјави денеска во Скопје шефот на австриската дипломатија Себастијан Курц по средбата со неговиот македонски колега Никола Попоски.

– Се надевам дека ќе успеете да направите важни реформски чекори пред се во правец на зајакнување на правната држава и она што сега е нужно, а тоа се слободни и фер избори кои треба да се спроведат. Доколку тоа успее, тогаш Македонија се наоѓа на добар пат кон ЕУ и секако ќе има и отворање на преговорите. За мене е тоа исклучително позитивно и коректно, рече Курц, изразувајќи поддршка за македонската евроинтеграција.

Австрискиот дипломат во таа насока истакна дека на денешната средба двете земји усвоија Акциски план за соработка за 2017 година кој се однесува на интеграцијата во ЕУ, соработката во Берлинскиот процес, како и во рамки на претстојното австриско претседавање со ОБСЕ во 2017 година.

Австрискиот министер за надворешни работи уште еднаш се заблагодари за активностите на Македонија за затворање на балканската рута за мигрантите што, како што рече, значително го намали притисокот врз австриската граница.

poposki-kurc

Министерот Попоски истакна дека Македонија е благодарна за австриската поддршка.

– Ние сме благодарни на поддршката која Австрија ни ја дава на патот кон ЕУ. Ова е многу значајно бидејќи се работи за наш највисок стратешки приоритет. Австрија е силен и убедлив поддржувач на овој пат и се надеваме и работиме интензивно во што е можно пократок временски период да отпочнеме процес на преговори со посебен фокус на фундаменталните поглавја 23 и 24 од преговорите, рече Попоски.

На новинарско прашање за неговото присуство на синоќешниот митинг на ВМРО-ДПМНЕ во Скопје, министерот Курц истакна дека тука нема ништо спорно и дека бил присутен во својство на член на Европската народна партија. Тој подвлече дека стои зад секој збор и оти ги повикал граѓаните на Македонија да излезат на избори, а за кого ќе го дадат својот глас решаваат само и единствено тие.

(0 гласови)

Во изминатиот период беше вработен поголем број на уметнички кадар. Воедно платите беа зголемени за 70 проценти, посочи денес носителот на кандидатската листа во првата изборна единица од ВМРО-ДПМНЕ Никола Попоски.

-Во следниот период се фокусираме и на инфраструктурата така што би нагласил дека во програмата за 2017-2020 е предвидена изградбата на нов Драмски театар со голема сала од 379 седишта и помала сала помеѓу 80 и 120 седишта. Уште еден значаен проект во културата е планираната изградба на Национална галерија каде би биле изложени највредните дела од македонски автори, истакна Попоски.

(0 гласови)

Интересно видео утрово се појави на фан страната на министерот за надворешни работи, заменик претседател на Владата и носител на кандидатската листа на ВМРО-ДПМНЕ во првата изборна единица, Никола Попоски.

Тој станал рано утрово и заминал на пазар. Си купи овошје и зеленчук и си направи муабет со пазарџиите. Вели, пазарот е местото каде што се прави најдомаќински муабет.

Попоски има интересен стил на водење на својата предизборна кампања. За разлика од сите останати кандидати, кои главно се фокусираат на политички пораки Попоски наоѓа место да се прошета на пазар, но и да се качи на врвот на Водно.

Убав почеток на денот со свеж зеленчук и овошје и домаќински муабет!
(0 гласови)

Оваа недела, игротека “Бајка” освен креативни работилници, ќе организира и театарска претстава за сите посетители.

Во продолжение погледнете ги настаните за оваа недела.

Во понеделник (28.11.2016) и вторник (29.11.2016) имаме роденденски забави од 19:30 до 21:30 часот.
Во среда (30.11.2016) ве покануваме на театарската претстава “Лисицата и штркот” со почеток од 19 часот. Цената на билетот за секое дете чини 100 денари.

kreativni-rabotilnitsi-i-pretstava-vo-igroteka-bajka-2
 
vtor-rodenden-na-igroteka-bajka

В четврток (01.12.2016) имаме роденденска забава од 19:30 до 21:30 часот.
Креативна работилница имаме во петок (02.12.2016) од 19 часот дечињата ќе изработуваат зимски ракавици од хартија заедно со нашите дадилки.

За време на викендот имаме роденденски забави, во сабота (03.12.2016) од 17 до 19 часот, а во недела (04.12.2016) од 12 до 14 ч. и од 17 до 19 часот.

За повеќе информации посетете ја нашата веб страницаwww.scjanesandanski.mk, или следете нè на Facebook и Instagram.



(0 гласови)
19-годишната Дијана Лебедева, внука на рускиот тајкун Платон Лебедев, кој како близок бизнис партнер на лутиот Путинов противник Михаил Ходоровски поминал 11 години во затвор, загинала во Швајцарија кога нејзиното BMW излетало од патот и завршило во езерото Лугано.

Главната припадничка на московската "златна младина" пријателите ја нарекувале "руска Лејди Ди". Се наведува дека во автомобилот BMW X6 се возел и 23-годишниот Азер Јагубов, син на азербејџански бизнисмен, кој исто така настрадал во несреќата.

http://informvest.net/wp-content/uploads/2016/11/Diana-Lebedeva-avariya-v-SHveytsarii.jpg

Полицијата ја истражува причината на судирот, а се уште непотврдени информации говорат дека автомобилот наводно учествувал во трка при што изгубил контрола на мостот над езерото.

Возилото и телата се пронајдени на дното на езерото. Телото на несреќно погинатата Дијана ќе биде пренесено со авион до Москва.

http://www.telegraph.co.uk/content/dam/news/2016/11/27/14566628_1130568786996771_4046951965656088576_n1-large_trans++qVzuuqpFlyLIwiB6NTmJwfSVWeZ_vEN7c6bHu2jJnT8.jpg

Top