(0 гласови)

Како се случи Вашата номинација во првата ИЕ, каде што од 2002 година се натпреваруваше традиционално Никола Груевски? По искуството во шестата ИЕ во 2014, што очекувате сега од изборниот регион во кој се манифестира значително незадоволство од „Скопје 2014“ и од каде што тргна Шарената револуција? 

- Во однос на првата ИЕ, која го опфаќа поголемиот дел од Скопје, заедно со Македонски Брод, природно е тука да имаме најплодна дебата. Во главниот град, сепак, се случува во најголема мера она што е и позитивно и негативно, а е и најдобар индикатор за тоа каде се движи државата. Овие избори се концепциски насочени токму кон тоа – да видиме во која насока сакаме да се движи државата и со кој состав. Односно кој би сакале граѓаните да ја предводи владата во следниот состав. Дали сакаат тоа да биде ВМРО-ДПМНЕ или СДСМ. Секако дека е предизвик и чест да се биде носител на листа во која било изборна единица, бидејќи секоја си има свои специфики, додека во Скопје се прекршуваат сите клучни прашања на национално ниво. 

Кои се Вашите главни заложби за гласачите на Центар, Карпош, Аеродром, Кисела Вода...? 

- ВМРО-ДПМНЕ оди со конкретна програма и за првата ИЕ. Наши главни инфраструктурни проекти се подземните сообраќајници, изградба на Клиничкиот центар и се' она што е макроекономски параметар, на пример зголемување на пензиите за 10,25 проценти, не за 15, не за 30 проценти, туку реално колку што можеме. И јавната администрација, која е најмногу застапена во срцето на првата ИЕ, би требало исто така да очекува нешто од придобивките што ги имаме стекнато во изминатиот период, вклучително со ветувањето за зголемување на платите од 10, 25 проценти. Но, она што треба посебно да го согледаме е понудата за младите – образованието, спортската инфраструктура и пред се' вработувањата. Мислам дека тоа треба да биде основа за избор. На кого му веруваат граѓаните дека може да понуди најголема стапка на вработеност во Македонија, да отвори нови работни места, да ја направи Македонија поконкурентна. 

Што би му порачале на Вашиот главен ривал Стево Пендаровски, кој е носител на листата на коалицијата на СДСМ?

- Им посакувам на сите успех во кампањата. Граѓаните треба да го кажат последниот збор. Предност на овие избори е тоа што сите оние кои учествуваат на нив се тестирани во политиката. Се знае кој што направил - и добро и лошо, и позитивно и негативно, така што мислам дека граѓаните ќе можат да направат доброинформиран избор и да одлучат кој може најдобро да ги задоволи нивните очекувања? Најважно е да имаме една фер, демократска кампања. 

Вие сте единствен засега функционер на владејачката партија кој прифати соочување пред камери со другите носители на листа во првата ИЕ. Зошто телевизиските дуели меѓу главните политички конкуренти се толку потценети во изминатите години? 

- Не мислам дека е тоа клучното прашање, затоа што ние во медиумскиот простор имаме прилично отворено соочување на многу визии за различни прашања. Не мислам дека во Македонија нема спротивставување на видувања по многу прашања и програми. Можеби некогаш патиме од преголемо соочување и преголеми конфронтации, што на некој начин има придонесено за толку голема поларизација на политичката сцена. Многу побитно е сите тие ставови да бидат достапни до граѓаните, за тие потоа да може да си направат избор што сметаат дека е во ред, а што не или треба да се коригира. Моето уверување е дека секогаш можеме повеќе да направиме, но не сметам дека Македонија е земја во која политичките партии не можат да се искажат. Сосема спротивно, можеби некаде сме отидени во преголема поларизација и конфронтација. 

На чело сте на македонската дипломатија од 2011 година. Кои постигнувања би ги посочиле во овој период во надворешната политика на земјава, посебно во делот на интеграциските процеси? 

- Една од клучните работи што ни се случија беше договорот за мерките за градење доверба со Грција. Ова го истакнувам затоа што ги тангира сите најбитни полиња во нашата надворешна политика. Прво, се обидуваме со соседот со кој ни е најтешко да најдеме заеднички јазик. Доколку тоа го сториме со Грција, немам дилема дека со сите можеме да го направиме. Второ, де факто ја менуваме климата на односи со Грција, со една позитивна агенда која досега ни има донесено многу позитивни резултати во повеќе полиња, а последниот беше потпишувањето на меморандумот за гасно поврзување, што е стратешки многу битна работа за државата. И, конечно, мислам дека тоа ни ја трга од грб етикетата која ни ја лепеа во рамки на ЕУ дека не сме добри соседи. Бидејќи ако така работиме со Грција, никој утре не може да ни рече дека Македонија не е добар сосед. Ова е добро за нас, бидејќи тоа што е наша стратешка цел - ЕУ и НАТО, ќе мора да оди низ патот на соседите. Ќе мораме да ги убедиме Грција, Бугарија многу повеќе одошто ќе ни треба да ги убедиме Данска или Холандија. Тоа е она што би го издвоил како најзначаен адут. Се разбира дека во 2011 ја имавме и пресудата на Меѓународниот суд на правдата, која е многу значајна во правниот сегмент, иако можеби не ја менува политичката реалност. Потоа, отворањето нови амбасади и уште една работа на која како министер посветив многу внимание, а тоа е економската дипломатија, односно промоцијата на можноста странски инвеститори да дојдат во Македонија и помошта за наши компании да извезуваат надвор. 

Но, и покрај сето тоа што го набројувате, Македонија е веќе со години статус кво на патот кон ЕУ и НАТО?

- Во однос на НАТО, се согласувам дека имаме статус кво. Имаме практично иста ситуација како и во 2008 година - „вие ги исполнивте критериумите, ама не може да влезете додека не се согласат сите“, така што се' се сведува на Грција и на наметнатиот спор со името. Во однос на ЕУ мислам дека е различна ситуацијата. Од 2009 до 2016 многу работи се поместени. Многу клучни реформи - и во политичкиот и во практичниот дел, за кои ЕУ имаше крупни забелешки денес веќе не постојат. Пред две години најголемата забелешка беше за владиното рекламирање. Ние тоа го немаме подолг временски период, имаме впечаток како да сме го подзаборавиле, а во една од претходните фази тоа беше главна забелешка со која почнуваше и завршуваше денот во поглед на ЕУ. Во однос на Унијата мора да се помести таа граница и да имаме можност во една или друга форма да ги почнеме преговорите за членство. Тоа ќе ни овозможи да придвижиме повеќе работи во државата кои се многу значајни за членството во ЕУ - да речеме поглавјата 23, 24 – за владеење на правото. Тоа ќе ја врати перспективата во однос на ветувањата на ЕУ дека Македонија ќе биде земја членка. Седум препораки имаме, а условеноста која ја спомнавте е многу повеќе одраз на внатрешните фрустрации и на политичката криза отколку на непостигнувања на Македонија. 

Велите дека има одреден пробив во односите со Грција, ама впечаток е дека разговорите за името и натаму се замрзнати, дека во последниот период речиси ништо позначајно не се случува на тој план? 

- Не можете да се надевате да разрешите дводецениски спор доколку меѓу двете земји владее клима на конфронтации и на никаква соработка, а ние тоа го имаме видено во пракса во минатото. Сега сме во фаза кога климата е сменета, но решение не е најдено и реално ние имаме сериозни разлики во однос на тоа - било да се работи за грчките барања, било за нашите ставови по однос на тие барања. Јас верувам дека рецептот е добар - низ мерките за градење доверба, низ внесување поизвесна европска иницијатива да работиме конкретно со Грците на надминување на овој спор. Македонија има интерес да биде решено и тоа прашање. Македонија има интерес да биде дел од НАТО и ЕУ, но тоа мора да биде направено на начин на кој нема да бидат загрозени националните и идентитетските параметри на земјата. Ние тоа го гарантираме со тоа што се имаме обврзано дека за кое било решение мора да има референдумско изјаснување и за него да има мнозинска поддршка. 

Би се согласиле ли дека е ризично во ваква мошне напрегната политичка ситуација во земјава, да се подгрева дополнително и меѓуетничка нетрпеливост со фокусирање на кампањата на наводна опасност од федерализација, наспроти реалните причини за избувнување на кризата? 

- Во кампањата секој си избира свои теми. Доколку ме прашате за ВМРО-ДПМНЕ, јас мислам дека нашиот фокус треба да биде колку работни места ќе отвориме, како ќе ја подобриме инфраструктурата и ќе го зголемиме стандардот на граѓаните. Тоа се клучните теми на кои се однесуваат најмногу од страници од програмата „Реално“. Најголемата опозициска партија, пак, се чини, има посветено најмногу време на прашања за редефинирање на некои уредувања внатре во Македонија или на проекти за такво редефинирање. Се работи за политички избор, очигледно е дека имаме различни ставови по тие прашања. Јас не можам да бидам адвокат на ставовите изнесени од господинот Заев. Најдобро е тој да си каже што мисли, но сметам дека по однос на овие прашања не смееме да дозволиме да се наруши националниот интерес. 

Но, ВМРО-ДПМНЕ вели дека СДСМ планира да ја федерализира државата и владејачката партија ја темели кампањата на една изјава на Заев за двојазичност? 

- Јас навистина не знам точно што посакува Заев. Најдобро е тој самиот да објасни дали мисли на федерализација, на кантонизација или на други дефиниции. Ако следите што говорам јас во кампањата, ќе видите дека таа во над 90 проценти се базира на проектите кои ги споменав и кои ВМРО-ДПМНЕ сака да ги реализира. Но, не можеме да избегнеме да имаме став по однос на тема која е наметната од страна на политичкиот опонент. 

Еден од слоганите на ВМРО-ДПМНЕ во ова предизборие e „Време е за крај на кризата“. Дали изборите сами по себе може да бидат завршница на речиси двегодишната криза? Дали е можна политичка стабилизација без правна разврска за случаите што произлегуваат од прислушувањето? 

- Јас би ги раздвоил тие две прашања. Денот на изборите и самото спроведување на изборите не значи крај на кризата, ама значи завршување на фазата во која битката се води надвор од институциите. Со изборите го враќаме процесот во институциите. Политичката дебата, дијалогот мора да се случуваат во институциите - не по дома, не на улиците или во резиденции. Затоа ни се потребни овие избори. Тие не значат автоматско решавање на сите дилеми и проблеми, ама значат темел со кој се враќаме назад во институциите, во зависност од дадениот глас на граѓаните. Во однос на правните разврски, има закони кои се изгласани, има институции кои се надлежни, треба да ги оставиме да си ги изработат тие прашања. Мислам дека сите партии имаат еден интерес и така е постигнат и политичкиот договор. Тоа е да се разрешат сите прашања поврзани со прислушувањето. Да не беше тоа заеднички интерес, немаше ни да дојде до политичкиот договор. 

Кампањата досега е релативно мирна и коректна. Очекувате ли овие избори да бидат квалификувани како кредибилни и веродостојни, што беше основна интенција во текот на политичките преговори? 

- Во процесот на договарање на системот за спроведување избори буквално секој изговор и секое барање кое беше поставено од страна на најголемата опозициска партија беше исполнето. Одевме на една чиста листа на елиминирање какви било изговори - било технички или политички. Кампањата е поларизирачка, природно е да има конфронтирачки ставови, но во ниту еден параметар не отстапува многу од типови на кампањи во споредливи европски држави. Тоа е охрабрувачки фактор и мислам дека на 12 декември ќе се разбудиме и ќе констатираме дека сме имале еден европски процес на избори. Немам сомнение дека можеби, малку поради менталитет, малку поради навика, секогаш ќе има по некој коментар што е добро или што треба да се подобрува, но генералната слика ќе биде исклучително позитивна од аспект на тоа што нема да се даде некој валиден аргумент зошто некој не би ги признал изборите. 

Каде се гледате себеси по овие избори? Како пратеник, повторно како шеф на дипломатијата или можеби нешто трето? 

- Не би било благодарно тоа да се прогнозира, бидејќи треба да им дадеме предност на граѓаните да го кажат зборот на 11 декември. Кога тоа ќе биде одлучено ќе знаеме каков состав ќе имаме во парламентот, а потоа парламентот, зависно од мнозинството, ќе одлучува за сите други прашања. За мене е најзначајно да му ставиме крај на овој циклус на политичка криза, која ги оттргна процесите надвор од институциите. Да ги вратиме процесите назад во институциите и потоа институциите во Македонија за македонските граѓани да носат одлуки каков состав би имале и кои би биле приоритетите на таа идна влада, какви и да с резултатите. Ова го зборувам неутрално во поглед на резултатите. Се разбира дека ние се надеваме и работиме во насока на тоа да имаме јасно мнозинство, но најзначајно е што ги враќаме процесите во институциите.

Интервјуто е превземено од Александра М. Митевска, Утрински Весник

(0 гласови)

Министерот за надворешни работи и трговија на Унгарија, Петер Сијарто, престојуваше во работна посета на Република Македонија.

Во рамки на посетата министерот Сијарто оствари средба со заменик претседателот на Владата и министер за надворешни работи на Република Македонија, Никола Попоски. На средбата двајацата министри констатираа дека билатералните односи и соработката помеѓу двете држави одлично се развиваат, благодарение на заложбите на двете страни за нивно постојано унапредување. Имајќи го предвид високото ниво на политички односи меѓу Македонија и Унгарија, фокусот на разговорите беше ставен на можностите за унапредување на економската соработка – зголемување на обемот на трговската размена која бележи пораст во последните години.

Министерот Попоски се заблагодари за конзистентната поддршка за евро – атлантската интеграција на Република Македонија од страна на Унгарија.

Министерот Сијарто истакна дека Македонија веќе одамна требаше да биде член на НАТО и дека Унгарија ќе инсистира на почнување на преговорите за членство во ЕУ што е можно поскоро кои Македонија одамна требаше да ги почне. Воедно, се заблагодари на Македонија за помошта во надминувањето на мигрантската криза и најави дека ќе продолжи унгарската поддршка со полициски службеници.

Mинистрите најавија и воведување на директна авионска линија Будимпешта-Скопје, на пролет 2017 година - што ќе даде позитивен импулс на туристичката размена, приближувањето на бизнис заедниците од двете земји и контактите меѓу луѓето.

Во рамки на посетата, миснистрите Попоски и Сијарто се вклучија во акцијата „Ден на дрвото, засади ја својата иднина“.

(0 гласови)

Министерот за надворешни работи Никола Попоски заедно со неговиот унгарски колега Петар Сијарто кој е во посета на Македонија и претставници на дипломатскиот кор во земјава, со симболично засадување во Скопје се вклучија во акцијата „Ден на дрвото, засади ја својата иднина“.

Од името на МНР присутните ги поздрави Елена Кузмановска, која истакна дека оваа акција прерасна во традиција.

– Особено радува што оваа година акцентот е ставен на зазеленување на урбаните простори на Град Скопје. Градот расте во секоја смисла секоја година се повеќе. За жал, имавме и трагични потсетници од природата во смисол на еко-катастрофи кои недвосмислено не потсетуваат дека наша постојана обврска е да се грижиме за еколошкото опкружување во кое живееме, рече Кузмановска.

Кристина Николовска од Здружението „Ден на дрвото, засади ја својата иднина“ искажувајќи благодарност за поддршката од МНР, како и од дипломатскиот кор и од Градот Скопје, истакна дека целта на акцијата е да се подобри еко-иднината на земјата, но и акцијата да се прошири и пошироко во регионот.

Ова е деветта година како се спроведува акцијата „Ден на дрвото, засади ја својата иднина“.

(0 гласови)

Во ЕУ лани имаше нелогична ситуација. Кога се очекуваше од земја која не е членка на ЕУ да ја обезбеди шенген зоната од бегалци кои што влегуваат во ЕУ доаѓајќи од земја членка на Унијата, а потоа минуваат низ земји кои не се членки на ЕУ, а од друга страна ЕУ не е подготвена да почне преговори за членство со Македонија. Тоа едноставно е неприфатливо, рече денеска на  прес-конференција во Скопје унгарскиот министер за надворешни работи Петер Сијарто по средбата со неговиот домаќин и колега Никола Попоски.

- Забавно е да се каже Македонија по професија е кандидат, но Македонија пред се е земја која мора да ја почитуваме заедно со македонскиот народ и неговите постигнувања во овој поглед. Затоа како Унгарци ќе инсистираме на почнување на преговорите за членство со ЕУ што е можно поскоро. Знаеме дека има една соседна земја која што сигурно ќе стави вето. Сметам дека билатераните прашања секако треба да се надминат, но не сметам дека тие се соодветен аргумент за да се искористи да се блокира почетокот на преговорите за членство. Затоа бараме од сите пријатели да не стават вето за почеток на преговорите на Македонија, рече Сијарто.

Тој посочи дека Македонија веќе требаше да биде долго време член на НАТО, а преговорите за членство во ЕУ веќе требаше да бидат започнати уште пред повеќе години. Македонија, нагласи, дава значаен придонес во однос на активностите на НАТО, и е една од најзначајните земји учеснички кои не се членки на НАТО и Алијансата треба многу повеќе да го почитува тоа и да го зема предвид.

Во однос на миграциската криза, тој истакна дека дека само делумно е точно тоа дека приливот на мигрантите во Европа е запрен благодарение на договорот меѓу ЕУ и Турција, но вели тоа не е целосната вистина.

- Другиот дел од вистината е  дека приливот на бегалци се намали затоа што земјите од Западен Балкан донесоа одлука да ги контролиртаат сопствените граници и да сторат нешто... Во моментот ние се потпираме врз Македонија, затоа што ако почне прилив на бегалци Македонија е првата земја на југот на која што можеме да се потпреме дека ќе ја заштити својата граница, рече Сијарто.

Тој се заблагодари на Македонија за помошта во надминувањето на мигрантската криза и најави дека ќе продолжи унгарската поддршка со полициски службеници во однос на обезбедувањето на јужната граница.    

Министерот Сијарто го дели оптимизмот на австрискиот колега Себастијан Курц за скорешно отпочнување на преговорите со Брисел.

За посетата на Македонија за време на изборна кампања Сијарто посочи дека не е спорна бидејќи е вообичаена поддршката на сестринска партија,  а слична посета имал и во Србија. Тој најави дека вечер ќе биде и гостин на митинг на ВМРО-ДПМНЕ.

- Не е грев да се има добри односи со министер за надворешни работи. Една од целите е да остварите добри односи со вашите колеги. Унгарија е тука за да ви даде поддршка, рече Сијарто.

Министерот Попоски, пак, посочи дека главниот успех кој може да се мери за секој политичар, министер, член на Влада е токму содавњето пријатели.

- Ние немаме зијан од повеќе пријатели, имаме зијан од недостаток на пријатели кога треба да се носат одлуки. Сијарто и Курц се мои добри пријатели, Митов и Коѕиас ми се пријатели и со сите нив се обидувам да ја отстранат пречката на патот на Македонија во ЕУ. Тоа го гледам како мисија која мора да ја остварам, рече Попоски.

На средбата Попоски - Сијарто станало збор и за унпаредување на економската соработка, а најавено е отворање и дирекна авионска линија Скопје - Будимпешта во текот на април следната година. 

Двајцата миснистри денеска во Скопје ќе засадат дрвца во рамки на акцијата Денот на дрвото. 

(0 гласови)

Македонија и Унгарија имаат одлична билатерална соработка, а таа соработка се повеќе ќе се продлабочува и зацврстува, вели министерот Никола Попоски по средбата со својот унгарски колега. Македонскиот шеф на диполатијата заклучува дека во моментов најважно е да се спроведат регуларни избори по кои институциите ќе продолжат да функционираат.

За посетата на Македонија за време на изборна кампања Сијарто рече дека не е спорна бидејќи е вообичаена поддршката на сестринска партија, а слична посета имал и во Србија. Тој најави дека вечер ќе биде и гостин на митинг на ВМРО-ДПМНЕ.

„Не е грев да се има добри односи со министер за надворешни работи. Една од целите е да остварите добри односи со вашите колеги. Унгарија е тука за да ви даде поддршка“, рече Сијарто.

Министерот Попоски, пак, посочи дека главниот успех кој може да се мери за секој политичар, министер, член на Влада е токму создавањето пријатели.

„Ние немаме зијан од повеќе пријатели, имаме зијан од недостаток на пријатели кога треба да се носат одлуки. Сијарто и Курц се мои добри пријатели, Митов и Коѕиас ми се пријатели и со сите нив се обидувам да ја отстранат пречката на патот на Македонија во ЕУ. Тоа го гледам како мисија која мора да ја остварам“, рече Попоски.

Изборите ќе ја отворат вратата да ги вратиме процесите внатре во институциите, да се фокусираме на реформите и конечно да отпоче процесот на преговори со ЕУ, вели Попоски.
 
Попоски и Сјарто објавија дека од април ќе се воведе нова авио линија Будимпешта-Скопје. Ќе работата и на зголемување на трговската размена која во првите 8 месеци од годинава има раст од 43 проценти особено на извозот на Македонија кон Унгарија. 
(0 гласови)
Европската унија лани очекуваше земја што не е нејзина членка да ја обезбеди шенген зоната од бегалци, што беше нелогично, а воедно и неприфатливо, порача унгарскиот министер за надворешни работи Петер Сијарто по средбата со неговиот домаќин и колега Никола Попоски.

„Во ЕУ лани имаше нелогична ситуација. Кога се очекуваше од земја која не е членка на ЕУ да ја обезбеди шенген зоната од бегалци кои што влегуваат во ЕУ доаѓајќи од земја членка на Унијата, а потоа минуваат низ земји кои не се членки на ЕУ, а од друга страна ЕУ не е подготвена да почне преговори за членство со Македонија. Тоа едноставно е неприфатливо“, рече Сијарто.

Тој смета дека Македонија веќе долго време требаше да биде член на НАТО, а преговорите за членство во ЕУ требаше да бидат започнати уште пред повеќе години, за тоа што Македонија, дава значаен придонес во однос на активностите на НАТО, и е една од најзначајните земји учеснички кои не се членки на НАТО и Алијансата треба многу повеќе да го почитува тоа и да го зема предвид.

„Забавно е да се каже Македонија по професија е кандидат, но Македонија пред сè е земја која мора да ја почитуваме заедно со македонскиот народ и неговите постигнувања во овој поглед. Затоа како Унгарци ќе инсистираме на почнување на преговорите за членство со ЕУ што е можно поскоро. Знаеме дека има една соседна земја која што сигурно ќе стави вето. Сметам дека билатералните прашања секако треба да се надминат, но не сметам дека тие се соодветен аргумент за да се искористи да се блокира почетокот на преговорите за членство. Затоа бараме од сите пријатели да не ставаат вето за почеток на преговорите на Македонија“, рече Сијарто.

Во однос на миграциската криза, тој истакна дека дека само делумно е точно тоа дека приливот на мигрантите во Европа е запрен благодарение на договорот меѓу ЕУ и Турција, но вели тоа не е целосната вистина.

„Другиот дел од вистината е дека приливот на бегалци се намали затоа што земјите од Западен Балкан донесоа одлука да ги контролираат сопствените граници и да сторат нешто… Во моментот ние се потпираме врз Македонија, затоа што ако почне прилив на бегалци Македонија е првата земја на југот на која што можеме да се потпреме дека ќе ја заштити својата граница“, рече Сијарто.

Тој најави дека ќе продолжи унгарската поддршка со полициски службеници во однос на обезбедувањето на јужната граница.

За посетата на Македонија за време на изборна кампања Сијарто рече дека не е спорна бидејќи е вообичаена поддршката на сестринска партија, а слична посета имал и во Србија. Тој најави дека вечер ќе биде и гостин на митинг на ВМРО-ДПМНЕ.

„Не е грев да се има добри односи со министер за надворешни работи. Една од целите е да остварите добри односи со вашите колеги. Унгарија е тука за да ви даде поддршка“, рече Сијарто.

 

(0 гласови)

Минувач покрај паркирано блиндирано возило сосема неочекувано здогледал „грне“ за златници кои вределе дури 1.6 милиони долари и додека вооружените стражари не гледале тој го украл и побегнал.

Сепак, оваа глупост скапо ќе го чини бидејќи целата кражба е снимена на безбедносна камера. Полицијата се уште не го пронашла но, со видео снимката очекува многу брзо да го идентификува и да го предаде на суд каде му се заканува казна од затвор од десетина години за дрска кражба.

(0 гласови)

ВАШИНГТОН (АА) - Новоизбраниот американски претседател Доналд Трамп потпиша договор за соработка со американскиот производител на клима уреди Кериер, со цел да се спречи отпуштањето на речиси илјада работници од таа фабрика, јавува Anadolu Agency (AA).

Управата на компанијата „Кериер“ на социјалната мрежа Твитер ја потврди информацијата за постигнатиот договор, кој ќе го спречи претходно најавеното сценарио за отпуштањето на скоро илјада работници во двата производни погони во Индијанаполис.

„Задоволни сме што постигнавме деловен аранжман со новоизбраниот претседател Доналд Трамп и новоизбраниот потпретседател Мајк Пенс, за што повеќе детали ќе објавиме во наредниот период“, се наведува во соопштението на компанијата „Кериер“.

Паралелно со тоа, американските медиуми јавуваат дека голема улога во постигнувањето на договорот одигра новоизбраниот потпретседател Пенс, кој е актуелен гувернер на сојузната држава Индијана.

Аналитичарите тврдат дека постигнатиот договор во согласност со предизбоното ветување на Трамп, дека ќе работи на поттикнување на индустриското производство и на создавањето нови работни места во тој сектор.

Постигнатиот договор е важен и како показател дека Трамп ќе ја продолжи соработката меѓу американската администрација и компанијата „Унајтед технолоџис“, која е сопственик на „Кериер“ и е една од најголемите американски компании во областа на одбраната.

Управата на „Кериер“ во февруари оваа година најави дека ќе затвори две фабрики во Индијанаполис и ќе ги премести во Мексико, со цел остварување на годишна заштеда од 65 милиони долари. Потегот следеше по намалувањето на деловните резултати, а во Индијаполис без работа би останале близу илјада равотници.

Се чини дека договорот со Трамп на „Кериер“ ќе му донесе даночни олеснувања и поттик кој на крај ќе резултира со продолжување на работата на фабриката во Индијанаполис.

(0 гласови)

Македонската компанија „Камфуд“ е во напредна фаза во преговорите со еден од најреномираните светски хотелски брендови за изградба на хотел со пет ѕвезди на брегот на Охридското Езеро, пишува фактор.мк.

- Она што до овој момент можеме да го кажеме е дека преговорите се одвиваат според предвидената динамика. Станува збор за огромен проект и мора да се согледаат сите аспекти. Во оваа фаза можеме да потврдиме Охрид ќе добие супер-модерен објект по највисоки стандарди и ќе се најде на мапата на светски познатите хотелски брендови. Тоа ќе значи и многу вработувања и подигнување на нивото на економски развој во Охрид, но и поширокиот регион. Нашиот најголем туристички центар сега ќе може рамноправно се носи на туристички план со земјите од регионот и европските земји, велат од „Камфуд“.

Станува збор за исклучително атрактивната крајезерска локација, во локалитетот „Св. Стефан“, со површина од 6.750 м2 под објекти, односно вкупна површина од околу 21.000 м2. Минатата година компанијата ја купи поранешната Детска болница за 1,2 милиони евра.

КАМФУД Дооел Скопје е компанија која се занимава со издавање и управување со сопствен недвижен имот  или недвижен имот земен под закуп и претставува дел од КАМ холдинг група, основана во 1999 година, познати малопродажен ланец со истиот модел како Алди, Лидл, Плус и др Имаме повеќе од 60 КАМ супермаркети низ земјата и започнат е влез  нa  нови пазари во регионот.

(0 гласови)
Ниедно место во авионот не е безбедно, а сите кои го преживеале падот едноставно имале среќа, вели Динко Водановиќ, експерт за сообраќајни несреќи и поранешен главен инспектор за воздухопловни несреќи во Хрватски.

Водановиќ истакнува дека во случајот со авионската несреќа во близина на градот Меделин во Колумбија, некои патници преживеале бидејќи теренот акумулирал дел од ударот. Авионот се распаднал, но очигледно е дека цела една секција од авионот излетала надвор, со седиштата.

Тоа спасило неколку патници, бидејќи го ублажило смртоносниот удар на кој, за жал, биле изложени сите останати патници.

"Обично сите мислат дека е побезбедно да се седи во близина на опашката, но тоа не е точно. Да се сетиме на слетувањето на "Боингот 777" во Сан Франциско во 2013. година, кој удри со опашката во пистата и загинаа токму патниците кои седеле блиску до опашката. По сите години работа за безбедноста, можам дека кажам дека преживување на пад на авион е исклучиво работа на среќа", додава Водановиќ.

Но, вели, треба да се има на ум дека во воздухопловството навистина се води сметка за безбедноста на патниците. Од сите превозни средства, додава тој, токму во авионите најмногу внимание е посветено на безбедно патување. Константно се вршат технички надзори над авионите каде се контролира работата на системите, но и исправноста на деловите. При секое влегување на патниците во авионот, механичарите и персоналот вршат преглед, и тоа во секој дел на авионот, пренесува Jutarnji.hr.

Покрај тоа, редовно, на секои два до три дена, зависно од тоа колку долго лета авионот, се спроведуваат неколкучасовни проверки за работата на сите системи.

"Се следат нови трендови и развојот на технологијата, па сето тоа се применува во изградбата на авионите. Повеќе не се користи челик, туку други материјали кои подобро ги поднесуваат оптоварувањата и турбуленциите. Патниците тоа можеби не го знаат и не го забележуваат, но експертите секој ден даваат сè од себе за патувањата да минат безгрижно. Секој ден, илјадници и илјадници летови минуваат нормално. Но, за жал, кога ќе се случи несреќа, сите почнуваат да се прашуваат дали е авионскиот превоз безбеден", вели тој.

Објаснува како на ниво на Европа постои систем за известување за потенцијално проблематични ситуации кои се случуваат со авионите. Од ситници, кои никако не може да го загрозат летот, преку ситуации поради кои авионите се враќаат на аеродромите, па до сериозни проблеми. Податоците служат за контрола - ако некој проблем се повторува на одредено место, на истиот пилот, или на некој тип на авион, се отвара постапка.

"Мора да се утврди зошто доаѓа до проблемот кој се повторува и истиот да се реши. Тоа што е денес ситница, може да стане сериозен проблем, и поради тоа толку внимание се посветува и на најмали детали", заклучува Водановиќ.

Top