Тереза ​​Меј ќе биде  новиот премиер на Велика Британија во среда, изјави премиерот во оставка Дејвид Камерон. Меј остана единствен кандидат за лидерската позиција во Конзервативната партија и соодветна за функцијата премиер, откако нејзината соперничка Андреа Лијдсем се повлече од трката.

“Ние ќе имаме нов премиер во зградата зад мене до средата вечер”, изјави Камерон за време на своето обраќање пред “Даунинг стрит” 10. Тој исто така, истакна дека неговата последна седница на чело на кабинетот на министри ќе се одржи во среда. По него тој ќеја посети Бакингемската палата, каде ќе го претстави своето барање за оставка на кралицата Елизабета Втора. Подоцна Греам Брејди, лидер на Комитетот на пратениците конзервативци, кои не влегуваат во составот на Владата и кој е одговорен за постапките за внатрепартиските избори, соопшти дека Тереза ​​Меј е назначена официјално за лидер на Конзервативната партија.

“Добив потврда од советот на партијата и можам да објавам дека госпоѓа Меј беше избрана за нов лидер на Конзервативната партија и оваа одлука влегува во сила веднаш”, посочи Брејди.

Во меѓувреме Тереза ​​Меј го направи и својот прв коментар, откако стана јасно дека таа ќе е новиот британски лидер. Таа изјави дека сака да постигне најдобар можен договор за излегувањето на Велика Британија од ЕУ.

Во своето обраќање пред зградата на парламентот, таа рече дека нејзината кампања е базирана на основи кои вклучуваат потребата “да се договори најдобриот  договор за Велика Британија при напуштањето на ЕУ и да изковаме една  нова улога за себе во светот”. Меј исто така го повтори својот став дека ќе ја почитува одлуката од референдумот на 23 јуни, на кој Британците одлучија да ја напуштат ЕУ. “Брекзит” значи “Брекзит” и ние ќе се обидеме да направиме нешто успешно од тоа “, додаде Меј. 

Бензините, од ноќеска на полноќ, поевтинија за два, односно денар и половина, а дизелот и екстра лесното масло за домаќинства за 0,5 денари. Ова е одлуката која на вчерашната седница ја донесе Регулаторната комисија за енергетика (РКЕ).

Според новото поевтинување литар ЕУРОСУПЕР БС 95 се продава за 61 денар, а ЕУРОСУПЕР БC 98 чини 63 денари.

Новата цена на ЕУРОДИЗЕЛ е 49 денари, а на Екстра лесното масло за домаќинство 37,50 денари. За 1,125 денари поскапе килограм мазут  М – 1 НС  и чини 22,913  денари.

РКЕ изврши корекција на цената на нафтените деривати врз основа на просечната цена на суровата нафта на светскиот пазар во изминатите две недели и курсот на доларот.

Намалувањето на рафинериските и на малопродажните цени на нафтените деривати во просек изнесува 1,41 процент, односно за 0,81 отсто.

Актуелната ситуација околу преземањето на најголемата нафтена компанија во Македонија, Макпетрол, постојано креира доза на неизвесност во јавноста во врска со најавеното преземање на компанијата. Досега беа изнесени информации од различен карактер, со наговестувања кој всушност стои зад преземањето на Макпетрол.

Вчера во ексклузивно интервју, пред очите на јавноста, беше претставен идентитетот на еден од инвеститорите на Балкан Петролеум Холдинг Лимитед, Александер Каплан, чија изјава се состои од транспарентен пристап и отвореност кон сите прашања кои најмногу ги засегаат акционерите. 

Каплан како главна причина за пројавување на интерес за преземање на најголемата нафтена компанија во државата, го наведува своето долгогодишно искуство во индустријата, историја на преземања во Русија и трансформирање на загубари во профитабилни компании, атрактивноста на Македонија како поволна дестинација за развивање на бизниси како и позитивниот став компанијата со правилен пристап на менаџирање да се донесе во профитабилна состојба за инвеститорите. 


Инвеститорот на Балкан Петролеум Холдинг Лимитед, тврди дека јавната понуда поврзана со преземањето на Макетрол целосно се спроведува на транспарентен и ферначин, а воедно акционерите на Макпетрол имаат можност да добијат поголема добивка со предложената цена која е речиси 50% повисока од пазарната цена на акциите во последната година.

„Веруваме дека нашата понуда ќе биде атрактивна за постојните акционери. Цената што ја предлагаме е значително повисока од моменталната пазарна цена на акциите на Макпетрол. Сигурни сме дека ова е многу добра можност за акционерите кои долго време имаат акции во Макпетрол, за да остварат поголема добивка.“

Во последниот период во јавноста беа изнесени информации за можноста понудата на Балкан Петролеум Холдинг Лимитед да не биде одобрена од страна на Комисијата за хартии од вредност. Но според Александер Каплан тој не гледа причина зошто понудата би била одбиена, бидејќи биле испочитувани сите потребни процедури и сè што било побарано, им било дадено на државните институции, кои според него работат одлично и покажале целосна професионалност.

Пројавените сомнежи кои се појавија во јавноста за поврзаноста на Балкан Петролеум Холдинг ЛТД со сомнителен капитал и нелегални активности како перење на пари, според Александер Каплан се неточни, тврдејќи дека првично, водењето на бизнис со странски јурисдикции со поволен даночен систем е стандардна меѓународна бизнис практика. 

„Водење бизнис со странски јурисдикции со поволен даночен систем е стандардна меѓународна бизнис пракса. Повеќето големи и средни меѓународни компании користат офшор за водење на нивниот бизнис. Сигурен сум дека многу меѓународни компании кои се присутни во Македонија, исто така, користат офшор јурисдикции, што е законски и пристапно. Со цел да се здобиеме со контролен пакет во Макпетрол ние основавме посебна компанија наречена Балкан Петролеум Холдинг ЛТД, кој е регистрирана во Велика Британија. Тоа не е офшор.“

Сериозниот пристап е евидентен и во неговото тврдење за поддршката на понудата од една од најдобрите европски банки, УБС, со која Каплан со својот тим имаат долгогодишни деловни односи. 

Развојот на Макпетрол е клучната и главна цел како што наведува Каплан, кој како што изјавува фокусот ќе биде ставен на развој на бизнисот на бензинските пумпи, дистрибуција на нафта, складирање и логистика, транспорт на гас, мотивација на персоналот во согласност со најдобрите меѓународни практики, и многубројни други активности.

Инвеститорот на Балкан Петролеум Холдинг Лимитед ја објаснува потребата за нови вработувања согласно планираниот понатамошен развој на бизнисот во иднина, како и инвестиции во развој на постојниот работен кадар во Макпетрол.

„Гледам три клучни предности кои што можеме да ги донесеме на Макпетрол и на сите засегнати страни, како што се Владата, вработените и клиентите: меѓународно бизнис искуство стекнато преку работењето во ТНК-БП (Бритиш Петролеум), понуда на фер и атрактивна цена за акциите на Макпетрол, што е речиси 50% повисока од моменталната пазарна цена на акциите и фактот дека ќе се потпреме на локалното население со цел да се развие Макпетрол, бидејќи спроведувањето на развојот е невозможно да заврши со успех без поддршка на локалната работна сила.“

Meрмерното езеро  во селото Беловодица во Прилеп, привлекува и по неколку стотици посетители во текот на денот. Особено за викендите, тука е преполно. Прилепчани својот излез од топлотната жега го пронајдоа над малото заборавено селце Беловодица, во езерцето кое настана на местото на некогашниот рудник за мермер.

Прилепското “Памук Кале” како што популарно се нарекува месетото, го привлече вниманието и на неколку нуркачи, кои во текот на вчерашниот ден констатираа дека длабочината на езерото е 15 метри.

с3

с2

Одлуката на самитот на НАТО во Варшава да се распоредат баталјони во Полска и балтичките земји не е провоцирање за избувнување на нова Студена војна, туку мудра политика, оценува „Дојче Веле“.

Сега фронтовите се јасни, стои во коментарот на Германците кои потезите на НАТО Алијансата ги оценуваат како еден вид на испраќање на порака до Москва која што гласи: „Можете да дојдете до тука - ниту чекор повеќе!“.

„НАТО распоредува вооружување, но многу тивко. Затоа што, ако размислуваме во воени категории, четири баталјони на источната граница не се никаква закана за далеку помоќните руски трупи. Во Москва никој нема да се исплаши што е зајакнато источното крило на НАТО Алијансата во близина на нивните граници“, пренесува "DW".


Во НАТО, како што се додава, никој не очекувал со овие потези Русија да се исплаши, туку пред се, станува збор за демонстрација на заедништвото во Алијансата.

„НАТО ги разбира вашите грижи - тоа е порака за балтичките земји кои што во минатото беа дел од Советскиот сојуз, како и држави на поранешниот Варшавски пакт“, оценуваат новинарите на "DW".

Според споменатиот медиум, никој во Алијансата не верува дека Русија планира да ги нападне денешните земји членки на НАТО или пак да делува „хибридно“ користејќи војници без обележја како во Украина. Според логиката на НАТО, смета Бернд Ригерт, рускиот претседател Владимир Путин има други цели, односно тој сака да го зацврсти своето влијание во Украина, Белорусија, Грузија, Молдавија, Азербејџан и Ерменија.


„И во тоа успеа. Белорусија е сојузник. Останатите држави се вмешани во конфликти во чие што распламнување Москва придонесе. Со тие „замрзнати“ конфликти, ниту една од овие земји не може да стане членка на НАТО. Тој терен на Алијансата ќе ѝ остане недостапен со години, ако не и децении“, се оценува во текстот и се додава дека треба да се обрне внимание на неодамнешната посета на Путин на Финска.

„Москва им даде до знаење на Финците кои што повремено им се додворуваат на НАТО дека имаат многу, многу долга граница со Русија, граница која што може да биде ранлива. НАТО, од друга страна, на самитот во Варшава им испраќа порака на Русите - до тука и ниту чекор повеќе. Во тоа учествуваат и западните земји членки за кои што заканата не е директна“.

Според „Дојче Веле“, на Владимир Путин не му успеало досега да предизвика поделба во самата Алијанса.

„Ракетната одбрана за која што исто така се зборува во Полска, всушност и не е некое оружје за фалење. Технички не е во можност да ги сопре руските интерконтинентални ракети. Тој одбранбен систем е одговор на заканите од Иран и Северна Кореја. И секако дека во Кремљ го знаат тоа, но тие тврдат нешто поинакво“.


Сепак, во анализата е нагласено дека НАТО спроведува „двојни игри“, односно тивко распоредување на војници и воена опрема, но води и дијалог со Кремљ, а најмногу од тоа моментално страдаат Украина и Грузија. Тие мораат, како што се вели, да се помират со тоа дека Русија уште долго ќе биде присутна и влијателна на нивната територија, а НАТО во врска со тоа не може да помогне.

„Путин мора да биде сопрен таму каде што е. Илузија е дека може да се договори враќање на Крим на Украина, или повлекување од Абхазија. Тоа со Студената војна нема никаква шанса“, оцени Ригет.

Како што е појаснето, во времето на Студената војна, во Централна Европа се среќавале две идеологии организирани во блокови, со стотици илјади војници вооружени до заби.

„Денес конвенционалните сили се далеку помали. Демократиите стојат наспроти режимот на Путин кој нема некоја своја идеологија, туку неговиот режим самиот по себе покажува што се е подготвен да стори за да ја сочува моќта. На потезите на тактичарите на Кремљ, НАТО им нуди исправен одговор“, стои во анализата на „Дојче Веле“.

Човекот кој за време на протестите во Далас застрелал 12 полицајци, од кои петмина усмртил, бил идентификуван како Мика Ксавиер Џонсон, нема криминално минато и не е поврзан со ниедна терористичка група.

Џонсон е од Мексит во Тексас, предградие оддалечено на 20 минути возење од Далас. Тој тврдел дека во пукањето учествувал сам, иако првите претпоставки биле дека во нападот учествувале четворица напаѓачи. Возилото во кое Џонсон дошол на местото на злосторството било регистрирано на името на Делфина Џонсон, за која било утврдено дека е негова мајка. Полицијата извршила претрес на неговата куќа во петокот.

Џонсон на припадниците на полицијата пукал од заседа.

Напаѓачот на полицајците за време на преговорите им кажал дека бил вознемирен од неодамнешното убиство на двајца Афроамериканци во Луизијана и Минесота, и дека сакал да убива белци, посебно бели полицајци, рекол командантот на полицијата во Далас, Дејвид Браун. Тој додал дека Џонсон, по сопствено признание, делувал сам и дека не бил припадник на ниедна група, спротивно од верувањата на полицијата.

Џонсон немал криминално досие, а бил војник од прва класа на американските воени резерви, и како што пренесува AP, во воена служба бил од март 2009. година до април 2015. година, како специјалист за столарски и ѕидарски работи во инженерската бригада со база во Тексас, но и дека служел во Авганистан во периодот од ноември 2013. до јули 2014. година.


Носител е на чинот водник од прва класа од мај 2010. година, пренесува Reuters. Семејството и соседите го опишале Џонсон како ветеран кој сакал да игра кошарка, а властите наведуваат дека немал криминално минато и дека неговите родители се развеле во 1996. година.

За време на претресот на куќата на Џонсон полицијата пронашла материјали за правење бомби, непробојни елеци, пушки, муниција, како и своевиден дневник во кој запишувал разни воени тактики.


Напаѓачот на Фејсбук бил член на групите Афроамериканска одбранбена лига и Нова партија Црн Пантер, основани во Далас, а бил член и на Фејсбук групата "Партија Црн Пантер Мисипи".

На Фејсбук профилот на Џонсон пронајдени биле информации за афроамериканскиот екстремист и член на групата "Public Enemy", Ричард Грифин.

Една од фотографиите на Фејсбук го прикажува Џонсон облечен во традиционална африканска облека "дашики", со крената тупаница, што е симбол на милитантната политичка организација "Црна моќ".


Фотографиите кои се наоѓаат на Фејсбук профилот на Џонсон укажуваат на тоа дека таткото на Мика, Џејмс, исто така бил припадник на воената служба. Маќеата на Мика, Дона Фери Џонсон, наставничка од Далас, е белка жена која со гордост поставувала фотографии од него во униформа пред да се случи трагедијата.

Џонсон на Фејсбук се декларирал како црн националист. На страната "Black Panther Mississippi" тој ги осудувал нападите над црнците и насилството над нив.

"Зошто толку белци (не сите) уживаат во убивањето на невини суштества", напишал Мика на ѕидот на оваа Фејсбук страна.


"Секогаш стојат насмеани на фотографии на кои се наоѓаат покрај обесени, запалени или мачени црнци. Дури и одат во Африка и убиваат невини диви животни од спорт и забава", пишува во коментарот на Џонсон.

Џонсон на Фејсбук ги лајкувал страниците "Исламска нација", "Црни јавачи-Партија за ослободување", "Афроамериканска одбранбена лига" и слични.

По враќањето од војната во Авганистан, луѓето кои биле регрутирани заедно со него велат дека тој се променил кога дошол дома.

Жената која живее во непосредна близина на семејството Џонсон вели дека Мика се фалел дека поседува многу оружје, како и дека бил вознемирен кога му исчезнала една пушка, пишува Daily Mail.




Портпаролката на полицијата во Далас во американската држава Тексас, соопштила во саботата дека полицијата во тој град примила анонимна закана и дека затоа била зголемена безбедноста.

Таа додала дека таквите мерки биле воведени поради претпазливост, јавува AP.

Оклопни возила и специјалци биле поставени пред главното седиште на полицијата во Далас.

И други полициски станици во САД добиле слични закани по убиствата на двајцата Афроамериканци и по убиствата на петмината полицајци во Далас.

Кенет О’ Киф, поранешен американски маринец и воен ветеран објаснува кој, всушност, владее во светот и кој стои зад нападот во Париз и Исламска држава.

Кенет ги обвинува САД, Израел и Британија дека се најголеми светски терористи, а Обама дека е марионета во рацете на моќните банки, кои ги уништуваат државите низ светот.

Тој, исто така, рече дека се надева дека американските генерали и војници ќе се побунат и дека нема да учествуваат во светскиот масакр што го спроведува нивната влада.

Со ова јавно признание Кенет го стави својот живот во опасност бидејќи јавно ги прозва светските владетели и масони, а тие се познати дека го отстрануваат секој што се обидува да ги инкриминира.

Прилепското мермерно езеро сместено над селото Беловодица деновиве е вистинска атракција и супер разладување за прилепчани.Езерото предизвика огромно внимание кај медиумите, кои секојдневно известуваат за стотината посетители што  се искачуваат до ова место, пишува порталот „МКД“.
 
pamuk-markukule
 
На својот фејсбук профил Васко Дамески вели: “Прилепското „Памук Кале“ или Мермерното езеро во време на изградбата. Не го направи Крале Марко со боздоганот, туку е производ на осмислен процес на експлоатација по сите стандарди. Теренот е еколошки чист а квалитетот на водата е (испитан во 2011 год.) хемиски и биолошки исправна. Езерото е длабоко 20 метри и содржи 100 000 кубни метри вода. Поздрав до рударите од Рудник Беловодица за посебен допринос при изградбата на оваа прилепска атракција. Ви посакувам на сите пријатни моменти и внимателно пливање во ова прекрасно место”.
 

Помошникот државен секретар на САД за европски и евроазиски прашања во Стејт департментот, Викторија Нуланд, денеска ќе ја посети Македонија.

Како што соопшти Амбасадата на САД во Скопје, за време на посетата, таа ќе има средби со претставници на Владата, функционери на политички партии и претставници на граѓанското општество.

На средбите, според соопштението, ќе се разговара за билатералните и регионалните прашања, вклучувајќи ја и потребата за решавање на тековната политичка криза, поддршката за работата на Специјалното јавно обвинителство, како и создавањето услови за кредибилни избори.

Посетата на Викторија Нуланд на Македонија е во рамки на нејзината турнеја низ неколку земји во регионот во која се вклучени и Косово, Албанија, Србија и Кипар.

Бензините и дизелот пред две недели поевтинија за половина денар по литар.

Според последната одлука на Регулаторната Комисија за енергетика, малопродажните цени на ЕУРОСУПЕР БС-95, на ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се намалија за 0,50 ден/лит и со тоа цената на ЕУРОСУПЕР БС-95 изнесува 63,00 ден/лит, на ЕУРОСУПЕР БС-98 изнесува 64,50 ден/лит, на ЕУРОДИЗЕЛ (Д-Е V) изнесува 49,50 ден/лит, додека малопродажната цена на Екстра лесното масло за домаќинство (ЕЛ-1) изнесува 38,00 ден/лит.

Останува да видиме каква ќе биде новата цена на горивата и дали ќе возиме поевтин или поскап бензин во сезоната на летните одмори.

Наредната корекција е закажана за денеска. Регулаторна комисија за енергетика ќе ја објави по 12 часот напладне. Цените ќе важат од полноќ.

Top