(0 гласови)

Првата дама на САД Мишел Обама ја пречека својата наследничка Меланија Трамп со чај во приватниот резиденцијален дел на Белата куќа, додека претседателот Барак Обама се сретна очи во очо со идниот претседател Доналд Трамп.

Мишел и Меланија размениле искуства за подигањето и воспитувањето на децата во објект како што е Белата куќа и предизвикот да се биде добар родител во такви околности, соопштил подоцна портпаролот на Белата куќа Џош Ернест. Потоа Мишел и организирала на својата наследничка куса тура низ просториите на Белата куќа и и го покажала таканаречениот Труманов балкон. Во обиколката им помагал и кураторот и официјален водич низ резиденцијата, Бил Алман. На крајот, двете дами им се придружиле на своите сопрузи во Овалната соба.

http://i2.cdn.cnn.com/cnnnext/dam/assets/161110172804-michelle-obama-melania-trump-1110-exlarge-169.jpg

Средбата на Мишел и Меланија доаѓа неколку месеци откако Меланија беше критикувана за плагијаторство на говорот на Републиканската конвенција, во кој користела делови од говорот на Мишел од еден нејзин настап во 2008 година. 

(0 гласови)

Се' уште се работи на проектите за реконструкција на Универзална сала, иако проектирањето за старо-новиот објект веќе требаше да биде готово.

Рокот за завршување на процедурата бил продолжен за три месеци. Тоа значи дека дури во февруари се очекува да бидат готови проектите, односно да заврши нарачаната измена и дополнување на проектите за реконструкција, со вклучена ревизија во сите фази од проектирањето вклучувајќи и елаборати. Потоа ќе се распише оглас за избор на изведувач.

Летово, откако во јавноста беа пласирани информации и слики од новиот изглед на објектот, кој беше налик на градбите во стилот на „Скопје 2014“, надлежните категорично демантираа. Потенцираа дека објектот нема да има стилска фасада. Носител на проектот за старо-нова Универзална сала е самата институција, а доградбата ќе биде финансирана со средства од владиниот буџет. 

Пред половина година беше сменет неколкугодишниот план и идеја за изградба на комплетно нов концертен објект, за што дури беше избран и проект. Но, во меѓувреме надлежните одлучија дека поисплатливо било постојниот објект да се прошири и догради. Најавено е дека новата Универзална сала во основа ќе го задржи изгледот. Ќе ја има препознатливата купола, а ќе биде решено и паркирањето. Постојниот објект ќе добие 200 седишта повеќе, поголем влезен дел и фоаје, гардероби за публиката, надворешна застаклена галерија на две нивоа околу целиот објект со угостителски простор, како и комерцијални содржини кои ќе му помогнат на објектот да се издржува со самофинансирање.

(0 гласови)

Доналд Трамп досега имал три законски сопруги и со секоја имал поинаква љубовна приказна. Трамп со својата прва и веројатно најпозната сопруга Ивана Трамп (66) бил во брак 15 години и имаат три деца Доналд Јуниор, Иванка и Ерик. Ивана Трамп е родена како Ивана Мари Зелницкова на 20 февруари 1949 година во Чешкословачка под комунистичка власт.

За Доналд Tрамп се омажила во 1977 година и имала голема улога во „Трамп“ организацијата чијашто била претседател, а најмногу била врзана за дизајнот на ентериер. Се зборувало дека Ивана пред крајот на бракот со Доналд не му била привлечна на својот сопруг, па токму поради тоа се подложила на разни пластични операции.

Од Трамп се развела во 1992 година откако е откриена неговата вонбрачна врска со актерката Марла Мејпс, со спектакуларна бракоразводна парница после која Трамп ѝ исплатил 25 милиони долари.

По разводот Ивана Трамп со бившиот сопруг останала во добри односи.

- Верувајте ми, би бил одличен претседател на САД! Тој секогаш би бил 100 отсто ангажиран, би водел преговори, договори токму онака како што тоа со децении го прави во своите компании. Тој може да го направи она што не може никој друг - рекла ивана Трамп во едно интервју.

На прашањето дали ѝ е жал што нема да има прилика да биде прва дама на Америка таа одговорила дека е „неизмерно среќна што не мора да живее во Белата куќа“.

- Тоа е нешто премногу здодевно. всушност, јас сум првата госпоѓа Трамп и таа титула никој никогаш не може да ми ја земе. Ги сакам луѓето, но ги гледам кога и колку јас тоа го сакам, така што мојата куќа во Њујорк е многу поубава од која било Бела куќа - рекла Ивана.

 Таа себеси се обвинува за тоа што Доналд не почнал да се занимава со политика навреме.

- Пет години пред нашиот развод му беше предложено да се кандидира за претседател. Но, тогаш се случи разводот и целиот скандал со неверството. Американките ме сакаа мене, а него го мразеа, така што политичката кариера беше на чекање - рекла Ивана.

Со втората сопруга Марла, Доналд бил во брак пет години и ја имаат ќерката Тифани Аријана.

Кога бракот и бизнисот на Трамп тргнале низбрдо, Марла Мејпс му била единственото засолниште од светот кој измакнувал од контролата. 

Како што се зборувало, тој на почетокот на неговата врска со Марла сакал да се ослободи од Ивана и од нејзините наизменични промени на расположението.

Во биографијата, „Семејството Трамп: Три генерации кои изградија империја“, која Доналд Трамп ја оспорувал затоа што е прикажан како прост, авторката Гвенда Блер објаснила како изгледал неговиот втор брак.
 
- Среде деловен разговор, тој ја извлекуваше фотографијата на Марла и почнуваше нашироко да зборува за она со што природата богато го дарувала. Понекогаш ги прекинуваше состоноците во својата сала за конференција и пред сите пушташе видео касета со неа: „Таа се врцкаше во костим за капење“- изјавила една личност која била присутна на тие состаноци, а тој правел коментари во стилот - „Добри гради, нема мозок“. Марла на крајот, од бракот со милијардерот излегла со дебела алиментација и при разводот симпатично изјавила : Животот е премногу краток за човек некого да мрази“. Толку за нејзиниот мозок - е дел од книгата.

Се пишувало дека Доналд Трамп ја избрка, а таа се преселила во Калифорнија каде што продолжила да ја одгледува ќерката. Неодамна во една емисија открила детали од бракот со Доналд. Во 2013 година шокираше со изјавата дека се уште го сака Доналд Трамп.

Доналд Трамп и Меланија Канус се запознале на забавата во Њујорк на Модната недела во 1998 година. Од средбата до официјализирањето на врската поминале шест години и Доналд рекол: „Ние никогаш не сме се скарале, заборавивме што значи зборот кавга. Многу сме компатибилни, чекориме еден покрај друг.“ Се свршиле во 2004 година, наредната се венчале во Палм Бич.

 

http://a.abcnews.com/images/Politics/rtr_melania_trump_donald_jc_160224_16x9_992.jpg

(0 гласови)

Министерот за транспорт и врски Владо Мисајловски информираше дека во соработка со ЕУ привршува проектот за реконструкција на железничките станици долж Коридорот 10 и 10 д.

Целосно ги реконструиравме железничките станици во Велес, Неготино, Демир Капија, Чашка, Табановце, Градско, Богомила и Прилеп. Реконструкцијата на станицата во Битола е во завршна фаза а пред извесно време започнавме со реконструкција и на последната станица во Гевгелија во рамките на овој проект. Инвестицијата е 2.3 милиони евра. Со овој проект како и со набавката на новите возови граѓаните ќе добијат поквалитетни услуги во железничкиот превоз, пишува Мисајловски на Фејсбук.

zeleznicka3

zeleznicka4

zeleznicka5

zeleznicka6

zeleznicka7

zeleznicka-2

(0 гласови)

Попрецизно одредување на каматните стапки на кредитите и на депозитите што банките им ги нудат на граѓаните и на фирмите ќе гарантира новиот Закон за облигациони односи чии измени веќе се подготвуваат.

Од Народната банка потврдуваат дека во тек е јавна расправа за измените на овој закон, но не се открива кога ќе биде изработен. Практично овој закон ќе биде дел од новиот граѓански законик, кој исто така веќе е во подготовка. НБМ веќе испрати предупредување до банките потранспарентно да ги одредуваат каматните стапки за граѓаните да не се доведуваат во заблуда за висината на каматите што ги плаќаат на кредитите или ги добиваат за депонираните депозити.

Од НБМ велат дека независно од препораката, во иднина законски ќе бидат утврдени начините на формирање на каматните стапки. Ги потврдуваат информациите дека има најави за измени што на граѓаните ќе им гарантираат точно определени услови во сите односи, па и во банкарските за кредити или за депозити. Практика на банките, според граѓаните, е во времето кога, на пример, почнува да се пресметува променлива камата тие сами врз основа на своја политика да ги менуваат стапките, па често клиентите се чувствуваат оштетени. Велат кога паѓаат каматите на новоодобрените кредити тоа побавно или многу ретко оди кај постојните или растот на каматите на депозитите е побавен за старите штедни влогови.

- Во тек е постапка за донесување Граѓански законик на Македонија за чија изработка е задолжена посебна комисија. Овој Законик, во еден свој сегмент предвидува ревидирање на одредбите на постојниот Закон за облигациони односи, кој помеѓу другото, се очекува да опфаќа и попрецизно регулирање на каматните стапки во договорните односи на учесниците во правниот промет. Поради обемноста на материјата што треба да биде кодифицирана, јавната расправа по граѓанскиот предлог-законик е се уште отворена и притоа не може да се предвиди рокот до кога тој би бил донесен и би стапил во сила - велат од НБМ.

Инаку измените на законот нема да се однесува само на банките, туку и на кој било договорен однос.

Од НБМ се надеваат на своевидна реакција на банките и по препораката што гувернерот им ја испрати пред десетина дена, да бидат потранспарентни кога ги формираат каматните стапки на кредитите и на депозитите. Велат дека очекуваат во иднина банките да не одобруваат нови кредити и депозити со таканаречени „приспособливи“ камати. Стапките, според нив, треба да бидат или фиксни или променливи стапки или во некоја комбинација од двете, а клиентите точно да знаат колкави камати ќе плаќаат или ќе добиваат на штедниот влог за целиот период во кој трае производот. Всушност, НБМ бара висината на каматата кога е променлива да се менува врз основа на параметри што се однапред јасно определени во договорите.

Првично на дописот од НБМ банкарите реагираа воздржано и се правдаа дека тие и досега работат транспарентно и законски. За најавите за законски измени со кои точно ќе се утврдува како може да се менува стапката, не сакаат да коментираат.

(0 гласови)

По 65 години, општина Центар комплетно ја реконструираше градинката „13 Ноември“. Од дотраениот и руиниран објект, останаа само ѕидовите. Се друго е ново, квалитетно, современо и според сите највисок  еколошки стандарди за ваков тип на објект, соопшти Општина Центар.

Градинката е на површина од 2.350 м2, а сега децата добија многу подобри услови за престој и воспитување. Фасадата е енергетски-ефикасна, со весели бои. Реконструирани се канцелариите, ходниците, санитариите и целосно е обновен подрумскиот простор, каде што се сместени сушара, перална и машински простории за парно.

По долги години, конечно е решен огромниот проблем со влагата, кој имаше штетни последици врз здравјето на децата и вработените.
На местото на искршениот и опасен паркет и ламинат, поставен е нов и квалитетен паркет. Градинката доби нови, нелизгачки плочки , прозорци, грејни тела и нови изолациски подови. 

Според стандардите за производство и пласман на храна HACCP, кујната е изработена според сите стандарди, а храната се доставува со лифт. 

Поставени се и две рампи за децата со посебни потреби.Градинката „13 Ноември“ е современ, енергетски ефикасен објект, реконструирана со најквалитетен еколошки материјал, а децата добија услови како од бајките. 

(0 гласови)

Лидерот на ДУИ, Али Ахмети, му честита на новоизбраниот американски претседател, Доналд Трамп, за победата на претседателските избори и му посака успешно претседавање и продлабочување на пријателството и стратешката соработка кон остварување на заедничките цели.

„Соединетите Американски Држави се глобален лидер на демократијата и на човековите права, како и промотер на вредностите на солидарноста, затоа го изразувам моето убедување дека избраниот претседател ќе го продолжи патот за промовирање на овие вредности во светот со векови на албанско-американското пријателство.

Земјите од Западен Балкан, како и Албанците во целина се стремат кон иста цел со САД, за демократизација и евроатлантска интеграција на нашите земји така, нашето партнерство кон остварувањето на заедничката цел ќе продолжи непречено', напиша Ахмети во честитката до Трамп.

Тој и честита ѝ на Хилари Клинтон за достоинствената кампања и ја изрази длабоката благодарност на неговата заедница за големиот придонес на семејството Клинтон за мирот и стабилноста во нашиот регион. 

(0 гласови)
Илјадници луѓе ширум САД протестирале во големите градови против изборот на Доналд Трамп за претседател на таа земја. На некои од овие демонстрации избиле и нереди, па дошло до вандализам и апсења.

До најжестоки судири на демонстрантите и полицијата дошло во Оукленд во Калифорнија.

Демонстрантите во Оукленд уништувале автомобили, палеле излози...

Оукленд е само еден од градовите во кои дошло до протести.

На Twitter била објавена снимка на која се гледа како демонстрантите уништуваат еден полициски џип.

CNN јавува дека според полициските проценки во Њујорк се собрале околу 5.000 луѓе кои извикувале пароли против новиот претседател.

Како што јавува Russia Today, на протестите од еден до друг брег на САД, има запалени знамиња, вандализам, а има и уапсени. Се демонстрира во Лос Анџелес, Сан Франциско, Сиетл, Бостон, Чикаго...

Во Њујорк демонстрантите, за кои се наведува дека се млади луѓе, се собрале околу кулата на Трамп, а се слушаат и извици како "Не си мој претседател", како и повици против прекумерната употреба на полициска сила.

Демонстрантите извикуваат и пароли за имигрантите, абортусот и други контроверзни теми од предизборната кампања на Трамп.

 

(0 гласови)
Претседателот во заминување на САД, Барак Обама, се надева дека ќе се продолжи американската традиција луѓето на власт да не го користат системот на кривично правосудство против своите противници, изјавил портпаролот на Белата куќа, Џош Ернест.

Тој тоа го рекол одговарајќи на прашањето дали новоизбраниот претседател на САД, Доналд Трамп, ќе го исполни "ветувањето" и ќе ја прати во затвор демократската претседателска кандидатка Хилари Клинтон, пренесува Reuters.

"Имаме долга традиција во оваа земја, луѓето на власт да не го користат системот на кривичното правосудство за политичка одмазда...Претседателот се надева дека тоа ќе се продолжи", рекол Ернест на конференцијата за новинари.

Трамп, за време на втората претседателска дебата во октомври, ја нарекол Хилари ѓавол и сугерирал дека, доколку победи на претседателските избори, ќе ја прати во затвор поради скандалот околу мејловите кои таа за време на нејзиниот мандат како државен секретар ги праќала од својот приватен сервер.

(0 гласови)

Откако беа објавени резултатите од претседателските избори, на кои победата ја однесе репубиканецот Доналд Трамп, на демонстрации по улиците на повеќе градови од западните американски сојузни држави излегоа гневни, главно студенти, млади луѓе задоени со деструктивната политика на Сорос и поддржани со неговите пари.

„Тоа не е мојот претседател!” скандираа студентите и другите опоненти на новиот претседател, кои учествуваа во повеќеилјадните протестни маршеви низ Лос Анџелес, Сан Диего, Окланд, Портланд и други градови.Токму поради тие причини демонстрантите пандан на револуционерите-платеници во Македонија се собрале пред Белата куќа и на улиците на Вашингтон. Најголемиот дел од нив биле студенти, а тие палеле американски знамиња, го навредували и пцуеле новиот претседател, пееле навредливи песни и слогани против него и го нарекувале расист.

Снимки од протестите, закачени на интернет, ги покажуваат демонстрантите како палат свеќи и факели. На една од нив се гледа како се пали и гори американското знаме.

-Не можам да разберам како нашата земја може да гласа за овој ужасен човек, коментира учесник на протестот во Лос Анџелес.

Поп иконата Лејди Гага, жесток поддржувач на Хилари Клинтон, која за неа ја водеше кампањата и учествуваше во нејзиниот последен предизборен митинг, во Њујорк протестираше пред кулата Трамп. Таа на Инстаграм закачи своја слика, која покажува како исправено стои врз камион со смет и го држи транспарентот „Љубовта ќе надвладе над омразата на Трамп“. Тоа беше една од предизборните пароли на кампанњата на Хилари Клинтон.

http://www.telegraph.co.uk/content/dam/news/2016/11/09/gaga1-large_trans++qVzuuqpFlyLIwiB6NTmJwQ8zMm8644IpSvequ5_XcZ4.jpg

Орегон е една од државите во која победила Хилари, па и таму имало немири на улиците и демонстрации заради изборот на новиот америксански претседател. Хилари Клинтон важи за продолжена рака на Сорос во политиката и победата на Клинтон ќе значеше победа и на деструктивната политика на Сорос.

primer 8

Top