(0 гласови)

Дваесет и четиригодишниот Британец Конор Рид, наставник по англиски јазик од Велс, се заразил со смртоносниот коронавирус во Вухан пред околу два месеци, но тврди дека се излекувал пиејќи виски со мед.

Рид, кој во Кина живее последните три години, а во Вухан последните шест месеци, отишол во болницата во Универзитетот на Централна Кина, поради отежнато дишење и силно кашлање.

„Користев инхалатор кој ми ја ублажи кашлицата и пиев варено виски со мед се додека имав. Тоа е стар лек, но изгледа заврши работа. Не сакав да пијам антибиотици, кои ми ги препишаа лекарите, бидејќи не сакав да користам фармасевтски средства“, објаснил тој за „Сан“.

Две недели откако бил пуштен од болница, дознал дека бил заразен со коронавирусот. Тој додаде дека британското министерство за надворешни работи делувало „незаинтересирано“ кога им рекол за инфекцијата.

„Упорно прашуваа дали сакам место во авионот за да ја напуштам земјата, но јас одговорив дека не сакам, дека ќе останам. Јас сум жив доказ дека коронавирусот може да се победи“, порача Рид.

Тој вели дека во супермаркетите во Вухан почнало да недостигаат намирници, а во аптеките лекови и маски.

Според најновите податоци, во Кина досега починале 361, а во последните 24 часа забележани се уште 2.829 нови заразени случаи, што значи дека вкупно ги има 17.205.

(0 гласови)

Кина, вториот најголем дом на светски милијардери, доби нов богат човек кој сега поседува повеќе од една милијарда долари.

Новиот кинески милијардер доаѓа од козметичката индустрија. Акциите на PROYA Cosmetics кои се тргуваа на берзата во Шангај на крајот на јануари се затворија на рекордно високо ниво, што помогна нејзиниот претседател Ху Јунченг да го лансира во најбогатите луѓе во светот.

Акциите на компанијата рекордната недела ја завршија на ниво од 108,94 јуани, со што се зголеми личното богатство на Јунченг на 7,9 милијарди јуани или 1,2 милијарди долари.

Приходите и нето добивката на PROYA во првите три квартали од 2019 година биле 2,1 милијарди јуани, 35 милиони долари повеќе од претходната година. Најмногу приходи остварил од козметичките брендови на PROYA, кои се многу популарни кај младите жени на возраст од 18 до 24 години во кинеските градови од трето и четврто ниво со стапка на развој.

Јунченг ја основал PROYA во 2006 година во провинцијата Џежанг.

PROYA, минатата година во Кина основаше заедничка компанија со шпанска фирма за нега на кожа, SingulaDerm, а истата година потпиша и договор за продажба на италијанскиот бренд за шминка WYCON.

(0 гласови)

Шон Петерсон бил еден од патниците што на 31 јануари летале од Будимпешта до Единбург со авион на компанијата „Рајанер“.

Дваесет и седумгодишниот патник изјавил дека патниците почнале да се онесвестуваат во рок од еден час по полетувањето.

Првин се онесвестила една седумнаесетгодишна девојка, која била реанимирана, а потоа се онесвестил друг патник. Шон исто така се онесвестил.

„Сите се испаничија затоа што никој не знаеше за што станува збор. Посакувате никогаш повеќе да не се качите во авион. Тоа беше лет од пеколот“, рече тој додавајќи дека екипажот донел огромни шишиња со кислород за оние на кои им требале.

„И јас се онесвестив и ми требаше кислород“, рече Петерсон, кој бара отштета од авиокомпанијата.

„Нешто не беше во ред. Луѓето се жалеа дека нема доволно воздух. Не знам зошто не извршија принудно слетување“, раскажува тој.

Аеродромот во Единбург потврди дека персоналот давал прва помош за време на летот и дека патниците ги чекала итна помош при слетувањето.

Сепак, од авиокомпанијата велат дека немало проблеми со авионот иако патниците не веруваат во тоа. Натамошната истрага ќе покаже дали навистина имало недостиг од кислород во кабината.

(0 гласови)

Од коронавирусот, од крајот на декември до денеска починаа 492 лица додека повеќе од 24.500 се заразени.

Болеста се прошири во повеќе од 25 земји ширум светот, а најмногу случаи се откриени во Кина, пред сè во провинцијата Хубеј во која и првично се појави коронавирусот, пренесува “CNN”. 

Последните случаи на вирусот се откриени на крузер кој пристигнал во Јапонија, на кој биле откриени 10 случаи, поради што 3.700-те патници на бродот се задржани во карантин во кој ќе останат во наредните 2 недели.

Најмногу заразени, но и најголем број смртни случаи се забележани во Вухан, каде од вирусот починаа 362, а се заразени 8.531 лице.

Многу земји организираа евакуација на своите граѓани од Кина, а Велика Британија им нареди на сите да ја напуштат таа земја, но не прецизираше на кој начин ниту понуди конкретна помош, наведува “CNN”.

Американскиот Стејт депармент соопшти дека утре ќе испрати уште два авиона за евакуација на граѓаните, додавајќи дека потоа нема план да испраќа дополнителни авиони.

Епидемијата на коронавирусот изби кон крајот на декември минатата година, а се претпоставува дека вирусот потекнува од животни, пред сè од лилјаци.

(0 гласови)

Негативните каматни стапки ги присилуваат позајмувачите да ги задржуваат парите во готовина.

Германските банки чуваат толку многу готовина, па во трезорите веќе им снемува место, пренесува „Блумберг“.

Во декември минатата година, германските банки имале готовина од вртоглави 43,4 милијарди евра, покражуваат податоците на Бундесбанка. Негативните каматни стапки со тоа ги присилуваат позајмувачите да ги задржуваат парите во готовина.

„Овие денови подобро е да ги чувате средствата во готовина, отколку да ги паркирате кај Европската централна банка“, изјави Андреас Шулц кој води штедилница во близина на германскиот главен град Берлин.

(0 гласови)

Од Универзитетот во Хонгконг објавиле зголемена фотографија од станицата која е заразена од новиот смртоносен вирус кој “владее“ со светот - коронавирусот, пренесуваат од Си-ен-ен.

Како што велат од Универзитетот, овој визуелен приказ на коронавирусот би требало да им помогне на научниците да го разберат процесот на самото размножување на вирусот.

Заболените станици кои се забележани на оваа фотографија припаѓаат на пациент од Хонгконг.

 

„Фотографиите ни помагаат да го разбереме размножувањето на вирусните станици и исто така дали постои разлика помеѓу МЕРС или САРС во текот на контекстот“ - изјавил Џон Николс, професор по патологија на Универзитетот.

 

Тој исто така додал дека постои можност за користење на веќе познати информации во случај вирусот да го користи истиот механизам како САРС или МЕРС и дека би можеле да се применат истите на сите нови коронавируси. 

(0 гласови)

Кинеските медиуми објавија видео снимка во траење од 60 секунди на кои се гледа како болницата Хушеншан во кинескиот град Вухан, наменета залекување на заболените од Корона вирусот е изградена за само осум дена.

Болницата се протега на околу 25 илјади кварадратни метри, има околу 1000 болнички кревети и денес е пуштена во работа.

Изградбата започна на 24-та јануари, а завршена беше во текот на викендот. Тоа е инаку една од двете здравствени установи кои ќе бидат изградени за лекување на заболените од смртоносниот Корона вирус. Втората болница ќе биде отворена на 5-ти февруари.

(0 гласови)

Градежната фирма „Дан-Мак“ била измамена за 250 илјади евра во шемата на Бојан Јовановски-Боки 13 за наводното учество во ЕУ проекти за изградба на домови за стари лица. Овој пат посредник била водителката Лила Филиповска, вели измамената Ена Норнилд, косопственичка на градежната компанија. Таа пред две години поднела кривична пријава против Јовановски и Филиповска, која е заборавена во некоја обвинителска фиока. Нејасно е зошто овој случај не е дел од „Рекет“, вели Норнилд за МКД.мк.

Норнилд за МКД.мк вели дека вчера била првпат повикана во Финансиската полиција, а пред 3-4 месеци и во Обвинителството. Но без никаков резултат.

„Сѐ почна кога како заштитно лице на мојот козметички салон ‘Мис Ен’ ја избрав токму Лила Филиповска. Тоа беше некаде во почетокот на 2017 година“, ја почнува својата приказна Ена Норнилд. Соработката си течела вообичаено, сѐ до летото 2017 година, кога Лила понудила „добра бизнис зделка“ за фирмата „Дан-Мак“.

„Ми рече дека е добра пријателка со Боки 13, кој добил проект од ЕУ за изградба на домови за ранливи категории и за стари лица. Авторка на проектот била Лила, Боки го добил од ЕУ, а јас за да учествувам во проектот, во изградбата на тие домови, требаше да ѝ платам 250 илјади евра на авторката на проектот. Таа ми кажа дека во проектот вложила и свои пари. Не се посомневав во ништо од ова, на крајот на краиштата Лила тогаш уште работеше за мене. Побарав средба со Боки. Отидовме во неговата куќа во Орман. Кога влегов внатре, сѐ беше под знакот на ЕУ – знамиња, папки, беџеви, пенкалца… Тој ми рече дека проектот веќе е добиен, но е заштитен, а деталите ќе може да се видат откако ќе се плати учеството. Со мојот адвокат спремив договор, со извршни клаузули за двете страни ако некој не ги испочитува условите од договорот“, раскажува Норнилд.

Таа никогаш не го видела проектот.

На 21 јуни 2017 година Лила цела во плач влегла во канцеларијата на Норнилд и рекла дека животот ѝ зависи ако парите не се платат токму денеска. Исплатата била завршена истиот ден: 13,5 милиони денари биле префрлени на сметката на Лила Филиповска, која веднаш потоа, под името Лила Стојановска, ги конвертирала денарите во 250 илјади евра во кеш, вели Норнилд.

Ниту една државна институција, ниту Финансиската полиција, ниту НБМ, ниту контролните служби на банките… не реагирале на ваквата кеш исплата.

Рокот за почеток на изградба на објектите бил 30 ноември 2017 година. Ако нешто тргнело наопаку, истиот ден требало да се активира и извршната клаузула од договорот.

„Додека бевме на состанокот со Боки 13, цело време на телефон му се јавуваше извесен Стјепан од Хрватска, кој бил дел од проектот и кај кого требало парите да се однесат. Во кеш. Каде навистина завршија парите не знам. Знам само дека на 29 ноември добив повик од Лила и Боки да се сретнеме во хотел Парк. Ми рекоа дека проектот ќе се пролонгира, дека дошло до ревидирање и рефинансирање и сега рокот е крајот на февруари 2018 година. Прифатив само под услов и извршната клаузула да важи од тој датум. Подготвив анекс, а потоа Лила ми кажа дека по совет на Боки таа не можела да потпише таков анекс“, раскажува Норнилд.

Норнилд потоа ја пријавила измамата во канцеларијата на ЕУ во Скопје, во Основното јавно обвинителство во Скопје, во Финансиската полиција…

„Од ЕУ до денес немам одговор дали таков проект воопшто постоел, дали биле одобрени финансии за изградба на домови за пензионери. Молк. Исто како и од обвинителството. За мојата кривична пријава против Лила Филиповска за измама и против Бојан Јовановски за злосторничко здружување одредена била обвинителката Сања Бурјаковска-Китановска. Пријавата до денеска стои во нејзината фиока. Таа овој период е постојано отсутна, болна, на патувања, по одмори… Не се сомневам дека тука се работи за организирана група, заштитена од власта. Ова е речиси истата шема во која настрадаа бизнисмените Сиљан Мицевски, струшката компанија ‘Дрим билдинг’… Не ми е јасно зошто овој случај не е дел од ‘Рекет’. Во обвинителството се сите документи, мојот исказ, ова што вам ви го велам го имаат и во обвинителството… Но ништо. Молк. Откако пред 2-3 дена на Фејсбук ја објавив уплатницата за Лила Филиповска, вчера веднаш бев повикана да дадам исказ во Финансиска полиција. Што се чекаше 2 години? Кој го чува мојот случај 2 години? Уште еднаш – немам никакво сомневање дека тука се замешани многу повисоки фигури од нашиот државен апарат“, вели Норнилд.

Уште еден апсурд: извршната клаузула од договорот со Лила Филиповска подразбирала право „Дан-Мак“ да си ги врати парите. Но извршителот на „Дан-Мак“ установил дека целиот имот на Филиповска е под хипотека во банки.

Лила Филиповска како сведок на едно од рочиштата за случајот „Рекет“ сведочеше дека на Бојан Јовановски му позајмила 25 илјади евра за да ја покрене својата 1ТВ.

(0 гласови)

Претседателот на ВМРО-ДПМНЕ Христијан Мицкоски денеска сподели статус на својот фејсбук профил каде што вели дека Обвинителството молчи за крупни случаи кои се поврзуваат со криминал, додека власта пробува да турка закон пред изборите, чиј вистински интерес е да се заштити по изборите од одговорност.

- Обвинителството молчи за крупни случаи кои се поврзуваат со криминал, додека власта пробува да турка закон пред изборите, чиј вистински интерес е да се заштити по изборите од одговорност. И одново власта ја турка земјава во слепа улица, со цел да не дозволи решение кои ќе донесе независно обвинителство кое не само што нема да молчи туку ќе биде главната острица во борбата против криминалот, пишува Мицкоски.

Според лидерот на ВМРО ДПМНЕ сиот лажен наратив на власта за мотивите на опозицијата пропаднал бидејќи дека на маса има лошо законско решение го потврдија и самите експерти и професори на правниот факултет.

- Борбата против криминалот не смее да дозволиме да биде заглавена помеѓу суетите на пар министри и стравот на поранешниот премиер Заев дека ќе мора да се соочи со одговорност. Потребно е квалитетно законско решение а не онакво какво што власта турка на мала врата на само недела ипол пред распуштање на Парламентот. Затоа за ВМРО-ДПМНЕ, со цел да не се робува на суетата на одредени министри и стравот на Заев од одговорност, е прифатливо законско решение кое ќе го изработат и ќе произлезе од самата експертска јавност која беше вклучена во јавната дебата за законот за јавното обвинителство. Да дадеме шанса на професионализмот , знаењето и искуството на експертите и професорите, што ќе биде база за понатамошно усогласување. Да не креираме законско решение за заштита на партиските интереси на поединци, туку решение предложено од експерти кое ќе биде прифатливо за Собранието, стои во неговиот пост на Фејбсук.

(0 гласови)

Американскиот претседател Доналд Трамп е победник кај републиканците на партиските избори во Ајова 2020 година, што беше симболично гласање бидејќи Трамп не се соочи со важната опозиција.

„Голема победа за нас во Ајова, ви благодарам“ напиша Трамп на Твитер. 

Во меѓувреме, првите избори кај демократите ги одбележа хаотичен старт, пренесуваат американските медиуми. Резултатите доцнат со часови зошто партиските претставници проверуваат недоследности на првичното прегласување.

Демократската партија почна вчера со повеќемесечни внатрепартиски избори на кои ќе биде избран нејзин претседателски кандидат, кој ќе му се спротивстави на Трамп.

Во трка останаа вкупно 11 претенденти за претседателска номинација – Мајкл Бенет, Џо Бајден, Мајкл Блумберг, Пит Бутиџиџ, Тулси Габард, Ејми Клобучер, Девал Патрик, БЕрни Сандерс, Том Стејер, Елизабет Ворен и Ендру Јанг.

Top