Нешто пред 13.00 часот во домот на Катица Јанева пристигна полициска екипа која ја приведе специјалната јавна обвинителка по вчерашниот распит во обвинителството за организиран криминал.

Во живо од апсењето на Јанева, пренос имаш порталот „Вечер.мк“.

Американскиот претседател Доналд Трамп изјави дека би сакал „Г7“ да се претвори во „Г8“ со ново вклучување на Русија, откако оваа земја беше исклучена во 2014-та година поради анексијата на украинскиот полуостров Крим.

„Подобро е да ја имаме Русија. Многу теми за кои што разговараме се поврзани со Русија, би сакал да се вратат во Г8“, изјави Доналд Трамп и додаде дека би можел целосно да го поддржи враќањето на Москва доколку тоа биде предложено.

„Како што знаете, долго постоеше групата Г8 и претседателот Барак Обама повеќе не ја сакаше Русија затоа што тие беа попаметни од него“, изјави Трамп.

Земјите членки на „Г7“ (Германија, Канада, САД, Франција, Италија, Јапонија и Велика Британија) ќе се состанат оваа седмица на југозападот на Франција на самитот кој најверојатно ќе мине во тензична атмосфера поради несогласувањата на Трамп и сојузниците за бројни теми, меѓу кои Иран, Сирија и Парискиот климатски договор.

 

Претседателот на САД исто така понуди и посредување во „експлозивната ситуација во Кашмир“.

„Кашмир е многу комплицирано место. Таму се хиндуси и муслимани и не би рекол дека се согласуваат“, изјави американскиот претседател и додаде дека ќе даде се од себе за да посредува.

Трамп во понеделникот изјави дека телефонски разговарал со индискиот премиер Моди и пакистанскиот премиер Кан и ги поттикнувал за намалување на тензиите во Кашмир.

Во некои земји континуирано се наметнуваат срамно неточни причини за почетокот на Втората светска војна, рекол денека рускиот претседател Владимир Путин во поздравното обраќање на отворањето на изложбата „1939-та Почеток на Втората светска војна“.

Изложбата, која била отворена во Рускиот сојузен архив, го опфаќа периодот меѓу моментот кога Чехословачка престанала да постои како суверена држава во март 1939-та година и германскиот напад врз Полска на 1-ви септември истата година.

„Втората светска војна беше ужасна катастрофа за целото човештво, нанесувајќи длабоки рани на милиони луѓе и оставајќи белег на судбините на генерациите“, нагласи Путин.

 

Тој истакнал дека, за жал, во некои држави се прават напори причините за Втората светска војна да се преправат врз основа на лични, политички и економски интереси, преку искривување на историските факти, пренесува агенцијата ТАСС.

САД ќе преземат сѐ што е можно за да спречат иранскиот танкер да достави нафта во Сирија, изјави американскиот државен секретар, Мајк Помпео.

Тој ја предупреди Атина да не му помага на иранскиот танкер и се закани со санкции доколку дојде до тоа, пренесе „Ројтерс“. 

„Јасно дадовме до знаење дека кој ѝ да го допре бродот, кој и да му допушти да се закотви, ризикува САД да воведат санкции“, изјави Помпео.

Тој порача дека САД ќе направат сѐ што е можно за да спречат танкерот да исплови во Сирија.

Грција соопшти дека не добила никакво барање од пловилото да застане на едно од нејзините пристаништа.

Белата куќа ја одложила посетата на американскиот претседател Доналд Трамп на Данска, која била планирана за 2-ри и 3-ти септември, јавува NBC News.

Претставник од Белата куќа ја потврдил оваа информација за телевизијата. Трамп го поканила данската кралица во официјална посета. 

Претходно Доналд Трамп изјавил дека ќе ја одложи посетата по изјавата на премиерката на Данска дека Копенхаген не е заинтересиран за продажба на Гренланд на САД.

"Данска е многу посебна земја со неверојатни луѓе, но, на основа на коментарите на премиерката Мете Фредрикесен, дека не е заинтересирана за разговор за купување на Гренланд, јас ќе го одложам нашиот состанок кој е планиран за две недели, на друго време", напишал Трамп на Твитер.

Минатата недела било објавено дека Трамп ја разгледува можноста за купување на Гренланд. Во Данска биле изненадени од идејата на американскиот претседател, додека владата на оваа автономна област тоа го отфрлила.

По средбата со рускиот претседател Владимир Путин во тврдината Брегансон, францускиот претседател Емануел Макрон, истакна дека иднината на Русија е врзана за Европа.

„Уверен сум дека иднината на Русија во целост е врзана за Европа. Веруваме во Европа која е раширена од Лисабон до Владивосток“, наведе Макрон на Твитер. 

Тој додаде дека со Путин разговарале за шумските пожари во Сибир и топењето на пермафростот во тој регион.

Руските медиуми додаваат дека лидерите на двете земји изразиле посветеност за воспоставување долгорочна стабилност во Либија и враќање на редот во земјата.

Околу ситуацијата во Сирија, Макрон укажал на неопходноста од итен прекин на огнот во провинцијата Идлиб, во согласност со спогодбата постигната на состанокот во Сочи, на 17 септември 2018 година.

Средбата на двајцата претседатели, што се оддржа синоќа, траеше повеќе од 2,5 часа, соопшти прес службата на рускиот претседател.

„Сум ја посетила Македонија неколку пати и сфатив дека сум благословена што живеам во Австралија“, изјави Австралијката со македонско потекло околу инспирацијата за проектот.

Медисон Ристевски е 16-годишна девојка од Австралија, која има македонско потекло. Веќе четврта генерација од нејзиното семејство живее таму, но тие не ја забораваат Македонија.

На училиште таа добила задача да лансира проект со кој ќе го направи светот подобро место за живот, па така одлучила да собира донации за реновирање на медицинското училиште во Битола. Била разочарана од неговата состојба при една посета во Македонија.

avstralijka-sobra-iljadnici-evra-za-da-renovira-uchilishte-vo-makedonija-02.jpg

„Сум ја посетила Македонија неколку пати и сфатив дека сум благословена што живеам во Австралија, земја каде здравството, образованието, демократијата и квалитетот на живот се сметаат за најдобри во светот.

Во битолската образовна установа ѕидовите и таваните беа покриени со влага. Тоалетите или беа скршени или течеа или не се пушташе вода како што треба и имаше непријатен мирис од мигот штом влегов“, вели Медисон.

avstralijka-sobra-iljadnici-evra-za-da-renovira-uchilishte-vo-makedonija-03.jpg

Таа си постави задача да собере 29.000 евра за реновирање на објектот и упати апел за донации преку онлајн платформа, а за само 4 месеци успеа да ги мотивира луѓето од Австралија, но и целиот свет да донираат дури и повеќе од првично зацртаната цел.

Целта на Медисон е да испрати порака дека секоја цел е остварлива, само ако сте одлучни и работите напорно.

avstralijka-sobra-iljadnici-evra-za-da-renovira-uchilishte-vo-makedonija-05.jpg

avstralijka-sobra-iljadnici-evra-za-da-renovira-uchilishte-vo-makedonija-04.jpg

Целата статија прочитајте ја ТУКА!

Американскиот претседател Доналд Трамп повторно ја коментираше идејата за купување на Гренланд од Данска, наведувајќи дека тое не е приоритет, но дека е стратешки интересно.

Тој им рекол на новинарите дека таа тема излегла во разговор внатре во неговата администрација.

„Таа идеја се појави и… стратешки е интересна“ рекол Трамп.

Американскиот претседател навел дека Гренланд оретставува економски товар за Данска, која, како што вели, поради тоа губи речиси 700 милиони долари годишно.

Претходно економскиот советник во Белата куќа, Лери Кадлоу, потврди дека Трамп сака да размисли околу купувањето на Гренланд, иако за тој остров порачаа дека не е на продажба.

Се огласи и данската премиерка, Мет Фредериксен, која порача дека Гренланд не е на продажба, како и дека идејата да се продаде на САД е апсурдна.

Меган Маркл неодамна го прославила својот 38-ми роденден, а според пишувањата на странските медиуми, таа отпатувала на одмор на шпанската Ибица.

Таму заминала со својот сопруг, принцот Хари и нивниот син Арчи, а фактот дека пристигнале на островот со приватен авион, разбеснил многумина. 

Имено, Хари и Меган редовно зборуваат за климатските промени, а неодамна принцот побарал од светските лидери да се осврнат на тој проблем. Истовремено, кралскиот пар за втор пат во неколку недели летува некаде со приватен авион, иако е познато дека во текот на летот се испуштаат огромни количини на јаглерод диоксид.

Поради ваквиот потег, јавноста ги прозвала Хари и Меган и ги нарекла “лицемери”.

 

Тие за патувањето изнајмиле авион “Cessna 500 XL” од компанијата “NetJets” која се нарекува и “Убер за богаташи”. Станува збор за компанија која изнајмува приватни авиони на тајкуни и богаташи.

“Сето тоа е лицемерно. Како Хари може истовремено да држи говори за катастрофалните ефекти од климатските промени и да лета низ светот со приватни авиони?”, рекол Кен Варф, поранешен кралски телохранител, додавајќи дека додека тој работел, кралското семејство користело летови на “British Airways” кои биле многу дискретни.

Данските политичари мислат дека се работи за првоаприлска шега. Тие денес реагирале со потсмев на идејата Копенхаген да го продаде Гренланд на Вашингтон, откако Доналд Трамп за тоа наводно разговарал со своите советници.

„Тоа мора да е првоаприлска шега. Целосно надвор од контрола“ - навел поранешниот премиер на Твитер, Ларс Лок Расмусен.

Списанието „Вол Стрит“ претходно објавило дека Трамп е заинтересиран за купување на Гренланд.

Портпаролот за надворешни работи на Данска, Серен Есперсен изјавил дека доколку Трамп навистина рамислува за купување на Гренланд, тогаш тоа е конечен доказ дека “навистина полудел“.

„Помислата Данска да продаде 50.000 граѓани на САД е целосно бесмислена“ - изјавил тој.

Премиерката Мете Фредериксен и шефот на дипломатијата, Јеп Кофор не биле достапни за комнтар, но најверојатно тие ќе одговорат во текот на денот.

Не се огласиле ниту американската амбасада во Копенхаген, но поранешниот амбасадор на САД во Данска, Руфус Гифор оценил дека идејата за купувањето на Гренланд е “целосна катастрофа“.

Гренланд е легален остров во состав на Кралството Данска со површина од 2.166.086 километри квадратни.

Top