По низата дискутабилни одлуки на Доналд Трамп, Американците почнале да бараат било каков начин да го скратат мандатот на актуелниот претседател. Малку кој верува дека Трамп ќе издржи полн мандат, и многумина се надеваат дека во блиска иднина го чека импичмент.

Сепак, оние кои подобро го разбираат американскиот Устав велат дека постои начин на кој тој може да ги заштити Американците, па и светот, од Трамп, пишува Independent Покрај тоа, методот е побрз од импичмент, и многу посигурна опција од потпирање на разумот на тајните служби, воените команданти, или блиските соработници, кои би требало да го сопрат американскиот претседател во случај да посегне по нуклеарните кодови.

Бидејќи процесот на импичмент би траел со месеци, а Трамп сето тоа време би седел во Овалниот кабинет, сите кои посакуваат негов брз пад можат да му се заблагодарат на 25-от Амандман на американскиот Устав. Усвоен во 1967-та година, досега претставувал нејасен додаток во Уставот на САД. Ја нема таа слава како Првиот амандман, поразувачките резултати од Вториот, судската драма на Петтиот или историската важност на Тринаесеттиот.

Оние кои ја следат серијата "Западно крило" можеби ќе се сетат, бидејќи за малку ќе бил активиран да ја пренесе должноста на потпретседателот, додека претседателот бил опериран поради ранување. Таа епизода имала за цел да создаде паралела со конфузијата кога била ранет Роналд Реган. Неговиот тогашен потпретседател Џорџ Буш Постариот не бил присутен, а забуна внесол Александер Хејг, државниот секретар, кој на прес-конференција изјавил: "Јас сум главен".

Во реалниот свет, на 25-от Амандман е повикано два пати, и во двата случаи на неколку часа кога претседателот бил на операција. Реган имал една во 1985-тата година кога отстранил канцероген полип, а Џорџ Буш Помладиот во 2008-та година за да отстрани страно тело од дебелото црево.

Станува збор за Амандман кој ја префрла должноста на потпретседателот доколку претседателот умре или се повлече. Исто така, поседува клаузула која дозволува смена на претседателот доколку постои сомнеж во неговите ментални способности.

Така, во 25-от Амандман, член 4, го пишува следното: Кога потпретседателот и мнозинството од кабинетот ќе достави "pro tempore" до Сенатот или Претставничкиот дом, пишано известување дека претседателот е ментално неспособен да ја врши својата функција, потпретседателот автоматски ја презема должноста претседател.

Во рамките на таа клаузула, потпретседателот и повеќе од 15 членови на кабинетот можат да отстапат од претседателот доколку се сомневаат во неговите способности. Во текот на вториот мандат на Реган, кога неговото внимание значително опаднало, најблискиот круг на луѓе размислувале да го активираат овој амандман.

Потпретседателот и кабинетот можат до Конгресот да ја пратат конечната одлука. Доколку две третини од двата дома изгласаат дека претседателот не е способен да владее, неговата должност ја презема потпретседателот.

Како и да е, имајќи ги во предвид конзервативните ставови на Мајк Пенс, тоа би можело да биде и неговиот најбрз пат до Овалната соба. Имајќи ги во предвид неговите амбиции, но и потенцијални ситуации кои би можеле да го дискредитираат Трамп, вакво сценарио не е невозможно.

Исто така, неколку луѓе во кабинетот на Трамп не покажале голема наклонетост кон неговата политика водена преку Твитер.

Сепак, ова и натаму се матни и нестабилни води. А такви се и ако Трамп остане претседател. Меѓутоа, добро е да се знае дека постои уставен механизам кој може да го смени доколку тоа стане неопходно.

Од овој петок уште една оригинална понуда доаѓа од хотел Руссиа. Забавите во Скај Бар се збогатуваат со уште еден урбан лик. Овој и секој следен петок, ќе шизиме со DJ Antonio John.

Antonio John со диџејство почнува да се занимава од 1989 година, кога стартува неговата диџејска работа во тогашните најпознати скопски кафулиња. Неговата посветеност кон музиката и желбата постојано да се докажува резултира со музички емисии во кои се јавува како уредник и продуцент. Едната од нив е Groove Relation на City Radio, своевиден бренд во радискиот етер кој веќе 15 години е заштитен знак за DJ Antonio John. Импозантниот музички background на овој човек одлично се вклопува во амбиентот и забавата во Скај Бар.

Ајде да шизиме заедно со DJ Antonio John во петок во Скај Бар, хотел Руссиа.

Аеробик центарот при СЦ „Јане Сандански” од спортови за деца освен ритмичка гимнастика нуди и спортска градинка за најмалите. Спортската градинка е наменета за дечиња од 3-5 години.

Преку соодветни игри и вежби прилагодени за возраст од 3 до 5 години, децата ќе можат правилно да растат и да се развиваат. Со сето тоа и да стекнат нови вештини, да развијат моторни способности, перцепција, ориентација, брзина и флексибилност. Доколку дечињата одлучат и понатаму да се занимаваат со спорт сето ова ќе биде од огромна корист.

post cover photo

Часовите сега се одржуваат четири пати неделно и тоа од понеделник до четврток, од 17:30-18:30 часот. Цената за два пати неделно изнесува 1000 денари. Инструкторката Јулијана е задолжена за спортската градинка и можете да ја контактирате на телефон 070 268 048.

За повеќе информации посетете ја нашата веб страница www.scjanesandanski.mk, или следете нè на Facebook и Instagram.

Градоначалникот на општина Центар Андреј Жерновски оствари средба со претставници на здружението “Скопје смог аларм“. На средбата стана збор за преземање конкретни мерки на краток и долг рок, кои би резултирале со намалување на загадувањето на воздухот.

Првата конкретна мерка која беше договорена е набавка на мобилна мерна станица од страна на општината. Со мобилната мерна станица ќе се овозможува прецизен увид во тоа кои фактори најмногу придонесуваат за загадувањето и на кои места во општината е највисока концентрацијата на ПМ честичките. Со овој уред ќе се изврши точна анализа и ќе се утврдат главните извори на загадување на секоја поединечна локација.

Во втората фаза ќе се користат статистиките добиени од мобилната мерна станица за да се конципираат и да се преземат мерки соодветни за секоја поединечна локација. Овие мерки ќе бидат дел од четиригодишната стратегија на општината за намалување на последиците од загадувањето и зачувување на животната средина.

“И покрај ограничените ингеренции на општината, сакаме активно да придонесеме во намалувањето на воздушното загадување. Средбата со претставниците на еко-здружението е дел од тој стремеж. Задоволство ми е што имав прилика да поразговарам и да се посоветувам со луѓе кои се добро запознаени со состојбите. Средбата беше конструктивна и веќе договоривме конкретните мерки кои ќе ги спроведеме. Воедно, апелирам до надлежните министерства и градските власти да се вклучат активно во борбата против загадувањето. Состојбата е алармантна, здравјето на граѓаните е ставено под ризик и мора да се делува веднаш“, вели Жерновски.

Општина Центар низ изминативе години спроведе бројни проекти чија цел беше зачувување на животната средина и промовирање на еколошката свест. Дел од тие проекти се садењето на 255 високо школувани нови дрвја, обновување на зеленилото со површина од 70.000 метри квадратни, поставување на нови енергетско-ефикасни фасади, спроведување на акцијата “Цел Центар на точак“ и други активности кои ќе продолжат и во иднина.

Пред утрешната посета на еврокомесарот Јоханес Хан, кој треба да се сретне со претставниците на парламентарните политички партии, во среда се очекува засилување барем на внатрепартиските консултации за евентуално формирање влада.
 
Реториката од партијата чиј лидер Никола Груевски го доби мандатот за формирање влада и во тоа не успеа во законски предвидениот рок, откако доскорешниот коалициски партнер од албанскиот блок партии ДУИ, не се договори за продолжување на соработката, деновиве се заостри.

По средбата на највисокото раководство на ВМРО-ДПМНЕ со амбасадорката на ОБСЕ, Нина Соумалаинен, на чело со лидерот Никола Груевски, во соопштението имаше оштра порака во случај владата да биде формирана од партии кои не победиле на изборите, односно без ВМРО-ДПМНЕ.

„Секоја партија која носи одлука за формирање коалиција без партијата која добила најмногу гласови и најголема поддршка од народот на изборите, треба да знае дека во исто време носи одлука да се соочува со проблеми во иднина својствени на ситуации кога се игнорира волјата на мнозинството граѓани“, соопшти ВМРО-ДПМНЕ.

Во соопштението се наведува и дека принципот за коалицирање победник со победник не смее да биде прекршен. Груевски упати и порака до довчерашниот коалициски партнер, Али Ахмети.

„Доколку сега се отстапи од тој принцип, и свесно се прекрши, секој еден кој во иднина кога ќе се сменат околностите, ќе помисли да дојде и повторно да се обиде да не убедува да го воспоставуваме тој принцип, треба да знае дека без дискусија ќе биде избркан од штабот на партијата, а партијата ќе коалицира со кого ќе оцени дека е најдобро за самата партија и земјата, како што е и во другите држави“, велат од ВМРО- ДПМНЕ.

Претседателите на СДСМ и на ДУИ, Зоран Заев и Али Ахмети во партиските седишта на Бихаќчка и во Мала Речица имаат внатрепариски консултации по состанокот на двете партиски делегации, пред два дена, на која немало конкретни дискусии по специфични политички прашања и за евентуална поделба на ресори.

Иако, протекоа информации дека од СДСМ имало конкретен предлог, прво да се договори парламентарно мнозинство и да се соберат 61 потпис за да се добие мандатот од претседателот Ѓорѓе Иванов, а потоа да се премине на разговори за идната Влада.

Потпретседателката на ДУИ, Теута Арифи по средбата со претставниците на СДСМ рече дека на маса ги доставиле нивните барања. Не сакаше да каже ништо повеќе во врска со средбата единствено кажа дека имале конструктивни разговори и дека сепак последниот збор го има претседателството.

Шефот на кабинетот на Али Ахмети, Артан Груби, пак, изјави дека ако СДСМ ја прифаќа заедничката платформа на албанските партии, во која е и официјализирање на албанскиот јазик, ќе нема друга пречка за формирање коалиција.

„Не гледам причина зошто да не прифатат (СДСМ). Верувам дека тоа ќе го сторат и не гледам причина зошто ниту еден Македонец да не ја прифаќа оваа платформа која помага за социјална кохезија, за граѓанска еднаквост и е добра за Република Македонија. Преговорите ќе завршат брзо, доколку се прифати овој конструктивен дух и ако постои подготвеност да се рефлектираат овие потреби“, изјави Артан Груби

Секако, со доаѓањето на еврокомесарот за проширување Јоханес Хан во Скопје, лидерите ќе мора да разговараат за политичката состојба.

Европската унија очекува Влада со широка поддршка во парламентот за да остане земјата на евроатлантскиот пат, порака од Брисел што ја повтори и евроамбасадорот Самуел Жбогар.

„Тоа зависи од партиите во парламентот да решат каква коалиција ќе формираат, ние немаме став за тоа. Она што е во интерес е силна коалиција во поширока смисла, што значи и владата и опозицијата да ја поддржат европската агенда. Во тој контекст гледаме една силна Влада која ќе притиска и ќе работи на ЕУ агендата и ќе направи напредок. Таква агенда ќе и треба широка поддршка, не само од партиите во владината коалиција, туку и од опозицијата“, изјави Жбогар.

Само ВМРО- ДПМНЕ останува на ставот за нови парламентарни избори, што би значело нови трошоци, а за да се избегне двоен трошок , тие би можеле да се организираат заедно со локалните избори што треба да се случат пролетва.

Американскиот претседател Доналд Трамп објави на Твитер дека не го познава рускиот претседател Владимир Путин и дека во Русија нема никакви бизниси.

- Не го познавам Путин, немам бизниси во Русија, а оние кои ме мразат полудеа. Обама може да склучува договор со Иран, број еден по терор, и тоа не е проблем, напиша Трамп на Твитер.

Трамп и Путин неодамна разговараа по телефон за развивање на добри односи меѓу двете држави како и за најважните меѓународни проблеми.

Последната изјава на конгресменот Дејна Рорабакер дека Македонија не е држава и треба да биде поделена, е очаен обид на групата околу Џорџ Сорос, која сака дестабилизација на Балканот, изјави Умберто Паскали во интревју за Програмата Гласот на народот.
 
Паскали во својата анализа Рорабакер го смета за еден од најсилните гласноговорници на машинеријата за која, вели, е јасно дека функционира преку државни удари, финансиски грабежи, хаос и конфузија, а е финансирана од Сорос. 

Американскиот аналитичар се осврнува и на делот од интервјуто на конгресменот за албанската телевизија „Визија Плус“ каде вели дека Македонија не е држава и дека постои таква поделба во државата што не е возможно во неа некогаш да се живее заедно.

Кога вели поделба на нивната земја, гротескно збунетиот конгресмен Рорабакер всушност зборува за последиците од многуте години на жестоки обиди за дестабилизација промовирани и финансирани од страна на групата на Сорос, истакнува Паскали.

Паскали прашува дали ова сега е напад за поткопување на новата надворешна политика на претседателот Трамп, или начин, можеби зад ограниченото разбирање на конгресменот да се создаде голема геополитичка експлозија на Балканот, повторно притискајќи на „балканска” војна во која се сите против сите.

Дали е ова начин да ја саботира новата надворешна политика на администрацијата на Трамп? Дали е ова начин да се создаде casus belli – провокации за војна, меѓу САД и Русија, како што сонувааат од неоконзервативци до либерал-империјалисти, кои од престолот ги симна самиот Трамп? Да не заборавиме дека за ваков план зборуваше рускиот министер за надворешни работи уште во мај 2015 година, посочува Паскали.

Во врска со изјавата на Рорабакер дека дел од Македонија треба да се приклучи кон Косово, а остатокот од државата да биде дел од Бугарија, Паскали посочува дека конгресменот очигледно заборавил како е создадено денешно Косово, со оглед на тоа што, вели, „терористите на ОНА и мафијата оттаму контролирале голем дел од трговијата со хероин во Европа“. Тој тврди дека Косово беше вештачки создадено преку насилство, тероризам, етничко чистење и воени злосторства.

Паскали бара да се отфрли, како што вели, обидот на мрежата на Сорос за дестабилизација и потсетува на зборовите на Лавров кој во 2015 година, наведува, јасно видел што се случува во Македонија. 

Настаните во Македонија се оркестрирани од надвор, а со намера да се обвини владата на Никола Груевски дека е нестручна и неспособна да одговори на нејзините обврски кон народот. Исто така тој е обвинет и за многу други работи. Вистинската причина поради која се вршеше притисок на македонскиот премиер е тоа што тој одбиваше да се приклучи на санкциите против Русија, рекол тогаш Лавров, потсетува Паскали.

Се тврди, додава тој, оти доказ за тоа се и обидите за влијание преку енергетските проекти, откако Македонија еднаш се изјасни за Јужен тек, па се притискало за Турски тек. Русија е алармирана дека со цел да се изврши притисок врз Владата на Република Македонија, е вклучен и албанскиот фактор, особено, а се шпекулира, дури и значајно за федерализација на Македонија, оценува Паскали во интервјуто за Програмата Гласот на народот повикувајќи се на изјавата на рускиот шеф на дипломатијата Лавров.

Претседателите на САД и Турција, Доналд Трамп и Реџеп Тајип Ердоган, разговарале за "заедничката посветеност и борбата против тероризмот во сите негови облици", соопштила Белата куќа. Трамп во телефонскиот разговор минатата ноќ повторно ја истакнал поддршката на САД за Турција како "стратешки партнер и НАТО сојузник".

Американскиот претседател исто така ја поздравил улогата на Анкара во борбата против ИСИС, се додава во соопштението.

Односите на Вашингтон и Анкара биле затегнати во минатите месеци поради одбивањето на САД да го екстрадира муслиманскиот свештеник Фетула Ѓулен, за кого Турција тврди дека го организирал неуспешниот пуч во јули минатата години.

Турција исто така е незадоволна поради американската поддршка за сириските Курди кои се борат против ИСИС, а кои Анкара ги смета за терористи и сојузници на забранетата Работничка партија на Курдистан.

Турција, како членка на НАТО која се граничи со Сирија, Ирак и Иран, е моќен играч во регионот, но односите на Ердоган со поранешниот претседател на САД, Барак Обама, како и со Западна Европа, повремено биле затегнати.

Анкара е бесна поради тоа што Вашингтон одбива да го екстрадира турскиот свештеник Фетула Ѓулен, кој живее во САД, а кого Турција го обвинува за организирање на неуспешниот пуч во таа земја во јули 2016.

Советникот на американскиот претседател за национална безбедност, Мајкл Флин, ќе му препорача на Доналд Трамп да го поддржи влегувањето на Црна Гора во НАТО, и покрај противењето на Русија, објавил порталот "Politico".
 
Порталот потсетува дека новиот американски претседател во текот на кампањата го критикувал НАТО и го нарекол застарен, како и дека се надева на воспоставување на подобри односи помеѓу Вашингтон и Москва. Поради тоа, поддршката за влез на Црна Гора во НАТО би можела да биде најголем тест за политиката на новата американска администрација кон Москва, која секоја експанзија на Алијансата кон Исток ја смета за провокација.

"Другите членки на НАТО и Сенатот на САД го поддржуваат членството на држава со 650.000 жители, која некогаш била дел од Југославија, во НАТО", пишува Politico.

Како што се наведува, црногорските лидери го обвиниле претседателот на Русија, Владимир Путин, за предизвикување нестабилност во Црна Гора, за да ја ослаби поддршката за влез во Алијансата. Имало и теории на заговор дека некои руски движења сакаат да извршат атентат на црногорскиот премиер.

"Тоа што Русија го направи во Црна Гора е единствен случај. Ниедна земја кандидат за влез во НАТО никогаш не се соочила со така тежок напад или закана во процес на завршување на влезот во членството на НАТО", рекол за Politico Хорхе Бенитез, експерт за НАТО од организацијата "Атлантски совет".

Порталот цитира и неименуван висок службеник од администрацијата на САД, дека се очекува Флин "да му препорача на Трамп да го поддржи приемот на Црна Гора во НАТО во наредните денови".

Исто така, се наведува дека влезот на Црна Гора во НАТО е контроверзно прашање, а дека повеќето анкети покажуваат дека граѓаните се поделени по тоа прашање.

Надворешно политичкиот одбор на Сенатот на САД кон средината на јануари едногласно ја одобрил ратификацијата на Протоколот за пристапување на Црна Гора кон НАТО. За да биде ратификуван, потребно е за него да гласа двотретинското мнозинство од 100 сенатори.

Европската унија конечно мора да сфати дека Балканот е нејзин приоритет и не смее да го препушти на САД, Русија или Турција, смета германскиот колумнист за "Zeit", Улрих Ладурнер.

Ладурнер во својата колумна пишува дека, доколку Европската унија се распадне, тогаш тоа ќе се случи таму каде што таа е најслаба, односно на Балканот, каде што од надвор, на Унијата делуваат најмоќните светски сили. Според него, со распадот на ЕУ, големите светски сили ќе воспостават влијание на Балканот.

„Намерно избрав една таква моќна слика, сакав да го привлечам вниманието на јавноста кон Балканот. Имам чувство дека во овој момент, таму нешто се подготвува од најразлични причини. Секако дека сите земји таму не се членки на Европската унија, но мојата аргументација е јасна - тоа е дел од Европа и мора да остане дел од Европа. И тоа јасно треба да се сигнализира“, изјави Ладурнер во интервјуто за „Дојче Веле“.

На констатацијата дека за Европската унија, Балканскиот полуостров не е приоритет, авторот вели дека имало многу други кризи, на кои што Европската унија морала да обрати внимание.

„Политиката беше во константен кризен модус, а за решавањето на проблемите на Балканот потребна е голема концентрација, но и издржливост и упорност. Во тоа ЕУ не успева затоа што и самата Унија се бори за преживување. Дополнителен проблем е тоа што на Балканот, со текот на времето се формираа структури кои што одбиваат да направат реформи и сега тешко е да се разбијат“, вели Ладурнер и додава дека сите треба да се сетат на деведесетите години од минатиот век.

„Балканските војни се завршени благодарение на американските интервенции и ангажманот на администрацијата на Бил Клинтон. Европејците не мрднаа со прст ниту во Босна и Херцеговина, ниту на Косово. Не можам да замислам дека Доналд Трамп денес воопшто се интересира за Балканот“, порача германскиот познат колумнист.

Поради тоа, Европската унија има одговорност да се погрижи за тој регион, а тоа е во најголем интерес на самата Унија.

„Балканскиот полуостров не смее да им биде препуштен на другите. Ниту на Американците, ниту на Русите“, порача колумнистот на "Zeit".