(0 гласови)

Главниот град на Босна и Херцеговина, Сараево, со денови е на врвот на листата на градови со најнеквалитетен воздух. Ситуацијата не е многу подобра и кога станува збор за другите градови од поранешна Југославија.

Пред три дена Сараево беше најзагадениот град на планетата со индекс на загадување дури 597.

Овој факт влијаеше многу активисти и обични граѓани да реагираат, па дури и шведската амбасада во Босна се појави на „Твитер“, наведувајќи дека Сараево се наоѓа во сопствена категорија на загадување. Амбасадата повика на итна акција.

На airvisual.com, може да се следи состојбата со загадувањето од час на час. Имајќи го предвид Балканот, ситуацијата е алармантна и во нашиот главен град.

Скопје во моментов го зазема 26. место на најзагадени главни градови во светот.

Словенија и Црна Гора се речиси целосно во зелената зона така што Љубљана и Подгорица не се на списокот.

(0 гласови)

Непознатите древни вируси стари и до 15.000 години откриени се како се шират по праисторискиот мраз на тибетската висорамнина.

Научниците од Америка и Кина извадиле две парчиња од мразот на глечерот и пронашле вкупно 33 смрзнати патогени болести внатре, а дури 28 од нив луѓето досега не ги виделе, пишуваат од „Daily Mail“.

Според нивните зборови глобалното затоплување се заканува преку топењето на светските глечери, а најлошото сценарио би било дека ворусите би можеле да бидат пуштени во атмосферата.

Високите температури имаат можност за масовно испуштање на вирусите во светот кој нема имунитет против нив. Моќта на овие вируси не е позната, некои од нив се потенцијално смртоносни, а другите веројатно се безопасни.

Американските и кинеските работници пробушиле 50 метри во глечерот во Тибетската висорамнина за да ја истражат внатрешноста. Проектот кој траел пет години овозможил да бидат сигурни дека откриените древни вируси се опасни по човештвото.

Брзината на топењето на мразот во замрзнатите региони до кое доаѓа преку високите температури ги загрижува научниците.

„Во најлош случај, тоа топење на мразот би можело да доведе до испуштање на патогени во животната средина“ - заклучуваат научниците.

Од „Daily mail“ пренесуваат дека во 2016-та година од антракс угинале повеќе од 2.300 ирваси во Русија, а болеста била поттикната од топлотните бранови. Температурите пораснале на 35 степени целзиусови, а мразот забрзано се топи.

 

 

 

Осум луѓе биле заразени од антракс, а над десеттина биле однесени на тестирање за да се утврди дека не се заразени.

Наталија Клопунова за весниците изјавила дека 90 отсто од хоспитализираните деца биле деца.

„Одлучивме да ги прегледаме сите деца па дури и ако не покажуват знаци на таа болест“ - изјавила таа.

Антраксот е потенцијално смртоносен, а го предизвикува бактеријата Bacillus anthracis.

(0 гласови)

На социјалните мрежи повторно се појави снимка од рускиот претседател Владимир Путин на кое пука со пиштол.

Снимката, како што се наведува настанала во 2007-та година, во седиштето на тајната служба ГРУ, на него се гледа како претседателот на Русија од еден специјалец со фантомка на главата зема пиштол и шаржер по што ладнокрвно и смирено почнува со пукањето...

Првиот човек на Русија и некогашен агент на КГБ пука од пиштол кој го конструирал Петар Ивановиќ Серџуков и кој важи за многу силно оружје.

Оние кои пукале со овој пиштол тврдат дека “добро му стои во раката“ и што е многу важно, тој е полн со самодоверба додека го прави тоа.

За тој пиштол направен е посебен куршум калибар 9.21 милиметри. На оддалеченост од 100 метри Серџуков пробива титан со дебелина од 1.4 милиметри или пак четири милиметри челик.

Со мала измена Серџуков може да користи муниција од TT 7.62 милиметри или куршуми од Макаров од 9 милиметри. 

(0 гласови)

Смртоносниот двегодишен судир меѓу два мексикански картели кулминирал овој викенд кога вооружена банда упаднала во црква и ја убила сестрата на лидерот на ривалскиот картел на нејзината свадба и го киднапирала младоженецот, кој е високо рангиран гангстер.

Карем Лизбет Јепес Ортис во саботата наутро стоела пред олтарот на црквата Нашата Дама од Сан Хуан покрај младоженецот, познат во мексиканското криминално подземје како Ел Каламардо, кога одненадеж почнало пукањето. 

Карем била сестра на Хосе Антонио Ел Мара Јепес Ортес, лидер на картелот Санта Роса де Лима и била задолжена за финансирањето.

Висок службеник на полиција потврдил дека невестата е убиена, а некои локални медиуми пренесуваат дека Ел Маро бил во црквата и дека побегнал неповреден.

Сведоците рекле дека напаѓачите имале панцири со иницијалите на Картелот нова генерација Халиско и дека некои гости легнале на под за да се заштитат, додека други се обиделе да побегнат од црквата. Наведено е дека сите кои ги погледнале напаѓачите во очи биле убиени.

Членовите на картелот по нападот побегнале од црквата во најмалку три возила, додека сватовите пукале во нив. Случаен минувач на мотор, на возраст од 18 години, бил фатен во размената на огнот пред црквата и загинал на патот, додека неговиот сопатник бил ранет. Полицијата рекла дека во тек е истрага на инцидентот.

 

Карем била убиена ден откако Марија Гвадалупе Лопез Есквиве, високо рангирана припадничка на Картелот нова генерација Халиско, позната како Ел Катрина, загинала во судир со полицијата во Ла Боканда, во централната држава Мичоакан.

Овој картел е во судир со кланот Санта Роса де Лима, откако во декември 2017-та година Немесио Ел Менчо Осегуера Сервантес му објавил војна на Ел Маро. Мексиканските власти го ловат Ел Менчо од 2015-та година, а го бараат и САД, кои понудиле 10 милиони долари за неговото фаќање.

 

(0 гласови)

По пресудата на турскиот Уставен суд, од денеска треба да се укине забраната за Википедија во оваа земја. Судот пред извесно време одлучи дека блокадата на интернетската енциклопедија во Турција, која, патем, трае веќе две години, претставува кршење на слободата на изразување.

Пресудата на Уставниот суд, објавена во Службен весник, го отвора патот за укинување на забраната воведена во април 2017 година, поради напис во Википедија со кој Турција се поврзуваше со терористички организации.

Пристапот до страниците на Википедија ќе биде овозможен откако пресудата, што беше донесена со десет гласа „за“ и шест „против“ на уставните судии, и официјално и биде проследена на Агенцијата за надзор врз телекомуникациите.

Укинувањето на забраната од Уставниот суд го побара Фондацијата Википедија, непрофитната организација која оддржува страници со онлајн енциклопедии.

(0 гласови)

Една недела по убиството на генералот Касим Сулејмани, водачот на иранската Револуционерна гарда, Резолуција 466 беше поднесена во американскиот Сенат „за да се оддаде почит на припадниците на американската воена и разузнавачка заедница кои ја извршија мисијата за убиството на Касим Сулејмани“.

Тој беше убиен во акција на американската војска во Ирак со напад на беспилотни летала. Прогласен е за терорист од страна на американските власти, кој планирал напади врз американски граѓани.

Сулејмани, исто така, е одговорен за терористички напади во Ирак и Авганистан „во кои стотици американски граѓани ги загубија своите животи“.

Во резолуцијата се вели дека Сулејмани планирал „напади во Германија, Босна, Бугарија, Кенија, Бахреин и Турција“.

Во заклучокот на тој документ се вели дека „борбата против иранската Републиканска гарда, единицата„ Кудс “ и сите организации поврзани со нив кои претставуваат закана за националната безбедност на САД ќе продолжат“. Резолуцијата се уште не е усвоена, а во Сенатот имаат мнозинство републиканците.

За време на војната, наводно, Касим Сулејмани бил во Босна и Херцеговина, според новинарот на хрватскиот „Вечерњи лист“, Хасан Хајдар Диаб, јави Би-би-си.

„Секако дека бев, но многу одамна во 1993 или 1994 година. Каде и да им треба помош на муслиманите, јас сум тука“, рече Сулејмани во интервју за 2017 година за Диаб.

Пензионираниот генерал на иранската Револуционерна гарда, Саид Касеми во интервју за иранскиот државен портал Апарат во април 2019 година зборуваше за тоа дека со припадници на ИРГ бил во Босна во 90-тите и вршел обука на Бошњаци.

Според него, Иранците пристигнале во Босна со униформи на Црвената полумесечина.

Портпаролот на иранската Републиканска гарда Рамадан Шариф ги негираше тие обвинувања, тврдејќи дека личните станови на Касеми се во прашање и дека неговиот престој во Босна немал никаква врска со организацијата.

Иранската Црвена полумесечина исто така ги негираше тврдењата на Касеми и се закани дека ќе го тужи.

Касеми зборуваше за вмешаноста на ИРГ неколку дена по одлуката на Стејт департментот да ја прогласи воената единица како „меѓународна терористичка организација која поддржува милитантни групи ширум светот“.

(0 гласови)

Вчера во Братислава била одржана главната расправа во случајот за убиството на Јан Куцијак, на кое Мирослав Марчек, еден од четворицата обвинети признал дека учествувал во бруталната ликвидација на младиот истражувачки новинар и неговата свршеничка на 21-ви февруари 2018-та година во селото Велика Мача. Ден по признавањето на Марчек, во јавноста излегле нови детали од судницата

Имено, вчерашната расправа во Специјалниот кривичен суд, која траела повеќе од 10 часа, почнала со читање на обвинението против четири лица. Како што е наведено во обвинението, обвинителството смета дека убиството го наредил Маријан Кочнер преку својот посредник Алена Жужова од Мирослав Марчек и Томаш Саба, за кои се верува дека се извршители на делото. Обвиненијата со кои споменатите се соочуваат не се однесуваат само на убиството на новинарот Јан Куцијак и неговата свршеничка Мартина Кушнирова, туку и на убиството на бизнисменот Питер Молнар од градот Коларово. Мирослав Марчек ги признал двете убиства. 

"Обвинетиот Мирослав Марчек изјави дека е виновен за за сите дела кои му се ставаат товар според обвинението", рекла судијката Ружена Сабова.

 

Судот го прифатил исказот на Марчел. Потврдното изјаснување за вината се смета за конечно, и на него не може да се вложи жалба ниту исказот да биде променет. Како резултат, судот нема да одлучува за неговата вина, туку само за казната.

Маријан Кочнер признал дека е виновен по точката три од обвинението, која го товари за недозволено држење на оружје. Оваа точка од обвинението се однесува на оружјето кое било пронајдено во неговиот сеф во текот на полициското пребарување на неговата куќа, а за кое немал дозвола. Според словачките закони, ова кривично дело е казниво со затворска казна од една до пет години затвор.

Кочнер рекол дека не е виновен за убиството на Јан Куцијак. Неговиот адвокат Марек Пара рекол дека нема докази дека парите за убиството биле предадени, како што тврди обвинителството.

 

Алена Жужова, исто така рекла дека не е виновна. Нејзиниот адвокат Штефан Незмери се жалел на огромниот притисок од медиумите, како и дека информации од истрагата протекле во медиумите.

"Кривичното дело е извршено, но не е докажано кој го извршил", рекол адвокатот.

Исто така, адвокатот на Жужова се сомнева во доверливоста на Андрушко како сведок, велејќи дека "би направил се за да ја намали својата казна".

 

Томаш Шабо одбил да се изјасни за својата вина. Неговиот адвокат Ивета Кочанска тврди дека тој никогаш не бил на местото каде биле убиени Куцијак и Кушнирова, а се посомневала и во признавањето на Марчек, тврдејќи дека тој само сака пониска казна.

Семејствата на Јан Куцијак и Мартина Кушнирова барале материјална отштета од 1.000.000 евра.

(0 гласови)

Филмот Медена земја е номиниран за најдобар документарец и најдобар странски долгометражен филм на 92-то издание на Оскарите - со што стана најуспешен филм од Македонија. 

Документарецот го следи животот на Атиџе, скромна пчеларка од Македонија, кој зборува за се полошиот однос на современиот човек кон природата.

Таа живее со својата мајка, спасува пчели и ја враќа рамнотежата во природата, пренесува "BBC на српски".

Значењето на природата

Филмската екипа ја следела Атиџе, жената која била едно со природата и ја покажала моќта и големината на човекот.

"Ова е време во кое искреноста, едноставноста и хуманоста се борат да ја преживеат битката со материјалното.

Скромноста е нешто што е заборавено поради престижот и лакомоста. На тој пат можеме да дојдеме до амбисот, за да ја научиме лекцијата", вели Георгиев, пренесува "BBC на српски".

Тој вели дека токму за тоа зборува и главната порака на Атиџе - "половина земи, половина остави" - овие зборови го отсликуваат нејзиниот однос кон пчелите и природата.

Кога авторите ја запознале Атиџе и го снимале материјалот, знаеле дека станува збор за "сериозно добар филм".

Сепак, не очекувале дека документарецот ќе дојде така блиску до Оскар, вели продуцентот Атанас Георгиев.

 

Голем успех

Нашата држава е воодушевена од успехот на филмот, а тоа, вели продуцентот, е најголемата награда за уметниците.

Социјалните мрежи по објавата на номинациите биле преполни со честитки.

"Како што не учеше Атиџе....Два Оскари, еден да земеме, а вториот да го оставиме поради рамнотежа во универзумот", напишало едно лице на Фејсбук.

На авторите им честиташе и доскорешниот премиер на Македонија, Зоран Заев, со зборовите дека ова е историски успех за современиот македонски филм.

Кога филмот освои три награди на Санденс филмскиот фестивал, кој го основал актерот и режисер Роберт Редфорд, за него пишува "Guardian", "New York Times", "Rolling Stone" и "Vanity Fair".

"По Санденс увидовме дека овој филм ќе има долг пат пред себе", вели Георгиев.

Смета дека добрите критики придонеле и наградите придонеле за тоа кино-салите со месеци да бидат полни кога се прикажува Медена земја.

"Тоа ја стимулираше публиката и на некој начин ја натера да го погледне филмот", вели Георгиев.

Тој смета дека публиката, не само македонската, туку и публиката во светот - мора да научи дека документарниот филм денес е поразличен од тоа што досега сме навикнати да го гледаме.

"Документарците не се филмови за протагонисти кои седат и зборуваат, туку вешто прикажани слики од реалниот живот".

 

Од партизани до Оскари

Музичката група Фолтин од Македонија работела на музиката за филмот, а и претходно соработувала со екипата која го режирала Медена земја.

Пеце Трајковски, еден од музичарите кои ја снимале музиката за Медена земја, за "BBC на српски" рекол дека почетоците изгледале "партизански".

"Работејќи во Македонија и на Балканот, ние се навикавме", вели Трајковски за споменатиот портал.

Ја снимале музиката за сцените кои веќе биле снимени, додека се уште се работело на другите сцени.

Сепак, секогаш кога се враќале на снимањето, биле многу возбудени.

"Снимивме многу музика и сфативме дека тоа што го снимавме на самиот сет во живо беше доволно да ја раскаже приказната која авторите сакаа да ја кажат".

Додал и дека тие, со остатокот од екипата, успеале да пронајдат баланс со окружувањето во Медена земја, како Атиџе.

Групата Фолтин, покрај бројните студиски албуми, долги години компонира музика и за театарски претстави. Номинацијата за Оскар не ја очекувал ни Трајковски.

"Покрај сите признанија, најважно е дека ова ќе биде филм што ќе се гледа секаде во светот. Се надевам и дека некои оние кои ќе го погледнат, ќе променат нешто во своите животи, а со тоа и во животот на нашата планета".

 

 

(0 гласови)

Двајца браќа на возраст од 19 и 21 година се осудени на смрт поради бруталното убиство на својата поранешна професорка во Белорусија, последната европска земја која ја нема укинато смртната казна.

19-годишниот Станислав Костцев и неговиот брат Илија ќе бидат погубени во понеделник. Последната надеж браќата да не бидат погубени е да бидат помилувани од претседателот Александар Лукашенко, но тој веќе одамна порача дека нема намера да направи такво нешто.

Двајцата ученици се обвинети ладнокрвно убиство на 47-годишната професорка Наталија Кострица која била избодена околу 100 пати, а потоа била запалена и нејзината куќа. Тие одлучиле да ѝ се одмаздат откако професорката ја контактирала социјалната служба затоа што сметала дека нивната сестра треба да го загуби старателството над своите две малолетни деца.

 

Пред судот беа изнесени и стравични детали од злосторството кое ја шокираше Белорусија.

„Ја боделе и сечеле цела ноќ, буквално ја убивале со часови. Ги преколнувала, но на крајот ја докрајчиле иако ги молела да не ѝ го одземаат животот“, изјави обвинителот, додека обвинетите се бранеле дека биле пијани и „алкохолот им го поматил умот“.

 

„Се чувствувам страшно и преплашено. Длабоко сум вознемирен затоа што знам дека некој поради мене ќе биде погубен. Но, животот во затвор е уште полош затоа што луѓето таму се во кафез како животни“, изјави претседателот на државата Лукашенко кој од 1994-та година досега има потпишано околу 250 смртни казни, притоа поштедувајќи само еден осуденик.

(0 гласови)

Европските земји се загрижени поради сè поголемата зависност на Турција од Русија, предупредуваат од германскиот весник „Blid“, објаснувајќи дека два факти се пресудни да владее такво мислење меѓу народот - завршувањето на изгадбата на гасоводот „Турски тек“, но и заедничкиот став на Москва и Анкара по прашањето запирање на воените операции во Сирија и Либија.

Од германскиот весник го поставуваат прашањето и дали турскиот лидер Реџеп Таип Ердоган воопшто може себеси да си дозволи да му се спротистави на својот руски колега Владимир Путин во поглед на енергетската зависност на Турција од Русија.

Како што се наведува, поради недостатокот на сопствена енергетика таа “хронична глад“ на Турција зависи од увозот што и ги наведува аналитичарите во Европа на мислата дека „Ердоган сè повеќе се движи кон Путиновата воденица“.

 

Меѓутоа, покрај енергетската ситуација важна улога имаат и конфликтите на Блискиот исток во кои се вклучени и Русија и Турција.

Кога станува збор за Сирија, „Blid“, потезите на Путин ги оценува како обид да ги смири двајцата заколнети непријатели - претседателите на тие земји, Башар ел Асад и Ердоган и тоа со цел што побрзо и со тоа да се намали влијанието на САД во регионот.

Од друга страна пак, Либија исто така одиграла важна улога во односите помеѓу Путин и Ердоган, бидејќи во тој конфликт Путин и Ердоган биле на различни страни. 

Top