Едногодишно женско дете, безмалку уште бебе, со сериозни повреди на главата и по телото се бори за живот на Клиниката за анестезија, реанимација и интензивно лекување (КАРИЛ), откако завчера лекарска помош за него и за себе побарала мајката, и таа повредена.

Детето има скршеници на двете нозе, крварење во мозокот и скршеница на челната коска. Се претпоставува дека и претходно било малтретирано, бидејќи скршениците на нозете се стари две до три недели.

Детето има крварење во мозокот и стари фрактури за кои денеска ќе одлучиме дали да се оперираат. Сме имале пациенти повредени во сообраќајни несреќи, сме имале деца случајно згазени, но вака тепано дете ние на КАРИЛ досега не сме виделе, изјави Маја Мојсовска, директорка на оваа клиника.

Малата пациентка била поспана и неконтактибилна, но дишела сама, без помош од апарати за дишење. Сепак, лекарите укажуваат дека при вакво крварење, состојбата е критична во првите 24 до 48 часа.

На левото ноже има стара скршеница, но и други постари скршеници. Моментално е во стабилна состојба, но не знаеме како ќе се одвиваат работите, дали ќе се оперира, велат од КАРИЛ.

Завчера во 12.45 часот од Ургентен центар во полиција пријавиле дека била примена дваесетгодишна жена од Скопје со видливи повреди на телото и нејзината едногодишна ќерка со тешки повреди.

Мајката била веднаш пуштена од болница бидејќи имала лесни повреди, но во полиција неколку пати ги менувала исказите.

Што точно се случило и кој го истепал детето полицијата сè уште утврдува, собира информации од мајката. Од таму велат дека случајот е многу чувствителен и дека најпрвин ќе расчистат што се случило, пред да кажат детали. Неофицијално, мајката е од ромска етничка припадност, а таткото на бебето е во затвор.

Од Министерството за труд и социјална политика (МТСП) се очекува информација дали семејството или мајката се познати на социјалните служби и дали досега било забележано занемарување или насилство врз ова и евентуално други деца.

Пред два месеца, од УНИЦЕФ предупредија дека тепањето деца во Македонија е сериозен проблем. Според нивната статистика, секое второ дете во државава добива ќотек.

Бројките од МВР покажуваат дека од 903 кривични дела на семејно насилство минатата година, во кои се евидентирани 976 жртви, жените се поголем дел или речиси две третини од регистрираните жртви. Евидентирани се над 90 деца жртви на семејно насилство.

Tројцата осомничени за крвничкото претепување на Никола Саздовски (21) од Автокоманда, кој по 10 дена во кома ноќеска почина на КАРИЛ, биле членови на навивачката група „Шверцери“. Пред нападот, тројцата „шверцери“ и Никола, кој бил член на навивачката група „Комити“, имале неколку расправии на Фејсбук, се претпоставува на национална основа. 

Веднаш по крвавиот напад МВР уапси двајца од тројцата тепачи и против нив поднесе кривична пријава за насилство.

Нема одговор зошто МВР против тепачите поднесе кривична пријава за насилство, иако според тежината на кривичното дело за претепувањето на Саздовски, кривичната пријава треба да биде за нанесување тешка телесна повреда.

Поради смртта на Никола, се очекува ОЈО да ја преименува кривичната пријава против насилниците.

Македонија утрово се разбуди во шок откако со брзина на светлината се прошири веста дека најпознатиот рокер во Македонија Влатко Илиевски е пронајден мртов во својот автомобил.

Илиевски бил пронајден мртов во својот автомобил „Тојота“ на булеварот „Трета македонска бригада“.

Пејачот инаку пред да биде пронајден мртов вчеравечер во 23 часот, само неколку часа претходно тој на својот Фејсбук профил сподели две фотографии.

 

Во моментов во Страуга се одвива полициска акција за разбивање на мрежа за продажба на дрога во Струга, а меѓу уапсените неофицијално е и директорот на затворот и полициски инспектор.

Акцијата резултира со чистење на полициските структури од криминал и корупција, односно акцијата е насочена главно кон претставниците на законот, кој наместо да го спроведуваат тие соработуваат со дилерите.

Според информациите на АЛСАТ М во операцијата во с. Ливада и Струга се приведени неколку лица, а меѓу осомничените и директорот на затворот во Струга, Арменд Шаќири, кој се сомничи за злоуопотреба на службената положба и поддржување на нелегалните активности.

Меѓу осомничените е и еден инспектор, како и претходно осудувано лице за трговија со дрога со иницијали Р.К.

 

Германската канцеларка Ангела Меркел и унгарскиот премиер Виктор Орбан меѓусебно се критикуваа поради прашањето околу мигрантската политика на Европската унија.

Германската канцеларка и унгарскиот премиер одржаа прилично тензична заедничка прес-конференција, затоа што како што е познато, лидерите на Германија и Унгарија имаат целосно спротивни ставови околу тоа каква треба да биде политиката на Европската унија околу мигрантското прашање.

Ангела Меркел порача дека унгарскиот став кон мигрантите е „проблематичен“ и порача дека на Европа ѝ е потребна хуманоста.

На тоа унгарскиот премиер Виктор Орбан порача дека очигледно е дека „Германија и Унгарија поинаку го доживуваат светот“. Орбан исто така порача дека Европа најмногу може да ја покаже својата хуманост со прекинување на давање на иницијативи кои што мигрантите ги поттикнуваат да тргнат кон Европа.

Унгарскиот премиер исто така порача дека не е чесно Германија константно да ја обвинува Унгарија за „недостаток на солидарност“, истакнувајќи дека Германија всушност треба да биде благодарна што Унгарија ги затвори и ги брани своите граници.

 

Од претходно на целиот свет му се познати ставовите на Ангела Меркел и Виктор Орбан. Додека германската канцеларка се залага за политика за „отворени врати“ за мигрантите и нивно населување на Европа, унгарскиот премиер смета дека мигрантите практично вршат инвазија на Стариот континент и со нивните културолошки и религиски разлики во однос на Европејците, ќе создадат паралелни општества со кои што ќе го уништат духот на Европа.

Децата кои веќе две недели се заглавени во пештера на Тајланд, им напишале писма на своите родители и тоа е првата комуникација на децата со најблиските.

Нивните потресни зборови всушност се пораки од херои, бидејќи тие во секоја приказна им порачуваат на своите родители да не се грижат за нив, но овие пораки исто така потсетуваат и на тоа колку се млади. 

Заедничко писмо

- Не грижете се, сите се здрави

- Навистина сакаме да излеземе и да јадеме различни видови на храна

- Кога ќе излеземе, веднаш сакаме дома

- Наставнику, немојте да ни давате многу домашна

Тум

Мамо, тато,

Не грижете се, добро сум, ве молам, кажете му брат ми Јода да се подготви да ме носи да јадам пилешко. Ве сакам.

Понг

Ве сакам мама и тато, не грижете се, веќе сум безбеден. Ве сакам сите.

Ник

Мамо, тато, Ник ве сака двајцата и помалиот брат. Ако успеам да излезам, ќе ме носите да јадам свинско. Ник ве сака сите.

Марк

Мамо, дали си добро дома? Остани дома. Добро сум, те молам, кажи му и на мојот наставник.

Мик

Не грижете се. Ми недостасувате сите, дедо, тета, мама, тато и браќата. Сите ве сакам. Среќен сум тука. Фоките се грижат за мене. Сите ве сакам.

Дом

Добро сум, но тука е прилично студено. Но не грижете се. И не заборавајте на мојот роденден.

Адул

Не грижете се. Ми недостасувате сите. Навистина морам да се вратам дома

Најт

Најт го сака мама и тато. Не грижете се за мене. Најт ве сака сите

Тле

На Тле му недостасуваат мама и тато. Не грижете се за мене, се чувам.

Нот

Акапол Чантавонг, тренер, им пишува на родителите на децата 

Драги родители. Сите деца се во ред. Тука има луѓе кои се грижат за нив. Ветувам дека ќе се грижам за децата најдобро што можам.

Тренерот до семејството

Тето и бабо. Во ред сум, не грижете се за мене премногу. Водете сметка за вашето здравје. Тето, те молам, кажи и на баба да направи сок од зеленчук и крцкаво свинско кога ќе излезам. Цело ќе го изедам. Ве сакам сите.

Во ред сум, не грижете се, ги сакам мама и тато

Бев

Не грижете се, мамо, тато. Исчезнат сум на само две недели, ќе се вратам и ќе и помогнам на мама секогаш кога ќе имам слободен ден. Брзам да се вратам. Ги сакам мама, тато, помладиот брат и цело семејство.

Малото, но богато со нафта кралство Катар се договори за купување на една од најпознатите иконски згради во Њујорк, „Plaza Hotel“, за околу 600 милиони долари. Така земјата го купува хотелот кој припаѓал накогаш на американскиот претседател Доналд Трамп, кон полтфолиото од луксузни имот, пренесува „Ројтерс“.

Катарската државна компанија „Katara Holdings“ ќе се здобие со целосна сопственост на хотелот, вклучувајќи дел од 75% на индиската компанија „Sahara India Pariwar“, соопшти запознаен извор.

Катар купува луксузни хотели и имот во западни земји во последните десет години во рамките на напорите на државниот инвестициски фонд на земјата, кој поседува средства од над 300 милијарди долари, да го прошири своето портфолио на извозот на гас и нафта.

Катар, која е најголем извозник во светот на течен природен гас, веќе поседува познати хотели, како „The Savoy“ и „The Connaught“ во Лондон.

Катарскиот инвестиционен фонд инвестираше средства и во големи западни компании, како автомобилскиот производител „Volkswagen“ и рударскиот гигант „Glencore“.

Се очекуваше дека темпото на инвестициите на Катар во странство ќе забави во позадина на кризата во Персискиот залив, откако соседните земји Саудиска Арабија, ОАЕ, Египет и Бахреин воведоа економски санкции на Доха поради наводната поддршка на тероризмот.

Катар ги негира тврдењата и вели дека економскиот бојкот е обид за поткопување на нејзиниот суверенинет.

Зделката за „Plaza Hotel“ е најголемата инвестиција во западниот имотен пазар на Катар од почетокот на блокадата во јуни минатата година.

Трамп го купи хотелот во 1988-ма година, но мораше да го продаде на група инвеститори, меѓу кои и саудискиот принцот Алуалид бин Талал, пред повеќе од две децении во рамките на постапката за заштита од банкрот. Принцот Алуалид остана малцински акционер во хотелот пред договорот со Катар.

Веќе неколку години „Sahara“ се обидува да го продаде својот удел поради финансиските тешкотии на претседателот на компанијата, Субрата Рој.

Во „Plaza“ се престојувале гости, како Битлси и Марлен Дитрих, која е пеела таму. Венчавката на Трамп со Марла Мејпелс, која се одржа во 1993-та година.

Хотелот е присутен и во неколку филмови, меѓу кои американскиот трилер на Алфред Хичкок од 1959-та година „Север-северозапад“, драмата од 1991-ва година „Чувство за жена“ во кој глуми Ал Пачино и гангстерската драма од 1990-та година „Кралот на Њујорк“ со Кристофер Волкен.

Никола Саздовски - Саздо, 20-годишно момче, дел од навивачката група ,,Комити”, претепан, со смртни повреди, е во кома на КАРИЛ во Клинички центар и се бори за живот.

Според неофицијални информации од клиниката, Саздовски, е во арефлексна кома и е во многу тешка состојба.

Случката не е официјално потврдена од Министерството за внатрешни работи. Нема никакви детали, но информациите од социјалните мрежи говорат дека настанот се случил на 30 Јуни во населбата Автокоманда. Младото момче го пресретнале четворица непознати луѓе од возило, излегле од него и почнале крвнички да го тепаат. Освен повреди од шипки, кобен за Саздовски бил и падот на тротоар од ударите, по што се онесвестува.

На неговиот фејсбук профил пријателите објавуваат пораки за поддршка за да издржи во тешките моменти од животот.

На оваа тема на социјалните мрежи се огласи „Приказни од булеварот', тој напиша: Повеќе дигнавте џева за миксетата на некој шарен буљаш отколку за крвта пролеана на едно дете, нападнато на улица од разулавена орда, претепано крвнички речиси до смрт!

Покрај правото на месечна заработувачка, работниците во приватниот сектор имаат и право на исплата на регрес за годишен одмор – популарно познат како К-15.

Од 1. јули 2018 година започнува исплатата на регресот за годишен одмор (К-15) за вработените во приватниот сектор.

Регресот за годишен одмор се исплатува еднаш во текот на годината, а единствениот услов којшто вработените во приватниот сектор треба да го искористат е да бидат вработени најмалку 6 месеци во тековната година кај ист работодавач.

Износот на регресот за годишен одмор се утврдува во зависност од податоците на Државниот завод за статистика за движењето на просечната нето и бруто плата во последните три месеци од периодот на исплата. К-15 треба да изнесува најмалку 40% од износот на просечната нето плата во последните три месеци и најмногу до 40% од износот на просечната бруто плата во последните три месеци.

Според последните податоци на ДЗС, износот на К-15 за 2018 година треба да се движи од 9.440 до 13.850 денари.

Износот на регресот за годишен одмор се утврдува според основицата на платата која важи на денот на донесување на одлуката за исплата.

Минатогодишното искуство покажа дека компаниите кои се одлучиле да исплатат К-15 во јули, наместо во декември, заштедиле по 270 денари од вработен. Работодавците со преку 100 вработени заштедиле околу 500 евра.

Пратениците денеска се очекува по вторпат да го гласаат законот за ратификација на договорт со Грција, откако претседателот Иванов одби да го потпише указот и го врати во Собранието.

Законот треба да биде изгласан со апсолутно мнозинство, а потоа тој повторно ќе биде доставен до претседателот на државата.

Иванов најави дека нема намера да го потпише указот, за законот да се објави во „Службен весник“, а до Собранието тој достави и допис во кој образложи дека договорот со Грција според него е спротивен на Уставот и ја доведува македонија во состојба на потчинетост и зависност од друга држава, како и дека во изборната кампања во 2014 ветил дека нема да прифати промена на Уставот со цел промена на уставното име.

Законот за ратификација на договорот со Грција беше изгласан на 20 јуни со 69 гласа ЗА. Опозицијата не присуствуваше на седницата, со образложение дека нема намера да учествува во донесувањето штетни и неуставни договори за државата.