(0 гласови)

Во вчерашното гостување на телевизија Алсат, претседателот на државата,Стево Пендаровски вели дека било грешка што, како што рече, „прикажувавме дека работата со добивањето датум за почеток на преговори со ЕУ е завршена работа“.

Пендаровски вели дека е релативно тешко работите да се подредат така што Македонија би добила датум за ЕУ и на пролет, потсетувајќи дека сѐ уште е неизвесно дали новата методологија ќе биде изгласана во јануари.

Првичните информации кои ги имаме околу новопредложената методологија од страна на Франција велат дека барем 11 држави-членки имаат амандмани на тоа, 9 земји-членки излегуваат со сосема нов предлог. Мислам дека ниту Французите не знаат кога нивниот предлог, ако воопшто биде прифатен, кога може да биде формално гласан во Комисијата – рече Пендаровски.

(0 гласови)

На вчерашната седница на Владата е усвоена информацијата за настанот од 23 ноември оваа година, кога во Македонскиот народен театар беше организирана прослава по повод јубилеј на навивачката група „Шверцери“.

Владата го задолжи Министерството за култура во соодветна постапка да ѝ наложи на директорката на МНТ од организаторите на настанот да побара надомест на штетата направена за време на настанот, а на директорката да ѝ биде изречена казна со намалување на платата за 15 проценти во траење од 3 месеци затоа што направила пропуст и дала согласност за отстапување на МНТ без писмен договор.

(0 гласови)

Командантот на руската Балтичка воена флота - адмиралот Александар Носатов открил дека неговиот лотус покрај островот Гогланд го неутрализрал целото минско поле поставено во време на Втората светска војна.

Мините биле откриени непосредно пред спуштањето на дното на Балтичкото море на руските географи меѓу кои бил и претседателот Владимир Путин.

Во истата научна експедиција учествувал и министерот за одбрана РФ Серјег Шојгу, а адмиралот открил уште некои информации:

„На самиот остров нашите инженери открија и неутрализираа 20-на мини и проектили од Втората светска војна. На морското дно со помош на роботизирана деминерска техника уништено е цело германско минско поле“.

(0 гласови)

Техно кралицата Deborah De Luca оваа сабота ќе настапи пред македонската публика во А1 Арената. Неодамна Spotify ги прикажа нејзините перформанси за 2019та на нивниот сервис, Deborah има над 8,7 милиони стримови, била слушана над 714,8 милиони часови од страна на корисниците на овој сервис, а има над 1,2 милиони активни слушатели од 79 држави.

Во Скопје покрај Deborah De Luca ќе настапи и норвешкото диџејско дуо Eric Small and Carina Helen, кои несомнено се афирмираат како must have атрибут на секоја завршница на техно забавите, а за загревање ќе се погрижи фантастичниот Rinia Rinia.

7

За нејзиниот настап се поставува бина од 60 м2 а ќе бидат употребени над 30м2 LED дисплеи и над 120 светлечки тела што ќе им доловат на посетителите да се чувствуваат како да се дел од светските техно подиуми. За звукот да биде на нивото на артистот и очекувањата на посетителите во А1 Арената ќе се направат посебни тестирање и ќе биде употребена софистицирана опрема која со сигурност ќе продуцира одличен звук, што впрочем е една од најважните работи за ваков музички настан.

Влезници за настанот можат да се набават во ЈУГОТОН и сите продажни места на www.kupikartizase.com.

(0 гласови)

Австралискиот премиер Скот Морисон индиректно ѝ порача на шведската климатска активистка Грета Тунберг да не се меша во внатрешните работи на Австралија, откако таа порача дека пожарите се резултат на климатските промени, а австралиската влада тоа не го препознава.

Тинејџерската активистка на Твитер порача дека светските лидери и натаму не успеваат да ја воочат врската помеѓу климатската криза и зголемениот број на екстремни временски случувања.

„Ниту катастрофите како оваа не доведоа до било каква акција на политичарите. Како е ова можно? Затоа што и натаму не успеваме да ја воочиме поврзаноста помеѓу климатските промени и зголемените екстремни временски случувања и природни катастрофи како што се пожарите во Австралија. Тоа мора да се промени. Сега“, порача Тунберг на Твитер.

Австралискиот премиер Морисон на прес-конференција истакна дека австралиската влада ја базира политиката на националните интереси и на тоа што Австралија мора да го направи за себе.

„Не е на мене да коментирам што оние кои се надвор од Австралија сметаат дека Австралија треба да го стори. Ние во Австралија ќе го правиме тоа што мислиме дека е добро за Австралија и тоа отсекогаш бил мојот принцип“, порача Морисон.

 

Тој додаде дека не е на функцијата премиер на Австралија за да импресионира луѓе од други земји, туку да заврши добра работа за Австралија.

Лидерот на опозицијата, Ентони Олбаниз сепак ја доведе во прашање политиката на Морисон и нагласи дека мора да се разговара за нова национална стратегија за превенција на катастрофи и адекватно финансирање на итните служби.

(0 гласови)

Швајцарската разузнавачка служба објавила документ во кој наведува дека САД во војната во Југославија користеле паравоени сили од кои настанала Ал Каеда.

Како што пренесува "Večernje Novosti", САД во војната во поранешна Југославија ги користеле истите паравоени сили со чија помош претходно војувале против Советскиот Сојуз во Авганистан. 

Тие сили подоцна ќе го понесат името Ал Каеда, а на истите темели подоцна се развиле и останатите терористички организации на милитантните муслимани, како што е ИСИС, се наведува во документите на швајцарската служба, за кои белградскиот дневник вели дека го виделе светлото на денот.

Во документите се наведува дека политичката и медиумска пропаганда, кои служеле како рамка за распарчување на поранешна Југославија, во меѓувреме биле добро истражени.

Тоа што ситуацијата ја разликува од на пример, војната во Ирак, е фактот дека бројни медиуми и коментатори до денес настојуваат да ги одбранат тогашните официјални верзии за околностите под кои се одвивала војната во Југославија.

 

Во документите, меѓу другото, се потсетува и на случајот со масакрот на сараевскиот плоштад "Маркале", за кој првобитно биле обвинети силите на босанските Срби, додека подоцна во тој, како и во некои наредни случаи, офицерите на мисијата на ОН во Босна заклучиле дека злосторството најверојатно го спровеле босанските воени сили кон сопственото население.

Швајцарците, како што пренесува "Novosti", укажуваат на тоа дека во воената стратегија овој зафат се нарекува "напад под лажно знаме".

 

Во документите се наведува дека списокот на пропагандни примери, со кои медиумите создавале рамка за војна во Југославија и кои длабоко влијаеле на јавното мислење и на карактерот на тој судир.

Во документите под такви пример се споменуваат "спрскиот логор на смртта Трнопоље", "Маркале", како и Сребреница, за која се наведува дека е "најтажниот врв на војната во Босна".

(0 гласови)

Исламската држава полека успева да се реорганизира во Ирак и станува „Ал Каеда на стероиди со подобра воена техника и многу повеќе пари“, предупредуваат разузнавачите.

Како што пренесува британски „БиБиСи“, милитантите претставуваат закана, па дури и поголема од Ал Каеда, и тоа само две години откако оваа терористичка група изгуби огромна територија во Ирак.

Терористите моментално купувале возила, оружје, храна и опрема, откриваат курдските и западните разузнавачки агенции.

„Имаат подобра воена техника, подобра тактика и многу повеќе пари. Во можност се да купат возила, оружје, храна и опрема. Технолошки, многу се понапредни. Многу е тешко да се справи некој со нив“, изјави Лахур Талабани, курдски функционер за „БиБиСи“.

Како што вели тој, сега Исламската држава се претвора во „Ал Каеда на стероиди“.

„Гледаме дека активностите се зголемуваат и веруваме дека фазата на реорганизирање на групата е завршена“, додаде тој.

 

Како што објасни, терористите ја поминале оваа година во Хамрин планините, обидувајќи се да го обноват тоа што останало од распаднатиот Калифат кој беше поразен од страна на Курдските, ирачките и коалициските сили предводени од САД.

Курдските разузнавачи веруваат дека ИСИС има околу 10 илјади членови во Ирак, односно околу 5 илјади активни борци и се стравува дека нивен „ветер во грб“ се неодамнешните немири во ирачкиот главен град Багдад.

(0 гласови)

И покрај договорот за воспоставување на прекин на огнот и продолжување на повлекувањето на трупите од контактните линии, украинските вооружени сили и натаму собираат големи количини на воена опрема во Донбас.

Преносот на воената опрема го забележале очевидци на територијата која ја контролира Украина. На кадрите може да се видат советски борбени возила, повеќенаменски амфибиски оклопни транспортери, тенкови, војска, мобилни болници. 

"Го видов овој воз на една од железничките станици на пат кон Донбас! Киев користи огромни возови со опрема и тенкови, па затоа господа, подгответе RPG, ATGM и се што имате! Само да знаете дека ве мразат сите во Киев", вели очевидецот кој видеото го пратил на една група во Донбас.

Покрај тоа, службеник на прес службата на Народната полиција на ЛПР, Иван Филипоненко, на брифинг рекол дека набљудувачите на OEBS минатата недела забележале недостиг од 65 единици воена опрема и оружје во складиштата. Податоците за тоа биле објавени на официјален извештај на Мисијата.

"Набљудувачите забележале отсуство на 10 тенкови T-64, 11 единици хаубици D-30, 16 минофрлачи 2C9 Nona, 10 противтенковски топови MT-12 Rapir и хаубици 2C1 Gvozdik", рекол тој.

(0 гласови)

Турски "Daily Sabah" и "SOHR" од Лондон јавуваат дека на основа на повеќе извештаи било потврдено дека американската војска пренела тони злато од подрачјето во Сирија кое Исламската држава го држела под окупација.

Според изворот кој разговарал со курдската агенција BNA, американските сили префрлиле околу 50 тони злато од подрачјето кое претходно го држеле терористите на Калифатот во источниот сириски регион Деир ез-Зор. 

Турците го следеле овој трансфер бидејќи се заинтересирани за дел од златото кое американските сили му го дале на сирискиот огранок на Курдската работничка партија, односно милицијата YPG.

Златото наводно е пренесено од поранешната американска воена база во Аин ал-Араб, позната под курдското име "Кобане".

Американските сили земале и 40 тони златни плочки кои терористите на ИСИС ги земале од ирачката провинција Мосул како воен плен.

Локални извори кои разговарале со сириската новинска агенција SANA тврделе дека американските трупи златото го преместиле во големи сандаци.

Според извештаите, информацијата за тоа каде се наоѓало златото, Американците ја добиле од заробените лидери на ИСИС.

Тврдењето се поклопува со извештајот на таканаречената Сириска опсерваторија за човекови права со седиште во Велика Британија, која наведува дека YPG со поддршка од американската војска префрлиле 40 тони злато кое терористите на ИСИС го оставиле во Деир Ел-Зор.

Ако ја земеме во предвид моменталната цена на чистото злато на берзите, каде килограм се продава за нешто повеќе од 47.000 долари, 50 тони би вределе околу 2,3 милијарди долари.

Сега, покрај сириската нафта, на која заработуваат околу 30 милиони долари месечно, на воениот плен треба да се додадат и овие нешто повеќе од 2 милијарди долари вредно злато кое Американците го земале од Сирија и Ирак, пренесуваат турските медиуми.

(0 гласови)

Во очекување на предвремените парламентарни избори закажани за 12 април, наредната година, дел од најголемите политички партии во земјава почнаа да ги соопштуваат условите за можни коалиции за идната влада.

Али Ахмети од Четвртиот конгрес на партијата одржан изминатиот викенд во Скопје, на кој беше реизбран за лидер на ДУИ, порача дека без почитување на Рамковниот договор како и на договорите со Грција и со Бугарија не треба да сметаат на евентуална коалиција со ова партија. Трите договори рече ги смета за затворени прашања.

– Нема ниту простор ниту време за да гледаме назад, ова се затворени прашања и обезбедуваат една посигурна иднина на РСМ. Секое настојување за ставање раце на овие три елементи ќе биде соочено со отпор и нас нема да не има за партнери, бидејќи се доведува во прашање иднината на нашите граѓани и идните генерации, вели Ахмети.

Тој додаде дека ДУИ е во комуникација и соработува со сите политички партии, разлики имало, има и сега, но рече, разликите не смеат да ги стават под прашање интересите на општеството и државата. Најави и победа на претстојните предвремени избори.

– На 12 април ќе го имаме првиот предизвик. Сигурен сум дека како што сме запишале за 18 години – 16 победи, ќе следи нова на 12 април. Како субјект, движење кое знаеше етнички и политички да балансира во овие простори, така на 12 април нема да победи ДУИ, туку ќе победи државата, ќе победат граѓаните на РСМ затоа што сме знаеле да менаџираме да балансираме, да се соочиме со големи потешкотии и со успех да ги надмине, порача староновиот лидер на ДУИ.

Претсдедателот на ВМРО-ДПМНЕ, Христијан Мицкоски викендот во интертвју за радио Слободна Европа, во врска со можноста за коалицирање со ДУИ, посочи дека доколку ВМРО-ДПМНЕ победи на изборите, имаат принципиелен став дека ќе коалицираат со секоја политичка партија која ќе ја прифати нејзината платформа, односно политичка програма.

– Ќе седнеме, ќе разговараме, ќе преговараме и зошто да не и ќе коалицираме. Немаме преференци кон ниту една, имаме релации со сите политички партии коишто се претставници на Албанците, имаме со политичките партии коишто не се претставници на Албанците, туку на другите етникуми итн, така што ќе имаме програма на масата и доколку најдеме точка на поврзување, зошто да не, посочи лидерот на ВМРО-ДПМНЕ.

Министерот за транспорт и врски и член на владеачката СДСМ, Горан Сугарески, пак, вчера изјави дека фокусот на социјалдемократите во моментот е на спроведување демократски избори на 12 април, а за коалицирањето ќе се одлучува по изборите.

– Ние сме сконцентрирани сега на тоа на 12 април да се случат демократски избори на кои што убеден сум СДСМ ќе победи. Во делот на коалицирањето ќе се случува по тоа, изјави Сугарески на прес-конференција запрашан дали повторно се отвара патот за коалицирање на СДСМ со актуелниот коалициски ДУИ по изјавата на Али Ахмети

Top