(0 гласови)

На околу 15 километри југозападно од Скопје се наоѓа Матка, која со своите геолошки, геоморфолошки, хидролошки, флористички и фунистички карактеристики е едно од најрепрезентативните богатства на Македонија.

По долината на реката Треска има таинствен свет со прекрасни пештери, високи карпи, големо богатство на дабови и букови шуми, белоглави орли и ретки животински видови.

 

Во Матка има десетина пештери со должина од 20 до 177 метри и две провалии со длабочина до 35 метри, а најпознати се пештерите Врело, Кршена и Убава кои имаат слична должина. Пештерите се полни со сталагмити, столбови и сталактити. Кањонот на реката Треска е најважниот искачувачки центар во северниот дел на Македонија и главните искачувања започнуваат на пролет кога доаѓаат посетители од цела Европа. Сезоната продолжува во текот на летото и есента до ноември, кањонот на реката Треска е отворен и за кајакарство. 

 

Не случајно кањонот Матка се најде во репортажата на британски „Гардијан“ меѓу десетте најубави европски кањони.

(0 гласови)

Претседателот на ВМРО-ДПМНЕ, Христијан Мицкоски денеска оствари средба со грчкиот амбасадор во Македонија, Димитрис Јанакакис.

На средбата се разговарало за престојните парламентарни избори, актуелните политички состојби во државата, македонската европерспектива и проблемите со кои се соочува земјата.

Како клучен проблем Мицкоски го истакнал проблемот со високата корупција и напоменал дека во земјата има низа на неразрешени криминални афери во кои се вмешани највисоките структури на власта.

„Неказнивоста на криминалот и корупцијата ја кочи интеграцијата на Македонија во Европската Унија, но по победата на 12 април, новата Влада предводена од ВМРО-ДПМНЕ ќе се фокусира на суштинските реформи, по што земјата ќе се најде на брзата лента за членство во ЕУ“, истакнал партискиот лидер.

Во однос на изборниот процес соговорниците биле согласни дека фер и демократски парламентарни избори се основата на една европска демократија и оти иднината на државата зависи од овие избори.

(0 гласови)

Еден од најпогодените сектори од епидемијата на коронавирусот секако е туризмот, со оглед на тоа што луѓето избегнуваат патувања поради тоа што стравуваат дека би можеле да бидат заразени.

Се чини дека овој сектор најмногу ќе биде погоден во Италија. Една италијанска туристичка организација веќе процени дека државата поради коронавирусот во првиот квартал ќе загуби повеќе од 30 милиони туристи или приходи во износ од вртоглави 7,4 милијарди евра.

Падот на бројот на туристи во Италија веќе може да се почувствува, па така на улиците на Рим има значително помалку народ.

 

Познатите шпански скали практично и да се празни, нема многу луѓе пред Пантеон, а падот на интересот е очигледен и во Ватикан каде плоштадот Свети Петар е празен, а пред Ватиканските музеи, инаку втори најпосетувани во Европа, ги нема вообичаените редици со туристи.

 

Во другите делови на Европа, засега стравот е помал, а на останатите туристички атракции ширум Стариот континент не е забележана помала маса на луѓе.

 
 
 

 

(0 гласови)

Германец на возраст од 33 години е можеби првиот Европеец кој се заразил со новиот коронавирус и го пренел на другите жители на европските земји.

Тоа тврдење е изнесено во писмо од германските лекари, кое го пренело медицинското списание "New England Journal of Medicine". 

Тој на 24-ти јануари имал респираторни симптоми и висока температура, а кога мислел дека неговата здравствена состојба се подобрила, се вратил на работа на 27-ми јануари.

Претходно бил на состанок на кој присуствувала неговата колешка од Шангај, која престојувала во Германија од 19-ти до 22-ри јануари.

 

За време на престојот во Германија, таа немала никакви проблеми, но по враќањето во Кина почнала да се чувствува лошо, а на 26-ти јануари е потврдено дека е заразена со коронавирус, пренесува италијанскиот весник "Corriere della Sera".

Жената ги известила германските партнери, кои потоа биле тестирани на коронавирус, а кај 33-годишниот маж е потврден првиот случај на зараза.

По него позитивни биле уште тројца Германци, кои присуствувале на состанокот со партнерката од Шангај.

Во текстот се нагласува дека во овој случај инфекцијата била пренесена кога симптомите биле многу благи и неспецифични.

Германските лекари затоа предупредуваат дека вирусот во големи количини се наоѓа во плунката на човекот и во периодот на неговото закрепнување, што претставува проблем при преносливоста на вирусот дури и по снемување на симптомите.

"Фактот дека инфекцијата може да биде присутна во организмот и откако симптомите ќе исчезнат е веќе позната", потврдува Волтер Ричарди, претставник на Извршниот одбор на Светската здравствена организација.

Инфектолозите истакнуваат дека поради тоа е многу важен надзорот над пациентите кои се пуштени по хоспитализацијата и препорачуваат редовно правење на брис и по пуштањето.

 

 

(0 гласови)

НАТО вежбата Dynamic Manta почнала на Медитеранот во февруари. Една од објавените фотографии од италијанска подморница покажува нешто посебно интересно.

Не е очигледно за необученото око, но на грбот подморницата има 7 сиви блокови. Тие ни зборуваат нешто за можностите на тајната мисија на подморницата. Тие се прилог за една од најразличните способности на италијанската морнарница: мини подморници на специјалните сили. Италијанската морнарица е многу тајна по прашањето на овие можности, па е потребна одредена количина на информирани претпоставки. 

Италијанската морнарица може да тврди дека ги измислила модерните нуркачи на специјалните сили. Дури и во Првата светска војна се потопувале борбени бродови со користење на човечки торпеда. Во Втората светската војна постигнале некои драматични успеси, поради кои другите ги копирале. Овој фокус продолжил и во текот на Студената војна, но бил држен во голема тајност. Морнаричката единица на специјалните сили, COMSUBIN, блиско соработувала со британски SBS, францускиот командант Хуберт и американската морнарица SEAL.

Италијанските консултанти исто така имале значајно влијание на израелските и јужноафриканските капацитети, снабдувајќи ги со мини подморници и обука. Иако многу читатели се свесни за мини-подморниците кои ги користат американските фок, италијанските дизајни се практично непознати.

Меѓутоа, тоа не ги прави помалку значајни. Всушност, се вели дека италијанските дизајни се десет години пред сите други. Колку е тоа точно денес може само да претпоставуваме, но тие секако се врвни.

Додатокот на подморниците најверојатно е за колевката која ги носи мини-подморниците. Ова познато како нуркачко возило за испорака и може да пренесува најмалку шест нуркачи. Ги прави CABI Cattaneo од Милано, Италија, а многу малку информации се достапни и нема многу доверливи фотографии.

Втората можност е дека додатоците се за хангар за специјалните сили, познат како засолниште за суво лансирање. Ова може да да пренесува бродови или неколку нуркачки погонски возила. Се смета дека италијанската морнарица користи милански CABI Cattaneo хангари "Deep Guardian" и "Rotinor Blackshadov 730 DPV".

Оваа способност на специјалните сили и овозможува на италијанската морнарица многу голем дострел на Медитеранот. Високо обучените COMSUBIN командоси можат прекриено да излезат на непријателскиот брег. На пример, се појавиле гласини за италијански специјални сили кои делуваат во војните во северна Африка. Без разлика дали биле вмешани подморниците, можностите на италијанските подморници се многу поголеми од тоа што е познато.

 

(0 гласови)

Турската армија загуби најмалку две беспилотни летала во Сирија откако руската армија ги активирала своите „електронски воени системи“.

Локалните медиуми пренесуваат дека руската армија користи електронски системи за да ги ремети турските беспилотни летала кои ги бомбардираат позициите на сириската армија.

„Во последните три дена, Турција загуби најмалку две беспилотни летала во сирискиот воздушен простор. Турција се обиде со овие беспилотни летала да ги нападне позициите на сириската армија“, пренесуваат тамошните медиуми.

„Турските беспилотни летала по навлегувањето во воздушниот простор на Сирија се најдоа на удар на силно електронско влијание од југозападниот дел. Турција поради тоа ја загуби контролата над дроновите. Еден се сруши во турската провинција Хатаи, а друг во близина на градот Саракиб“, стои во извештајот на сириските медиуми.

Иако факт е дека Русија прави прави премалку во одбраната на сирискта армија од нападите на турскиот агресор, сепак според Сиријците, турската армија поради ова била приморана да ја сведе употребата на дроновите во последните неколку дена на минимум.

 

(0 гласови)

Министерот за внатрешни работи на Германија, Хорст Зехофер, вчера не сакаше да се ракува со канцеларката Ангела Меркел, а како што рече, причина за таквиот потег е неговото стравување од коронавирусот.

 

(0 гласови)

Преизморените и посветени доктори од Вухан, пронашле начин да го прослават секој излечен пациент од коронавирусот.

Медицинските лица во една болница во југоисточната кинеска провинција Анхуеј, од среќа почнале да играат во дворот откако излечен пациент од коронавирусот бил пуштен од болница.

Со денови против коронавирусот се бореле во “првата борбена линија“, а потоа земале моменти на одмор и одиграле дел од балетот “Лебедово езеро“.

Од таа болница за кратко време биле пуштени шест пациенти, а во целата земја излечени се 32.000 пациенти, пренесуваат од „South China Morning Post“.

Нивниот радосен танц допрел до милиони корисници на социјалните мрежи.

„Неодолливи се и заслужуваат многу почит“, „Тие се вистински ангели“, се само дел од коментарите. 

Погледнете го видеото:

(0 гласови)

Поранешниот потпретседател на САД, Џо Бајден се врати во трката за кандидат на Демократската партија после низата на победи во „Супер вторник“, а добри резултати забележа и Берни Сандерс кој освои победи во неколку држави со голем број на делегати.

Според проекцијата на американската новинска агенција „АП“ и американските телевизиски мрежи, поранешниот потпретседател Џо Бајден во таканаречениот „Супер вторник“ победи на изборите во Вирџинија, Северна Каролина, Алабама, Оклахома, Тенеси, Минесота, Арканзас и Масачусетс.

Од друга страна, моменталниот фаворит Берни Сандерс е победник во Калифорнија, земја која носи најголем број на делегати (415), потоа во Вермонт, сојузната држава која ја застапува во Сенатот, како и во Колорадо и Јута.

 

Во две сојузни држави, Тексас и Мејн се уште не се знае победникот, затоа што двата најсилни кандидати на Демократите се премногу блиску по бројот на освоени гласови и се уште не може да се прогласи победник.

Несомнено, најголеми губитници се милијардерот Мајкл Блумберг и сенаторката Елизабет Ворен која претрпе срамен пораз и на „домашен терен“ во Масачусетс каде што заврши на третото место, зад Бајден и Сандерс.

 

Инаку, Блумберг досега потроши над 500 милиони евра за својата кампања, меѓутоа тоа не беше доволно, па така победи само во Американска Самоа која носи скромни шест делегати. Поради тоа, според „АП“, Блумберг во текот на денешниот ден ќе ја разгледа можноста за откажување од трката во таборот на Демократите.

(0 гласови)

Новиот коронавирус може да преживее во телото најмалку две седмици по исчезнувањето на симптомите на болеста, а пациентите најверојатно не се многу заразени во периодот по престанување на симптомите, покажува кинеското истражување.

Веста за преживување на вирусот по престанувањето на симптомите можеби и не е толку лоша затоа што човечкиот организам развива отпорност на вируси кои подолго се задржуваат во него, вели за „Live Scinece“, Крис Џонсон, епидемиолог од Институтот за јавно здравје при Универзитетот Темпл.

„Доколку вирусот се задржи во човечкиот организам можеби тој повеќе нема да може да се зарази од некоја инфекција“ - вели таа.

Новото истражување објавено во списанието ЈАМА, го направиле четири медицински експерти кај луѓе на возраст од 30-36 години кои развиле Ковид-19, болеста која предизвикува коронавирус.

 

Тие се лечеле во болницата на Универзитетот Џонгнан во Вухан од први јануари до 15-ти февруари. Сите четворица закрепнале, а потоа еден од пациентите лежел во болница во текот на болеста.

Пациентите се сметале за излечени веднаш откако симптомите на болеста исчезнале, а два теста покажале дека истите се негативни на вирусот. Потоа уште пет денови биле во изолација дома, а по 13 денови од сето тоа на истите им бил земен брис од грлото за да се направат тестови.

Сите тестови кои биле направени подоцна биле позитивни на коронавирус.

„Ваквите резултати наведуваат до заклучок дека барем одреден дел на излечените пациенти и понатаму може да биде носител на вирусот“ - се наведува во истражувањето.

Не е невообичаено ниско ниво на вирусот да се задржи во телото на заразениот по лечењето, тврдат експертите.

„Тамифлу“, терапијата која што ја примале во текот на лечењето, би можела да ја сведе копијата на вируси во организмот на минимум. Во тој момент тестот веројатно не можел да ги детектира вирусите.

Но, откако терапијата била прекината, вирусите веројатно повротно почнале да се размножуваат. Ги имало во доволен број за да ги уништат ткивата па поради тоа пациентите не чувствувале никакви симптоми.

Во тој момент, веројатно тие не биле особено зараени, вели Џонсон.

„Треба да бидете внимателни дома. Да не пиете вода од иста чаша и често да се мијат рацете. Заразените од вирусот се носители на самиот вирус“ - вели Крис Џонсон. 

Top