(0 гласови)

Министерството за внатрешни работи објави детали за вчерашната несреќа во која еден полицаец загина, а друг е повреден во сообраќаен инцидент додека обезбедувале место каде претходно се случила друга сообраќајка.

Како што информираат од МВР, во 19:05 часот на автопатoт Тетово-Гостивар, во близина на местото викано „Тумчевишка клучка“, автомобил „форд фокус“ со кичевски регистарски ознаки, управуван од 31-годишник од кичевското село Грешница, удрил во двајца полицајци П.Ѓ. и Ф.Ш. додека извршувале должност за обезбедување на место на претходно случена сообраќајна незгода.

Кратко потоа, автомобил „фолксваген голф“ со тетовска регистрација управуван од 39-годишник од селото Синичане, кој се движел во правец Гостивар-Тетово, удрил во еден од двајцата веќе паднати полицајци. 

По незгодата, со амбулантно возило полицајците биле пренесени во медицинскиот центар Гостивар, каде кај П.Ѓ. била констатирана смрт, додека кај Ф.Ш. биле утврдени тешки телесни повреди. 

По насока на јавен обвинител, 31-годишниот возач на „форд фокусот“ е уапсен во полициската станица Гостивар.

(0 гласови)

Руското Министерство за одбрана вчера соопшти дека армијата распоредила хиперсонични проектили со нуклеарен капацитет, а тој потег според Путин ја става неговата земја на првото место кога станува збор за нуклеарното вооружување.

Министерот за одбрана Сергеј Шојгу го известил рускиот претседател Владимир Путин за распоредувањето на хиперсоничните проектили, меѓутоа никој не знае ништо околу тоа во кои руски региони е распоредено ова оружје.

Новиот ракетен систем „Авангард“ има хиперсоничен мотор кој служи како погон за интерконтиненталниот балистички проектил. Станува збор за едно од оружјата за кои Путин неодамна изјави дека се пред своето време. Путин тврди дека новата генерација на нуклеарно оружје на Русија може да ја погоди било која точка во светот и да го избегне американскиот против-воздушен штит.

 
 

Инаку, Американците од почетокот на 21-ви век исто така развиваат хиперсоничен проектил, стои во извештајот на Истражувачката служба на Конгресот објавен во јули оваа година.

Поради контролната површина на моторот, хиперсоничниот проектил може непредвидливо да се движи и остро да се маневрира кон метата. Исто така, хиперсоничните ракети летаат пониско од вообичаените балистички проектили кои прават парабола. Според аналитичарите, денешните радари тешко дека би воочиле ваков проектил додека не биде веќе предоцна.

(0 гласови)

Христијан Мицковски и Зоран Заев открија каде ќе ја дочекаат 2020 година.

Зоран Заев за Нова Година ќе оди во Германија со сопругата и децата,  на гости кај другар.

Лидерот на опозициската партија, Христијан Мицкоски, на новинарите вчера им откри дека Новата 2020 година ќе ја пречека тука во Македонија во домот на другар од детството каде ќе бидат собрани како семејства.

Заев за Нова Година пак оди во Германија со сопругата и децата, исто така кај другар.

(0 гласови)

Најбрзо растечкиот талент на светската техно сцена Deborah De Luca утре ќе настапи пред македонската публика во А1 Арената. Таа во моментов е на самиот врв во оваа индустрија и настапува на најголемите и најважните подиуми ширум светот, а македонската публика во предвечерието на Новогодишната ноќ ќе има можност да ужива во урбан звук.

Билетите се пред целосно распродавање, а тоа е добар показател дека македонците сакаат урбан звук. Неодамна Spotify ги прикажа нејзините перформанси за 2019та на нивниот сервис, Deborah има над 8,7 милиони стримови, била слушана над 714,8 милиони часови од страна на корисниците на овој сервис, а има над 1,2 милиони активни слушатели од 79 држави.

1deb

Во А1 Арената поставена е бина од 60 м2, употребени се над 30м2 LED дисплеи и над 120 светлечки тела што ќе направат да изгледа оваа журка по примерот и стандардите на најдобрите техно забави. За звукот да биде на нивото на артистот и очекувањата на посетителите во А1 Арената се направени посебни тестирање и употребена е софистицирана опрема која со сигурност ќе извади одличен звук, што впрочем е една од најважните работи за ваков музички настан.

7

Настанот ќе започне во 22 часот и ќе трае до 06 часот утрото, Deborah De Luca ќе настапи во 2 часот по полноќ, увертира ќе и даде Rinia Rinia, а по неа ќе настапи норвешкото диџејско дуо Eric Small and Carina Helen.

(0 гласови)

Во Собранието на Црна Гора дошло до конфликт после кој црногорскиот премиер Душко Марковиќ, како што пренесуваат црногорските медиуми, избегал од салата.

Седницата била прекината и претседателот на Собранието на пратениците им дал пауза.

Сите 17 пратеници од опозицијата биле уапсени синоќа, после инцидентот во Собранието. Пратеникот Милан Кнежевиќ е повреден, додека останатите пратеници се добро.

Погледнете снимки:

Во црногорскиот парламент синоќа дошло до инцидент поради гласањето на амандманите на опозицијата на предложените Закони за слобода на вероисповед за која сметаат дека е усмерен против Српската православна црква.

(0 гласови)

Германската канцеларка Ангела Меркел ќе ја посети Турција следниот месец за да го повика претседателот Реџеп Таип Ердоган да го испочитува миграцискиот пакт со Европската унија, реагирајќи на стравувањата дека конфликтот во Сирија може да доведе до нов бегалски бран.

Ердоган во неделата предупреди дека Турција, која веќе примила околу 3,7 милиони сириски бегалци, нема да може да се справи со нов бран мигранти.

Според пактот за миграција од 2015 година, Турција ги прифати бегалците кои се селат во Европа во замена за финансиска поддршка.

Според Ројтерс, бројот на мигрантите неодамна повторно почнал да се зголемува со обидите на Дамаск и Москва да го заземат Идлиб, последната голема енклава што ја држат бунтовниците во Сирија, а во која живеат околу три милиони луѓе.

Ердоган во неделата рече дека над 80.000 бегалци се упатиле кон Турција.

(0 гласови)

Голема потера е во тек во близина на Ниш, Србија, каде што полицијата и војската со хеликоптери и со кучиња трагат по педофил кој грабна 12-годишно девојче. Полицијата од вчера го бара осудениот силувач Нинослав Јовановиќ, познат и како малчански бербер, е осомничен за киднапирање на 12-годината Моника.

Полицијата го бара од вчера, а кругот за пребарување се стесни кога беа пронајдени неколку траги во селото Орешец. Тимот на „Еспресо.рс“ е со полицијата на местото каде што очевидци тврдат дека го виделе педофилот со девојчето – на железничката пруга Ниш – Зајечар. Неофицијално, полицијата извршила увид на 40-ина километри од областа. Тие пропешачиле 12 километри по пругата во потрага по девојчето.

Коса на Моника била пронајдена во куќа во Орашец, а во Малча нејзиниот ранец.

Покрај 220 полицајци, во потрагата се вклучени хеликоптерски единици и трагачи на кучиња, а се користени и термовизиски камери.

Девојчето исчезнало во петокот на 20 декември, а последен пат било видено во 7.20 часот кога тргнало на училиште, по што му се губи трагата. Нинослав Јовановиќ, по потекло од Малча, пред повеќе од една година, по издржувањето речиси 20 години затвор, повторно бил уапсен бидејќи демнел и им се заканувал на жени на „Фејсбук“.

Прекарот малчански бербер го добил бидејќи ги потстрижал сите свои жртви, а пред судот признал дека потстрижувањето девојчиња го возбудува. Тој пред 25 години силувал жена и девојче, а кога во 2005 година бил пуштен на условна слобода, нападнал 12-годишно девојче. Двете претходно ги потстрижал, а едната и ја силувал. Повторно завршил во затвор, од каде што излегол минатата година.

(0 гласови)

Централниот и извршниот комитет на опозициската ВМРО-ДПМНЕ, одлучиле лидерот на партијата Христијан Мицкоски да одбере кој ќе биде кандидат за идни министри во техничката влада.

Генералниот секретар на партијата, Игор Јанушев, кажа дека кандидатите избрани од Мицкоски ќе треба да се погрижат да има фер и демократски избори на 12 април.

Мицкоски добил поддршка тој да биде мандатар по изборите.

„Комитетите дадоа поддршка на Мицкоски да биде кандидат за мандатар по завршување на изборите на 12 април, на кои што ВМРО-ДПМНЕ ќе издвојува победа. На предлог на кабинетот на Мицкоски беше разрешен соработникот Томислав Димитровски кој во јавноста беше познат по еден немил настан кој што се случи во изминатиот период“, рече Јанушев.

За предлогот на Заев, ВМРО-ДПМНЕ да гласа за една изборна единица, ако сака да добие шпицен кандидат, Јанушев рече дека неговата партија не прифаќа пазарџиска политика.

„Пратеничкиот имунитет на кој се надева, нема да го амнестира од одговорнсот. Ова се сериозни теми кои мора да ги водиме врз основа на принципи и аргументи“, додаде Јанушев.

Генералниот секретар на ВМРО-ДПМНЕ рече дека тие имаат кандидати за сите министерски места во техничката влада, но ќе ги кажат по преговорите на лидерската средба.

(0 гласови)

Портпаролката на Министерството за надворешни работи, Марија Захарова, го прославила својот 44-ти роденден.

Освен за роденденот што добила торта со која се пофалила на својот Инстаграм профил таа добила уште еден подарок.

Како што напишала на својот Фејсбук профил, неа новинарите од Москва ѝ приредиле роденденско изненадување - музички подарок.

Марија Захарова инаку е првата жена во историјата која ја извршува функцијата на директорка на Секторот за информации во Министерството за надворешни работи во Русија кое го води Сергеј Лавров.

Родена е во семејство на дипломати, а детството го поминала во Пекинг каде што родителите ѝ биле на служба.

Поврзана слика

Дипломирала меѓународно новинарство на престижниот московски универзитет MGIMO, а специјализирала ориенталистика и новинарство.

Кариерата ја започнала во новинарството, а во Министерството за надворешни работи почнала да работи во 1998-та година. Била шеф на службата за информации во руските мисии во ОН, а потоа била именувана за заменик директор на Одделението за информации. Има дипломски ранг - советник од прва класа.

Таа течно зборува англиски и кинески јазик.

Резултат со слика за maria zakharova

Челичната дама на Путин, засекогаш го променила лицето на руската дипломатија, оценуваат светските медиуми.

Наместо со здодевните статистички податоци, таа ги завела сите со својот шарм, убавина, но и бомбастични изјави.

Таа е една од ретките портпароли од Русија која сите ја знаат по името.

Таа е блогерка, сака да ужива во животот, храната, а својата импресивна линија ја одржува со редовни тренинзи.

Поврзана слика

(0 гласови)

Многу институции и објекти во рускиот главен град Москва и во текот на целиот вчерашен ден беа на мета на лажни дојави за подметнати бомби.

Дојавите за поставените бомби на московските аеродроми „Шереметјево“ и „Домодедово“ се покажале како лажни, соопштија руските безбедносни служби после итните проверки.

Како што пренесува руската новинска агенција „ТАСС“, полициските единици со кучиња трагачи, внимателно после анонимните дојави за подметнати бомби ги прегледале просториите на двата аеродроми кои сепак не биле евакуирани.

Двата аеродроми инаку примиле дојави за бомби дури пет дена во текот на минатата седмица, а во сите случаеви се покажало дека станува збор за лажна дојава.

 

Дојави за поставени експлозивни направи во текот на вчерашниот ден имало и во седум станици од московската подземна железница, 11 судови во рускиот главен град, над 15 училишта и две згради на московскиот Државен универзитет за лингвистика, рускиот Државен универзитет за земјоделство и Државниот универзитет за психологија и едукација.

Бранот на лажни дојави за бомби започна во Москва, Санкт Петербург и други руски региони кон крајот на ноември, а сите досегашни дојави се покажаа како лажни.

Top