(0 гласови)

Директорката на Клиниката за кожни болести е заболена од коронавирус, информира министерот Венко Филипче. Таа не ги почитувала мерките мерките по враќање од Италија и продолжила да оди на работа. Доцна синоќа и бил дијагностициран коронавирус. Денеска се затвора целата клиника за кожни болести, лекарите и медицинскиот персонал се стават во домашна изолација, а пациентите кои биле хоспитализирани се праќаат дома.

„Со огромно разочоравување заради непочитување на мерките, морам да соопштам дека жената која е заолена од коронавирус е наша колешка, лекар, таа е директорка е Клиника за кожни болести. Во моментот таа е на лекување, ја хоспитализираат. Ќе биде затворен цел оддел, а во иднина, ќе бидат преземни мерки за сите кои го загрозиле јавното здравје.

-Сите мерки кои ги предложи Владата, за масовни собири со гости од странство, самоизолација, треба да се почитуваат, секаде каде ќе видиме прекршување ќе преземем мерки. Сите нејзини колеги и колешки се во изолација, морам да кажам дека сум максимално разочаран.“, изјави Филипче, алудирајќи на тоа дека таа прво ќе се лекува, а потоа ќе се размислува за санкции.

Тој нагласи дека нејзината состојба е стабилна и има лесна клиничка слика. Докторката, немала ден за преглед во амбуланта, а ги навела сите други контакти во семејството и пријателите и за сите нив ќе се донесе соодветна одлука, дали ќе бидат во изолација и со надзор.

„Не можеме да ги затвориме границите, невозможно е и сите препораки се за сомаизолација. Секој кој доаѓа од ризичен регион и да нема симптоми мора да остане во автоизолација. Мора да имаме одговорност кон колективното здравје. “, рече Филипче и се заблагодари на медиумите за коректното известување.

(0 гласови)

Италија бележи најмногу смртни случаи од болеста „Ковид-19“ од која било друга земја надвор од Кина, каде што е епидемијата, која досега уби повеќе од 3500 луѓе и зарази повеќе од 100.000 ширум светот.

Дури и пред новите загрижувачки бројки, италијанската влада воведе радикални мерки со кои се блокираат 16 милиони луѓе во Ломбардија и 14 други провинции.

Ограничувањата без преседан што ги воведе Италија опфаќаат 16 милиони луѓе и ќе останат во сила до 3 април, а законот преку ноќ го потпиша премиерот Џузепе Конти.

Според новите мерки, странските туристи кои моментално престојуваат во Ломбардија и уште 14 северни провинции погодени од вирусот треба да заминат од таму, изјави италијанскиот премиер.

Некои веќе се обиделе, а некои успеале да заминат од погодените делови на Италија, а лидерот на италијанската опозиција, Матео Салвини, побара од владата да им ја објасни ситуацијата на милиони загрижени Италијанци.

Спортски настани и протести се откажани, а забрането е одење во кина, театри или музеи и собирање на други јавни места.

На сите оние кои ќе ја прекршат забраната за движење во Италија без да имаат добро оправдување, им се заканува затвор до три месеци со казна до 206 евра. Но, изгледа дека тие казни ќе бидат дополнително зголемени, пренесува „Кориере дела Сера“.


 
(0 гласови)

„ВМРО-ДПМНЕ се обврзува на обнова на македонското здравство.ВМРО-ДПМНЕ се обврзува на целосна обнова на здравството, со квалитетни реформи и мерки кои ќе обезбедат повеќе квалитет, повеќе задоволни граѓани, повеќе здравје за секого.Се обврзуваме на обнова која ќе значи изградба на капитален проект за воспоставување на национална мрежа на 4 нови клинички центри што ќе подразбира нов квалитет во македонското здравство“, соопшти партијата.

ВМРО-ДПМНЕ се обврзува за воспоставување на интегриран систем од 4 клинички центри и тоа:
Клиничкиот Центар „Мајка Тереза“.

„Универзитетскиот Клинички Центар „8 септември“, кој што практично планираме да го трансформираме во Клинички Центар кој е планирано да работи под административна капа на Клиничкиот Центар „Мајка Тереза“.Воспоставување на Универзитетска клиничка болница Штип што ќе опфати подигнување на нивото на сегашната болница.Воспоставување на Универзитетска клиничка болница Тетово.ВМРО-ДПМНЕ се обврзува дека со овие 4 центри здравството ќе стане подостапно за граѓаните и ќе се спасат повеќе животи.

Се обврзуваме да смениме голем дел од работите и проблемите кои се наталожувани со години и децении. Ветуваме многу работа, и достоинствени услови.По 12-ти април заедно ќе ги менуваме работите, и заедно ќе се избориме за обнова која ќе значи повеќе стандарди, повеќе услуги и квалитет во здравството, ќе значи повеќе за секого. По 12-ти април кога ВМРО-ДПМНЕ ќе ја формира владата ќе донесе обнова на државата врз основа на реални мерки. Обновата доаѓа и обновата победува“, се вели во соопштението на ВМРО-ДПМНЕ.

извор: Makfax

(0 гласови)

Официјално е потврдено дека Зоран Заев и Радмила Шеќеринска ќе бидат носители на листите на коалицијата предвоена од СДСМ на престојните предвремени парламентарни избори.

Листите ќе бидат предводени од маж и жена почитувајќи се правото на родова еднаквост но места ќе има и за сите други коалициски партнери посочи Заев откако и ЛДП официјализираа дека повторно ќе коалицираат со сцијал- демократите. Сепак од Бихаќка не откриваат во која изборна единица Шеќеринска ќе ја предводи кандидатската листата. За останатите имиња за кои се шпекулираше во јавноста меѓу кои и Мила Царовска , Оливер Спасовски, Венко Филипче не откриваат детали и велат на конгресот веќе се ќе биде познато.

Лидерот на најголемата опозициска партија ВМРО ДПМНЕ Христијан Мицковски пак со порака до Заев дека е како што рече дволично да се бори и за премиерската фотеља а во исто време да не се откажува ниту од пратеничкиот мандат. Во насока на досегашните изјави за шпицен кандидат но и по шпекулациите дека можеби и тој ќе се најде како носител на листа , по денешната изјава на Мицковски голема е веројатноста неговото име и воопшто да не се најде на кандидатските листи.

Во јавноста пак неофицијално веќе излегоа имињата на носителите на листите на ДУИ. Али Ахмети ќе ја предводи 6 ката, Талат Џафери ќе ја предводи 5 тата изборна единица, Изет Меџити ќе биде носител во единицата, министерот за образование Арбр Адеми во двојка, а Беким Незири во 3 тата изборна единица.

Вкупно 14 кандидати за пратеници за претстојните избори номинираше Беса, на состанокот на Централното собрание на партијата во Тетово.

Лидерот на Беса Билал Касами е номиниран за пратеник во шестата изборна единица, каде што се очекува тој да биде и носител на листа на коалицијата предводена од СДСМ. За оваа изборна единица, Беса излезе со дури девет номинации за заедничката листа со СДСМ, која треба да брои вкупно 20 кандидати. Покрај Касами, во оваа ИЕ е номиниран и досегашниот пратеник Фадил Зендели.

Во првата ИЕ Беса го номинира двајца кандидати, меѓу кои е и потпретседателот на партијата Кастриот Реџепи. Двајца кандидати се предложени и за „двојката“, меѓу кои е Басри Бајрами, поранешен градоначалник на Арачиново од редовите на Нова демократија – партијата што ја предводеше Имер Селмани. Во петтата ИЕ единствена кандидатка е Мелинда Решиди.

Алијансата и Алтернатива се уште ги прават последните анализи, иако од таму веќе се поизвесно е дека Села изборите ќе ги трча во 6 ката против Ахмети, Касами, но и Тачи. Гаши пак најверојатно ќе биде во двојката.

Она што исто така е познато дека нзависни пратенички листи нема да има откако истече рокот и не беа собрани потребните потписи .

Партијата на пензионерите пак продолжува во коалиција со СДСМ.

 
(0 гласови)

Италијанците во обид да ја избегнат епидемијата на коронавирусот во северниот дел на земјата синоќа се снимени како трчаат кон возови, само неколку часа пред да започне големата изолација во тој дел од земјата.

Во видеото, кое на социјалните мрежи го објави Матео Салвини, лидер на Лигата и поранешен италијански вицепремиер, се гледа сцена снимена на железничката станица во Милано Порта Гарибалди каде стотици патници со багаж брзаат кон возови откако синоќа беше објавена вест за планираниот карантин. 

„Милано, Порта Гарибалди: маса на луѓе во доцните вечерни часови брзаат кон последниот возови кои ја напуштаат Ломбардија, по нацрт-декретот за коронавирусот што го издаде Владата“, напиша Салвини. 

Италијанскиот премиер Џузепе Конте потпиша наредба со која до 3 април се во карантин Ломбардија и уште 14 провинции, во кои живеат повеќе од 15 милиони луѓе. Ломбардија, чија финансиска престолнина е Милано е најбогатиот и најнаселен регион во Италија.

 

(0 гласови)

Цената на нафтата за само едне ден падна повеќе од 30 проценти на глобалниот пазар како резултат на коронавирусот, предизвикувајќи вистински хаос на светските берзи.

Според „Фајненшал тајмс“, на самиот почеток на тргувањето, цената на барелот на лондонскиот пазар падна за повеќе од 14 долари, или од 31,5 проценти, на 31,02 американски долари.

На американскиот пазар цената на барел се намали за 32 проценти на 28 американски долари.

Во петок, денот се затвори со цена од 45,27 долари, а од недела до понеделник цената се спушти во просек на 32 американски долари, што претставува пад од над 30 проценти за една ноќ.Во исто време, нафтата падна од 55 долари на 32 долари за седум дена. 

Ваков драматичен дневен пад на цените на нафтата не е регистриран уште од јануари 1991 година, кога започна првата војна во Заливот и кога цените паднаа за 33 проценти. 

Драстичниот пад на цената на нафтата на најниско ниво од февруари 2016 година е резултат на одлуката на Саудиска Арабија, најголемиот светски извозник на нафта, да ја казни Русија, вториот најголем светски производител на нафта, што не се согласи во петокот на предлогот на ОПЕК за понатамошно намалување на производството. 

Организацијата на земјите извознички на нафта (ОПЕК) и нејзините доскорешни сојузници, предводени од Русија, долго време се придржуваа кон договорите за намалување на производството за 1,7 милиони барели на ден со што би се поддржале цените на нафтата, кои се под притисок поради преголемото производство. 

Во последниве недели, тие беа под дополнителен притисок поради стравувањата дека ширењето на коронавирусот ќе ја забави глобалната економија и со тоа и побарувачката за нафта. 

Но, Русија не се согласи на дополнително намалување, туку побара да се остане на постоечкиот договор за ограничување на производството за 1,7 милиони барели на ден.

  Поради ова, Саудиска Арабија започна да ја намалува продажната цена на нафтата за испораката во април, на сите купувачи за 6 до 8 долари.

 

(0 гласови)

Денеска пристигнаа првите 9 од планираните 27 повратни вендинг машини за пластични и стаклени шишиња набавени од ЈП Паркинзи на Општина Центар кои локациски ќе бидат поставени низ целата територија на општина Центар.

Центарци наскоро ќе го започнат светскиот тренд во рециклирањето и ќе се вклучат во процесот на селективно одложување отпад со цел да придонесат во одржување на јавната чистота и да обезбедат здрава и чиста животна средина во општината. За секое рециклирано шише жителите на општина Центар кои ќе се вклучат во овој процес ќе добијат 1,5 денари на новата платежна картичка „Green Pay Card“ која ќе биде пуштена во употреба по поставувањето на машините. Со оваа картичка тие ќе имаат можност да купуваат со попуст во одредени маркети, продавници, локали и слично или да плаќаат за услугите кои ги нуди претпријатието.

До крајот на 2020 година ќе бидат поставени уште 18 повратни вендинг машини кои ќе бидат обезбедени од Општина Центар.

(0 гласови)

Лидерот на СДСМ, Зоран Заев на денешната прес- конференција соопшти дека нема да оди на телевизиски дуел со неговиот противкандидат, лидерот на ВМРО-ДПМНЕ, Христијан Мицкоски на телевизија „Алфа“.

Тој добил покана за да оди на дуелот за на 12 март, но до денеска не одговорил. Откако новинарот на„ Алфа“ го праша дали ќе ја прифати поканата за дуелот, Заев ги праша членовите на партијата кои се присутни на сите прес – конференции на лидерот. По негодувањата на членството, Заев кажа дека го слуша народот и дека нема да учествува на дуелот.

Од новинарите доби забелешка дека поради членовите кои се присутни на прес-конференции, немаат услови за одговори на нивните прашања, Заев порача дека тоа е прашање за неговиот тим за односи за јавност и ја прифати забелешката.

Сепак, потоа рече дека ќе размисли за поканата на телевизијата по информациите објавени во словенечките медиуми дека пари од Унгарија завршиле во неколку македонски медиуми, меѓу кои и телевизија „Алфа“.

(0 гласови)

Поранешниот пратеник Сафет Бишевац оценува дека  случајот Рекет ќе одземе дел од гласовите на владејачката СДСМ, Бишевац. Според него, овој случај е производ на едно владеење.

– Апсолутно ќе има влијание и треба да има влијание. Рекет е производ на едно владеење. Очигледно е дека институциите без разлика какви се дали урнисани или не, не си ја работеле работата како што требало, па макар и во најмал облик. Невозможно е да очекувате да створите една таква атмосфера фрлајќи ја вината само на две личности, од кои едната е симбол на надеж и право и правда во државата. Второто кое што сметам дека ќе има сериозно влијание во губење на рејтингот на власта иако тоа ни стана секојдневие е што сериозни политичари не може да си дозволат да велат, денеска одлуката за преименување на училиштата во Чаир е незаконска и да ги повикуваат институциите да ги поништат, а утре преку Фејсбук статус ќе изјавите дека се направени темелни проверки на правни тимови и дека одлуката е законска. Сериозен и одговорен политичар ако не го знае одговорот тогаш ќе кажа ќе проверам, ќе видиме, ќе одлучиме и ќе го соопштиме ставот, а не вака, додаде Бишевац

(0 гласови)

ВМРО ДПМНЕ се обврзува на зголемување на средствата во образованието од 3.7% на 5% од БДП. По победата на 12-ти април следуваат пакет мерки за квалитетно образование и целосна обнова на Република Македонија, истакнуваат од партијата.

Најголемата опозициска партија пред граѓаните се обврзува на обнова која ќе донесе повеќе пари во образованието.

Покачувањата на стапката од 3.7% на 5% ќе овозможи спроведување на неопходните вистински, а не само декларативни реформи во образованието. ВМРО ДПМНЕ се обврзува на обнова која ќе овозможи најмалку еден Универзитет во првите 1.000 според Шангајската листа за квалитет. Идната владата на ВМРО-ДПМНЕ се обврзува на обнова која ќе донесе намалување на ДДВ од 18 на 5% во културата. Ова ќе се однесува за уметнички дела, за организирање на културни настани – продажба на билети, за изнајмување на простор, за организирање на културни настани во институциите од културата, а ќе придонесе и за стимулација на самоодржливоста на институциите. ВМРО ДПМНЕ се обврзува на обнова која ќе опфати изградба на нови театри во Прилеп, Охрид и Скопје. Конечно Прилеп и Охрид ќе добијат комплетно нови театарски згради, а Скопје уште една нова современа зграда за театар, се наведува во соопштението од партијата.

Оттаму истакнуваат дека ВМРО-ДПМНЕ се бори за повеќе за секого во државата.

На 12-ти април следува победа на ВМРО-ДПМНЕ и сите граѓани на Република Македонија. Заеднички со народот ќе се избориме за обнова на Република Македонија и целосна реализација на проектите и мерките од програмата на ВМРО-ДПМНЕ, нагласуваат од партијата.

Top