(0 гласови)

Иранскиот претседател Хасан Рохани, изјави дека Иран и слободните земји од регионот ќе им се одмаздат на САД за смртта на иранскиот генерал Касем Сулејмани.

„Нема никаков сомнеж дека големата земја Иран и другите слободни земји од регионот ќе и се одмаздат на криминалната Америка за ова ужасно убиство“, рече Рохани.

Тој додаде дека маченичката смрт на Сулејмани двојно ќе ја зголеми одлучноста на Иран да му се спротивстави на американскиот експансионизам и да ги заштитува нашите исламски вредности.

(0 гласови)

Вашингтон и Техерен се многу блиску до нова војна. Белата куќа соопштила дека американскиот претседател Доналд Трамп го наредил воздушниот напад со дронови во кој во раните утрински часови  е убиен иранскиот генерал Касем Сулејмани.

Генералот Сулејмани кој ги водел иранските воени операции во Ирак и Сирија загинал додека локалните сојузници го возеле од аеродромот кон Багдад. Во нападот со дронови на американската војска исто така е убиен и заменик шефот на ПМУ Абу Мајхди ал Мухадес, близок соработник на Сулејмани кој важеше за вториот најмоќен човек во Иран.

-Генерал Сулејмани активно ги развивал плановите за напади на американските дипломати и припадници на службите во Ирак и поширокиот регион. Овој удар имал за цел да ги прекине иранските планови за напад. САД ќе продолжат да ги превземаат сите неопходни мерки за да го заштитат нашиот народ и нашите интереси, каде било и да се наоѓаат во светот, стои во соопштението на Пентагон издадено по нападот.

Иранскиот министер за надворешни работи, Џавад Зариф, го нарече денешниот американски напад во Багдад „акт на меѓународен тероризам“, објавувајќи дека САД „ја сносат одговорноста за сите последици од својот одметнат авантуризам“.

 

(0 гласови)

Зоран Заев потпиша неотповиклива оставка по што од Собранието информираа дека претседателот Талат Џафери ја примил и во текот на денот ќе закаже седница за избор на техничка влада.

Согласно договорот од Пржино, во Законодавниот дом ќе треба да се изберат технички министри кои ќе работат на спроведување на изборите. Договорот предвидува премиерот да се повлече од функцијата 100 дена пред изборите од датумот на одржување, а тоа значи дека изборите треба да се одржат на 12 април.

Актуелниот министер за внатрешни работи, Оливер Спасовски, ќе биде технички премиер. Претседателот Стево Пендаровски треба да му го врачи мандатот за вршење на функцијата, по завршување на сите собраниски процедури.

Во преодната влада ќе бидат и Мила Царовска, која ќе биде вицепремиер за економски прашања, Славјанка Петровска ќе биде заменик-министер во МВР, а Санела Шкријељ во Министерството за труд и социјална политика.

ВМРО-ДПМНЕ ќе го земе Министерството за внатрешни работи, каде, пак, технички министер ќе биде Наќе Чулев. Техничка министерка за труд и социјална политика ќе биде Рашела Мизрахи, а, пак, Гордана Димитриеска-Кочоска е кандидат за заменик-министер за финансии. Министерството за земјоделство ќе го раководи Цветан Трипуновски, а министерка за информатичко општество и администрација ќе биде Невенка Стаменковска-Стојковски.

(0 гласови)

Зоран Заев потпиша неотповиклива оставка по што од Собранието информираа дека претседателот Талат Џафери ја примил и во текот на денот ќе закаже седница за избор на техничка влада.

Согласно договорот од Пржино, во Законодавниот дом ќе треба да се изберат технички министри кои ќе работат на спроведување на изборите. Договорот предвидува премиерот да се повлече од функцијата 100 дена пред изборите од датумот на одржување, а тоа значи дека изборите треба да се одржат на 12 април.

Актуелниот министер за внатрешни работи, Оливер Спасовски, ќе биде технички премиер. Претседателот Стево Пендаровски треба да му го врачи мандатот за вршење на функцијата, по завршување на сите собраниски процедури.

Во преодната влада ќе бидат и Мила Царовска, која ќе биде вицепремиер за економски прашања, Славјанка Петровска ќе биде заменик-министер во МВР, а Санела Шкријељ во Министерството за труд и социјална политика.

ВМРО-ДПМНЕ ќе го земе Министерството за внатрешни работи, каде, пак, технички министер ќе биде Наќе Чулев. Техничка министерка за труд и социјална политика ќе биде Рашела Мизрахи, а, пак, Гордана Димитриеска-Кочоска е кандидат за заменик-министер за финансии. Министерството за земјоделство ќе го раководи Цветан Трипуновски, а министерка за информатичко општество и администрација ќе биде Невенка Стаменковска-Стојковски.

(0 гласови)

Три месеци по парламентарните избори на кои победи Народната партијата на досегашниот премиер Себастијан Курц постигнат е договор за формирање коалициска влада. Во неа, наместо радикално десничарската Слободарска партија како партнер влегува Партијата на Зелените, која беше четвртопласирана на изборите. Зелените прв пат во својата историја ќе станат дел од власта во Австрија.

Според договорот, во Кабинетот на Курц кој ќе има 15 министри, со четири ресори ќе раководат претставници на Партијата на Зелените. Министерството за правда ќе го предводи беглката од Босна, Алма Задиќ.

Задиќ е родена во Тузла и за време на воениот виор, во 1994 година. Како десетгодишно девојче со родителите избегала во Виена. Таму завршила Правен факултет, а потоа заминала за Њу Јорк и студирала на Универзитетот Колумбија.

Во 2017-та таа е избрана за пратеник во австрискиот парламент. Тогаш порача дека нејзиниот влез во парламентот не е важен само за неа, туку и за сите луѓе кои не се родени во Австрија, кои дошле во оваа земја, особено оние од Босна и Херцеговина и од поранешна Југославија.

Во парламентот таа честопати беше мета на ксенофобични и сексистички напади од преставниците на тогаш владејачката екстремистичка Слободарска партија а истото се случува и по објавувањето на нејзината номинација за министерка.

Австриските медиуми пишуваат дека ја чека исклучително тешка задача бидејќи во секторот нема да ја дочекаат со раширени раце, особено затоа што таа како пратеник постојано ја критикувала работата на обвинителството, посебно на одделот за стопански криминал и корупција.

(0 гласови)

Основното јавно обвинителство Кочани поведе постапка против 66-годишниот жител на Виница за полов напад врз дете кое не наполнило 14 години.

Од Обвинителството информираат дека осомничениот го искористил претходното познанство со детето, па во ноември 2019 година го намамил во помошна просторија на станбена зграда каде го извршил кривичното дело. Потоа тој му дал парични средства на детето за да молчи.

Осомничениот го повторил половиот напад врз детето на 31 декември, по што било откриено кривичното дело и осомничениот е приведен.

Јавниот обвинител оцени дека постојат околности што укажуваат на бегство на осомничениот, страв дека осомниченот ќе ги сокрие трагите од кривичното дело и ќе го повтори делото, па во насока на обезбедување непречено водење на кривичната постапка до судија на претходна постапка во Основниот суд Кочани достави предлог за определување на мерка притвор против осомничениот.

Основниот суд Кочани на осомничениот му определи мерка притвор во траење од 30 дена.

(0 гласови)

Избори ќе има на 12-ти април, и по 3-ти јануари Владата ќе биде техничка, изјави министерот Спасовски. Според него, опозицијата ќе мора да предложи ново име за министер за внатрешни, зашто Уставот мора да се почитува. Нема реакција од ВМРО-ДПМНЕ, освен познатиот став во корист на полковник Ковачки...

Министерот за внатрешни работи Спасовски, кој треба да ја преземе функцијата премиер во техничката влада, изјави дека мора да се почитува Уставот. Владата ќе функционира од 3-ти јануари, а изборите ќе се одржат на 12-ти април, рече Спасовски. На новинарско прашање дали очекува нов предлог од опозицијата за министер за внатрешни тој одговори потврдно.

„Мислам дека тоа ќе го направат и заеднички ќе влеземе во таа преодна влада која треба да ги заврши сите овие процедури до изборите. Подготвени сме да продолжиме со таква динамика и со посветеност да работиме за граѓаните во предизборниот период, затоа што Македонија не смее да си дозволи да се стопираат проектите и да има застој во реформите. Напротив треба енергично, цврсто да газиме напред заради граѓаните и иднината на Република Македонија“, изјави Спасовски.

Непроменет е ставот на ВМРО-ДПМНЕ за Драган Ковачки, армискиот полковник да раководи со овој ресор. Повторуваат се ќе се разјасни в четврток. Доколку се формира преодната влада и Спасовски го добие мандатот од претседателот Пендаровски.

Спикерот Џафери изборите треба да ги распише на 11-ти февруари, а Собранието да биде распуштено на 12-ти февруари.

(0 гласови)

Добитник на премијата на новогодишната лотарија во Турција и не бил толку голем среќник со оглед на тоа што не се јавил навреме за да ја преземе наградата па добивката веднаш била поништена.

Како што пренесуваат од „Dauly sabah“, добитникот на наградата од 70 милиони турски лири (повеќе од 11 милиони евра), не се појавил пред рокот за подигнување на наградата кој истекол на 31-ви декември 2019-та година во 17 часот па парите биле вратени во турското Министерство за финансии.

Мистериозниот добитник предизвикал голема љубопитност во јавноста на Турција и бил на сите насловни страници во весниците затоа што не се одзвал на јавните повици да ја подигне наградата која била извлечена на 31-ви декември 2018-та година.

 

Според зборовите на официјалните лица од државната турска лотарија тоа е првпат добитник да не ја подигне својата награда.

Тие велат дека добитникот нема повеќе право да ја подигне наградата.

Премијата на новогодишната турска лотарија за 2019-та година изнесувала 80 милиони турски лири (околу 13.5 милиони евра). 

(0 гласови)

Две лица беа убиени во црква во Вајт Сетлмент во американската сојузна држава Тексас, а еден од нив е напаѓачот.

До вооружениот напад дошло во околу 11:30 часот по локално време, а надзорните камери го снимија инцидентот. Инаку, сето тоа се пренесувало во живо и на YouTube, па многу луѓе можеле да го видат нападот во живо на интернет

На видеото подолу може да се види како човекот започнува да пука додека сите седат мирно, по што сите потоа се наведнуваат под клупите. Набрзо потоа напаѓачот бил совладан, односно застрелан од обезбедувањето.

Засега не е познат мотивот за нападот во црквата во Тексас.

(0 гласови)

Американците им предале информации на Русите дека се подготвува терористички напад за Нова година во Санкт Петербург, соопштија од Федералната служба за безбедност на Русија.

Руската служба соопшти дека по добиените информации од своите американски колеги, била изведена полициска акција во која биле уапсени двајца руски државјани под сомнение дека подготвувале терористички напад.

Како што пренесуваат руските медиуми, претседателот на земјата, Владимир Путин му се заблагодарил на Доналд Трамп за информациите со кои бил спречен потенцијален новогодишен масакр во рускиот град.

Инаку, познато е дека податоците биле проследени преку тајните канали на специјалните служби, но повеќе детали околу ова не се откриени.

Од Кремљ соопштија дека претседателите на двете држави, Доналд Трамп и Владимир Путин во телефонскиот разговор се согласиле дека САД и Русија ќе ја продолжат соработката на полето на борбата против тероризмот.

Телефонскиот разговор бил одржан на иницијатива на рускиот претседател Владимир Путин.

Top