Договор за Брегзит постигнат е денеска во Брисел, јавува Гардијан. Тоа го потврди и Борис Џонсон на Твитер. 

Добивме нов договор кој ја враќа контролата, сега би требало Парламентот во сабота да направи Брегзит како би можеле да поминеме на други приоритети како што се трошоците за живот, НХС, насилниот криминал и нашето опкружување – напиша Џонсон.

Се огласи и претседателот на Европската комисија Жан Клод Јункер.

Таму кај што има волја, има и договор, го имаме!Тоа е правичен и урамнотежен договор за ЕУ и Велика Британија и тоа е доказ на нашата посветенсот за пронаоѓање решенија.

Џонсон претходно ветуваше дека ќе ја изведе земјата од ЕУ во рокот, кој го зацрта, 31 октомври.

Македонската влада денеска се огради од својата поранешна  советничка Ивана Јордановска  која на Твитер упати навредливи пораки до претседателот на Франција, Емануел Макрон откако тој изјави дека се уште не е време Македонија да почне преговори со ЕУ. Од Владата велат дека Јорановска не е во владата од лани во август и оти нејзните ставови се лични.

“Ивана Јордановска не е вработена во Владата одавгуст 2018. Изнесените ставови може да бидатсамо нејзини лични мислења и никако не гиизразуваат и не смее да се поврзуваат со

ставовите и политиките на Владата.Владата не поддржува и осудува говор на омраза
во која била форма”, напиша портпаролот на Владата во реакцијата.

Владата се огради од поранешната советничка што го навреди Макрон

Писмото на американскиот претседател, Доналд Трамп, врачено на турскиот претседател, Реџеп Таип Ердоган, заврши во канта за отпадоци, пишува „Би-би-си“, повикувајќи се на неименувани извори од кабинетот на турското претседателство.

-Претседателот Ердоган го доби писмото, воопшто не го прифаќа и го фрли во канта“, брифираат за Би-Би-Си.

Во писмото, датирано од 9 октомври, а испратено по повлекувањето на американските сили од Сирија, Трамп му порача на Ердоган да „не биде опасен и луд“.

Првиот човек на САД, во писмото пратено на денот кога почна турската офанзива на североистокот на Сирија, го предупреди Ердоган дека во случај состојбата во Сирија да не се реши на хуман начин, во историјата ќе остане запаметен како ѓавол.

Унгарскиот премиер кој се соочува со сериозен политички удар во својата земја, одлучи да ја врати довербата на гласачите со тоа што ќе им покаже мускули на бегалците.

Унгарија ќе мора да примени сила на својата јужна граница со Србија за да ги заштити границите на Европската унија доколку Турција ја оствари заканата дека ќе ги отвори вратите за бегалците, порача Виктор Орбан.

Орбан изјави дека моментално околу 90 илјади луѓе се обидуваат да пристигнат во земјите на Европската унија преку „Балканската рута“, додавајќи дека нивниот број набрзо ќе порасне на 100 илјади.

 

„Доколку Турција пушти дополнителни стотина илјади мигранти, ќе мораме да употребиме сила за да ги заштитме унгарските граници“, порача унгарскиот премиер Виктор Орбан.

Орбан меѓу другото предупреди дека моменталната ситуација во Сирија, каде што турската армија врши воени операции би можела да има последици и по Унгарија, чии што граници воедно се и граници на Европската унија.

Кина е втор по важност пазар за американската кошаркарска НБА лига, а од Пекинг зависи и висината на платата која ја добиваат играчите.

Политиката и спортот, за жал, веќе одамна се длабоко поврзани, а кога во сето тоа ќе се вмешаат и парите, поточно милијарди долари од спортски договори и права на пренос, секој погрешен чекор може да резултира со катастрофални последици.

Токму еден таков „погрешен чекор“, односно порака напишана на социјалната мрежа Твитер, преку ноќ стана исклучително скап и опасен избор на зборови во спортско-корпоративна Америка која пред целиот свет капитулираше пред заканата од Кина.

 

Колку еден Твит може да ја чини најсилната кошаркарска лига на светот?

Поддршката на граѓаните на Хонгконг која на својот профил на Твитер неодамна ја објави директорот на НБА екипата Хјустон Рокетс, Дерил Мори го навлече гневот на официјален Пекинг, а набрзо потоа предизвика и хаос со масивни финансиски последици.

„Борете се за слобода и бидете со Хонгконг“, напиша првиот човек на Хјустон Рокетс, па Кина веднаш одлучи да прекине да ги пренесува НБА натпреварите на својот огромен пазар, со што најсилната кошаркарска лига на светот ќе остане без дури 4 милијарди долари по сезона!

Се чини дека Мори залудно го избриша Твитот и се извинуваше - кинеските партнери на НБА лигата ги прекинаа сите врски, државната телевизија го прекина емитувањето на предсезонските натпревари, а влдата од Пекинг остро порача дека НБА треба да покаже „достојно почитување“.

 

Кина за НБА лигата е втор пазар по важност, а заработката од правата за телевизиските преноси е огромна. Колку оваа комунистичка земја има пресудно капиталистичко влијание сведочи фактот што после спорниот Твит на првиот човек на Хјустон Рокетс, предвидувањата за "Salary Cap" веднаш опаднаа - станува збор за ограничување на вредноста на договорот кои секој НБА тим може да им го понуди на своите играчи.

Американско „демократско“ лицемерие

Дека многу полесно е да му се пркоси на Трамп отколку на кинеските „комунисти“ најдобро покажува односот на тренерската легенда Грег Попович кој американскиот претседател во една прилика го нарече „импотентна кукавица“.

Попович и неговиот подеднакво критичен колега Стив Кер молчат, а кога новинарка на „СиЕнЕн“ неодамна побара коментар за „кинеската афера“ од играчите на Хјустон Рокетс, Џејмс Харден и Расел Вестбрук, портпаролот на клубот практично со телото ѝ го покри микрофонот.

 

Можеби и најголемата ѕвезда во лигата, Леброн Џејмс, инаку познат по својата „чувствителност“ на социјалната и општествена неправда, дури и го критикуваше шефот на Рокетс, нарекувајќи го лошо информиран за ситуацијата во Хонгконг, каде што инаку демонстрантите бараат повеќе демократија и протестираат против владата која планираше да донесе закон за екстрадиција на нивни граѓани во Кина.

„Сите имаме слобода на говорот, но во чувствителните моменти мораме да внимаваме да не им наштетиме на луѓето, не само финансиски, туку и емоционално, духовно“, изјави Џејмс веројатно мислејќи на сопствениот џеб со оглед на тоа што кошаркарите би можеле да добиваат помали плати во иднина.

НБА потроши многу години и милиони долари за да се пробие на кинескиот пазар и да го достигне досегашниот статус. Според аналитичарите, Кина има удел од 10% од приходите на НБА лигата, а до 2030-та година тој удел требаше двојно да се зголеми.

Германската канцеларка Ангела Меркел нагласи дека Македонија и Албанија треба да добијат датум за почеток на преговори со Европската унија, но конечно и призна дека шансите за тоа не се добри.

Пред почетокот на самитот на лидерите на Европската унија во Брисел, канцеларката се обрати во германскиот парламент и проговори за проширувањето на Европската унија со Македонија и Албанија.

Според германската канцеларка, на Европската унија ѝ се исплати на Македонија и Албанија да им се даде европска перспектива и од Бундестагот порача дека двете земји заслужуваат да го добијат датумот за преговори.

„Мораме да опстоиме на дадените ветувања кон овие две земји. Ние имаме одговорност кон нив и мислам дека се исплаќа да им се даде европска перспектива на Македонија и Албанија. Во меѓувреме се изградени мостови кон ЕУ партнерите, кои сѐ уште имаат задршки за почетокот на пристапни преговори со Македонија и Албанија и инсистираат на поголема транспарентност на процесот на проширување. Сепак, шансите за постигнување согласност на самитот на Европската унија не се добри“, порача германската канцеларка Ангела Меркел.

 

Оваа изјава на Меркел следува по вчерашната средба со францускиот претседател Емануел Макрон кој најверојатно нема да попушти и да се согласи за доделување на датум за преговори.

Меркел изјави ја поддржува желбата на Французите за реформа на процесот на проширување на Европската унија, но исто така нагласува дека мора да се исполнат ветувањата на Брисел кон Скопје и Тирана.

Грција успеа да слави против Босна и Херцеговина на синоќешниот натпревар во рамките од евроквалификациите со 2:1 со што дефинитивно ги уништи надежите на избраниците на Роберт Просинечки за пласман на континенталниот собир.

По натпреварот во еден од хотелите се одвивало трето полувреме откако хулигани, навивачи на АЕК со пиштоли и безбол палки упаднале на терасата каде биле сместени неколку навивачи на Босна и Херцеговина.

40-тина домашни фанови почнале да ги малтретираат гостите, а еден од навивачите добил и удар во пределот на лицето.

Завчера инцидент режираа хулиганите од Бугарија кои со расистички испади ги нападнаа фудбалерите на Англија, а вчера се случи и овој немил инцидент во Грција.

Повеќе од 100 припадници на специјалната единица на косовската полиција РОСУ со 25 оклопни возила и џипови утринава околу 5 и 50 часот влегле на северот на Косово, при шти биле уапсени двајца Срби во врска со убиството на политичарот Оливер Ивановиќ, пренесува „Танјуг“. Српските полициски власти велат дека упадот бил брутален и спротивен на сите прописи и резолуции.

Српските медиуми пренесуваат дека акцијата не била најавена, а два часа откако почнала се огласила косовската полиција и соопштила дека во раните утрински часови на северот на Косово спровела акција во врска со убиството на Оливер Ивановиќ.

(Телевизијата „Клан Косова“ објави видео за кое се наведува дека е од акцијата на РОСУ)

„Полициската акција е изведена врз основа на налог за претрес од Основниот суд, Посебно одделение, а која резултираше со апсење на осомничениот полицаец Р.Б.“, се наведува во соопштението.

Полицијата додала дека се трага по уште еден осомничен полицаец, а дека е уапсено уште едно лице кај кое е пронајдено оружје.

Акцијата завршила околу 8 часот, по што косовската единица се повлекла јужно од реката Ибар.

„Танјуг“ пренесува дека двајцата Срби се уапсени по наредба на Специјалниот суд во Приштина. Едниот од нив е полициски истражител на северот на Косово, Раде Басара, кој ја водел истрагата за убиството на Оливер Ивановиќ и за кого постои сомневање дека ги криел доказите. Вториот осомничен полицаец, кого полицијата не го пронашла, е командант на косовската полиција за северот на Косово, Жељко Бојиќ.

Директорот на Канцеларијата за Косово и Метохија, Марко Ѓуриќ, рекол дека синот на Бојиќ бил одведен во непознат правец.

Според него, специјалците на РОСУ биле вооружени до заби, а целта била, како што рекол, криминализација на Србите и план да се обвинат за убиството на Ивановиќ. Тој рекол дека упадот на РОСУ бил брутален.

Директорот на српската полиција, Владимир Ребиќ, рекол дека српската полиција во текот на ноќта имала сознанија дека приштинските власти ќе влезат на северот на Косово. Тој рекол дека Белград е спремен да реагира ако дојде до егзодус на српскиот народ, но уверен е дека меѓународната заедница нема да го дозволи тоа.

Тој рекол дека 24 блиндирани возила влегле на подрачјето на северот на Косово спротивно на сите прописи и резолуции.

Оливер Ивановиќ беше убиен на 16 јануари 2018 година. Тој беше лидер на Србите на Косово.

Министерите за надворешни работи на Европската унија се состанале денес во Луксембург за да ја договорат заедничката реакција на турската инвазија на североисточна Сирија, која е под контрола на курдските сили.

Но, според извештаите од Брисел, заедничка осуда на турската офанзива блокираат две земји членки. Една од нив, Велика Британија, е на излез од ЕУ. Другата држава - е Хрватска. 

Така барем известил дописникот на AFP од Брисел, Дамон Вак, повикувајќи се на неименувани извори.

"Изворот вели дека Велика Британија и Хрватска моментално ја блокираат заедничката изјава на ЕУ, со која се осудува турската офанзива, приговарајќи на зборот "осуда". Причините зошто, не се јасни", напишал тој на Твитер.

Тој додал дека разговорите траат и дека се очекува промена, но друг извор тврди дека "Германија заедно со Британија не сака да преземе силна акција".

 

Како што јавува "DW", на маса се и санкции, вклучувајќи ембарго на извоз на оружје, кое веќе го вовеле, Германија, Холандија, Шведска, Финска и Франција.

Францускиот претседател Емануел Макрон и германската канцеларка веќе на заедничка прес-конференција ја осудиле турската акција. "Имаме заедничка желба оваа офанзива да заврши", рекол Макрон.

Како што вели дописникот од AFP причините за скандалозното блокирање на осудата од страна на Хрватска и Британија засега не се познати.

 

На албанската телевизија "Top Channel" е објавено видео на кое е снимен македонскиот заменик министер за здравство, Асим Муса како прима мито.

Новинарот од истражувачката емисија „Фикс Фаре“ на албанската телевизија, пред заменик министер за здравство Муса се претставува како пациент на кој треба да му биде извршен оперативен зафат на простата.

По нивната средба во Институтот за нефрологија во Струга, заменик министерот и „пациентот“ се договараат кога да биде извршена операцијата, по што Муса бара 1000 евра мито и прима 50 евра аванс.

Top