(0 гласови)

Рекордно намалување на цените на бензините и на дизелот од ноќеска на полноќ. Бензините ќе се намалат за седум и пол денари, а дизелот за шест денари за литар. Намалувањето е резултат на драстичниот пад на цената на суровата нафта на светските берзи поради новонастаната ситуација со коронавирусот.

-Со оваа одлука покажавме дека нашата методологија функционира и во пракса и е целосно ориентирана кон потрошувачите. Цената на безините 95 и 98 се намалуваат за 7,5 денари, а на дизелот за шест денари. Ова е пониско од рекордното намалување есента 2008 година кога цената на бензините се намали за седум денари, а на дизелот за 5,5 денари, изјави денеска претседателот на Регулаторната комисија Марко Бислимоски, додавајќи дека цената на бензините и на дизелот е пониска во однос на државите од регионот.

Бислимоски порача дека електроенергетскиот систем, системот за топлинска енергија и снабдувањето со вода се одвива непречено и оти нема никакви проблеми.

Регулаторната комисија за енергетика, како што истакна, ќе работи со дежурства и сите контакти со граѓаните ќе се одвиваат по електронски пат. Архивата на РКЕ ќе биде затворена, а граѓаните ќе можат дописите да ги доставуваат на соодветно обезбедено место или се препорачува тоа да го прават преку пошта.

(0 гласови)

Во Црна Гора и натаму нема потврдено случај на коронавирус, но и покрај тоа владата од Подгорица ги презема сите превентивни мерки.

Црногорските власти донесоа одлука за затворање на сите училишта, забранети се јавните собири, како и сите гранични премини кон соседите Хрватска, Босна и Херцеговина, Србија, Косово и Албанија.

Од црногорскиот Институт за јавно здравје е соопштено дека досега се тестирани 88 лица и сите резултати биле негативни.

„Под здравствено-санитарен надзор се 783 лица, од кои под надзор на Институтот за јавно здравје се 392 лица, а преостанатите се под надзор во другите општини“, изјави доктор Каролина Хајдуковиќ за црногорската државна телевизија.

Во рамките на превентивните мерки, покрај затворањето на училиштата и граничните премини, од денес во Црна Гора не работат угостителските објекти, трговските центри, детските игротеки, како и обложувалниците.

Исто така, во продажните објекти бројот на присутни е ограничен на 50 купувачи, а на пазарите до максимум 100 лица.

(0 гласови)

Шпанија воведе вонредна состојба, па во делумен карантин во наредните 15 дена ќе се најдат 47 милиони луѓе.

Коронавирусот убил 292 лица, а заразени се околу 8.000 граѓани. 

Во Шпанија е забрането движење и дозволено е да се оди само до најблиската продавница, аптека или здравствен центар, ако е неопходно. Сите останати ситуации се строго контролирани, а до граѓаните се апелира да работат од дома.

Децата не одам во училиште, но тоа не е проблем бидејќи училиштата имаат пристап до дигитални платформи.

Луѓето на почетокот како да не сакале да сфатат дека ситуацијата е сериозна. Имало граѓани кои излегувале, додека полицијата не ги известила дека треба да седат дома.

 

(0 гласови)

Двесте респираторни машини очекуваме од Кина како резултат на соработката со нивниот амбасадор кој ни ја понуди помоштта, изјави изутрината министерот за здравство Венко Филипче. Тоа е добра вест за Македонија.

Инаку, во моментот во државните јавно-здравствени установи имаме околу 115 респираторни машини за вештачко дишење од кои 85 се во Скопје. Околу 80 вакви машини има во приватни здравствени установи. Во постапка се и купување на нови.

-Оваа недела завршува постапката и стигнуваат уште 50, а има шанса да обезбедиме уште 50 за една недела до 10 дена. Очекуваме и 200 машини од Кина, рече министерот во емисијата „Утрински брифинг“.

Тој објасни дека ситуацијата со ширењето на корона вирусот е под контрола но и дека е можно секое сценарио. Според него, не е важно дали ситуацијата ќе се нарекува вонредна или кризна тука да се спроведуваат мерките кои, според него, во нашата земја се преземени благовремено.

-Имаме работа со вирус кај кој нема правила и има многу непознати. Излезе дека останува и на асфалт. Во Италија го наоѓале дури и на чевлите. Се пренесува од лице на лице, а се смета дека безбедна далечина е 1,5 метри до 2 метри. Заради тоа ги затворивме кафаните и рестораните и други вакви места, потенцира Филипче.

Тој додаде дека се покажало дека главни пренесувачи се младите луѓе.

-Во Италија многу луѓе беа носители на вирусот но немаа симптоми. Многу е веројатно и кај нас да имаме слично сценарио. Заради тоа е многу важно да се намали движењето и контакти, истакна Филипче.

(0 гласови)

,,Ако сега не се разболиме со коронавирусот , никогаш нема” ; велат лутите Американци , кои мора да ја почитуваат забраната на Трамп за прекин на сообраќајот со Европа и да се вратат дома пред крајниот рок, до утре.

Хаос денеска владее на најголемите аеродроми во САД бидејќи бројот на Американци кои се враќаат од европските земји погодени од коронавирус ја надминува можноста за вршење медицински тестови.

Фрустрираните патници се жалат на часови чекање во редици, гужви и нехигиенски услови и генерално нефункционирање на системот што треба да провери дали пред да влезат во САД можеби се заразиле.

„Ако досега не го добивме вирусот, сега имаме големи шанси да го добиеме“, изјави Ен Луис Шмит за Си-Ен-Ен, опишувајќи ја ситуацијата на меѓународниот аеродром О'Хара во Чикаго.

Аеродромите во САД се преплавени со Американци, од кои многумина се студенти откако претседателот Доналд Трамп донесе регулатива со која се наметнуваат патни ограничувања за Европа што стапи на сила во петокот на полноќ.

Соединетите држави во саботата ја проширија забраната за патување од 26 земји во Европа, Јужна Кореја и Кина и за  Велика Британија и Ирска, кои не беа дел од првичната забрана.

Само државјаните на САД и оние со легален престој можат да влезат во овие земји, но мора да поминат 14-дневен карантин.

Гувернерот на Илиноис, Џ.Б. Прицкер, рече дека метежот е неприфатлив и мора да се реши веднаш, во твитот упатен до Трамп и потпретседателот Мајк Пенс.

Градоначалничката на Чикаго, Лори Лејтфоут, исто така, беше критична: „Поради лошо планираната забрана за патување, илјадници патници се изложени на уште поголем ризик по здравјето“, твитна таа.

Слична состојба беше и  на Њујоршкиот аеродром ЏФК и на аеродромот во Далас.

Чад Волк, вршител на должноста министер за внатрешна безбедност, ги призна долгите линии и рече дека неговото министерство се обидува да го зголеми капацитетот за спроведување на медицинските тестови за коронавирус.

(0 гласови)

„Во Србија денеска имаме вкупно 48 заразени лица. Немаме смртни случаи, но нема сомнеж дека во наредните денови ќе се соочиме и со тоа”, изјави Вучиќ.

Во битката за постарите лица, како што рече Вучиќ, ќе бидат преземени најтешки мерки, а лицата постари од 65 години мора да останат во своите домови. Тој најави дека во наредните три дена полицијата ќе проверува колку мерката се почитува.

„Доколку мораме, во рок од 72 часа, ако прекршувањето е повеќе од 0,1 или 0,2 отсто, ќе се донесе обврзувачка одлука сите стари лица да останат во своите домови и нивните дворови доколку се во рурални области”, најави Вучиќ, и додаде дека сите оние кои не ја почитуваат наредбата за изолација, ќе се соочат со казна до три години затвор.

Тој упати апел до граѓаните без потреба да не купуваат прехранбени и санитарни производи, бидејќи Србија ги има сите потребни намирници.

(0 гласови)

Градоначалниците на американските градови Њујорк и Лос Анџелес објавија дека од денес се затвораат училиштата, градските ресторани, театрите, баровите и сите јавни места за да се спречи ширењето на коронавирусот.

Градоначалникот на Њујорк, Бил Де Бласио одлучи да воведе такви мерки затоа што градот се соочува со закана без преседан. Тој порача дека мора да се одговори на ситуацијата со „воинствен менталитет“.

Одлуката во „Големото јаболко“ ќе стапи на сила веќе утре во 9 часот наутро по локално време.

Сите ресторани, барови и кафетерии кои продаваат храна ќе можат да продолжат да го прават тоа само преку достава, а граѓаните ќе можат и лично да ја подигнуваат храната, но пред локалите.

Указот на градоначалникот на Лос Анџелес, Ерик Гарсети стапи на сила по полноќ по локално време, а забраната се однесува на сите центри за рекреација. Забраната ќе трае најмалку до 31-ви март.

Во Лас Вегас познатиот “MGM” донесе одлука привремено да ги затвори сите свои казина и хотели. Исто така и од “Disney” соопштија дека сите забавни паркови ќе бидат затворени од 17-ти март.

 

(0 гласови)

Денеска е првиот ден откако Министерството за образование и наука одлучи дека паметно ќе ги пренамени- во одредени часови – трите канали на јавниот сервис за настава на учениците по различните предмети. Денеска е предвидена програма за предшколска возраст, а кога точно и на кој канал дополнително ќе се утврдело.

-Почнувајќи од понеделник на трите канали на МРТ во соодветни термини во текот на денот за кои јавноста ќе биде информирана во најкус можен рок, наставници од основните училишта ќе реализираат скратени училишни часови на сите јазици на кои наставата се организира во училиштата во земјата. Оваа неформална едукација преку таканаречена ТВ училница ќе се реализира сé до повторното отворање на училиштата и градинките и нормално продолжување на формалниот воспитно – образовен процес на учениците и децата од претшколска возраст. Посебна работна група е задолжена и веќе го реализира планот за успешен почеток и тек на спроведување на иницијативата, се вели во соопштението од МОН.

Министерството апелираше до сите наставници доброволно да се вклучат во процесот. Инаку ова е пракса во Хрватска што земјата ја воведе минатата недела, но и во Албанија. Во втората земја наставниците се снимаа и на Јутјуб ди ставаа лекциите за своите ученици, па овие учеа.

(0 гласови)

Папата Франциско вчера го напушти Ватикан за да се помоли за починатите од коронавирусот во една црква во италијанскиот главен град Рим.

Првиот човек на Римокатоличката црква најпрвин ја посети познатата римска црква Санта Марија Маџоре, а потоа пешки се упати кон друга црква.

Папата сам шеташе низ пустите улици на Рим, а според фотографиите, верниците не му приоѓаа, затоа што и тие што се нашле во близина, брзале да купат намирници и веднаш да се вратат во своите домови.

 
 
(0 гласови)

Роберто Буриони е еден од првите италијански научници кои алармираа за епидемијата на коронавирусот, но на почетокот малкумина го слушаа. Сега, тој ја предупредува цела Европа да не ја прави истата грешка.

57-годишниот Буриони, професор по микробиологија на миланскиот Универзитет Сан Рафаеле е најпознатиот италијански виролог: „За жал, уште од времето на Цезар луѓето веруваат во тоа што сакаат да се случи“.

Откако Шпанија, Франција и Австрија тргнаа по стапките на Италија со воведување на драконски мерки и ограничување на движењето на населението, Буриони вели дека сега и цела Европа мора да го направи истото.

 

„Потребно ни е единство и заеднички пристап. Во спротивно, која е смислата на Европската унија?“, вели италијанскиот професор, додавајќи дека една земја може со остри мерки да го сузбие вирусот, но потоа повторно да стане заразена затоа што соседната земја не го сторила тоа.

Буриони најмногу се согласува со одважната изјава на германската канцеларка Ангела Меркел која порача дека со коронавирусот би можела да се зарази 60 до 70 отсто од популацијата.

 

Што се однесува со очекувањата дека топлото време ќе помогне во сузбивањето на коронавирусот, италијанскиот професор вели: „Немојте да се обложувате во тоа. За тоа едноставно уште ништо не знаеме“.

Пред да го стекне „нели ви реков“ угледот во Италија, овој професор беше позната фигура во земјата во јавната борба со противниците на вакцинирањето.

Top