(0 гласови)

Сакаме домашен карантин. Ништо друго. Само ние деветмина завршивме во касарната во Пепелиште. Кај се другите? Ова за ТВ 24 синоќа го изјавија членови на музичка група од Битола откако од Деве Баир биле донесени во изолација, карантин во касарната во Пепелиште. Властите вчера најавија дека тука ќе се сместат 200 македонски граѓани кои се враќаа од европските земји преку Дебе Баир.

Вчера властите информираа дека во касарната во Пепелиште во карантин ќе се сместат 200 македонски граѓани кои организирано од граничниот премин Деве Баир ќе бидат донесени во Пепелиште и под надзор ќе мора тука да поминат 14 дена. Тие претходно заглавија по аеродромите и граничните премини на средно ризичните европски земји според листата на Светската здравствена организација.

Пред да стигнат во касарната, министерката за одбрана Радмила Шекеринска беше во овој воен објект за да провери дали се е подготвено. „Ова ќе биде шанса, изолирано од останатиот дел на нашето население, да се направат првите проверки од страна на медицински лица и да се донесе одлука што понатаму“, напиша вчера на својот фејсбук профил министерката Шеќеринска.

Но, синоќа таму стигнале само деветмина. Тие велат дека сите други биле пуштени по дома, во изолација во домашен карантин.

Битолчаните во видео материјалот што сами го снимија велат дека условите во објектот биле катастрофални.

(0 гласови)

Претседателот на Белорусија, Александар Лукашенко, ги охрабрил своите сограѓани да одат на работа на село и да возат трактори како начин за надминување на епидемијата од коронавирусот.

Лукашенко во обраќањето до службениците на состанокот кој бил емитуван на телевизија, рекол дека "не треба да има паника околу вирусот". 

"Само мора да се работи, посебно сега, на село. Убаво е да се види на телевизија како луѓето работат со трактори и никој не го споменува вирусот. Тракторот ќе ги излечи сите. Полињата ќе ги излечат сите", нагласил Лукашенко.

Белоруското Министерство за здравство претходно соопштило дека бројот на пациенти кои биле позитивни на тестот за коронавирусот пораснал на 36.

 

(0 гласови)

Францускиот претседател Емануел Макрон изјави дека надворешните граници на Европската унија ќе бидат затворени во следните 30 дена поради ширењето на коронавирусот.

Во обраќањето до граѓаните, второ во последните четири дена кое го пренесуваа сите главни телевизиски станици ширум земјата, францускиот претседател порача дека локалните избори ќе бидат одложени, а исто така се сопира реализацијата на сите реформи, вклучувајќи ја реформата на пензискиот систем поради која Французите во изминатите месеци протестираа.

„Се наоѓаме во состојба на војна, не против некои други држави, туку во санитарна војна“, изјави Макрон.

Францускиот претседател порача дека движењето во земјата ќе биде сериозно ограничено на две седмици и дека собирањата на поголеми групи на улиците ќе бидат забранети.

Движењето низ улиците ќе биде дозволено само во следните случаи – за купување на намирници, доколку на некому му е потребна медицинска помош и доколку некој оди на работа. Французите од денес нема да мораат да ги плаќаат сметките за електрична енергија, вода и гас, како и за станарина, за да не се случи некој да остане без средства.

Според последните податоци, во Франција има 5,423 лица заразени од коронавирусот, а досега починаа 127 лица.

(0 гласови)

Министерот за внатрешни работи Наќе Чулев на денешната прес-конференција замоли граѓаните да ги почитуваат препораките на Владата и Министерството за здравство за заштита од коронавирусот, посочувајќи дека Министертсвото за внатрешни работи презема широк спектар на мерки и активности, со цел заштита на здравјето на граѓаните на нашата држава.

Чулев денеска упати апел до граѓаните да се воздржат од патувања надвор од територија на државата, но и да го ограничат движењето и собирањето во поголеми групи на граѓани во текот на работниот ден.

-Има многу граѓани кои што се на привремена работа во странство, лица кои живеат во странство, се ближат и Велигденските празници и во католичките земји, така да апелирам воопшто да не се обидуваат да доаѓаат во нашата држава бидејќи постои сериозна можност истите да бидат заглавени на граничните премини, но и да ја донесат заразата во нашата држава. Оние луѓе кои се заглавени, апелирам да останат таму каде што се. Доколку има потреба, ќе се организира хуманитарен конвој меѓутоа тоа е многу тешко, затоа што граничните премини не се контролирани од МВР, туку тоа зависи од одлуката други држави, истакна Чулев.

Информира дека МВР отвори бесплатна линија на која сите граѓани можат да се информираат за сите активности од ингиренции на Министерството, а кои се поврзани со постапувањето на МВР во врска со спречување на ширењето на коронавирусот.

Телефонскиот број е 0800 00201, работи 24 часа, седум дена во неделата. Бројот е на два јазика, на македонски и албански јазик.

Отворена е и мејл адресата на Министерството Оваа е-адреса е заштитена од спамботови. Треба да ви е овозможено JavaScript за да ја видите., за поставување прашања или пријавување случаи за непочитување на инструкциите и одлуките на Владата во врска со справувањето со коронавирусот.

(0 гласови)

Полицијата обезбедува 173 лица само во Скопје, кои се во домашна изолација. Во изолација се и жители на Тетово, Охрид, Битола, Куманово, Струмица.

Досега исконтролирана е работата на 243 угостителски објекти, за кои според мерките од Владата има посебни правила на работа.

Ова на прес-конференција го соопшти техничкиот министер за внатрешни работи, Наќе Чулев, информирајќи дека поднеле и две кривични пријави за лица од Струмица и Тетово кои наместо во самоизолација, ги напуштиле своите домови.

„СВР Битола обезбедува 13 лица кои се во домашна изолација. Во Тетово 16 лица се обезбедуваат кои исто се во домашна изолација, при што е забележано едно прекршување на мерката за што е запознаено ОЈО Тетово и се работи на расчистување на случајот. СВР Охрид спроведува мерка за 82 лица кои се под здравствен надзор и домашна изолација, а контролирани на територија на СВР Охрид се вкупно 131 угостителски објект. СВР Струмица обезбедува 12 лица кои се под мерка здравствен надзор, едно лице ја прекршило забраната за што се превземени мерки од полицијата и е поднесена пријава до Обвинителството. СВР Куманово обезбедува шест лица од кои поради место за престој две се на територија на СВР Скопје. СВР Куманово изврши контрола на 40 угостителски објекти и не е утврдено прекршување. СВР Штип обезбедува осум лица кои се под мерка домашна изолација“, соопшти министерот за внатрешни работи.

Најави и ригорозни контроли за сите кои се во самоизолација, со цел да се провери дали ја почитуваат мерката.

„МВР ќе спроведува ригорозни контроли за да се утврди дали лицата кои имаат ваква наредба истата ја почитуваат. Доколку се утврди непочитување, тогаш ќе биде поднесена соодветна пријава по член 205 и 206 од Кривичниот закон, а тоа се пренесување на заразна болест и непостапување на здравствени прописи во време на епидемија“, рече Чулев.

Тој инфрмираше дека МВР отстапило возила за армиските службеници за да постапуваат во кризните региони.

Чулев кажа дека било асистирано и за спроведување на странски државјани кои биле заглавени на странски територии.

(0 гласови)

Во Хрватска се потврдени уште девет случаи на заразени со коронавирус, така што вкупниот број на инфицирани се зголеми на 65 лица, изјави министерот за здравство Вили Берош.

Берош во телевизиска изјава рече дека досега се излекувани четворица пациенти.

Досега, повеќе од 800 лица биле тестирани за вирусот во Хрватска, додека 8.464 лица се под надзор.

Од друга страна, во Црна Гора сè уште нема пациенти со коронавирус, соопшти денеска Институтот за јавно здравје во оваа земја.

„Сите наоди, вклучително и вчерашните, се негативни“, рече епидемиологот Игор Галиќ.

Вчера биле тестирани 10 лица, а досега вкупно се направени 98 тестови.

(0 гласови)

Францускиот претседател Емануел Макрон одржа говор во кој на нацијата ѝ порача дека Франција е во војна со коронавирусот и објави рестриктивни мерки.

Франција веќе ги затвори сите ресторани, кафетерии, училиштата и дургите објекти кои не се поврзани со директна продажба на храна или лекови. Во крајно сериозното обраќање до нацијата, Макрон порача дека денес од пладне ги повикува сите граѓани да не излегуваат од дома освен само во итни случаи.

На француските улици излегуваат околу 100 илјади припадници на полицијата, ќе се поставуваат контролни пунктови и сите кои ќе бидат затекнати на улиците ќе мора да имаат добро оправдана причина зошто се надвор, во спротивно ќе бидат казнувани. Макрон порача дека преголем број на граѓани ги игнорирале препораките, се дружеле по паркови и јавни површини загрозувајќи се себеси и здравјето на другите.

Ситуацијата во Франција, како и во Шпанија потсетува на ескалацијата која веќе ја видовме и уште трае во Италија. Со други зборови, најцрните сценарија веќе се остваруваат и со самото тоа мерките стануваат се построги. Веќе и пишувавме за динамиката на ширење на коронавирусот и дека за 9 до 14 дена ќе гледаме „италијанско сценарио“ во уште неколку земји – за жал, проценките на научниците започнаа да се остваруваат.

 

Економскиот удар на компаниите исто така ќе биде без преседан, иако се поголем број на земји, исто како и нашата, најавуваат мерки кои би требало да ги ублажат последиците. Бројни месеќни давачки, рентата и комуналиите се укинуваат, а државите ќе почекаат и со собирањето на данокот.

Секако, секоја држава ќе реагира различно, но сите ќе мораат да употребат барем дел од своите финансиски залихи за да се спречи крах на економијата. Можеби и најлесно ќе им биде на земјите членки на Европската унија кои ќе побараат помош од Брисел, иако не е прецизирано дали и колку средства ќе бидат одобрени за таква намена.

Дури и тие кои ја потценуваат разорноста на COVID-19 не можат да го игнорираат фактот дека на здравствениот систем ширум светот му се заканува крах. Има и голем број на научници чиј став сега е променет од првичниот од пред неколку месеци, со оглед на тоа што заразата се шири со брутална брзина и ситуацијата е крајно непредвидлива.

 

Би било разбирливо доколку цела Европа сакајќи да го избегне сценариото од Кина воведеше максимален карантин, но тоа не се случи така одлучно. Поради „надевањето“ дека нема да повтори ситуацијата од Кина, сега Европа за жал би можела да помине уште полошо од Кина. Статистички гледано станува јасно дека ситуацијата многу ќе се влоши, пред да започне да се подобрува. Тоа што може да се каже со апсолутна сигурност е дека драстичните мерки ќе придонесат за смирување на ситуацијата и враќање во нормала, но каков свет ќе пронајдеме по добивањето на војната со коронавирусот останува да видиме, а проценката е следна – економски уништен свет.

Зошто во Италија има толку многу мртви?

Следејќи ја ситуацијата во изминатите денови, едно прашање посебно се издвојува – зошто во Италија има толку многу починати од коронавирусот. Ако тргнеме од претпоставката дека Италија, Германија, Франција и другите западноевропски земји известуваат правилно за своите бројки, веднаш ќе воочиме еден парадокс, а за компарација сега ќе ги земеме Франција и Германија.

Број на заразени во Германија: 7,272

Број на заразени во Франција: 6,633

Број на починати во Германија: 17

Број на починати во Франција: 148

Разликите се преголеми за да кажеме дека станува збор за некоја статистичка грешка. За што станува збор? Кој е потенцијалниот одговор на прашањето зошто во Франција има повеќе починати? Постојат многу фактори, а експертите се обидуваат да ги пронајдат одговорите.

Во Италија и Франција има повеќе стари луѓе? Но, ги има и во Германија. Италијанците повеќе пушат цигари? Да, но во Кина пушат уште повеќе. Различни „генетски својства“, на пример на Французите и Германците? Нема никакви докази за тоа. Според податоците, вирусот подеднакво „силно“ удира на сите расни, етнички и други подвидови на хомо сапиенс. Но, можеби одговорот се крие во пристапот – пристапот на справување со болеста.

Имено, сите знаеме дека заболените од коронавирусот имаат симптоми на „класичен грип“, некои посилни, некои поблаги во зависност од имунитетот на лицето. Што мислиме под „пристап“? Се мисли на тоа што лицето го прави кога има вироза, настинка, грип... Дали мирува, дали зема лекарства и за какви лекарства станува збор? Францускиот министер за здравство, Оливие Веран овој викенд порача дека некои лекови, примарно оние кои се користат за намалување на температурата, притоа наведувајќи ги ибупрофен и кортизон, можат да го направат коронавирусот поопасен за заболеното лице. Притоа, тој напомена дека луѓето наместо ибупрофен, треба да земаат парацетамол. Разликата во двата лекови е тоа што ибупрофенот се метаболизира (разградува) во бубрезите, а парацетамолот во црниот дроб.

 

Зошто едниот лек е поопасен од другиот во борбата со коронавирусот, францускиот министер не објасни, но со него делумно се сложи познатиот британски научник Џон Кембел кој смета дека не треба да се зема ибупрофен. Но, тој порача дека не треба да се зема и парацетамол, затоа што и двата лекови ја намалуваат температурата, а температурата е природен одбранбен механизам против вирусите.

Зошто ова го споменуваме кога правиме компарација на бројот на починати во Франција и Германија? Ова е лаичка претпоставка, но можеби постојат некои културални разлики кога станува збор за лекувањето кај овие два народи. Можеби Италијанците најмногу се плашат од високата температура, земаат лекови на своја рака и со тоа ја губат војната со коронавирусот? Секој народ е различен како и секој поединец, па можеби различниот пристап на лекување од коронавирусот е одговорот на прашањето зошто во една земја има повеќе, а во друга помалку починати.

Покрај тоа, голема улога игра и здравствениот систем, иако здравствените системи на трите земји се горе-долу исти и премногу развиени. Во случајот на Италија, дојде до пренатрупување на болниците, па докторите мораа да одлучуваат кој пациент има приоритет. Тој што нема, во најголем од случаите – ја губи војната со коронавирусот.

COVID-19

Новиот коронавирус е токму нов вирус и се што човештвото за него знае или мисли може да се покаже дека не е точно, па затоа мора да се следат советите на здравствените лица, затоа што на крајот на денот секој поединец е одговорен за своето здравје, но и здравјето на другите.

Секој поединец мора да работи на тоа да не се зарази од коронавирусот, барем не во оваа фаза додека светот работи на тоа да добие ефикасни лекови и вакцини. Хигиената мора да биде на максимум, а контактот со другите луѓе на минимум.

Дури и ако сте горди на вашиот силен имунитет, мора да водите сметка дека можете да заразите некој друг кој нема така силен имунитет, а во ваквите моменти секоја наредна хоспитализација може да го стави докторот пред најтешкиот предизвик во кариерата – да носи одлука кој треба да живее, а кој да умре.

(0 гласови)

Извештајот бил направен во знак на сеќавање на д-р Ли Ванлијанг (1986-2020), докторот кој ја откри епидемијата коронавирус. Благодарение на докторите од Кина, во едно од најдобрите медицински списанија на светот „The New England Journal of Medicine“, на 28-ми февруари 2020-та година, објавена била анализа на клиничките карактеристики на инфекцијата коронавирус. 

Од декември 2019-та година, кога во Вухан - градот со 11.8 милиони жители се појави коронавирусот, истиот набрзо се прошири низ цела Кина и светот. 

Болеста официјално беше наречена коронавирус болест, односно Ковид-19, а вирусот SARS-CoV-2 (англ. Severe Acute Respiratory Syndrome Coronavirus 2).

Анализирани биле 1.099 пациенти со лабораториски потврден Ковид-19 вирус од 552 болници во 30 провинции во Кина, до 19-ти јануари 2020-та година. Просечната старост на пациентите била 47 години, а 41.9 отсто од пациентите биле од женски пол, од кои најголемиот дел од нив непушачи (85.4 отсто).

Извештајот бил направен во знак на сеќавање на д-р Ли Ванлијанг (1986-2020), докторот кој ја откри епидемијата коронавирус. Благодарение на докторите од Кина, во едно од најдобрите медицински списанија на светот „The New England Journal of Medicine“, на 28-ми февруари 2020-та година, објавена била анализа на клиничките карактеристики на инфекцијата коронавирус. 

Од декември 2019-та година, кога во Вухан - градот со 11.8 милиони жители се појави коронавирусот, истиот набрзо се прошири низ цела Кина и светот. 

Болеста официјално беше наречена коронавирус болест, односно Ковид-19, а вирусот SARS-CoV-2 (англ. Severe Acute Respiratory Syndrome Coronavirus 2).

Анализирани биле 1.099 пациенти со лабораториски потврден Ковид-19 вирус од 552 болници во 30 провинции во Кина, до 19-ти јануари 2020-та година. Просечната старост на пациентите била 47 години, а 41.9 отсто од пациентите биле од женски пол, од кои најголемиот дел од нив непушачи (85.4 отсто).

Само 1.9 отсто од пациентите имале историја на директен контакт со диви животни. 

Најчестите симптоми биле грозница (43.8 отсто при прием и 88.7 отсто во текот на хоспитализацијата) и кашлање (67.8 отсто). Дијареата била невообичаена (3.8 отсто). Фактот дека кивавица имале помалку од 5 отсто од пациентите кажува за различна клиничка слика во однос на вообичаениот грип. 

Најголем број од пациентите претходно немале никаква болест додека пак зголемениот крвен притисок, дијабетес и болест на крвните садови биле најчестата патологија кај останатите пациенти. 

Просечната инкубација била 4 дена, со распон од 2 до 7 дена. 

Наодот на млечно стакло (англ. Ground0glass opacity) бил најчест радиолошки наод на компјутерската томографија на градите (56.4 отсто). Наоди без радиогравски или ЦТ абнормалности пронајден биле кај 157 од 877 пациенти со блага клиничка слика и кај 5 од 173 пациенти со тешка болест. 

Лимфоцитопенијата била присутна кај 83.2 отсто од пациентите, додека пак биохемиските наоди покажале дека значајно е зголемен Ц реактивниот протеин (60.7 отсто), Д-димер (46.4 отсто) и лактат дехидрогенеза (41 отсто). 

Поголем дел од пациентите примиле интравенска антибиотска терапија, терапија со кислород и системски глукокортикоиди. 

Средното траење на хоспитализација било 12 дена

Иако авторите на оваа студија изјавиле дека имало одредени ограничувања, поради некомплетна документација, нецелосно медицинско тестирање и лабораториска дијагностика, нивната работа е исклучително важна затоа што докторите ширум светот даваат податоци со каква болест се соочуваат пациентите, каква клиничка слика имаат, текот на болеста и исходот на истата.

(0 гласови)

Во САД досега се регистрирани 4,500 случаи на коронавирус, бројот на починати е 79, но младата популација очигледно и натаму не води сметка за предупредувањата на експертите и ги игнорира советите за карантин кои помагаат во спречување на ширењето на Covid-19.

Ова најдобро го покажуваат фотографиите и снимките направени деновиве на плажите ширум Флорида. Стотици, ако не и илјадници луѓе, претежно млади лица, ги игнорираа препораките на американските власти и ги окупираа плажите, рестораните, кафетериите и дискотеки. Поради ова, локалните власти се заканија со парични и затворски казни.

„Spring break во Мајами и дефинитивно заврши. Имате мајки, баби, можеби и прабаби. Тој вирус за нив може да биде исклучително опасен“, порача градоначалникот на Мајами, Дан Гелбер.

Со 149 заболени и четири починати лица од коронавирусот во сојузната држава Флорида, од кои многу се тинејџери или лица во рани 20-ти, медицинските експерти и сојузните власти побараа откажување на сите случувања на кои учествуваат повеќе од 50 лица.

Слични проблеми со неодговорни студенти минатиот викенд имаше и Ирска каде што во повеќе градови биле организирани „ковид/вирус забави“, на кои присуствувале стотици млади луѓе.

„Згрозен сум од таквото себично и крајно неодговорно однесување“, изјави професор по експериментална имунологија од Универзитетот Тринити.

(0 гласови)

Номад кафе бар денеска ги извести сите вработени во Државната болница дека од денеска тие ќе бидат во нивна служба и бесплатно ќе може да земат кафе и сокови.

Номад кафе бар во служба на медицинскиот персонал: Бесплатно кафе и сокови за сите вработени во Државна болница

Top