Претседателот на Русија, Владимир Путин и претседателот на Франција, Емануел Макрон, денеска разговарале за ситуацијата во Украина непосредно пред самитот на Нормандиската четворка во Париз, кој треба да биде одржан на 9-ти декември, соопшти прес-службата на Кремљ.

Двете страни истакнале дека таквиот состанок би требало да промовира најбрзо и целосно спроведување на Минскиот договор, стои во соопштението. Во овој контекст била потенцирана потребата Киев да се придржува кон своите обврски во политичките аспекти на оваа спогодба. 

 

Пред сè, тоа се однесува на спроведување на законот за специјален статус на Донбас, соопшти Кремљ. Во телефонски разговор, Путин го известил Макрон за предавањето на три бродови на украинските претставници во Црното Море, кои биле задржани поради провокации во Керч, на 25.11.2018-та година, се вели во соопштението.

Германскиот парламентарец Александер Ној се согласил со изјавата на претседателот Макрон за кризата во НАТО сојузот, додавајќи дека распадот на тој пакт за него е добредојден.

"САД, заедно со Турција, го копаат гробот на НАТО сојузот, поради тоа што го експлоатираат исклучиво за сопствена корист", рекол претставникот на Левата партија Александер Ној. 

"До неодамна, Америка тежнееше исклучиво кон остварување на своите цели, вклучувајќи го тоа што го правеа преку НАТО, а веќе неколку години сме сведоци дека и Турција го следи тој тренд. НАТО се распаѓа и тоа го дочекувам со раширени раце", додал Ној.

Изјавата на Ној уследила речиси една недела откако претседателот на Франција, Емануел Макрон, прогласил мозочна смрт на НАТО, алударајќи на непредвидливоста и неможноста за потпирање на САД, додека на местото претседател е Доналд Трамп, наведува "Sputnik".

 

Меѓутоа, изјавата на Макрон наишла на критики од германската канцеларка Ангела Меркел и генералниот секретар на НАТО, Јенс Столтенберг, кои го критикувале претседателот на Франција поради употреба на драстични зборови. Воедно истакнале и дека НАТО треба да остане главен столб на гаранцијата на германската безбедност.

И покрај тоа, изјавата на францускиот претседател повторно го предизвикала бранот започнат минатата година, кога Макрон и Меркел го истакнале значењето на постоење на европска војска независна од САД и НАТО, која би била способна да се брани сама.

Брзото одобрување на средствата и каматната стапка се најважните услови за граѓаните при изборот од каде ќе земат кредит кога им се неопходни средства. Меѓу важните критериуми ги наведуваат и тоа дали им треба жирант, колку вкупно ќе вратат, а кај некои само колку ќе биде ратата за кредитот. На располагање им се различни понуди од банките, кои истакнуваат дека секогаш сакаат да излезат во пресрет на барањата на потрошувачите.

Потрошувачките кредити се најбараните во банките. Податоците на Народната банка покажуваат дека заклучно со 30 јуни 2019 година се издадени потрошувачки кредити во износ од 89.389 милиони денари, каматната стапка кај денарските кредити со девизна клаузула се движи од 3,30 до 6,17 отсто, а кај кредитите без девизна клаузула од 5,09 до 6,91 отсто. Кај потрошувачките кредити во евра се движи од 4,03 до 5,84 отсто, а просечната е 5,46 отсто. Просечната каматна стапка кај сите кредити изнесува 5,84 отсто.

Од Халк банк на потрошувачите им порачуваат дека кога се одлучуваат за потрошувачки кредит треба да внимаваат на каматната стапка, рокот на отплата, начинот на аплицирање и дополнителните трошоци, а порачуваат да се гледаат предностите на понудата и да се искористат промотивните периоди.

Пари секогаш се потребни, велат од банките, дали за обнова на дотраен апарат во домаќинството, за нов мебел, нов компјутер, за студии за децата, за патување, убав одмор.

– Желби и потреби секогаш има многу, а заштедени средства најчесто недоволно за нивно задоволување. Во ваква ситуација решение кое стои на располгање е позајмување средства од банка преку подигнување потрошувачки кредит, посочуваат од банката.

Висината на каматата е важна бидејќи од неа зависи ратата. Колку е помала каматната стапка, толку е поголема и заинтересираноста на потрошувачите за одреден вид кредит, наведуваат од Халк банк, посочувајќи на нивната понуда за Релакс потрошувачкиот ненаменски кредит со животно осигурување каде што каматата за првите две години е фиксна и изнесува пет отсто. А дополнително до 15 декември се намалени и дополнителните трошоци.

Им посочуваат на потрошувачите дека и рокот на отплата исто така е важен, бидејќи кусиот временски период на отплата носи повисока рата за кредитот и помалку средства за тековните потреби.

– Рокот на отплата на кредитот е важен особено при подигнување кредит со поголем износ. Токму затоа од Халк банк велат дека нивниот кредит нуди отплата на период до 120 месеци за износ до 1.200.000 денари.

Со дигитализацијата на процесите на граѓаните им е важно да може да аплицираат електронски, да не мора да одат и да губат време во банките, туку тоа да го направат од компјутер, лаптоп… Преку веб-страниците на банките може да се направи и пресметка за висината на ратата.

Од Халк банк велат дека она на што потрошувачите не обрнуваат многу внимание е висината на дополнителните трошоци, како што се за обработка на договорот.

Она што се порачува до граѓаните е да ги користат промотивните периоди во кои може да има намалени каматни стапки, да не се наплати надомест при предвремена отплата, да не се наплати провизија за обработка на кредитот и слично.

Од Охридска банка наведуваат дека континуирано работат на овозможување одлично корисничко искуство со креирање понуди што одговараат на специфичните потреби на клиентите и дека во таа насока нудат два типа потрошувачки кредит во зависност од износот. Така промотивно преку Лесен кеш кредит до крајот на годината каматната стапка е 5,1 отсто за првата година. Износот е до 1.200.000 денари и максимален рок на отплата од 95 месеци.

Од банката потенцираат дека и во иднина ќе продолжат со работа на подигнување одлични понуди кои ќе поддржат идеи, замисли и лесно остварување на желбите на клиентите.

Граѓаните оценуваат дека може лесно да се дојде до потребните средства, но оти при изборот и кога им требаат пари најчесто прва станица каде што ќе се обратат е во банката во која земаат плата.

Извор https://denar.mk

По улиците низ земјава се вози кршот од  Европската унија, па така за 10 години се увезени дури  304.183 половни автомобили од странство.

Ова го покажува статистиката на Царинската управа за увозот на возила, според која од 2010-та година кога беа воведени поволностите од претходната Влада за слободен увоз на странски половни возила во земјава рапидно расте бројот на увезените половни на сметка на увозот на новите возила. И додека граѓаните се гушат во загадениот воздух, статистиката покажува дека добар дел од овие автомобили се дизел и со ЕУРО 3 или 4 стандард, односно испуштаат многу повеќе издувни штетни гасови за животната средина. Власта пак сеуште калкулира и со еколошките налепници, со кои требаше да се обележат возилата според тоа колку загадуваат.

Пет пати поголем увозот на половни наспрема нови автомобили

Податоците на Царинската управа покажуваат дека само до септември  годинава во земјава се увезение 25.562 половни возила од странство. По годините бројките варираат и просекот се движи од околу 23.000 до 35.000 увезени половни возила. Најголемиот бум на пазарот се случил токму во 2010-та година кога биле увезени дури 51.399 половни возила.

Статистиката покажуава дека во 2009 година заедно со товарните биле увезени вкупно 16.151 возила, од кои само 2.944 биле половни, а дури 10.574 биле нови. Од таа година па наваму, увозот на нови автомобили паднал за повеќе од половина

Дури 270.000 автомобили се постари од 15 години

Податоците на државниот завод за статистика покажуваат дека повеќе од половината од возниот парк во земјава е постае од 15 години. Така од регистрирани  415.051 патнички автомоболи лани, дури 270.075 се со година на производство пред  2004 година. Додека пак во 2018 година се регистрирани само 4.138 нови автомобили.

Лани биле регистрирани  415.000 автомобили, половината возат на дизел

Податоците покажуваат дека лани во земјава биле регистрирани 415.062 автомобили од кои 208.805 возеле на дизел. Додека 194.384 биле на бензин, а 11.706 возеле и на бензин и на гас.Статистиката покажува дека од година во година се регистрираат се повеќе автомобили

Извор https://denar.mk

Обидот на принцот Ендру да ги разјасни своите пријателски односи со финансиерот педофил Џефри Епстајн во интервјуто кое го дал за BBC се претворил во фарса.

Таа фарса се заканува да прерасне во најголема катастрофа во кралското семејство од 1997-ма година и начинот на кој семејството се однесувало кон смртта на Дајана, пренесува "Bloomberg". 

Британскиот принц Ендру прв пат во интервју за BBC вчера одговарал на прашања за врските со осудениот педофил Епстајн, во кое признал дека било грешка што престојувал во неговата куќа.

Принцот Ендру во едно од ретките интервјуа вчера за BBC категорички ги отфрлил наводите дека имал сексуален однос со Американката Вирџинија Робертс, која го обвинила за сексуално злоставување во времето кога била малолетна.

Таа тврди дека тоа се случило три пати во 2001-ва и 2002-ра година, кога имала 17 години во Лондон, Њујорк и на приватниот остров на Епстајн на Девствените острови.

Повеќечасовното интервју веднаш станало ударна тема на социјалните мрежи. Реакции имало премногу, но малку му оделе во прилог на принцот.

Многу медиуми и аналитичари оцениле дека тој дури и не во состојба да излаже како што треба. Одговорите кои принцот ги давал сигурно уште долго ќе предизвикуваат осуди, а посебно оној дека четири дена престојувал во вилата на Епстајн во 2010-та година, затоа што му било "многу комфорно".

Посетата за која станува збор уследила неколку месеци откако Епстајн бил ослободен од домашен притвор во кој се наоѓал поради злоставување на малолетнички.

Марк Стивенс, медиумски експерт, рекол дека интервјуто претставувало катастрофална грешка и додал дека таквата стратегија има смислол само ако имате целосен и јасен и одговор на секое прашање, а во интервјуто Ендру имал многу несигурни и климави одговори.

Принцот Ендру веќе со месеци е под притисок поради врските со Епстајн, 66-годишниот американски финансиер, кој откако бил обвинет за сексуално злоставување на малолетнички во подолг период извршил самоубиство во август во затвор во Њујорк.

Четири лица биле убиени во пукање кое се случило на една забава во американскиот град Фресно во Калифорнија, соопштила полицијата.

Во пукањето кое се случило на една забава во југоисточниот дел на градот, застрелани биле 10 лица. Три лица веднаш починале, а четвртата жртва починала во болница.

Полицијата соопштила дека шест од повредените закрепнуваат во болница, пренесува "AP".

"Тоа било собир на семејство и пријатели кои седеле во двор и гледале фудбал, кога непознати напаѓачи отвориле оган", соопштила полицијата.

Тоа било втор вооружен напад во неделата во Фресно, бидејќи претходно едно момче било убиено во друг дел на градот.

Полицијата не соопштила дали инцидентите се поврзани.

Израелската авијација заедно со сојузниците од САД и Европа одработила задача за борба против рускиот ракетен систем S-400 на воените игри "Сино знаме" одржани на аеродромот Увда, соопштил порталот "Breaking Defence".

Во маневрите учествувале американски, германски, италијански и грчки пилоти, а користени биле неколку израелски ловци од петтата генерација F-35I и F-16I, како и повеќе од 30 бомбардери на други земји. 

Меѓу нив биле и F-35, F-16 и "Eurofighter".

Ловците вежбале воздушна битка и авион-напади на системот за одбрана S-400, кој бил имитиран од американскиот комплекс MIM-104.

Вежбите се одржале во близина на зоната на борбени дејствија во појасот Газа.

 

Еден полицаец во Хонгконг денес е ранет со стрела за време на судирите меѓу демонстрантите и полицијата.

Ранетиот полицаец бил распореден во кварт во близина на Политехничкиот универзитет. 

Полицијата објавила фотографии од својот припадник кој со стрела бил ранет во нога.

 

Во Хонгконг е забележан пораст на насилствата минатите седмици со интензивни улични судири на полицијата и демонстрантите, како и на судирите на универзитетите.

Антивладините протести влегле во шестиот месец.

 

 

Водачот на навивачката група на Партизан “Алкатраз“, Љубомир Кича Марковиќ, вчера беше погребан, а зад неговата ликвидација која судејќи според околностите била долго подготвувана однапред, останале отворени многубројни прашања.

Криминологот Добривоје Радовановиќ за српски “Блиц“ вели дека судејќи според снимката на злосторот, ликвидацијата ја извршил професионален убиец.

На снимката која ја забележале безбедносните камери се гледа дека водачот на “Алкатраз“ со ранец на рамениците стоел пред балонот и чекал да премине улица за да се упати кон својот автомобил.

Во следниот момент позади грб му приоѓа маскирана личност која очевидците ја опишале како млад маж, облечен во долга, светла јакна со капа на главата. Марковиќ го забележал кога истиот стоел на еден метар оддалеченост и веднаш почнал да бега кон бензинската пумпа.

 

Дали тоа го направил затоа што видел познат лик од порано па знaел дека ќе следи пукање или пак тргнал во бегство поради тоа што го видел оружјето кое убиецот го ивадил од џебот не може јасно да се заклучи од видеото, но криминологот објаснува дека според деталите јасно е дека станува збор за професионалец.

„Тоа што пред многу сведоци извршил убиство е вообичаено за професионалците, тие не внимаваат дали има сведоци, дали може да има невини жртви, дали има камери... Тој добил пари и задача и тој ќе го направи тоа. Тоа што Марковиќ паднал на земја, а овој пришол да пука од близина исто така е одлика на професионалците“ - објаснува криминологот Радовановиќ.

Особено невообичаено за него бил фактот што Марковиќ гледајќи што следува почнал да бега.

„Не ми е јасно зошто почнал да бега кога убиецот му пришол толку многу блиску. Тој му се приближил од страна на грбот, прекриен со некоја облека за да не може да се види и кога го забележал почнал да бега. Шансите да побегне од напад со пиштол се еднакви на нула, а кога би започнал контра напад и кога би пружил отпор, шансите за да преживее би биле поголеми. Било каков начин на самоодбрана би му помогнале на некој начин“ - вели Радовановиќ.

Од друга стана пак, полицијата исто така истражува дали Кича знаел дека подготвена му е ликвидација на што укажува фактот што со себе носел оружје дури и кога оди да игра мал фудбал.

 

За мотивите се претпоставува

Полициската истрага и понатаму е во тек, а доказите укажуваат на неколку можни решенија. Извори блиски до случајот велат дека злосторството било иницирано од тоа што Марковиќ наводно сакал да оформи нова навивачка група.

Според тие информации, би станувало збор за навивачка група во чии редови би се нашле луѓе кои сега припаѓаат на некои други фракции. На чело на таа група требало да биде тој и водачот на групата “Шедоус“, Горан Кљештан нарекуван Боска, кој на почетокот на октомври под нејанси околности починал во теретана во текот на тренинг.

Криминологот Радовановиќ сепак мисли дека најверојатно станува збор за “центар кој продава дрога“.

Тоа што засега е јасно е дека ликвидацијата била однапред добро испланирана. Екзекуторот кој имал засилување ги знаел навиките на Марковиќ, дека тој ден ќе оди да игра мал фудбал.

Германските власти предложија мерка со која вакцинирањето на децата против мали сипаници ќе биде задолжително, а за непочитување на законот се предвидени парични казни до 2,500 евра, одлучи Бундестагот.

„Заштитата од мали сипаници е заштита на децата. Овој закон ги штити најслабите од зарази“, изјави германскиот министер за здравство Јенс Спан за време на дебатата која му претходеше на изгласувањето на законот во германскиот Бундестаг.

Тој порача дека малите сипаници не се „мала болест“ затоа што против ова не постои терапија.

Од март идната година родителите при запишувањето на нивните деца во училиштата и градинките ќе мора да достават и потврда дека нивното дете е вакцинирано против мали сипаници. Родителите на децата кои што се веќе запишани на училиште или градинка ќе можат дополнително да однесат потврда во 2021-ва година.

Децата кои не се вакцинирани нема да можат да бидат запишани на училиште или во градинка, а предвидени се и парични казни до 2,500 евра.

Исто така, обврзани од вакцинација се и вработените во училиштата и градинките, но и вработените во медицинските установи, како и „жителите“ на центрите за бегалци и подносителите на барање за азил.

Во позадината на носењето на овој закон е нагло зголемениот број на заболени деца од мали сипаници. Само оваа година, како што соопштија од Институтот за заразни заболувања Роберт Кох, пријавени се нови 501 случаи.

За успешно сузбивање со ширењето на заразата и создавање на посилен имунитет потребна е квота на вакцинираност на 95% од населението, а тоа Германија досега го нема постигнато. Моментално процентот на вакцинираност во најразвиената европска држава се движи околу 93%.

Инаку, досега вакцинирањето во Германија против мали сипаници беше доброволно.

Top