Швајцарците на референдум го одобрија новиот закон за оружје

Швајцарците денеска на референдуми ги одобрија законските измени за заострување на условите за поседување на оружје.

За измените гласале 67 проценти од избирачите, а 33 биле против.

Ако не поминеа измените, на Швајцарија и се закануваше да биде исклучена од европските договори од Шенген и од Даблин, кои земјата ги почитува иако не е членка на ЕУ.

Заострените услови за поседување оружје се однесуваат на полуавтоматското оружје со големи шаржери и на некои видови пушки.

Швајцарците денеска на референдум ги одобрија и реформите на даночниот и пензискиот систем.

Top