Што кријат Германците од остатокот од светот?: На “Google Street View” само Германија е “празна”, а постојат неколку причини за тоа

Кога од “Google” се обиделе да ги снимаат германските улици, Германците буквално полуделе, а имало и неколку инциденти во кои биле искршени возилата и камерите на компанијата.

Се поставува прашањето дали историските причини се доволни за недоверливоста кај Германците кон нив и дали “Google” е лош како Гестапо или Штази, но генералниот став е дека “Google Street View” не е добредојден. 

Од своето лансирање во 2007 година, “Google” мапираше милиони километри улици ширум светот, а снимал дури и во вселената и океанот, но во Германија нема пристап. Ако кликнете на иконата “pegman” на мапата на “Google”, ќе се појави интересна слика – цела Европа е прекриена со сини линии кои индицираат дека апликацијата е достапна, но Германија и Австрија се речиси сосема празни.

 

Има неколку можни причини за тоа, а една од нив е тоа што Германците се славно љубоморни на својата приватност, а тоа е став кој го делат со своите културолошко блиски соседи – Австријците.

Германците се екстремно посесивни околу своите лични податоци и нив ги шокира спремноста на останатите жители во светот да ги делат своите имиња, адреси, листа на пријатели и онлајн историјата на пребарување.

Според истражувањето објавено во магазинот “Harvard Business Review”, еден просечен Германец е спремен да плати до 184 долари за да ги заштити своите здравствени податоци. Од друга страна, тоа за просечниот Британец вреди максимално 54 долари, а за Кинезите тој трошок може да биде и едноцифрен.

Причината е траума од дури два тоталитарни режими над своите глави во своето неодамнешно минато – Третиот Рајх и комунистичката Источна Германија. И двата режими барале тотална контрола над своите граѓани, а во годините нацизам, најважниот инструмент на државата била тајната полиција Гестапо, додека во Источна Германија тоа биле Штазите.

Како и кај многу други аспекти на нацистичкото владеење, повоената Германија применила “ни видер” политика, кога е во прашање кршењето на приватноста.

Тоа е една од причините зошто првиот член од тогаш уште само западен германски повоен Устав вели: “Човековото достоинство ќе биде неприкосновено. Неговата почит и заштита е должност на сите државни тела”.

Top