Наумовски не е оптимист дека проблемот со Грција ќе биде решен - Нимиц оптимист

Mакедонскиот претставник во разговорите за името, амбасадорот Васко Наумовски вели дека предлозите изнесени од медијаторот Метју Нимиц се далеку од достоинствено решение. 

Тој додаде дека не е оптимист дека проблемот со Грција ќе биде решен.

„Нашата држава има име, тоа е Република Македонија, името што е во основата на нашиот идентитет. Исто така, денес во 2018 година никој не може да го негира постоењето на македонскиот народ и македонскиот јазик. Од страна на медијаторот денеска беа презентирани некои идеи за коишто сметам дека излегуваат од оваа рамка и дека се далеку од едно достоинствено решение, но, сепак, овие предлози ќе бидат презентирани пред државно-политичкиот врв и истиот ќе може да заземе став по ова прашање“- изјави Наумовски за известувачот на Сител.

Нимиц пак рече дека на повидок е решение на името по 27 години.